Semana de Acollida Erasmus

Esta semana recibiremos a visita do alumnado do proxecto Conviviendo en el Camino, coordinado dende o noso instituto e coa participación dos centros de Todi (Italia), Toulouse (Francia) e Valença do Minho (Portugal).

Está a ser unha experiencia moi positiva para alumnado, profesorado e familias e queremos que todo a nosa comunidade educativa faga parte dela. O programa é o seguinte:

- Mércores tarde: Chegada das delegacións e aloxamento en familias/hoteis.
- Xoves 9h: Recepción no Salón de Actos do Instituto, actuacións musicais e xogos educativos.
- Xoves 11h: Especial Radio Leiras - Leirasmus Edition.
- Xoves de 11:30h a 14:00h: Visita ás aulas do Leiras e participación nas clases.
- Xoves e venres de 16:30h a 18:30h: Actividades simultáneas polo centro de Lugo: percorrido pola arte urbana a cargo de Guido Guía e busca do tesouro Lucus Augusti.
- Venres mañá: Visita ao Lugo monumental e recepción no Concello.
- Venres noite: Cea de confraternidade.
- Sábado: Realización da etapa final do Camiño: Pedrouzo - Santiago.
- Domingo: Fin do Camiño en Fisterra.

Benvidos/as ao noso instituto e a nosa cidade. Serán uns días inesquecibles!