Extraescolares 17-18

2º PREMIO nacional en la V Edición de los Premios GSDInnova por el proyecto "TRANSFORMANDO REALIDADES"
 

Nov 2017, 2º PREMIO nacional en la V Edición de los Premios Nacionales de Innovación educativa de la fundación "GSDInnova "por el proyecto "TRANSFORMANDO REALIDADES" coordinado este curso pasado (2016-2017 )por Luz Beloso e M Jose Soto . Valortouse o fomento da cultura emprendedora e da educación artística a través da creación e xestión dun centro de ARTE onde o alumnado se sitúa no centro dos procesos de aprendizaxe

este mesmo proxecto tamén foi premiado pola PLATAFORMA PROYECTA

• PREMIO ORGULLO TIC pola plataforma educativa INEVERY CREA.   PREMIO na 4º edición de Orgullo TIC por + Arte, proxecto audiovisual "Caranguexo Films" 
• Segundo premio, 1.000 euros, na categoría alevín, no I Festival "O Museo de Pontevedra en curtametraxes
• Animación "Regala  Sorrisos " do alumnado de "Animación" do IES as Barxas , Moaña  finalistas no  FIC DE BUEU
• A CURTA "ARIADNA QUERE SER TESEO" Finalista en el IV Edición del Festival Internacional de Cine de la No-violencia Activa 2018 FICNOVA 2018
• A CURTA  Bulliyng das alumnas e alumnos de animación de 1º BACH do IES  As Barxas  SELECCIÓN OFICIAL DE CURTAMETRAXES no Terceiro Festival de Curtas para a Educación na Diversidade, organizado pola Universidade Tecnolóxica Nacional / Facultade Rexional Avellaneda, co apoio da Rede de Escolas Asociadas á UNESCO e o patrocinio da Comisión Nacional Arxentina de Cooperación coa UNESCO. FINALISTA tamén no certame INTERNACIONAL VIDEOMINUTO

 

 

FIN DE FESTA DO PROXECTO SAFTAS ERASMUS+

O pasado dia 27 de xuño, como peche destes tres intensos e inesquecibles anos de traballo, o alumnado que participou neste proxecto xunto á coordinadora, Palmira Calvar, e Ángeles Pico, tiveron unha xornada de lecer na que practicaron piragüismo e disfrutaron dunha sesión de cine, "Love Simon".

 

O ciclo "Cinema Ocultos" organizado polo Cibe Club Cangas e a Asociación Cultural Xiria que pretende dar visibilidade a traballos cinematográficos pouco coñecidos, comeza este vindeiro venres, dia 29 de setembro ao Auditorio de Cangas coa proxecci´ón de longametraxes, curtas, documentais e animación. 

O venres, 6 de outubro proxectaranse as curtas realizadas polo alumnado do IES As Barxas "Cabelos de batalla", "Ariadna quere ser Teseo" e "Mi hermano".

CONCURSO ESCOLAR CONSUMÓPOLIS

 

O alumnado de Economía do IES AS BARXAS, acada 3 premios na fase autonómica do concurso escolar sobre consumo responsable e calidade de vida: CONSUMÓPOLIS 13: Na publicidade: todo vale?.

 

O concurso escolar CONSUMÓPOLIS, está organizado polo Instituto Nacional de Consumo e a Consellería de Cultura, Educación e Ordenación Universitaria, no que escolares de educación secundaria forman equipos de cinco xóvenes que titorizados por un docente participan nun concurso virtual, no que se plantexan actividades que teñen como finalidade invitar aos escolares a reflexionar de modo consciente, crítico e solidario, sobre distintos aspectos da sociedade de consumo, utilizando como medio a creatividade e as TIC. 

