Galardons

PREMIOS PARA O IES AS BARXAS

 NOVO PREMIO

Premio de Innovación educativa para o IES AS BARXAS ca actividade creativa "Non fai falta ser un superheroe para deixar de fumar", realizada polo alumnado de 1º ESO B, dentro do plan proxecta "Clases sen fume", das Consellerias de Educación e Sanidade.

 

 

PREMIOS PARA O IES AS BARXAS

O pasado mércores 7 de xuño, un traballo realizado por alumnos de Animación de 1º de bacharelato, resultou gañador do primeiro premio do concurso de curtametraxes sobre doazón e transplantes de órganos, promovido pola Consellería de Sanidade.

Por outro lado, o venres 9 de xuño, na convocatoria dos Premios Olloboi 2017, celebrada en Boiro, acadaronse dous premios, o de Mellor guión orixinal pola curtametraxe "A muller lamprea VI: Ariadna quere ser Teseo", para o Departamento de Plástica, e o de Mellor BSO "Ainda que sexa un soño", Música As Barxas.

Así mesmo, o video "Ainda que sexa un soño", resultou gañador do Premio Videoghit 2017 á Mellor Interpretación Vocal, convocado polo IES Pintor Colmeiro de Silleda.

Para ver o video, premede no seguinte enlace: video

Parabéns a todos eles e elas. 

PREMIO PARA O IES AS BARXAS

 

 O proxecto, TRANSFORMANDO REALIDADES, foi premiado pola Plataforma Proyecta Innovación!. Desde aqui queremos dar as grazas á Fundación Amancio Ortega e a Fundación Santiago Rey Fernández-Latorre pola confianza depositada.

Tras a defensa dos 10 proxectos finalistas no VI Encontro InspiraTICs do pasado 26 de maio e tomando como referencia os criterios de valoración que constan nas bases do certame, o xurado decidiu premiar a 3 dos proxectos coas seguintes contías:

  • Proxecto “Transformando Realidades”, cunha contía de 3.500€ (30% do importesolicitado), presentado polo IES As Barxas.
  • IES Celso Emilio Ferreiro, co seu proxecto “Empoléirate na Ciencia”, cunha contía de 2.000€ correspondente co 100% do importe solicitado. Ademais, en función da valoración do xurado, as fundacións decidiron outorgar a este proxecto un premio extraordinario, por contía de 2.000€, destinado exclusivamente a actividades de formación.
  • Proxecto “Xogamos aos oficios con Minecrat”, cunha contía de 3.500€ (30% do importe solicitado), do CEIP Ponte dos Brozos.

Enlace

 

CAMPEONATO DE ESPAÑA DE TAEKWONDO.

OUTRO ÉXITO PARA OS NOSOS ALUMNOS

No pasado campeona de España de Taekwondo, celebrado en Valencia, os nosos alumnos obtiveron moi bos resultados. Noah Pena, campeona na categoría de 47 kg; Pablo Patiño, campeón na categoría de 53 kg y Leticia Trigo, subcampeona na categoría de 51 kg.

 

PREMIO NO V CERTAME AUDIOVISUAL DO IES MONTE CARRASCO

Un novo premio para o IES As Barxas. Esta vez o galardón foi para Inclusión, que recibiu o premio ao mellor video didáctico no V Certame Audiovisual do IES Montecarrasco.

 

O video, realizado dentro das actividades do grupo Saftas (Students Academy of FIlm and Theatre Awards), do Erasmus +, no que participamos, explica de xeito moi sinxelo conceptos claves para a convivencia na nosa sociedade e apoia a normalización en todos os aspectos da vida cotiá das persoas con trastorno do espectro do autismo.

PREMIOS OLLOBOI 2016

Na edición do 2016 dos Premios Olloboi de Audiovisual escolar o IES As Barxas acadou un novo premio, o Zamburrioi, o especial da organización, ao conxunto das pezas presentadas polo centro moañés. O premio entregado pola propia organización do festival, onde ademais dos criterios xerais das bases pódense ter en conta outros coma a traxectoria audiovisual do centro educativo, a participación da comunidade educativa, etc.

Fonte: https://2016.olloboi.com/premios

 

PREMIOS VIDEOGHIT

Nos premios  Videoghit, que cumpren xa a sexta edición,e que están organizados polo IES Pintor Colmeiro de Silleda, o video QUEREMOS GALEGO, acadou o premio na categoría de Mellor canción orixinal neste certame cuxo obxectivo é fomentar a música en galego entre o alumnado da nosa comunidade.

 

 

 

CATRO MORRACENSES PROCLAMÁRONSE CAMPIÓNS DE ESPAÑA DE BANCO FIXO

O Campionato de España de banco fixo celebrado no Porto de Alacante durante todo o fin de semana pasado, contou con catro remeiros da comarca do Morrazo loitando por Amegrove para conquistar o seu segundo título nacional en categoría cadete despois de cinco anos. A embarcación con oito tripulantes e un temoneiro no canto do patrón, dirixidos por Iván Fandiño, conquistou o podio. Entre esa tripulación estaban dous dos nosos alumnos, Ismael Curro e Aitor Casás, do clube SD Samertolameu. Noraboa a todos eles!

