PREMIO DE PINTURA
Enviado por admin o Ven, 16/06/2017 - 11:02"A mirada da guerra", de Pedro Gronzo Aniceto, alumno de 4º de ESO, acadou o primeiro premio no duodécimo certame de pintura ¨Negreira en cor", promovido polo Concello de Negreira.
Parabéns!
ANUNCIO DE LICITACIÓN. CONTRATACIÓN DO SERVIZO DE XESTIÓN E EXPLOTACIÓN DA CAFETERÍA DO IES DE BRIÓN PARA O CURSO ESCOLAR 2017/2018
Enviado por admin o Ven, 09/06/2017 - 13:151. Entidade adxudicadora:
a) Organismo. IES de Brión.
b) Obtención de documentación e información. Oficina de Administración.
1) Enderezo: Paseo de Pedrouzos nº 3.
2) Localidade e código postal: Brión, 15865.
3) Teléfono: 881866058.
4) Fax: 881866074.
5) Correo electrónico. ies.brion@edu.xunta.es.
6) Data límite de obtención de documentación e información: 15 días naturais dende a publicación do presente anuncio.
2. Obxecto do contrato:
a) Tipo. Xestión de servizos.
b) Descripción. Servizo de xestión e explotación da cafetería do IES de Brión para o curso escolar 2017/18.
3. Tramitación e procedemento:
a) Tramitación. Ordinaria.
b) Procedemento. Aberto.
c) Criterios de adxudicación. Oferta económicamente máis ventaxosa e calidade e prezo dos produtos ofertados coa posibilidade de presentación de variantes e melloras.
4. Canon mínimo de licitación:
a) Importe. Unha cantidade de trescentos cincuenta e cinco euros con sesenta céntimos(355,6 €) que o licitador pagará á Consellería de Cultura, Educación e O. U. en concepto de canon pola prestación do servizo.
5. Garantías esixidas. Definitiva: trescentos euros (300,00 €).
6. Presentación de ofertas:
a) Data límite de presentación de ofertas. 15 días naturais dende a publicación do presente anuncio. No caso de que o último día fora sábado ou inhábil entenderase prorrogado ata o primeiro día hábil seguinte.
b) Lugar de presentación. Oficina de Administración do IES de Brión.
Brión, 9 de xuño de 2017. O Director do IES de Brión: José Antonio Caneda Vidal
FINALISTAS EN "DESEÑO DE APLICACIÓNS INFORMÁTICAS COA FERRAMENTA SCRATCH"
Enviado por admin o Xov, 08/06/2017 - 23:50Dous traballos do alumnado de Programación foron seleccionados como finalistas na segunda edición do certame “Deseño de aplicacións informáticas coa ferramenta Scratch” convocado polo Colexio Profesional de Enxeñería Técnica en Informática de Galicia e ligado ao programa “Aprendo programando” do “Plan proxecta“.
As propostas seleccionadas, este ano ao redor do tema "convivir en igualdade", foron as seguintes:
"Igualdade (the game)" realizado por Sara Molinos Carro, Manuel Fernández Vázquez e Daniel Blanco Sanz.
"As resposta segredas" realizado por Clara García Figueiras e Candela Pérez Tomé.
Parabéns!
ENTREGA DE PREMIOS DA COMPETICIÓN DE ROBOTS NA EEI DE VIGO
Este martes 6 de xuño, o profesor da EEI de Vigo, Víctor M. Quintero Feal, visitou o noso centro para facer entrega dunhas cámaras deportivas ao alumnado gañador do primeiro e segundo premio da III Competición de Robots da escola.
No acto, o profesor Quintero felicitou ao alumnado e agradeceu ao centro a súa implicación nesta proposta.
O alumnado amosou o seu interese por participar en vindeiras convocatorias e instou ao profesorado implicado a continuar desenvolvendo este tipo de proxectos.
ACTO DE GRADUACIÓN DO ALUMNADO DE 2º DE BACHARELATO
O pasado venres 26 de maio tivo lugar no IES de Brión o acto de graduación do alumnado de 2º de Bacharelato.
O director do centro entregou un diploma acreditativo da concesión dunha Matrícula de Honra ao alumno Lois Meira López, así como cinco Mencións Especiais ao alumnado con excelente expediente académico.
