Novo Galardón para Rosalía Bernárdez
A nosa admirable alumna Rosalía Bernárdez Riopedre volta a ter un importante recoñecemento, esta vez outorgado na cidade da Coruña. Trátase do prestixioso concurso poético xuvenil dos XXXI Xogos Florais María Pita dedicados este ano á figura de Wenceslao Fernández Flórez baixo o lema “natureza con alma”. O premio foi concedido por un xurado presidido pola poeta Yolanda Castaño o pasado 22 de novembro no Teatro Colón.
Rosalía acumula xa un bo lote de recoñecementos armando un currículo extraordinario para a súa xuventude, o que nos leva á certeza de que virán moitos máis. Recibirémolos cun inmenso orgullo de centro, dun centro de barrio, cunha diversidade enorme, con grandes urxencias e necesidades mais, ao mesmo tempo, cun talento portentoso.
