Skip to Content

IES Leiras Pulpeiro

Campionato De España De Centros Escolares De Orientación

Os días 12, 13 e 14 de abril, na localidade vallisoletana de Portillo, celebrouse Campionato de España de Centros Escolares de Orientación (CECEO). Esta foi a primeira vez que o noso instituto participou nun evento de categoría nacional neste deporte, despois de varios cursos competindo nas fases provinciais e autonómicas.

A expedición estivo formada por cinco equipos (23 alumnas e alumnos) e dúas profesoras, Luisa Felpeto e Belén García, que contaron coa inestimable axuda de Fabián.

O programa empezou o venres cun sprint nocturno, continuando o sábado coa proba intermedia e os relevos da amizade. A competición finalizou o domingo coa proba de relevos clásicos. No CECEO participaron alumnas e alumnos de distintos centros escolares de España.

A nosa alumna de 4º de ESO Sara Nogueras Porto gañou a carreira de distancia sprint e subiu ao terceiro posto do podio en distancia intermedia en categoría cadete. Na clasificación final por centros escolares as compoñentes da categoría Infantil feminina obtiveron un meritorio cuarto posto e as alumnas da categoría cadete feminina quedaron quintas.

Os alumnos Dani Fernández e Miguel López formaron parte dos equipos gañadores da proba lúdica dos relevos da amizade. 

Felicitamos a todo o grupo polo seu esforzo, a súa mentalidade positiva e a súa capacidade de aprendizaxe. Estamos moi orgullosas de todo o grupo e sabemos que esta experiencia axudará ao voso crecemento persoal, ademáis foi para nós un pracer compartir tantas vivencias inolvidables convosco. Esperamos poder repetir o vindeiro ano!

Venres Musicais - Qué calor! (19-04-2024)

Unha semana máis poñendo música temática, e nesta ocasión, aproveitando o pequeno ascenso de temperaturas, brindamos unha pequena escolma calurosa.

Tutto Xabi

Novo Equipo de Mediación

Desde a súa creación no ano 1998, o IES Leiras Pulpeiro é recoñecido polo súa aposta decidida na resolución pacífica de conflitos, nas prácticas restaurativas e na cultura da mediación. Son varias xeracións as que participaron destas dinámicas que cómpren ser renovadas cada certo tempo co novo alumnado que se incorpora ao centro.

Posiblemente a persoa que máis traballou por consolidar estas estratexias aprol dunha mellora de convivencia escolar é Berta López, que sigue a colaborar co centro aportando a súa insuperable experiencia sempre co foco posto no benestar da comunidade educativa. Nesta ocasión correspondeulle impartir o Curso de Mediación e formar o novo equipo que, con certeza, serán os responsables de que o ambiente que se respira no Leiras siga presidido polo respecto mutuo, o diálogo e as boas relacións. Agradecemos a Berta e aos novos rapaces e rapazas o seu compromiso de futuro. Parabéns a Mario López, Mario Paredes, Faith, Lúa, Antía, Lois, Adriana, Germán, Ángel, Gabriel, Iria, Noa, Carla Sánchez, Carla Díaz, Valeria e Kawtar e boa sorte nas vosas mediacións.

RadioLeiras In English (18-04-2024)

Some guys in the first year of ESO talk about sports.

Conductor: Cristina Andreu
Broadcasters: Raúl Casas, Hugo Escolante, Brais Alonso, Saúl García, Aarón Díaz, Mario Paredes, Mateo Marcos, Ángel Pérez, Erik Piñeiro, Pablo Villamarín
Control: Xabi

RadioLeiras In English (11-04-2024)

Some girls in the first year of ESO talk about animals and some famous people they like.

Conductor: Cris Andreu
Broadcasters: Carla Sánchez, Martina, Carla Rodríguez, Lola, Lucía Rodríguez, África, Lucía López, Sara and Mayra
Control: Xabi

Venres Musicais - Día Internacional do Pobo Xitano (08-04-2024)

Dirección: María Cabo e Daniel Díaz
Locutores: Isaac, Castor, Susana e Charo do Leiras, Desi, Fran e Daniel de Casás
Control: Xabi

Venres musicais - RadioLeiras gramatical (05-04-2024)

Programa dedicado aos recursos estilísticos na literatura e a música.

Dirección: Xabi
Locutores: Xabi, José Manuel
Control: José Manuel

Recollida títulos promoción 2022

Xa están disponibles os títulos de ESO e BAC da promoción 2022. Podedes vir recollelos á secretaría do centro en horario de 09:00 a 14:00

2 de abril - Día Mundial da Concienciación sobre o Autismo

Venres musicais - Primavera (22-03-2024)

Programa dedicado a cancións que falan da primavera, o sol, os paxaros ... celebrando o último día de clase antes das vacacións.

Dirección: Xabi & José Manuel
Locutores: Xabi & José Manuel
Control: Xabi

Distribuir contido


by Dr. Radut