25N Día Internacional para a Eliminación da Violencia contra as Mulleres
Durante a semana do 27 de novembro ao 1 de decembro o IES Leiras Pulpeiro quere sensibilizar da importancia da detección e eliminación das violencias cara as mulleres nas súas multitudes formas desde insultos, burlas, acoso, ciumes... Tamén quere lembrar as máis de 52 mulleres con nomes e apelidos, asesinadas por homes no que levamos de ano.
O centro tamén está a promover un equipo de igualdade entre os alumnos e alumnas, sumándose así a iniciativas que xa están en marcha en outros centros como o Comando Igualdade. Ademais está a desenvolver, obradoiros e charlas didácticas dirixidos a diferentes cursos. A temática é diversa: tolerancia fronte a diversidade sexual, prevención ante a exposición á pornografía...esta ultima foi escollida a partires dos datos de diferentes informes sobre a xuventude e adolescencia nos que se reflicte que a idade de acceso inicial dos e das menores sitúase arredor dos 9 anos, e a partires dos 14 xa está normalizado o seu consumo, de aí a importancia de sensibilizar contra a normalización da violencia, falta de empatía, disfuncións e adicións.
Oxalá non ter que "conmemorar" un 25N nunca máis, mentres tanto, todos os días o son. O IES Leiras Pulpeiro quere ser un espazo libre de violencias machistas, un lugar seguro para todas.
