Skip to Content

FIN DE ANO NA SEDE DO CRA RAÍÑA ARAGONTA

Na mañá de hoxe os nenos e nenas da Esfarrapada, xunto cos seus mestres e mestras recibiron o aninovo acompañando as campanadas con 12 gusanitos!!!.

Esperamos que o 2018 sexa un ano moi feliz para todos e todas os que formamos esta comunidade educativa, nenos e nenas, pais e nais, mestres e mestras.

FELIZ 2018!!!!!!!

FELICES FESTAS

Todos os mestres e mestras do CRA Raíña Aragonta, esperamos que os nosos nenos/as, poidan disfrutar dun Nadal cheo de amor e bos momentos compartidos en familia.

BO NADAL

VISITA DAS AULAS AOS BOMBEIROS DO PORRIÑO

Ao longo da semana pasada, os nenos e nenas do CRA, visitaron o parque de bombeiros do Porriño. Cada día foron varios os grupos que recibiron as explicacións e puideron disfrutar da emoción de subir aos camións deste corpo de profesionais, que tan amablemente nos atenderon. Aquí vos deixamos un pequeno exemplo.

 

 

DÍA INTERNACIONAL CONTRA A VIOLENCIA DE XÉNERO

Os nenos/as do CRA raíña Aragonta dín NON á violencia de xénero.

Na mañá de hoxe houbo un acto de concentración en todalas aulas deste centro. Deixámosvos unhas imaxes destes actos.

Grazas as familias que colaboraron coa actividade proposta.

NON É NON, SI E SI

 

CELEBRACIÓN DE OUTONO

Hoxe, os nenos e nenas do sede do CRA disfrutaron dunha mañá de talleres e actividades diversas para celebrar a chegada do outono. 

Merendaron biscoitos propios desta época, grazas a colaboración das familias, e tamén castañas asadas grazas tamén,  a colaboración desinteresada da panadería Salceda.

RECOLLIDA DE ALUMNOS/AS EN HORARIO DIFERENTE Ó DE ENTRADA E SAÍDA

 

Segundo se recolle no Proxecto Educativo do Centro (aprobado en Consello Escolar), cando sexa necesario sacar ó alumno/a do centro escolar ou incorporalo ó mesmo, os pais e as nais utilizarán o horario de merenda e recreo co fin de evitar que as clases sexan continuamente interrompidas, en horario de 11:15 a 12:15 na sede e de 11:30 a 12:30 nas aulas de parroquia.

Nos casos nos que o alumno acuda a unha consulta médica que non coincida co horario de merenda e recreo, os pais/nais, poderán utilizar o seguinte horario para recoller e entregar aos seus fillos/as: de 10:15 a 10:30 e de 13:00 horas a 13:15, sempre e cando se achegue xustificación médica.

 

 

 

 

FORMACIÓN DO PROFESORADO EN PRIMEIROS AUXILIOS E NO PLAN DE EVACUACIÓN DO CENTRO

Nas pasadas semanas o profesorado do CRA Raíña Aragonta, recibíu formación sobre primeiros auxilios, entendendo que, na nosa profesión é importante estar ao tanto de como actuar no caso de que se presente algunha urxencia ou accidente. Tamén recibimos formación para poder detectar un shock anafiláctico e de como inxectar unha adrenalina no caso de ser necesario.

A formación foi impartida por Dona Laura González Yagüe. enfermeira en activo no Hospital Álvaro Cunqueiro de Vigo, a quen agradecemos a súa participación desinteresada e a súa enerxía e vitalidade á hora de transmitir a información. Maravillosa profesional e gran comunicadora.

O pasado martes, o profesorado tamén recibíu formación relativa ao Plan de evacuación do centro, impartido pola empresa Xestores de prevención, de xeito, que todos e cada un dos mestres  estén preparados nunha situación de emerxencia no caso de ter que evacuar as instalacións.

 

CONCESIÓN DE DÍAS NON LECTIVOS PARA ESTE CENTRO

No ficheiro adxunto poden consultan aqueles días autorizados como  non lectivos, para este centro, desde a Xefatura Territorial de Pontevedra. Estes días son:

  • O 13 de outubro de 2017
  • O 18 de maio de 2018

ÚLTIMA HORA. SERVIZOS MÍNIMOS NA SEDE DO CRA

Informamos que debido á actual situación que existe en toda a comunidade, por mor dos incendios, vémonos na obriga de manter só servizos mínimos na sede do CRA, pola imposibilidade de gran parte do profesorado en acudir ao centro.

Sentimos non ter informado antes, pero evidentemente fixemos todo o posible para poder abrir as aulas e o centro ata o último momento. De todos os xeitos, puxémonos en contacto co ANPA e co concello, de xeito que foran informando á maior parte da comunidade educativa posible. 

A dirección do centro.

Distribuir contido


by Dr. Radut