Extraescolares outros cursos

Festival FIN DE CURSO

O venres, 19 de xuño, tivo lugar o festival musical de fin de curso. Ademáis da presentación da terceira parte da serie "Seminario 5", houbo un amplo repertorio onde os rapaces cantan, tocan e bailan. Tamén foron os creadores de gran parte dos arranxos e dirixiron os ensaios. Todo baixo a supervisión de José Luís Pena e Seso Durán. Aquí tendes un resumo do mesmo:

 

 

 

 

BIG CHALLENGE

Alumnos de 1º ESO C, 2º ESO bilingüe e 4º ESO participaron no concurso Big Challenge 2015. Area Guede  foi 2º provincia.

Aquí unha instantánea dos alumnos de 3º ESO bilingüe, que tamén participaron no concurso. Laura Durán acadou os mellores resultados da clase. 2º provincia.

 

 

 

AS BARXAS ESCRIBE

Sumérxete nun universo de fantasía e creatividade da man dos nosos xóvenes autores. No seu percorrido polas páxinas de "As Barxas escribe 2014-15", encontrarás aventuras, sentimentos, diversión, arte e moita ilusión. Descarga a  versión dixital, déixate levar e redescubre o placer da lectura.

 

 

Charla con Fina Casalderrey

Esta semana o alumnado de 2º ESO asistiu a un encontro literario con Fina Casalderrey, autora dun dos libros que leron neste trimestre: A Pomba e o Degolado.  Grazas ó achegamento da autora e ó seu carácter dialogante puideron facerlle preguntas sobre o libro e mesmo levar unha fermosa dedicatoria ós seus fogares.

Parabéns Fina.

 

 

 

Presentación do libro: Barxilón no mar de latón

O próximo mércores 10 de xuño, ás 18:00 horas, terá lugar a presentación do libro "Barxilón no mar de latón". Libro creado dentro do proxecto "Creación dunha editorial". O acto desenvolveráse no salón de actos do Centro e ademáis dunha introducción sobre o desenrolo do proxecto, presentaráse o libro, a súa web e  unha obra de teatro sobre Barxilón a cargo do IES Sánchez Cantón.  A entrada do salón de actos, así como o hall contarán con exposicións, xogos e outro material que esperamos vos gusten. Contamos coa vosa asistencia.

 

 

 

Saída didáctica á COSTA DA MORTE

O mércores 20 as 9,00 h saímos do instituto cara a Laxe onde comezamos  a primeira das etapas que nos levarían a percorrer parte da Costa da Morte.  Este día camiñamos os 15 km que separan Laxe de Camelle visitando o faro de Laxe, a praia dos cristais, as praias de Soesto e Traba ata finalizar no pobo de Camelle onde visitamos o museo de Man. Dende Camelle o autobús levounos ata Muxía onde visitamos o santuario da Virxe da Barca.

O xoves 21 fixemos  a segunda etapa, 18 km entre o pobo de Arou e o faro Vilán. Visitamos a duna de Monte Branco, a Praia do Trece e o Cemiterio dos ingleses rematando  a camiñata no faro Vilán, onde Cristina a fareira nos contou historias de 45 anos  de experiencia no faro.

A noite no cámping transcurriu entre chourizos a brasa e a observación astronómica feita grazas a colaboración do observatorio astronómico Ramón Aller.

Para o último día deixamos a subida ao  monte Pindo e a visita a fervenza do Xallas. Catro horas de ruta que se fixeron un pouco longas, entre outras cousas, debido a que a falla de sono non axuda moito nestes menesteres.

 Trala comida collemos o bus a e as seis da tarde chegamos a Moaña a tempo para asistir o acto de graduación dos alumnos de 2º de bacharelato.

 

 

 

 

Graduación alumnos 2º Bacharelato

Un ano mais se celebrou no salón de actos do noso Centro, repleto de familiares e amigos dos homenaxeados, a tradicional cerimonia de graduación dos alumnos de 2º Bacharelato.

Ademáis dunhas palabras do director, dos propios alumnos e dun representante da ANPA, proxectouse un vídeo-resumo do seu paso polo Centro: actividades nas que participaron, anécdotas, .... O vídeo foi creado polos propios alumnos. Logo recolleron de mans dos seus profesores a orla e o diploma, así como un pin co logo do Instituto. E finalmente foron os profesores os que recibiron un pequeno agasallo personalizado de mans dos alumnos. Unha emotiva xornada que rematou cunhs pinchos no hall e posterior cea nun restaurante moañés. 

 

 

 

Exposición FOTOGRAFÍA MATEMÁTICA

O Centro acolleu a exposición de fotografía matemática MATEXPO. Fundación Barrié

 
 
 

Día das LETRAS GALEGAS

Con motivo do Día das Letras Galegas celebramos un festival onde se mesturou a música o teatro e o vídeo.

Empezamos co grupo "Xardín Desordenado", un grupo de intérpretes vigueses que musicalizan poemas de autores galegos. Interpretaron, entre outros, os poemas:

  • Os amores antigos (Pepe Cáccamo)
  • Penélope (Xosé Mª Díaz Castro)
  • Dona Lida (Valentín Paz Andrade)
  • Aprendendo a ladrar (Olga Novo)
  • Tanto de tanto (Carmen Krukenberg)
  • Rapaza buena (Luisa Castro)
  • Quedo a vivir aquí (Iolanda Zúñiga)
  • A viúva (Rosalía de Castro)
  • Os malos sen revólver (Serxio Iglesias)
  • Pequenas Sereas (María do Cebreiro)

A continuación, actuou o grupo de teatro do Centro representando a obra "O Xogo de Green", de Isabel Cascante (que forma parte tamén do grupo de teatro).

E por último proxectaronse unhs vídeos creados polos departamentos de plástica   e música(ver máis).

A XUSTIZA POLA MAN (Rosalía de Castro)

ALALÁ das MARIÑAS

GALIZA LATINA

(máis vídeos)

 

 

 

 

Clase práctica de inglés en Vigo

Os alumnos de 3º ESO C, acompañados por Palmira e Chema, desprázanse ata Vigo co fin de practicar o inglés cos cruceristas que estes días están na Estación Marítima. Seis grupos de alumnos lles explicaban aos turistas o que poderían visitar en Vigo. Proporcionábanlles ademáis mapas e consellos útiles para sacar o máximo proveito á súa visita.

Logo visitaron O Marco onde disfrutaron dunha visita guiada á exposición temporal "Pasión e Cálculo" de Francisco Mantecón.

Finalmente visitaron O Castro, onde un grupo de alumnos fixo de guía para o resto do grupo.

A experiencia foi todo un éxito. O Faro de Vigo faise eco da visita. (ver o Faro)

 

 

 

Theme by Danetsoft and Danang Probo Sayekti inspired by Maksimer