Actividades

Actividades na natureza 1° de Bacharelato: segundo día.

Enviado por carmengf o Xov, 24/10/2019 - 21:43

O segundo día dividimonos en dous grupos de 20 persoas para realizar esta actividade, uns pola mañá e outros pola tarde.
A actividade consistiu en descender sobre o río Miño, nun kayak en parellas. En canto a nosa experiencia por parte de ambos grupos, gústounos moito porque os monitores que nos acompañaron era moi agradables e atentos e a actividade resultounos entretida debido a que descendíamos a toda velocidade polos rápidos. Pasóusenos o tempo voando!

Despois de xantar o noso grupo tocoulle a actividade de barranquismo e fomos  a un río que era subafluente do Miño.
Alí decendemos por este con moito coidado de non esvarar, aínda que houbo numerosas caídas e esvaramentos. Estivemos alí unha hora e cuarto e iso que o outro grupo tardou media hora máis. Ao rematar a actividade, volvemos as instalacións de Arrepións a ducharnos e a merendar.                      Para rematar volvemos ao albergue. 
A actividade estuvo moi entretida e pasousenos o tempo voando a todos. 

Ao volver ao albergue, xurdiu a idea de realizar un xogo de mímica  entre todos, os profesores incluidos.

Para a elaboración da actividade, os líderes de cada cuarto xuntáronse para debater o seu funcionamento.

Houbo imitacións de todas as clases, unhas máis divertidas ca outras, sin embargo houbo risas con todas .

Podemos dicir que foi unha actividade na cal o grupo interactuou e compartiu momentos divertidos.

Actividades na natureza para 1° de Bacharelato

Enviado por carmengf o Mar, 01/10/2019 - 16:27

Un grupo de 38 estudiantes de 1° de Bacharelato e 3 profesores, disfrutaremos os días 2, 3 e 4 de outubro de diversas actividades na natureza.

Comezaremos o mércores 2 cunha visita ás Illas Cíes.

O xoves 3 as actividades son canoa e barranquismo. 

Como despedida, o venres 3 faremos rafting no río Miño e sendeirismo-orientación pola zona de Arbo.

Durmiremos no Albergue Rural O Coto, en Arbo.

Iremos informando e subindo alguna foto. 

Unha boa maneira de comezar o curso! 

Vídeos Festival de Educación Física 2019

Enviado por carmengf o Mar, 09/07/2019 - 18:21

Xa están en youtube os vídeos das actuacións do alumnado do IES de Brión no Festival de Educación Física que tivemos no ximnasio o 20 de xuño de 2019.

Por orde de actuación, estes son os vídeos:

Parabéns a todo o alumnado e boas vacacións!

Festival de Educación Física 2019

Enviado por carmengf o Mér, 03/07/2019 - 02:58

O pasado xoves 20 de xuño, todos os alumnos do IES de Brion puidemos desfrutar do festival de educación física 2019. Nesta ocasión non todos participamos, pois os alumnos de primero da ESO só foron espectadores, pero aínda así, pasámolo tan ben coma sempre. Cada curso realizou diferentes actividades como baile, acrosport ou aerobic, entre outras. O festival, organizado pola profesora Carmen García, celebrámolo a modo de despedida deste ano escolar e todos pasamos un moi no día!

Alba Caamaño, Antía Cunqueiro e Tania García, 1º Bacharelato A

Vídeo da viaxe a Londres 2019

Enviado por carmengf o Mér, 03/07/2019 - 02:46

E, finalmente, este é o vídeo da nosa viaxe.

Aquí podeds ver un pedaciño de todo o que estivemos facendo, o que visitamos e o día a día en Londres.

Agardamos que sexades capaces de ver o noso esforzo e entusiamo plasmado en cada plano e imaxe, e que disfrutedes véndoo tanto coma o fixemos nós.

The recording group (Sandra Molinos, Daniel Blanco, Lorena Diéguez, 3º ESO)

Roteiro 2º de ESO

Enviado por carmengf o Mar, 02/07/2019 - 18:19

O Seminario de Educación Física organizou o pasado xoves 16 de maio dende ás 8.25h. ata ás 17.00h. un roteiro para o alumnado de 2º de ESO.

A nosa andaina comezou nas Dunas de Corrubedo e na praia Ladeira. Despois visitamos o Dolmen de Axeitos e Castro Baroña. Rematamos na praia da Aguieira, onde xantamos e tivemos ocasión de xogar ou pasear. Facía bastante vento e mesmo choveu un pouquiño, pero aprendimos moito e pasámolo moi ben.

