plan proxecta
Memori sobre a igualdade no deporte
Posted Marzo 13th, 2019 by profeUn novo xogo: o memori. Neste caso reunimos imaxes nas que homes e mulleres practican diferentes deportes. O propósito, ademais de traballar a memoria, a atención e outras capacidades, era coñecer ata que punto os estereotipos de xénero están presentes entre o alumnado.
- %count lecturas
Bingo de supermulleres
Posted Marzo 13th, 2019 by profeRealizamos un novo traballo de investigación: procuramos "supermulleres". Coñecemos os seus nomes e qué foi o que as converteu en persoas tan relevantes. Desta vez, non debuxamos nin tentamos escribir, xogamos ao bingo! Outro xeito de afianzar o que aprendemos, dunha forma divertida e na que participamos todos.
- %count lecturas
As tarefas e a súa distribución no fogar
Posted Marzo 11th, 2019 by profeCo motivo do Dia Internacional da Muller, nenos e nenas reflexionaron sobre quen se encarga no seu fogar de diferentes tarefas como poñer a lavadora, reparar, facer a cama, etc. e plasmárono nunha tarefa.
Os resultados poden observarse, pensamos que todavía queda moito que cambiar. Esperamos que este proxecto cumpra os obxectivos que nos marcamos e que, nun futuro, os resultados non sexan os mesmos.
- %count lecturas
Exposición de traballos
Posted Marzo 11th, 2019 by profePara rematar as nosas investigacións decidimos convidar ás familias a observar todos os nosos traballos e, sobre todo, agradecer a súa colaboración á hora de recoller información.
- %count lecturas
Rosalía de Castro
Posted Marzo 11th, 2019 by profe
Rosalía de Castro foi unha escritora galega excepcional, xa que soubo abrirse camiño como poetisa e escritora nun mundo masculino. É considerada como un símbolo do pobo galego e foi a primeira muller precursora da poesía española moderna.
É por iso polo que o pasado 24 de febrero conmemoramos o Día de Rosalía de Castro, polo que os nenos e nenas da aula de 4 anos A traballámola neste día.
Aprendimos unha poesía de Rosalía ‘’Alborada’’ e falamos do importante que foi e é como escritora. Esta é unha mostra dalgunhos traballos que levamos a cabo.
- %count lecturas
FRIDA KAHLO
Posted Marzo 8th, 2019 by profeNas aulas de Esfarrapada de 4 anos B e 4 anos C, realizamos un proxecto de traballo baseado na artista mexicana Frida Kahlo. Esta pintora soubo abrir camiño ás mulleres donas seguras de si mesmas nun mundo dominado polos homes. Loitou pola igualdade.
Neste proxecto aprendemos que a través da arte podemos expresar as nosas emocións e sentimentos. As obras de Frida mostraban as súas dificultades, a auto aceptación da dor e a pesares das dificultades atopadas, poder desfrutar da vida baixo o seus lemas: "Viva la vida!" e "Pies para que los quiero si tengo alas para volar".
Para motivar ao noso alumnado, fixemos unha exposición cunha representación fotográfica das súas obras, familia, parella... así como, obxectos que a definen e representan ao seu país.
Aprendemos o que é un autorretrato, vendo máis alá do aspecto físico, traballando, así o autococepto e a autoestima dos cativos e cativas:
Esta é unha mostra dalgunhas das actividades levadas a cabo:
Para finalizar, coa colaboración das familias, fixemos unha festa mexicana. Cada cativo e cativa decidiu de que personaxe quería vir caracterizado: Frida ou Diego Rivera. Ámbalas dúas aulas desfrutamos dun momento de festa, baile e mesmo dun petisco típico mexicano: "guacamole" elaborado polos propios cativos e cativas acompañado con nachos.
- %count lecturas
DÍA DA MULLER
Posted Marzo 8th, 2019 by profeNo marco da comemoración do Día da Muller, conversamos para recoñecernos como nenas e nenos e realizamos diferentes traballos cos que analizar os nosos gustos e preferenzas, decatándonos de que estas non dependen do noso sexo.