 

O IES AS BARXAS, participa neste programa baixo a coordinación da profesora de Economía María José Soto, que o utiliza como ferramenta didáctica con gran éxito de participación e interese por parte do alumnado en varios niveis: en 1º ESO dentro da materia de Educación Financeira e en 4º ESO nas materias de Economía e Iniciación a Actividade Emprendedora e Empresarial, acadando 3 dos premios autonómicos, nas seguintes categorías.

 

1º Premio – Categoría 1º e 2º ESO – Equipo: “Los Callejeros 5”, formado por Jorge Fernández Malvido, Paula Graña Mateo, Noa Fernández Silva, Alejandro Rouco Sanmartín e Xian Calvar Alves.

 

 

3º Premio – Categoría 1º e 2º ESO – Equipo: “Los Cinco”, formado por Guillermo Leite Robledo, André García Costa, Alejandra Soage Fernández, Uxía Hermelo Veiga e Candela Rodríguez Díaz.

 

 

 

 3º Premio – Categoría 3º e 4º ESO – Equipo: “Consukids”, formado por Yaiza Martínez García, Lucas González Vega, Antía Lemos García, Laura Otero Costa e Claudia Coya Piñeiro.

 

 

 

 A entrega de premios terá lugar o vindeiro venres 15 de xuño, ás 11:00 no salón de actos da Consellería de Sanidade en Santiago de Compostela.

 

CERIMONIA DE GRADUACIÓN DE 2º BACHARELATO

 

 O pasado venres, 25 de maio, ás 7 da tarde, tivemos a cerimonia de graduación de 2º de bacharelato. Foi unha cerimonia chea de sorpresas e emocións, na que despedimos a toda unha xeración.

 

 

Para acceder á noticia en prensa, premede no seguinte enlace: noticia

 

VII FESTIVAL AUDIOVISUAL NAS BARXAS

 

Desde hai 8 anos, en Educación Plástica traballamos creando distintos produtos audiovisuais que viran sempre ao redor dun tema. A motivación deste ano é "A MEMORIA”; trátase de guións realizados partindo dos recordos e a memoria dos nosos avós e avoas de Moaña. A memoria conéctanos cas vivencias da alma, cos cimentos do noso día a día. Este evento é unha homenaxe a todas e todos eles. A nosa produtora audiovisual ( Caranguexo Films), na que xa participa toda a comunidade educativa, culmina cun festival audiovisual no que se estrean este ano 12 curtas e animacións, producidas, gravadas e editadas polo alumnado. Como novidade contaremos de agora en diante cunha nova sección, #somosVioleta que consiste en “3 curtametraxes que loitan contra as violencias Machistas". Todos os traballos desta sección están realizados, gravados e editados exclusivamente co móbil .

 

 

PREMIOS OLLOBOI 2018 - BOIRO, 11 DE MAIO

 

 

 

O noso centro, un ano máis participou no Festival Audiovisual Olloboi. Nesta edición de todos os traballos presentados, cabe destacar Sereas no Morraso, finalista na categoría de interpretación; Mi hermano, finalistas na categoría de arte e Conexións, gañador do Premio Olloboi Zamburriori.

Os dous primeiros feitos polo alumnado de Educación Plástica e Visual e Conexións feito polo equipo do proxecto Saftas - Erasmus + do centro, coordinado pola profesora Palmira Calvar e, a parte audiovisual, polo profesor Seso Durán, e contando coa participación de outros profes e alumnos, e coa inestimable colaboración especial do inglés afincado en Moaña David Middleton. A curta está feita partindo dun guión orixinal de Isabel Cascante, de 2º de bachillerato, dirixido por Susana Rodríguez, de 4º ESO. 

Noraboa a todos e todas!

VIAXE DE ESTUDOS Á REPÚBLICA CHECA

Desde o dia 5 ata o 9 de maio, parte do alumnado de 4º ESO, estivo de viaxe de estudos na República Checa, acompañados polos profesores Bea Sixto, Inés Padín, Cristina Caeiro e Beni Nerga.

