Barreiro

PROGRAMACIÓN DA AULA DE BARREIRO PARA O CURSO 2020/2021

PROGRAMACIÓN AULA BARREIRO PARA O CURSO 2020/2021

OCURRE(CIE)NCIAS: Alicia en el país de las maravillas

Este venres, voltaron as tolas "ocurre(cie)ncias" á aula. Desta vez, o libro elixido foi "Alicia en el país de las maravillas". Unha historia que nos sorprendeu por extraña, ocurrente e divertida.

A súa lectura deu lugar a múltiples parladoiros e xogos e, tamén, a experimentos que hoxe nos fixeron coñecer a algún dos personaxes da historia como o Sombrerero loco, a introducirnos no fantástico mundo das ilusións ópticas e a traballar aspectos cotiáns como a numeración pero dunha forma moito máis divertida.

Como vedes, non houbo forma de que dexasen de mirar o noso sombrerero... Guiño

Por se vos apetece recordar un pouquiño a historia que motivou este taller, premede na imaxe anterior e poderedes ver un anaco da película de Disney. O luns veremos o resultado da experiencia cos osiños de goma... conseguiremos facer que medren como Alicia cando comeu a torta?

 

Moito coidado coas vosas cabezas pequenos!

Biquiños con sabor a osiño de gominola de Lupo e mais eu.

UN MAGOSTO UN TANTO ESPECIAL

O pasado mércores, 11 de novembro, festexamos un magosto algo diferente na aula. Este ano non houbo castañas asadas, fogueira ou fasco para prendela. Pero si recibimos a tres personaxes moi particulares cos que xogamos e desfrutamos un montón. Eran Fasco, Brasas e Castaña (aínda que as mascarillas nos fixeron cambiarlle o nome continuamente). Para o noso magosto propuxémonos contar, entre todos, un conto moi divertido "A castaña que rebentou coa risa". Premede na imaxe e disfrutadeo!

 

 

 

Bicos con sabor a castaña de Lupo e mais eu

Carreira solidaria "La vuelta al cole"

O pasado martes, todos e todas participamos nunha carreira moi especial. O motivo da mesma é colaborar na investigación da leucemia, procurando respostas á mesma que melloren a vida dos peques que a padecen. 

Con este propósito colaboramos cunha achega simbólica e recibimos o noso dorsal de corredor. 

A carreira converteuse nun circuito no que tiñamos que correr, saltar, deslizarnos e pasar entre unha chea de fitas de colores. Non queriamos nin gañar nin perder, só axudar e divertirnos e o obxectivo quedou conseguido.

Velaquí os tedes lucindo diploma e medalla....  todos e todas son uns campións!!

       

Carreira solidaria "La vuelta al cole"

O pasado martes, todos e todas participamos nunha carreira moi especial. O motivo da mesma é colaborar na investigación da leucemia, procurando respostas á mesma que melloren a vida dos peques que a padecen. 

Con este propósito colaboramos cunha achega simbólica e recibimos o noso dorsal de corredor. 

A carreira converteuse nun circuito no que tiñamos que correr, saltar, deslizarnos e pasar entre unha chea de fitas de colores. Non queriamos nin gañar nin perder, só axudar e divertirnos e o obxectivo quedou conseguido.

Velaquí os tedes lucindo diploma e medalla....  todos e todas son uns campións!!

       

Taller de mate: Voade bolboretas!

Aprendemos xogando, aprendemos pola necesidade de dar resposta a necesidades reais que nos motivan e que poñen a traballar todas as nosas habilidades.

Atopamos unhas bolboretas que non podían voar xa que estaban retidas por uns pesados candados. Para poder liberalas, os peques debían descubrir que forma tiñan as chaves, procurar as mesmas e abrir os candados. O xogo resultou tan divertido que todos querían probar unha e outra vez...

 

 

 

Tempo de SAMAÍN

Chegou o tempo das pantasmas, morcegos, bruxas e arañas, ... dos sustos e das risas, ... é o tempo de Samaín!

Grazas ao traballo dos peques a aula estaba decorada para unha festa de Samaín na que non faltaron a música nin os xogos...

Para que non perdades o ritmo e sigades bailando sen parar cos vosos monstros premede na imaxe e desfrutade da canción de Xan Curiel "Toca o teu pé", pertencente ao disco "A casa do Terror". 

 

Biquiños de baba de caracol e tea de araña de Lupo e meus.

OCURRE(CIEN)CIAS: "Garavanciño"

Esta semana, de novo, tivemos sesión de Ocurre(cie)ncias. Desta volta o invitado foi un personaxe, pequeno, pequerrechiño... GARAVANCIÑO!

A través da súa historia temos realizado actividades moi diferentes como atopalo entre ducias de garavanzos, experimentar as diferenzas entre os garavanzos secos e rehidratados, contruír con estes garavanzos e pauciños, ... pasámolo xenial! Velaí unhas imaxes que así o amosan.

 

Premede na imaxe para recordar a historia e contestar a unhas preguntiñas con axuda dun maior.

 

Biquiños con sabor a potaxe de Lupo e mais eu.

Adiviña quen é..

Este xoves, estivemos de celebración... Unha das nosas peques estivo de cumpre. Seguro que recordades quen é, non si?

Premede no debuxo e intentade adiviñar de quén se trata.

 

Biquiños con sabor a crema de cabaza de Lupo e mais eu.

OCURRE(CIEN)CIAS: "Marcelina en la cocina"

Comezamos un pequeno proxecto destinado a achegarnos ao mundo da ciencia a través dos contos. Hoxe foi o turno de "Marcelina en la cocina". A través desta divertida historia, fixemos un pequeno experimento que nos gustou moitísimo.

 

Vos deixo un pequeno xogo para que volvades a escoitar o conto e contestedes a algunhas preguntiñas coa axuda dalgún maior. 

Biquiños de tutifruti de Lupo e mais eu.

 

Distribuir contido

Back to top