Rafting no río Ulla

Enviado por carmengf o Mar, 14/05/2019 - 18:47

rafting no rio ulla

O pasado xoves 9 de maio, o alumnado de 1º de bacharelato acompañados pola profesora Carmen García e o profesor Carlos Freiría, puidemos desfrutar dunha xornada de rafting no río Ulla.

Aínda que o tempo non acompañaba, a actividade puido desenvolverse con normalidade e todos pasamos un bo rato. O descenso polo río durou aproximadamente hora e media na que fixemos distintos xogos como baixar por un rápido a nado ou saltar desde una gran pedra.

Foi un día xenial!

Tania García e Antía Cunqueiro, 1º Bacharelato A

NOTA: Podedes ver todas as fotos premendo aquí.

Durante os días 25 e 26 de febreiro o alumnado de 2º de ESO participou na hora de titoría nun obradoiro de sensibilización sobre os dereitos das persoas con discapacidade. Está actividade foi impartida por membros da Asociación AMIPA, que con dinámicas vivenciais explicaron as dificultades coas que se atopan no día a día as persoas que teñen algún tipo de discapacidade.

Gen-Tech

Enviado por centro o Mar, 29/01/2019 - 00:50

O alumnado de 1º de Bacharelato participará o vindeiro mércores 6 de febreiro de 9:15 a 10:15 na sala de usos múltiples na actividade GenTech do Plan DigiTalent (Plan de promoción do talento dixital de Galicia), impulsado pola AMTEGA.

Gen-Tech

GenTech é un ciclo de actividades organizado pola AMTEGA e Altia para potenciar o xene tecnolóxico da xuventude. A  actividade consiste  nunha sesión dixital que busca fomentar o atractivo profesional cara ás carreiras profesionais STEAM (Ciencias, Enxeñería, Tecnoloxía, Artes e Matemáticas), pretende orientar aos mozos cara a un posible futuro profesional e romper barreiras entre mozos e mozas neste tipo de formación. Durante a sesión contarase coa participación de profesionais do sector TIC que expoñerán a súa experiencia desde unha perspectiva real, practica e inspiradora...co obxectivo de espertar o xene.

Karl Marx de mozo

Enviado por Anónimo o Mér, 28/11/2018 - 12:20


Cinema

O departamento de Filosofía, en colaboración co de Galego e Historia, organiza unha actividade para o alumnado de 1º e 2º de Bacharelato das materias de Filosofía e Historia da Filosofía que acudirá a unha sesión matinal para centros escolares no cinema Numax o vernres 21 de decembro de 10:25 a 14:05. Esta actividade permitirá consolidar e confrontar os contidos desenvolvidos en Filosofía, Historia e Economía grazas a un relato cinematográfico brillante, emotivo e rigoroso. Asimesmo é unha actividade dinamizadora da Lingua Galega, xa que está subtitulada por NUMAX grazas á colaboración da Secretaría Xeral de Política Lingüística da Xunta de Galicia.


Karl Marx de mozo

  • DCP2K
  • +12
  • VOSG

No París de 1844, tras se exiliar, Karl Marx coñece a Friedrich Engels, quen investigaba o nacemento da clase obreira británica. Engels proporcionou a última peza do puzzle á visión do mundo do mozo Marx. Xuntos, entre censuras, represión policial, revoltas e conflitos políticos, lideraron o movemento obreiro durante o seu desenvolvemento cara á era moderna.

Filme subtitulado ao galego por NUMAX grazas á colaboración da Secretaría Xeral de Política Lingüística da Xunta de Galicia.



  • Título orixinal: Le jeune Karl Marx
  • Ano: 2017
  • Duración: 112 minutos
  • Idioma orixinal: Francés, inglés, alemán
  • Dirección: Raoul Peck
  • Guión: Pascal Bonitzer, Pierre Hodgson, Raoul Peck
  • Elenco: August Diehl, Stefan Konarske, Vicky Krieps, Olivier Gourmet, Hannah Steele, Eric Godon, Rolf Kanies, Stephen Hogan
  • Montaxe: Frédérique Broos
  • Dirección de arte: Merlin Ortner
  • Vestiario: Paule Mangenot
  • Son: Felix Andriessens
  • Música: Aleksey Aygi
  • Fotografía: Kolja Brandt
  • Produtora: Agat Films, Velvet Films, Rohfilm (Francia)
  • Distribuidora: Pirámide Films
Berlinale 2017 (Special Gala), Traverse City Film Festival (Founder Prize)

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.