Durante a sua estancia coñeceron Praga, visitando as sinagogas, o antigo cemiterio xudeu, o castelo, o calexòn de ouro, plaza vella(na que se atopa o coñecido reloxo astronómico), pasearon pola ponte de Carlos IV e coñeceron innumerables recunchos da cidade. Tamén foron a visitar a cidade balneario de Karlovy Vary.

 

EXPOSICIÓN CONTRA A VIOLENCIA DE XÉNERO

“EUCRÉOTE“

Arte contra as #violenciasMachistas¡¡¡¡ Unha exposición na que imaxe e palabra se unen para loitar contra as violencias machistas.
Trátase dunha mostra artística do alumnado de Debuxo de 1º e 2 de Bacharelato do IES as Barxas na que realizaron instalacións artísticas, ilustración e pintura partindo de haikus, poemas e outros textos que xenerosamente nos cederon para traballar grandes das nosas letras como:
Miguel Ángel Alonso Diz, Tamara Andrés, Isab...el Blanco, Ana Cabaleiro, Francisco Castro, Yolanda Castaño, Iria Collazo López, Ledicia Costas, Luis Chapela Bermudez , Marta Dacosta Alonso, Suso Díaz, Xavier Estévez, Míriam Ferradáns, Antonio García Teijeiro, Xosé Manuel González-Oli , Anna R Figueiredo, Toño Núñez, Emma Pedreira, Diego Seixo, Helena Villar Janeiro e X.m. Xespi.

 

 

PROGRAMA JÓVENES EMPRENDEDORES

Dous proxectos do IES AS BARXAS de Moaña, “IMPROVING YOUR MOBILITY” y “REMEMORA 3.0” foron premiados no programa Jóvenes Emprendedores de la Caixa cun Campus de Emprendemento en Barcelona do 9 ao 12 de maio. Os proxectos foron feitos por 7 alumnos e alumnas dentro da materia “Iniciativas Emprendedoras” de 4º ESO e coordinados pola profesora de Economía, María José Soto.

Así o vindeiro 9 de maio, os alumnos Gabriel González, Alejandro Rivas, Joel García, Damián Santos, Ylenia Sequeiros, Yolanda Montes e Ana María Seijas, acompañados das profesoras María José Soto e María González, defenderán os proyectos do noso centro, único centro galego seleccionado e loitarán por facerse con algunha das 5 prazas para Silicon Valley. 

ENLACE Á NOTICIA: 

http://desafioemprende.educaixa.com/es/noticias/-/repteempren/news/75498

 

 

VISITA CUVI

 

O martes, 3 de abril, o alumnado de 2º de bacharelato visitou as instalacions de varias facultades do CUVI. Comprobando de primeira man os traballos que se fan, coñecendo os plan de estudos, as posibles e variadas saidas profesionais,....

 

 

 

 

 

 

 

PROXECTO SAFTAS/ERASMUS+

 

 

 

 

 

 

 

Duranta a semana do 15 ao 22 de abril, un grupo de alumnas e alumnos, xunto ás profesoras María González e Palmira Calvar, participan na final do Festival deste proxecto que ten lugar na localidade francesa de La Fléche. Nesta ocasión participan cunha curta titulada Connections e cunha obra de teatro titulada The Choice.

Enlace para a noticia: Erasmus 

ACTIVIDADE DO DEPARTAMENTO DE FILOSOFÍA 

 

O xoves, 22 de marzo, e para profundizar no tema do aprendizaxe, o adestrador Carlos Martínez Comesaña, despois dunha introducción sobre a natureza dos cans, ofreceu a todos os alumnos e alumnas de 1º de bacharelato unha clase práctica sobre como ensinar habilidades aos cans mediante o condicionamento operante e o condicionamento instrumental.

