Skip to Content

Fontán

VISITAS DAS FAMILIAS

RICO, RICO!

No día de hoxe recibimos a visita das mamás de Leyre e Sara L, que nos prepararon un obradoiro de cociña. O menú estivo composto por pizza, palmeiriñas e mininapolitanas de chocolate. Pasámolo moi ben cociñando e degustando todo o que fixemos coas nosas propias mans. 

Grazas pola visita ;)

PLAN PROXECTA

PROTEXE OS ANIMAIS

Na nosa aula estamos participando no programa Protexe os animais (Plan Proxecta). Unha das primeiras actividades que fixemos foi un mural coas nosas mascotas: cada neno/a trouxo da casa unha foto ou debuxo, e explicou ós compañeiros/as como se chamaba a súa mascota e que coidados precisaba.

Despois, xunto con outras aulas do CRA, comezamos a facer un Libro de mascotas. Cando todos rematemos, o libro completo viaxará por todas as aulas do cole.

CONMEMORACIÓNS

DÍA DA PAZ

O pasado martes celebramos na aula o Día da Paz. Na asamblea estivemos a falar sobre que era a paz e como podiamos conseguila. Tamén formamos un puzle grupal: por parellas pintamos unha peza e despois entre todos fómolas colocando.


Ademais, fixemos unhas pombas mensaxeiras, que levaron ás nosas casas moitas mensaxes de paz.

ANIVERSARIOS

PARABÉNS RODRIGO!

Neste mes de xaneiro celebramos o aniversario de Rodrigo. Como podedes ver, os seus compañeiros esforzáronse moito facéndolle os debuxos que levou de recordo.

CELEBRACIÓNS

FELIZ ANINOVO!

Os RENOS da aula de Fontán deséxanvos... UN FELIZ 2018! Agardamos que na nosa comunidade educativa non falte a saúde, a paz, o amor, a ledicia e os sorriros! 

CELEBRACIÓNS

FESTA DE NADAL EN FONTÁN

Para despedir o trimestre e dar a benvida ás vacacións de Nadal, celebramos unha gran festa. Fixemos fotos moi divertidas no noso photocall navideño, tomamos as campanadas, brindamos con zume cos nosos compañeiros/as, merendamos chocolate quentiño con churros e xogamos e bailamos moito moito! Pasámolo de marabilla, só hai que ver as nosas caras... ;)

ANIVERSARIOS

PARABÉNS IRIS!

En decembro cumpriu anos Iris, e celebrámolo saboreando unha rica tarta e bailando as súas cancións favoritas.

VISITAS DAS FAMILIAS

FACEMOS UNS SAQUIÑOS TÉRMICOS

Comezamos o mes de decembro coa visita da nai de Mara, coa que fixemos uns saquiños térmicos de sementes moi útiles para estes días de frío. Primeiro estivemos atentos ás súas explicacións (para que servía o que íamos facer, que sementes íamos utilizar, que cantidade...). Despois escribimos o noso nome na tela e pintámola. Por último, enchemos o saco coas sementes (aprox 300g que tiñamos que pesar nunha báscula).

Foi unha actividade diferente, e marchamos moi contentos para a casa, desexando probar os nosos saquiños. Grazas pola visita! ;)

SAÍDAS

PARQUE DE BOMBEIROS DO PORRIÑO

Deixámosvos algunhas imaxes desta saída, na que coñecemos un pouco máis a labor dos bombeiros. Explicáronnos cousas moi interesantes e puidemos ver o seu ximnasio, como son os seus traxes, os diferentes tipos de camións ou os aparellos que empregan para apagar o lume.

 

Distribuir contido


by Dr. Radut