Skip to Content

Intercambio de grupos

Intercambio de grupos

INTERCAMBIO A GUARDA - AARHUS (DINAMARCA).

Preme na imaxe para ver o vídeo.

Entre o 24 de abril e o 1 de maio, dez alumnas e dous alumnos de 1° de Bacharelato participaron nun intercambio con “Aarhus Gymnasium” (Dinamarca). Nesa semana recibimos ao alumnado dinamarqués e na maioría das ocasións, xunto cos seus correspondentes, participaron das actividades previstas no noso centro para esa semana que foron moitas e moi diversas:

O luns 25 de abril, dirixido a 1°Bach A e B: Itinerario xeolóxico pola contorna da Guarda”, organizado polo departamento de Bioloxía e enmarcada no ámbito dos Contratos-programa (liña Inclúe ámbito da Educación para a Convivencia). 

O mércores 27 de abril, a rapazada de 1º de Bacharelato asistiu ao relatorio de Amelia Tiganus: “Conexións entre a violencia sexual, a pornografía e a prostitución: propostas éticas para vivir unha sexulidade saudable”. Esta charla foi organizada pola Comisión de Igualdade en colaboración co CIM da Guarda. 

Asistiron tamén a un obradoiro de Técnicas básicas de primeiros auxilios: cadena de supervivencia, RCP básica, uso do desfibrilador e actuación ante obstrucción de vía aérea, con Pepe Palacios, organizado no ámbito dos Contratos-programa (liña INNOVA: ámbito de Educación para a Saúde), dirixido a 1° curso de todos os Ciclos formativos. 

O xoves 28 de abril, alumnos e alumnas de 1º de Bacharelato baixaron ata o río para participar no obradoiro “Prevención de afogamento en ríos, organizado de novo no ámbito dos Contratos-programa (liña INNOVA: ámbito de Educación para a Saúde), tamén con Pepe Palacios. 

Ademáis, este alumnado dinamarqués tamén participou na inmersión nalgunhas das clases do mércores, xoves e venres e puido gozar dunha visita a Santiago de Compostela o martes 26 de abril, así como unha andaina polos Muíños do Folón e do Picón, o venres 29 de abril. 

O bo tempo facilitou moitísimo o desenvolvemento de todo o previsto. 

Mención especial merece a colaboración das familias do alumnado participante, así como todo o profesorado implicado. Gustaríanos felicitalos e agradecer a súa magnífica disposición en todo momento.

Repetiremos!

Reunión do alumnado da viaxe a París.

Intercambio con Italia

A semana pasada, 21 alumnas e alumnos de 1º de Bacharelato, acompañados por Daniel Garbín e Toñi Sánchez, realizaron un intercambio co Licei Statale Francesco Angeloni, de Terni (Italia). Participaron nas clases do instituto, visitaron Terni, Roma, Perugia e Spoleto, pasaron tardes en familia e conviviron coas súas compañeiras e compañeiros de intercambio, guardeses e italianos. Unha experiencia moi enriquecedora, que puidemos levar a cabo un ano máis.

Roma.

Perugia.

Spoleto.

Intercambio co Liceo Francesco Angeloni

19/01/2018 08:20
26/01/2018 20:00
Etc/GMT+1

Estes días boa parte do noso alumnado de 1° de Bacharelaro está a realizar un intercambio co Liceo Francesco Angeloni (Terni, Italia), no que participan 20 alumnas e alumnos de cada país, e no que levan a cabo un interesante programa de actividades académicas e culturais. 

 

 

Intercambio escolar con Dinamarca, Aarhus 2016

Do 20 ao 27 de setembro oito estudantes de primeiro e segundo de Bacharelato gozaron dunha viaxe de intercambio co instituto Langkaer de Tilst en Aarhus (Dinamarca). Cun completo programa de actividades foron convidados a coñecer e compartir a súa cultura e ensinanza, amosando unha hospitalidade e atención inmellorables.
Agradecemos desde aquí a todas as persoas que fan posibles estas experiencias, enriquecedores e imprescindibles para todos nós, e agardamos impacientes a súa visita na Guarda o próximo mes de abril!
Ata pronto, Langkaer!

Distribuir contido


by Dr. Radut