Novas de centro

A partir do luns 11 de maio, reanúdase a actividade administrativa no centro, en horario de 9:00 a 14:00, pero NON AS CLASES. Só haberá unha administrativa e un membro do equipo directivo.

O proceso de admisión de alumnado, que quedou en suspenso o 15 de marzo, reanúdase cos seguintes prazos:

• Presentación de solicitudes: do 11 de maio ata o 18 de maio
• Presentación da documentación acreditativa dos criterios de baremo: ata o día 26 de maio
• Publicación das listaxes provisionais do alumnado admitido e non admitido: antes do 9 de xuño
• Reclamacións contra as listaxes provisionais no prazo de 3 días hábiles contados desde o seguinte ao da súa publicación.
• Publicación das listaxes definitivas do alumnado admitido e non admitido: ata o 26 de xuño
• Formalización da matrícula ordinaria en educación secundaria obrigatoria e bacharelato: do 1 ao 10 xullo.

Para a volta á actividade lectiva, estamos aínda agardando instrucións da Consellería.

O procedemento de fondolibros do vindeiro curso sairá publicado arredor do día 18 de maio.

Segunda edición do torneo de xadrez on-line.

• Data: Martes 28 de abril de 2020 ás 17:00h
• Duración do torneo: de 17:00h a 18:00h
• Lugar: www.lichess.org (Para participar, tes que crear un usuario na web, leva 1 minuto)
• URL do Torneo: https://lichess.org/tournament/uJ1cnOUa Podes inscribirte en calquera momento.
• Palabra Chave para a inscrición: leiras
• Sistema de xogo: Arena (todos contra todos, segundo vaian finalizando as partidas)
• Duración de cada partida: 3 minutos + 2 segundos de incremento.
• Quen pode participar?: Calquera membro da comunidade educativa do IES Leiras Pulpeiro

Prezadas familias,

Agardamos que esteades ben de saúde, que nestes momentos é o principal obxectivo do confinamento.

Despois deste período vacacional atípico, permanecemos  á espera de novas instrucións sobre o desenvolvemento da 3ª avaliación por parte da Consellería, despois da reunión que se celebrará o vindeiro mércores 15 entre a ministra e as autoridades educativas autonómicas. Polo de agora, seguiremos as instrucións publicadas onte 13 de abril na páxina web da Consellería, que indican que debemos seguir coa actividade lectiva non presencial, tal e como viñemos facendo ata agora.

Nos vindeiros días, para calquera consulta sobre unha materia en particular, pódense poñer en contacto co profesor ou profesora correspondente, principalmente a través de correo electrónico. Para cuestións xenéricas sobre a actividade docente, poden contactar con Xefatura de Estudos a través do enderezo xefatura.leiras@gmail.com. De considerar necesaria a atención telefónica poden envíar a este enderezo: nome de persoa, teléfono de contacto e motivo de consulta.

Coa esperanza de reencontrarnos o antes posible, desexámosvos boa sorte e moito ánimo.

Dirección do IES Leiras Pulpeiro

Adxuntamos o manual oficial da aplicación Abalar para móbil:

https://www.edu.xunta.gal/espazoAbalar/sites/espazoAbalar/files/guia-mobil-familias-castellano.pdf

Para descargala:

Despois de dúas semanas de reclusión en casa, e co tempo que aínda nos queda, e no que só podemos comunicarnos e propoñer actividades mediante as tecnoloxías dixitais, precisamos saber como comunicarvos con toda a comunidade educativa do centro e que necesidades hai en cada fogar.

Para iso, pregamos que sigades este enlace e cubrades os datos que se piden. A primeira pantalla serve para identificarvos, e a segunda para actualizar os datos.

PULSA AQUÍ PARA ACTUALIZAR OS TEUS DATOS

Sobre as tarefas que se encargan para casa, tampouco é cuestión de perder a cabeza. Considerade que é máis importante sobrevivir ao virus, levarse ben coa familia, manter o estado físico e emocional, cultivar as relacións persoais e recuperarse economicamente cando se levante o estado de alarma.

Abrazos para todos e todas.