Skip to Content

IES Leiras Pulpeiro

Venres Musicais - Movida de Vigo (10-06-2022)

 

Programa de venres musicais dedicado á movida de Vigo dos anos 80.

Dirección: Rosa Varela
Locutores: Iria, Rubén, Virginia, Andrea, Yasmina, Nour, Emma (2º ESO- B e D)
Control: Xabi

División celular

 

Vídeo feito polo alumnado de 1ºBAC-B para ilustrar a división celular.

Pílulas do saber - Pseudoterapias (03-06-2022)

Desde a materia de cultura científica de 1 de Bacharelato, retomamos o programa Pílulas do Saber cun novo episodio adicado as Pseudoterapias. Aquí algúns dos participantes, pero detrás do guión está toda a clase. Se queres enterarte do que son algunhas das máis coñecidas pseudoterapias non te perdas este podcast!

Dirección: Cristina Gómez
Locutores: Judith, Tania, Marco, Camila, Miguel, Alexandre.

 

 

Venres Musicais - Rock 80 (03-06-2022)

Episodio de venres musicais no Leiras, dedicado á música rock internacional dos anos 80.

Dirección: María
Locutores: Sami, Nahiara, Soraya, Victoria (4ºESO)
Control e gravación: Xabi

Conferencia de Javi Gómez sobre Estatística e Deporte

Polo Leiras pasa moita xente de grande calidade humana e talento que podemos desfrutar dende unha semana ata varios cursos completos. Profesorado que encontra o seu espazo dentro das características do noso centro educativo, non sempre doadas, para tecer amizades e inspirar ao alumnado. É o caso de Javi Gómez, profesor noso de Lingua e Literatura Castelá durante o curso 19-20 que tivo que despedirse abruptamente a causa do confinamento, pero que segue a manter e a coidar moitos afectos entre nós.

Hoxe achegouse a reencontrarse cos seus titorandos nunha moi especial palestra sobre Estatística e Deporte onde nos amosou unha das súas múltiples e diversas facetas. Esta actividade enmarcábase dentro do contrato-programa de mellora da competencia matemática que se tiña que ter celebrado no curso anterior pero que por diversos motivos houbo que pospoñer.

Segundo as súas palabras é "un profe de Literatura sen puñetera idea de Matemáticas usando as Mates para gañar a vida durante anos" o que fai del un excelente divulgador para alonxar da abstracción esta materia.

Non sabemos cando, pero axiña volverá estar con nós para recuperar algo que esquenceu, para sentar cátedra e para repartir apertas.

Visita aos Museos Científicos Coruñeses

Despois do parón da pandemia, este ano poidemos retomar a visita aos Museos Científicos Coruñeses con 3º ESO desde a materia de Bioloxía e Xeoloxía, tanto a Casa do Home como a Casa dos Peixes. 

Por un lado na Casa do Home, ademais das exposicións tivemos o obradoiro que xiraba en torno ao noso preciado órgano: o corazón, con disección e todo. E na Casa dos Peixes, déronnos dúas charlas explicativas, unha na Sala das Caricias sobre peixes cartilaxinosos como os tabeiróns, e outra na Sala Nautilus que xiraba entorno a biodiversidade que desde alí se contempla, e onde coñecemos o emblemático tabeirón Gastón, ademais doutros peixes como meros, corbinas, besugos, etc. Xa por libre poidemos disfrutar das focas, así como das postas de raia nas súas diferentes fases embrionarias, observación de medusas, e tantas outras especies presentes no aquarium. Para o ano esperamos volver a facela! :)

Terceiro posto para o Leiras no Xogade Cadete de Xadrez

O equipo formado por Héctor Avalle, Arón Fernández, Nico García e Martín Casanova acadou a terceira posición ao vencer ao Clube Recatelo na última ronda da final do Torneo Xogade 2022 de Xadrez desputado o domingo 29 de maio. Pola súa banda, o equipo infantil formado por Juan López, Olmo Portomeñe, Iago Vázquez e Iago Baamonde tivo que conformarse cun cuarto posto nunha durísima categoria con varios xogadores que ostentan ranking internacional.

Lonxe da parte competitiva, o noso equipo mostrou a forza inclusiva que ten o xadrez sendo unha excelente representación do noso centro educativo, polo que lles damos as grazas polo seu compromiso, a súa ilusión e polo trofeo conseguido que pasa a formar parte das nosas vitrinas.

 

 Os nosos 8 xogadores

 Os infantís no match contra Viveiro

 Os cadetes, tamén contra os representantes da costa

Demostramos que ademais do xadrez, tamén dominamos o voleyball 

Venres Musicais - Século XXI (27-05-2022)

 

Episodio de venres musicais na que abordamos por fin o século XXI. Todo música actual.

Dirección: Félix
Locutores: Samuel Hermida, Eva Díaz, Judith López (1ºBAC-B)
Control e gravación: Xabi

Isabel López Quiroga de 2ºC, na final da Olimpiada Galega

A nosa alumna de 2ºC, Isabel López Quiroga clasificouse brillantemente para a final galega da Olimpiada Matemática 2022 ao quedar entre os 5 primeiros postos da provincia da Lugo.

O día 26 de maio celebrouse no Círculo das Artes de Lugo esta fase final galega. Os 40 finalistas procedentes das 4 provincias demostraron un altísimo nivel na realización das probas, incluída Isabel que representou cuin gran esforzo ao noso centro educativo sendo das últimas en entregar os exercicios. 

Os premios principais foron para Xosé González Prego do IES Eusebio A Guarda, María Blanco Iglesias do IES de Cacheiras e David Lago Alonso do IES Illa de San Simón

Moitos parabéns aos gañadores, a todos os finalistas, a nosa Isabel, e a todos aqueles que vos superades día a día co traballo nas aulas de matemáticas.

Venres Musicais - A movida dos 80 (24-05-2022)

Episodio de venres musicais emitido un martes. Como El Jueves, que se distribúe os mércores.

Dirección: Nuria Castelo
Locutores: Nuria Ledo, Natalia López, Hugo López, Sergio López (3ºESO-D)
Control e gravación: Xabi

Distribuir contido


by Dr. Radut