As evidencias científicas entre a saúde e o exercicio son teimudas e abrumadoras. Todos os estudos sinalan ao exercicio como un dos elementos claves da ecuación dunha vida saudable.

Pero ademais o exercicio ten unha clara influencia no cerebro e polo tanto no rendemento escolar. Así que o de castigar sen unha actividade deportiva non é unha boa estratexia para mellorar o rendemento académico.

Existe unha conexión directa músculo-cerebro. Os músculos liberan sustancias  ao sangue que infúen no cerebro e facilitan a neuroxénese.

Para máis información:

https://elpais.com/ciencia/2020-10-30/cinco-beneficios-que-aporta-el-ejercicio-al-llevar-al-cerebro-al-maximo-de-sus-capacidades.html

Con motivo da celebración do día Internacional das persoas con discapacidade, o xoves 3 de decembro tivemos ocasión de escoitar as recomendacións de AESLEME (asociación para o estudo da lesión medular).

A través de videoconferencia, o alumnado de 3º e 4º da ESO disfrutou dunha charla durante unha sesión lectiva.

Contáronnos a necesidade da prevención cando viaxamos no coche e as diversas lesións que pode ocasionarnos unha conducta imprudente, desde traumantismos a lesións irreversibles da médula espinal.

Bos días:

O curso de 1º da ESO que participa no programa "clases sen fume" ten que elaborar un debuxo e un slogan para participar no concurso. Velaquí vai un exemplo dun dos carteis gañadores doutros anos para que nos inspiremos.

 O contrato programa "Promoción da actividade física en horario lectivo" fomenta unha vida activa como forma de saúde.

Son moitas as evidencias que sosteñen a necesidade de realizar actividade física regular como forma de mellorar e manter a saúde.

O Colexio Xeral da Educación Física y Deportiva (COLEF) manifesta algúns dos motivos que deberíamos ter en conta.

1. É un dereito constitucional que as persoas poidan facer exercicio e os poderes públicos a fomenten.
2. O sedentarismo é un grave problema de saúde, causa hasta 35 enfermidades crónicas.
3. O confinamento agravou o problema da inactividade física.
4. A actividade física protéxenos no caso de infección.
5. A actividade física supervisada mantén un risco de contaxio baixo.
6. A superivisión profesional é a máis efectiva que as recetas que vemos por internet.

sigue lendo: https://amp-elmundo-es.cdn.ampproject.org/c/s/amp.elmundo.es/vida-sana/cuerpo/2020/11/11/5fabb4f721efa052688b4668.html

Proposta de medidas fronte ao confinamento desde o departamento de EF.

Para afrontar o Plan de ensino virtual a incluír no plan de continxencia do centro poñeranse en práctica as seguintes medidas:

• Horario: manterase o mesmo horario das clases presenciais. O 60% da sesión corresponderá á conexión online e o 40% deixarase para o traballo do alumnado

• Clases virtuais a través de Webex e Falemos

• Tarefas a través da aula virtual (3º e 4º da ESO) do centro e Edixgal (1º e 2º da ESO): Cuestionarios, enquisas, traballos, wikis, glosarios. Obradoiros...

• Aula virtual: http://www.edu.xunta.gal/centros/cpicovaterrena/aulavirtual/

• Edixgal: https://eva.edu.xunta.gal/

• Uso constante do correo para resolver dúbidas.

• Contidos a través de diferentes plataformas: genially, youtube, renderforest...

• Rúbricas compartidas para favorecer a autoavalición e a coavaliación.

• Uso de Abalar para manter ás familias informadas.

• Uso da web do centro para aviso das tarefas

• O horario de atención ás familias será o venres de 12.20 a 13.10

• Correo do departamento: dgayoso2011@gmail.com

Actualmente todas estas accións xa se están poñendo en práctica excepto as videoconferencias por Webex e Falemos.

O alumnado está adestrado no uso de Edixgal e a Aula Virtual.

Propóñense iniciativas constantes para manter a todos os cursos con actividades en rede.

Aínda que a materia é eminentemente práctica, centrada no feito motriz, todas as instrucións sobre a materia: bases teóricas, autoavaliacións, coavalicións, rúbricas de valoracións sobre xestos motrices, traballos.... realízanse necesariamente de forma telemática.

Bos días:

Desde o proxecto "Remodelación do patio escolar construíndo un entorno de convivencia" traballamos para a mellora da calidade de vida da nosa comunidade.

Nas merendas do recreo abunda unha gran cantidade de azucre e alimentos altamente procesados, este equipo informa e suxire outras posibilidades de alimentación a través do semáforo de merendas saudables.

Ti decides!!

Comezou a promoción da actividade física no horario lectivo e algunhos cursos o tomaron moi en serio.

O programa consiste nun conxunto de medidas organizativas, metodolóxicas ou de actividades deseñadas para o incremento da actividade física efectiva do alumnado durante o horario lectivo.

Bos días:

Os departamentos de bioloxía e educación física organizamos unha visita ao esteiro da Foz con 1º da ESO os días 4 e 5 de novembro.

Desprazámonos camiñando desde o centro ata a ponte de Ramallosa e unha vez ali recibíronnos Manolo e Bush.  Explicáronnos a importancia das marismas; a diferenciar as especies de aves migratorias e as súas características; fixemos experimentos con plantas que conteñen saponinas (xabón); usamos telescopios terrestres; entendimos e puxemos en valor a importancia dunha marisma como filtradora; e por riba traballamos a resistencia aeróbica camiñando máis de 8 quilómetros.

Moitas grazas a todos os participantes e ao profesorado acompañante.

O curso de 1º da ESO está inscrito no programa clases sen fume.

