A vindeira semana temos un concurso de cabazas para 1º e 2º de ESO, coordinado pola profesora Silvia, de Xeografía e Historia. Animádevos a traer a vosa cabaza a partir o luns á tarde e o martes 29. Haberá premios terroríficos!!!!

Desde o IES As Barxas convocamos ás nais e pais do noso alumnado a unha reunión informativa coas titoras/es das súas fillas/os o luns 21 ás 18:30 da tarde, na que se tratarán, entre outros, os seguintes temas:

-Presentación do titor/a, estrutura das clases, materias que se imparten e profesorado correspondente á súa clase.

-Normas de organización e funcionamento do noso centro educativo.

-Saídas e actividades propostas para este curso lectivo.

Rogámoslles que se absteñan de realizaren preguntas sobre o desenvolvemento académico das súas fillas/os de modo persoal para axilizarmos o transcurso da reunión. Pregámoslles que ese tipo de cuestións as formulen vostedes concertando unha cita na hora de titoría correspondente. Moitas grazas

O pasado mércores 9 de outubro fixemos unha excursión con todo o alumnado de 1º da ESO, para coñecérmonos mellor pasar un bo día de andaina e xogos populares. Aquí deixamos unhas fotiños da xornada.

Comezamos cos nosos obradoiros de Inglés guiados polo noso lector Marcelo Jáuregui. Animádevos a participar!

Aí vai unha fotiño da charla co mozambicano Onofre Muianga para 3º da ESO.

Seguimos co ciclo de Normalización Lingüística sobre Nov@s Investigador@s. Neste caso será para 4º da ESO, o venres á 3ª hora.