 

CARTEL DO ENTROIDO DO CONCELLO DE MOAÑA

O alumno do noso centro, Marcos Rodríguez Peixoto, de 1º ESO A, foi o gañador do concurso de carteis do entroido de Moaña.

A cerimonia de entrega do premio foi o xoves 4 de febreiro na Casa do Concello. 

 

 

 

 

BECAS FUNDACIÓN AMANCIO ORTEGA

BECAS DA FUNDACIÓN AMANCIO ORTEGA

O programa de Becas da Fundación Amancio Ortega ten por obxectivo facilitar a aprendizaxe do inglés e a inmersión na cultura extranxeira a xovés de institutos e colegios españois durante un ano académico. Os alumnos seleccionados convivirán cunha familia de acollida e cursarán Grado 11 (nivel equivalente a 1º de Bacharelato). A beca cubre o 100% do custe do curso escolar en Canadá ou Estados Unidos.    

Este ano, unha desas alumnas que resultou escollida para participar neste programa foi Laura Durán, alumna de 4º ESO.

Noraboa, Laura!

     

O OBRADOIRO MÚSICABARXAS RECOLLE UN PREMIO EN MADRID

 

O pasado xoves, 21 de xaneiro, celebrouse no salón de actos do Instituto Cervantes de Madrid a Gala de Entrega de premios da III edición do Premio Nacional da Fundación GSD.

O Obradoiro Músicasbarxas foi o gañador do segundo premio,  na modalidade 1, relacionada cos proxectos educativos desenvolvidos por docentes que traballen directamente na aula de educación reglada, e que ten por integrantes a José Manuel Durán, Palmira Calvar e José Luis Pena.

Recolleron o premio José Manuel Durán e José Luis Pena, xunto a eles, na foto que recolle o momento da entrega, están Ximena Muñoz (Consultora de Naciones Unidas) e Javier Cacho (Gerente de Grandes Cuentas de COSPA AGILMIC).

Noraboa!.

 

CAMPIONAS NAS BARXAS

O pasado 2 de decembro, no campionato de España de Taekwondo, acadaron medalla as nosas alumnas: María Glez Dasvilasboas ,Campeona de España cadete -59 kg, Lucía Santomé, bronce  en el Campeonato España Cadete -47 kg y Noah Pena Paredes, bronce en el Campeonato de España de Clubes -44 kg.

 

 

 

NOVO PREMIO PARA MÚSICABARXAS


 

Na III edición do Premio Nacional da Fundación GSD, na modalidade relacionada cos proxectos educativos desenvolvidos por docentes que traballen directamente na aula de educación reglada, o Obradoiro Músicasbarxas acaba de gañar o segundo premio. Como integrantes están Seso, Palmira e José Luis Pena. O xurado destaca que é " Un proyecto pertinente que en su innovación hace hincapié especialmente en el desarrollo de una dimensión creativa a través de diferentes variables de la música. Destaca su capacidad de comunicar con claridad".

NORABOA POLO VOSO TRABALLO!....e Madrid vos espera para recoller o premio.

http://www.gsdinnova.com/

 

 

 

As Barxas nos Premios Princesa de Asturias

AS BARXAS VIAXA AOS PREMIOS PRINCESA DE ASTURIAS

Durante os dias 20, 21 e 22 de outubro, as alumnas Jessica Miranda, María Piñeiro e Nuria Souto, viaxaron a Oviedo acompañadas pola profesora Paloma Pérez e invitadas pola Fundación Princesa de Asturias por ter quedado finalistas no concurso Te veo en 3´, no que se presentaron cun traballo sobre Frank Ghery tuteladas pola profesora Luz Beloso.Na súa estancia participaron en actos con premiados como Leonardo Padura, premio das Letras, Emilio Lledó, premio da Comunicación e Francis F. Coppola, premio das Artes. Tamén tiveron a oportunidade de visitar as instalacións da Fundación, onde foron recibidas por Teresa Sanjurjo, a súa directora, visitar o Centro Neymeyer en Avilés e a sede da TPA en Gijón.

Durante eses dias compartiron experiencias con outros tres centros do noso país, procedentes de Palma de Mallorca, Almería e Asturias.

Toda unha experiencia!

Recoñecemento para o proxecto "Porque un libro es una obra de arte"

O proxecto "Porque un libro es una obra de arte" está entre os 12 finalistas do Premio Escuelas para la Sociedad Digital 2015, que outorga a Fundación Telefónica.

Como finalista, este proxecto xa está premiado cunha cuantía de mil euros, que hai que invertir na mellora e fortalecemento do proxecto.

Dende agora, entra nunha nova fase de avaliación para optar ao 1º e 2º premio.

Noraboa aos compañeiros e alumnos que  fixesteis posible este proxecto e moitas grazas polo voso traballo e adicación.

Aitana Santomé, gañadora da medalla de bronce no campeonato do mundo de taekwondo

A nosa alumna, Aitana Santomé, foi a gañadora da medalla de bronce, na categoría de 55kg, no Campeonato do Mundo de Combate Cadete de Taekwondo, que se celebrou en Muju (Corea do Sur), a finais do mes de xullo.

Noraboa Aitana, eres un exemplo de constancia e sacrificio.

Theme by Danetsoft and Danang Probo Sayekti inspired by Maksimer