O venres 13 de novembro publicouse no DOG a Orde pola que se regulan os criterios e o procedemento de distribución de máscaras entre o alumnado matriculado en educación primaria, ESO e educación especial en centros públicos e concertados no curso 2020/21.
Nesta Orde estáblecese que o alumnado destinatario será:
1- O que fose beneficiario de axuda para adquirir material escolar no curso 2020/21.
2- O que non fose beneficiario de axuda para adquirir material escolar no curso 2020/21, pero que:
a) Pertenza a familias cunha renda per cápita igual ou menor de 6.000 €.
b) Estea matriculado en educación especial ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda familiar.
Presentación de solicitudes:
O alumnado que fose beneficiario da axuda para a compra de material escolar no curso 2020/21 NON terá que presentar a solicitude.
O alumnado que non tivo ou non presentou a solicitude de axuda para a compra de material escolar no curso 2020/21, terá que presentar a solicitude.
A solicitude teñen que presentala os pais, nais, titores ou representantes legais do alumnado que non tivo ou non solicItou a axuda para a compra de material escolar.
A solicitude deberán presentala presencialmente na oficina do instituto, cubrindo os Anexo I e II, que estarán dispoñibles na oficina do instituto e tamén na sede electrónica da Xunta.
Prazo de presentación de solicitudes:
Do 14 ao 27 de novembro de 2020.
Link á Orde no DOG e aos Anexos:
ORDE
Anexos I e II en galego
Anexos I e II en castelán