É un concurso educativo para a prevención do tabaquismo

Baséase no compromiso individual e colectivo (de toda a aula) de non fumar durante alomenos 6 meses, reforza o carácter voluntario da decisión de non fumar, facilita a presión de grupo positiva xerada pola complicidade dun grupo de adolescentes e un adulto (titor/a), e reforza a confianza nun mesmo e nos demais, ao tempo que utiliza a recompensa - premio como incentivo.

Este programa forma parte do "Plan Proxecta" da Consellería de Educación.

Todos os escolares da aula e o seu titor/a comprométense a non fumar durante os 6 meses que dura o programa. Antes do inicio do programa todos os participantes manifestan o seu consumo de tabaco.

As primeira actividades que faremos serán:

• Responder a unha enquisa sobre o tabaco.

• Elaborar un slogan, que consistirá nun lema orientado á prevención do tabaquismo, e preferentemente, dirixido a convencer aos mozos e mozas para non comezar a fumar, e que deberá acompañarse dunha representación gráfica orixinal

Bos días:

Este curso o centro participa no programa de Promoción da Actividade Física en horario lectivo.

O obxectivo é incrementar a actividade física efectiva de todo o alumnado durante a súa permanencia no centro..

Comezaremos a experiecia coa seguinte actividade:

Cada día un alumno/a do grupo ten que dirixir ao resto da clase facendo exercicios de mobilidade articular comenzando por dedas dos pés, nocellos, xeonllos, coxas, tronco, pescozo, ombros, cóbados, bonecas, dedos.

A actividade realizarase desde a cadeira sen desprazamentos.

 TAREFA. Aproveitamento da contorna.

Bos días:

Chegamos ao exercicio final.

As actividades que fixemos están todas referidas a obxectivos da propia materia. Isto vos posibilita ter unha visión máis ampla da materia, onde non todo é facer exercicio.

Nesta última materia teredes que investigar sobre as posibilidades que ofrece a contorna para desenvolver actividades físicas.

 TEDES TODA A INFORMACIÓN NA AULA VIRTUAL DATA LÍMITE PARA ENTREGAR A TAREFA: 15 DE XUÑO ÁS 12.00 HORAS

Bos días:

Rematamos as tarefas deste trimestre cun cuestionario sobre o metabolismo e o consumo de enerxía.

TES TODA A INFORMACIÓN EN EDIXGAL.

DATA LÍMITE PARA CUBRIR O CUESTIONARIO: 15  DE XUÑO ÁS 12.00 HORAS

Bos días:

Rematamos o trimestre cun cuestionario sobre alimentación.

Tes que ler o texto e responder a unhas preguntas.

TES TODA A INFORMACIÓN EN EDIXGAL

DATA LÍMITE PARA FACER O CUESTIONARIO: 15 de Xuño ás 12.00 horas

ESTOS SON OS CARTEIS SELECCIONADOS PARA PROMOVER A ACTIVIDADE FÍSICA E A DIETA SAUDABLE.

OS/AS ARTISTAS SON O ALUMNADO DA MATERIA DE PROMOCIÓN DE ESTILOS SAUDABLES.

Bos días:
Rematamos este trimestre indagando na fisioloxía do exercicio: o funcionamento do corpo.

TES QUE LER UN TEXTO E RESPONDER ÁS PREGUNTAS

Obxectivos:

• Coñecer os cambios que produce no organismo a actividade física.

• Valorar as necesidades de alimentos e de hidratación para a realización de diferentes tipos de actividade física.

TES TODA A INFORMACIÓN NA AULA VIRTUAL.

O CUESTIONARIO ESTARÁ ABERTO: do 5 ao 15 de xuño ás 12.00 horas

O próximo curso desde o departamento de educación física ofertarase a materia: Promoción de hábitos de vida saudables.

Aquí tedes unha pequena descrición da materia cos seus obxectivos, actividades e avaliación.

Preme no enlace:

PROMOCIÓN DE ESTILOhttps://view.genial.ly/5eceb0149203d30da614edc6/video-presentation-promocion-de-habitos-de-vida-saudablesS DE VIDA SAUDABLES

Bos días:

Este é o derradeiro desafío de orientación.

Xunto coa solución do anterior exercicio.

TES TODA A INFORMACIÓN EN EDIXGAL

DATA LÍMITE PARA ENTREGAR A TAREFA: 8 DE XUÑO ÁS 12.00 HORAS

Bos días:

A seguinte tarefa ten como obxectivo:

• Analizar criticamente as actitudes e os estilos de vida relacionados co tratamento do corpo no contexto social actual.

Tes que ler un texto e a continuación responder a unhas preguntas.

TES TODA A INFORMACIÓN NA AULA VIRTUAL.

DATA LÍMITE PARA A ENTREGA DO CUESTIONARIO: 9 DE XUÑO ÁS 12.00 HORAS

Bos días:

A tarefa de hoxe consiste en completar un cadro.

Hoxe toca investigar sobre outro tipo de adiccións e trastornos que poden danar a nosa saúde. Algúns os coñecerás e outros serán a primeira vez que os escoites.

TES TODA A INFORMACIÓN EN EDIXGAL

A TAREFA REMATA O 10 DE XUÑO ÁS 12.00 HORAS

Bos días:

Despois de facer un quecemento para xogar ao voleibol e traballar as características e normas do quecemento no cuestionario, no derradeiro exercicio de quecemento toca aplicar todo o aprendido e corrixir erros anteriores.

Hai que prepararse para xogar ao tenis.

TES TODA A INFORMACIÓN EN EDIXGAL

A TAREFA REMATA O 8 DE XUÑO ÁS 12.00 HORAS