FONDO SOLIDARIO DE LIBROS DE TEXTO E AXUDA PARA LIBROS E MATERIAL ESCOLAR
Enviado por Anónimo o Xov, 01/06/2017 - 18:39No DOG do 22 de maio do 2017 publícase a Orde do 16 de maio de 2017 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación secundaria obrigatoria en centros docentes sostidos con fondos públicos para o curso escolar 2017/18.
FONDO SOLIDARIO DE LIBROS DE TEXTO: Para todo o alumando que cumpra os requisitos da convocatoria
FONDO PARA MATERIAL ESCOLAR: Para todo o alumnado que cumpra os requisitos da convocatoria
O PRAZO PARA PRESENTAR AS SOLICITUDES REMATA O 23 DE XUÑO DO 2017
PREMIOS NO XIV CERTAME LITERARIO DE NARRATIVA E POESÍA DO CONCELLO DE AMES
Enviado por Anónimo o Xov, 11/05/2017 - 18:47
No XIV Certame Literario do Concello de Ames foron premiados os alumnos: Daniel Souto Pazó, 1º premio en narrativa, na modalidade de ata 13 anos, coa obra Vía Libre Manuel Xiraldez Leal, 1º premio en poesía, na modalidade de 14 a 17 anos, coa obra De amor en vela
Parabéns ao alumnado |
DÍA DA CIENCIA NA RÚA 2017
Enviado por Anónimo o Mér, 10/05/2017 - 01:28O pasado sábado 6 de maio o instituto foi convidado a participar pola rede de clubs de Ciencias Glu-on ao Día da Ciencia na Rúa celebrado no parque de Santa Margarita en A Coruña e organizado pola Asociación de Amigos da Casa das Ciencias. Na jaima de Glu-on presentáronse proxectos tecnolóxicos de Ferrol, Ortigueira, Valdoviño, Vigo e Brión.
Unha representación do alumnado da modalidade científico-tecnolóxica de 1º de Bacharelato do centro expuxeron ao longo de toda a xornada, a unha grande afluencia de público, algúns dos proxectos nos que están a traballar durante este curso: Interpretación virtual interactiva e deseño e modificación de robots.
Día da Ciencia na Rúa na prensa:
La voz de Galicia: "Cientos de estudiantes participan en el día de la Ciencia en la calle"
La opinión: "A Coruña rinde homenaje a la investigación científica"
El ideal gallego: "El día de la Ciencia en la calle se celebrará con 50 jaimas"
Microsiervos: "XXII Día de la Ciencia en la calle"
OLIMPIADA GALEGA DE MATEMÁTICAS
Enviado por Anónimo o Mar, 09/05/2017 - 00:00
O alumno Daniel Souto Pazó, de 2º de ESO foi clasificado para a fase final da Olimpiada Matemática Galega, que terá lugar en Lugo o vindeiro 18 de maio, organizada por AGAPEMA Asociación Galega de profesorado de Educación matemática Parabéns e moita sorte na final! |
O IES DE BRIÓN NA III COMPETICIÓN DE ROBOTS DA EEI DE VIGO
Enviado por Anónimo o Ven, 28/04/2017 - 23:48Éxito do alumnado do IES de Brión na III competición de Robots da Escola de Enxeñería Industrial da Universidade de Vigo, que contou con máis de 800 participantes e 160 equipos nesta edición.
Os equipos de 4º de ESO "Brión 3", "Brión 4" e "Brión 5" foron clasificados nos respectivos tapices para a final, quedando entre os 12 primeiros na rolda clasificatoria, preparándose para competir nunha reñidísima final na que acadaron os 2º, 1º e 4º postos, respectivamente.
Os equipos de 1º de Bacharelato "Brión 1" e "Brión2" tiveron unha excelente participación, clasificándose "Brión 2" para a final.
Parabéns ao alumnado polo traballo realizado e por compartilo!
Prensa:
Código Cero: A Competición de Robots reuniu a máis de 800 mozas e mozos na Escola de Enxeñería Industrial
La Voz de Galicia: Ochocientos estudiantes gallegos compiten en Vigo con sus robots
Praza: Wall-E e R2D2:Estudantes de toda Galicia poñen a proba os seus robots en Vigo
Atlántico: 800 escolares de toda Galicia llevan sus robots al campús
DUVI: Os androides máis creativos mediron as súas forzas no campus
- « primeira
- ‹ anterior
- …
- 33
- 34
- 35
- 36
- 37
- 38
- 39
- 40
- 41
- …
- seguinte ›
- última »