Extraescolares 18-19

EXPO DÍA DA MULLER

EXPO DÍA DA MULLER

Co gallo do día da muller instalouse no recibidor unha exposición artística e reivindicativa realizada por alumnado de plástica da profe Luz Beloso. As imaxes falan por si mesmas e claman conta o Patriarcado e o machismo

ENTROIDO

ENTROIDO

 

E como non, celebramos o entroido. Cada grupo presentou unha comparsa sobre o escenario e houbo moito nivel sobre todo nas coreografías e tamén música en directo. Finalemente gañaron os Anxos e Diaños na categoría da ESO e empataron Metallica e Chalecos Amarelos na dos bacharelatos

 

XURXO SOUTO

Pasou polo Insti o Luns 11 ás dúas horas da tarde unha auténtica galerna que non deixou nada en pé. O polifacético Xurxo Souto acudiu xenerosamente para presentar o seu libro da travesía da Chiruca Macallás ao alumnado de 4º ESO e 1º Bach no Salón de Actos, ademais de nos contar moitas historias mariñeiras dos galeg@s polos caladoiros do mundo e de cantar e tocar música e a famosa corna

MEDRE O MAR!

Ademais premendo aquí irás á noticia no Faro de Vigo

 

 

 

 

 

ACTOS DÍA DA MULLER

A mañán previa ao día da muller tivo lugar no Insti unha charla sobre introdución ao feminismo impartida polas propias alumnas do equipo de Igualdade Incomodxs e Rebeldes e coordinados polo profe Denís,  á que asistiron por quendas todos os cursos da ESO. Houbo tamén espazo para a reflexión e o debate.

 

INVISIBLES

INVISIBLES

 

Alumnado de 4º ESO de As Barxas e de Paralaia puideron asisitir a esta función da obra de teatro sobre mulleres maltratadas pola violencia machista no Salón de Actos o 25/02 e que foi posoble grazas ao Concello.

 

EU CRÉOTE!

Imaxes da inauguración da exposición EU CRÉOTE instalada no Recibidor á que acudiron as autoras e autores e as profes Luz e Iria ademais da Alcaldesa e Técnica de Muller do Concello que levaron a paneis a obra artística e escultórica que alumnado de plástica creou o curso pasado

 

SAÍDA Á BARBANZA

Case 70 alumn@s de 2º ESO acompañados por Juan e Ángeles fixeron unha excursión á Barbanza o 25/02 e pasaron toda a xornada visitando Noia, Baroña, Axeitos e A Curota. Velaí algunhas imaxes

 

PRÁCTICA APRENDIZAXE

Alumnado principalmente de 1º Bach de Filosofía realizou ás dúas horas da tarde unha práctica sobre aprendizaxe e condicionamento con un adestrador de cans organizada pola súa profe Mar

Velaí unhas imaxes

 

VIAXE Á NEVE

63 alumn@s de As Barxas recibiron a iniciación ao esquí. Agradecémoslle a Alex, a Mar e a Loli que acompañaran esta excursión. Rematada a viaxe á estación de Leitariegos e ao albergue de Villablino velaí unhas fotos da aprendizaxe e do lecer dos rapeces e rapazas de 2º ESO. 

Tendes moitas máis fotos premendo aqui:

(remitirache a un curso da Aula Virtual onde se aloxan as fotos das actividades e terás que meter a clave que che faciliten as titoras)

 

Xoias e Xeometria

XOIAS E XEOMETRIA

Gozamos deste traballo realizado polos departamentos de Plástica, de Economía e de Matemáticas. Unha boa variedade de xoias creadas nas aulas de Luz e postas á venda polo alumnado de Economía, acompañadas dunha colorida expo de xeometría feita por alumnado de mates.

Theme by Danetsoft and Danang Probo Sayekti inspired by Maksimer