Curso 19-20

Convidamos a todo o alumnado do noso IES e mais ás súas familias a asistir, denro da campaña "21 Días en Galego" e de balde, á proxección da película "O que arde" o xoves 13 de febreiro ás 18:00h da tarde, ata cubrir aforo.

Moitas grazas!

O pasado 10 de xaneiro veu Antía Yáñez ao noso centro e falounos de marraxos, de literatura, de Harry Potter, de latas de conservas e d`O misterio do torque de Burela, que é un libro fantástico que lle gustou moito à rapazada! Mil grazas, Antía!

O pasado venres 31 de xaneiro tivemos a sorte de contar cos amigos da Asociación Cultural Nós, que viñeron falarnos da historia de Moaña a través das súas fotos e que nos agasallaron con exemplares do seu último traballo, Historia do entroido en Moaña. Moitas grazas! Manuel Anxo Mendez, Xosé Carlos Villaverde, Xesús Cancelas Franco.

Durante o mes de xaneiro o alumnado de 2º de ESO estivo a recibir un obradoiro a cargo do Equipo de Prevención da Asociación Érguete. O Obradoiro vai encamiñado a evitar o desenvolvemento de consumo problemático de drogas e promover a adopción de estilos de vida saudables entre os adolescentes.  Damos ás grazas a Érguete pola súa colaboración.

Subimos unhas fotos da excursión da semana pasada a Mérida, Trujillo, Cáceres e Salamanca organizada polo departamento de Latín e Grego para 1° e 2° de Bacharelato. Portáronse marabillosamente e aprenderon moitísimo! Foron acompañados dos profes Beni e Iria.