EPV/Debuxo

Departamento de EPV/Debuxo

Día de Rosalía

Xov, 23/02/2017 - 22:36 — IES A Sangriña

Start: 24/02/2017 00:20

End: 24/02/2017 21:30

Timezone: Etc/GMT+1

Rosalía de castro

O día 24 de febreiro celebramos o 180 aniversario do nacemento de Rosalía de Castro.

Organizamos un festival poético musical no salón de actos do centro, con diferentes actuacións de alumnado de varios cursos, tanto de ESO, como de Bacharelato (lectura sentida de poemas, interpretacións musicais e de danza etc.). Participamos e colaboramos nesta importante celebración diferentes departamentos. Deste xeito, homenaxeamos, a través da lectura, a música e a danza, á nosa gran poeta.

En días previos e/ou posteriores levarase a cabo a Ruada Rosaliana, con intención de acudir, cos nosos lectores e lectoras de poemas de Rosalía, a distintos lugares da vila (concello, colexios, mercado...). Procuramos a continuidade desta actividade, xa iniciada en cursos anteriores, de gran aceptación na comunidade educativa.

Calendario

A Guarda sen plásticos (manequín challenge)

Mar, 21/02/2017 - 22:57 — IES A Sangriña

Este manequín challenge forma parte do Proxecto Interdisciplinar de 1º ESO: "A Guarda sen plástico" onde traballan os Departamentos de Inglés, Matemáticas, Plástica e Bioloxía conxuntamente. Foi producido polo alumnado de 1º ESO coa axuda de Maria José Saborido, Beatriz Núñez, Pablo Gaiteiro, Sandra Santos e Xoana Alonso. Tamén axudou o persoal da cafetaría: Javi e Tamara.

O proxecto está dividido en tres fases:

Formación do alumnado sobre o uso dos plásticos e os efectos no medio, que se desenvolveu no primeiro trimestre.
Realización dunha enquisa e análise matemático das respostas, que se está a levar a cabo esta mesma semana no centro.
Interpretación e publicación dos resultados por distintos medios. Comparación entre os resultados da nosa enquisa e os resultados das enquisas doutros institutos europeos. Farase durante o terceiro trimestre.

Dentro do proxecto, creouse un TwinSpace en eTwinning. Este portal europeo permite a grupos de estudantes de toda Europa estar en contacto con estudantes doutros países para facer traballos xuntos. Neste caso, estamos en contacto con un instituto de Sassuolo (Italia) e outro de Kutaisi (Georgia) cos que imos comparar os resultados da enquisa.

Leer máis

Nin unha menos

Lun, 05/12/2016 - 23:28 — IES A Sangriña

Start: 25/11/2016 12:00

Timezone: Etc/GMT+1

O pasado venres 25 de novembro, Día Internacional da Violencia contra a Muller, xuntámonos no vestíbulo do centro para ler e escoitar reivindicativos poemas das nosas grandes autoras, con intención de visibilizar e sensibilizarnos ante un problema tan grave que vive a nosa sociedade. É esperenzadora a alta participación que tivo esta actividade.

Calendario

Nin unha menos

Ven, 18/11/2016 - 10:57 — IES A Sangriña

Start: 25/11/2016 08:20

Timezone: Etc/GMT+1

O vindeiro día 25 de novembro, Día Internacional da Violencia contra a Muller, o noso centro quere sumarse ás reinvindicacións dos dereitos das mulleres e pór o noso gran de area para cambiar esta realidade de violencia machista que están a sufrir.

Faremos un pequeno acto no vestíbulo do centro que consistirá nunha lectura dalgúns poemas significativos da nosa literatura, por parte do alumnado. Estades todas e todos convidados a participar neste recital: se queredes anotarvos, falade con Neves (Galego), Denis e Gisela (Castelán) ou Bea (Plástica).

Ademais, na biblioteca haberá unha selección de obras de mulleres para que todo o alumnado poida acceder a elas.

Convidámosvos tamén a todas e todos a traer algo semellante a unha cinta ou lazo de cor violeta, con ou sen mensaxe escrita, para construír unha cabeleira de muller.

Ese día traede algunha prenda de roupa violeta.

Animádevos a participar!