 

 

      

 

 

ACTIVIDADE DO DEPERTAMENTO DE FRANCÉS

O mércores, 21 de marzo, no patio do noso centro tivemos unha actividade do departamento de Francés na que o alumnado que cursa dita asignatura en 1º Bacharelato e 3º ESO, participou conversando cun cociñeiro e elaborando crepes na foodtruck preparada para tal fin.

  

 

 

AS BARXAS CONMEMORA O 8 DE MARZO CUNHA EXPOSICIÓN DETRABALLOS DO ALUMNADO DE PLÁSTICA SOBRE AS AVOAS

 

 

O hall do noso centro xuntou o pasado venres 9 de marzo, a decenas de avoas do alumnado na inaguración da exposición "Avoas. Elas son a memoria do noso pobo". Aredor de cen estudantes de 1º e 3º de ESO, así como da aula de Debuxo Artístico de 2º de Bachillerato, retrataron durante os últimos meses ás suas avoas. Moitos dos retratos están acompañados de frases de homenaxe, como o de Naiara Currás, de 4º C, que pon a frase "Eres una persona con plata en el pelo y oro en el corazón"; ou Estela Sobral, de 3º A, que pon: "Coa vara que mides serás medida".

 

 Con motivo da exposición, o alumnado de 1º ESO de "Plástica As Barxas" fixo un video basado no poema AVOA de Luis Chapela Bermúdez.

 Video AVOA

 

 VIAXE DO ALUMNADO DE 2º ESO A LEITARIEGOS

 Desde o dia 20 ao 23 de febreiro, o noso alumnado de 2º ESO está a disfrutar duns estupendos dias na neve.

 

 

 

 

15 DE FEBREIRO - DÍA DO CÁNCER INFANTIL

 

 

CHARLA CON EVA MEJUTO

 O pasado mércores 7 de febreiro recibimos no noso salón de actos á escritora Eva Mejuto, que veu falarnos sobre o seu proceso de escritura e sobre o seu último libro, 22 segundos, que lemos en 2º da ESO e nalgunha clase de 3º ESO. 22 segundos, que foi recentemente nominado ao Mellor Libro de Literatura Xuvenil na Gala do Libro Galego,  trata sobre a historia de Álex, un rapaz transexual, e dos problemas de aceptación que atopa no seu entorno, derivados exclusivamente da súa identidade sexual. 

Pareceunos unha charla entretida e moi motivadora, e fíxonos reflexionar sobre a igualdade e o respecto aos demais. Eva respondeunos ás moitas preguntas que lle fixemos con moita amabilidade, e puidemos amosarlle os nosos diarios de lectura sobre o libro. Tamén a agasallamos cun cadro elaborado por Sara Meira, alumna de 3º ESO PMAR, ademais de co noso logotipo do centro. 

Agardamos volver contar pronto coa túa presenza, Eva, e desexámosche moita sorte na túa carreira literaria.  

CHARLA SIOPE

O 26  de febreiro, o alumnado de 1º e 2º de bacharelato, recibiu unha charla para a orientación universitaria. 

Esta charla para o alumnado de bacharelato tratou sobre como acceder á universidade, as titulacións que hai na universidade de Vigo, que ten tres campus universitarios, así de como escoller os estudos que máis se axustan as suas expectativas.

 

CHARLA CO GRUPO MUSICAL EZETAERRE

O 26  de febreiro, o alumnado de 3º e 4º ESO, xunto co alumnado do EDNL, participaron nunha charla co grupo  de Rap en galego, Ezetaerrre. Nesta charla, o alumnado formularon preguntas variadas sobre a súa traxectoria e a súa opinión sobre temas de actualidade como a situación do galego ou acensura.

Comprometidos e divertidos, rapearon sobre o escenario e as súas respostas produciron reflexións e risas.Agardamos volvelos a ver pronto!.

CONCERTOS DE JAZZ

O luns 19 de febreiro, o alumnado de Música de 1 Bach e 4º ESO tivo a oportunidade de asistir a un concerto de Jazz no noso centro promovido polo concello de Moaña.