O alumnado dos cursos de 1º e 2º da ESO tivo a oportunidade de asistir no centro a unha charla sobre consumo responsable, organizada pola Escola Galega de Consumo.
Nesta abordáronse diferentes aspectos sobre os xeitos de consumir coa finalidade de afondar na formación de consumidores e consumidoras concienciadas, responsables e comprometidos/as coa sostibilidade.
O pasado de 23 febreiro o alumnado de 3º e 4º ESO realizou unha saída a Ferrol organizada polos departamentos de Francés e Xeografía e Historia.
O alumnado de Francés asistiu á representación da obra Le Tour du monde de Nellie Bly, baseada na obra de Xulio Verne A volta ao mundo en 80 días. A función foi organizada para público escolar porBHM Produccións – La Bohème.
A pasada semana, o alumnado de 4º da ESO e Bacharelato asistiu, na Casa das Palmeiras do Concello de Neda, á exposición fotográfica titulada A fuxida do Bou Ramón, á que tamén asistiu unha representación do Concello.
O alumnado de todos os cursos da ESO e de 1º de Bacharelato puido desfrutar hai uns días, na Casa da Cultura do Concello, da obra de teatro Alma de tigre, da compañía Elefante Elegante.
O pasado 24 fomos de marcha cara a Casa da Cultura onde coincidimos co resto de alumnos dos colexios do concello para falar polo bo trato e contra a violencia de xénero. os alumnos de 1º da ESO leron un manifesto e expresaron a súa inquedanza polos casos de violencia na familia que se están a producir e o seu compromiso por ter un futuro sen violencia.