- %count lecturas
Xincana Jane Goodall
Posted Febreiro 28th, 2019 by profeComo punto final ao proxecto traballado cos nenos e nenas nas aulas de 4 anos B e 4 anos C, levamos a cabo conxuntamente unha xincana; a estes dous grupos uniuse o grupo de 5 anos B cuxa actividade serviulles de motivación para comezar o mesmo proxecto.
O obxectivo principal desta actividade foi que os nenos e nenas descubriran, a través desta actividade motivadora, os diferentes elementos que caracterizan a Jane Goodall e poder descubrir que ela era a personaxe que se escondía detrás de todas as pistas.
A misión principal foi descubrir e analizar a través de pistas que se deixaron previamente en distintas dependencias do centro diferentes elementos de Jane.
A actividade resultou moi interesante xa que os cativos cativas estiveron moi motivados e conviviron nenos e nenas de diferentes idades compartindo aprendizaxes.
As pistas iniciais deixáronse nas diferentes aulas sendo como fío conductor a temática de Jane e os chimpancés:
A primeira pista levounos ata o ximnasio onde descubrimos que unha das cousas que máis lle gustan a esta persoa son os animais.
A segunda pista levounos ata a biblioteca onde descubrimos que empregaba uns prismáticos para poder ver aos chimpancés.
A terceira pista conduciunos ata o patio, onde descubrimos un elemento que caracterizaba á nosa misteriosa personaxe, o seu sombreiro.
E, finalmente, descubrimos que de quen eran todos estes obxectos…de Jane Goodall, polo que fomos emocionados ao patio para descubrir a súa tenda de campaña.
E para concluír, compartimos todos xuntos un anaco no ximnasio en compañía da tenda de campaña de Jane e do noso amigo Óscar.
- %count lecturas
Construíndo igualdade
Posted Febreiro 23rd, 2019 by profeFalar de igualdade non é especialmente fácil nestas idades aínda que por medio de contos, imaxes, cancións,... as nenas e nenos van comprendendo que somos iguais e que podemos facer o que nos propoñamos.
- %count lecturas
A VIAXE DE ÓSCAR
Posted Febreiro 21st, 2019 by profeÓscar é o protagonista dun documental que leva por título ‘Chimpanzee’.
Nesta producción imos descubrindo a un dos grandes habitantes da selva africana, os chimpancés. No medio de árbores xigantes e da espesura da selva, hai dous grupos desta especie que loitan por un territorio máis productivo. En medio desta loita, aparece a figura deste pequeño animaliño que descobre con asombro cada cousa.
Óscar está moi apegado á súa nai, e xuntos desfrutan dos praceres da vida no seo dun grupo de chimpancés.
A tranquilidade de Óscar rómpese cando un grupo rival irrumpe no seu territorio e no conflicto morre a súa nai, quedando orfo e a mercé dos perigos da selva.
Sorprendentemente, Óscar será adoptado por un chimpancé macho, establecéndose entre ambos unha bonita amizade.
Despois de visionar este filme, aparece una maleta na nosa aula da que sae un ser que parece estar asustado.
As cativas e os cativos enseguida recoñecen a Óscar.
O primeiro que fan é abrázalo é brindarlles o seu amor.
E entón, cando decidimos que Óscar fará unha longa viaxe na súa maleta, visitando os distintos fogares dos nenas e nenas da clase de Esfarrapada catro anos B e catro anos C.
Con esta proposta os cativos e cativas poderán compartir coas súas familias a esencia de Jane e parte das súas ensinanzas recollidas en dous libros:
Yo Jane e Jane la mejor amiga de los chimpancés que acompañan a Óscar nesta maravillosa viaxe pola vila de Salceda.
E xa, para rematar, co noso alumnado fixemos unha pequena mascota con forma de chimpancé empregando tubos de cartón.
- %count lecturas