Skip to Content

Normalización Lingüística

Cartas de amor e amizade na Candeloria

Candeloria

Hoxe, 2 de febreiro, é o día da  Candeloria, medio inverno vai fóra e namoran os paxariños! A Candeloria é o día de exaltación do amor no calendario tradicional galego. Para que a nosa comunidade educativa poida festexalo puxemos unha caixa de correo en consexaría.

Todos aqueles que queirades participar só tedes que entregar a vosa carta de amor ou de agradecemento o luns 5 de febreiro e o Equipo de Dinamización da Lingua Galega faraa chegar aos seu destinatario ou destinataria. Tanto se a metedes nun sobre como se empregades un folio pechado cun celo... non esquezades poñer por fóra o nome, a clase e o grupo da persoa que debe recibila. 

Desexámosvos felices festas e próspero aninovo

Feliz Nadal

O APALPADOR - III Concurso de Debuxo de Nadal

Concurso de debuxo de nadal o apalpador ies a sangriña

O Equipo de Dinamización da Lingua Galega  quere que, un ano máis, o alumnado da Sangriña celebre o Nadal da maneira máis artística. Para iso, convocamos un concurso para que debuxedes ao Apalpador ou á Apalpadora, personaxes protagonistas do Nadal galego.

O premio  consistirá nun vale de 30€ en material de debuxo, libros ou material escolar.

Os orixinais deberán enviarse por correo electrónico, antes do 12 de xaneiro, a asangrinha.edlg@gmail.com

O EDLG promove o cinema en galego

Cinema en galego

O Equipo de Dinamización da Lingua Galega do IES A Sangriña está a levar a cabo unha campaña de promoción de filmes aos que o alumnado pode acceder no noso idioma en diferentes plataformas como Netflix, Amazon Prime, RTVE Play, Filmin ou a propia web da TVG.

Os filmes están a ser divulgados cun grande mural ubicado no vestíbulo do centro onde se penduran carteis de elaboración propia que inclúen unha imaxe da película e unha breve sinopse. Ademais, estes mesmos materiais están a ser difundidos diariamente nas redes sociais do EDLG (tedes a ligazón ao Instagram nunha icona na marxe dereita desta web).

Boa parte dos contidos poden localizarse tamén na web https://pipocas.amesa.gal da Mesa pola Normalización Lingüística, repositorio que vos convidamos a visitar.

Distribuir contido


by Dr. Radut