BREVE HISTORIA DO COLEXIO
O colexio foi creado no ano 1967 como Centro Rural Agrupado recollendo as unitarias que había dispersas pola parroquia ( no antigo edificio do Centro Cultural, na Garrida, na Feira...). Ocupa unha superficie de 5.967 metros cadrados dos cales 2.611 son a superficie construída. O resto está repartido entra patios de recreo e zona de aparcamento
O seu primer director foi D. Hermindo Davila. Logo, previo concurso de traslados, pasou a ser dirixido por Dna. Guadalupe López Díaz que foi substuida no ano 1983 polo actual director D. José Luis Araujo Santalices.
Durante varios anos, a matrícula foi altísima, xa que collía ao alumnado de toda a parroquia de Valadares (incluídos os barrios de Zamáns, Sobreira, Freixo...) chegando a ter máis de 1.100 alumnos e 5-6 liñas de transporte escolar.
No ano 1981, créase o Colexio da Sobreira, que fai un desdobre de matrícula e de profesorado, e queda con dúas liñas de transporte máis unha dende o centro de Vigo.
Dende a súa creación, o colexio sufriu varias reformas creándose espazos novos como o Salón de Actos, a Biblioteca, un patio cuberto de uns 1.500 metros cadrados e un local (duns 50 metros cadrados) no patio inferior para as actividades da ANPA, construído no ano 2006.
Fíxose unha estrada de circunvalación, sacándolle espazo ao patio dianteiro, para evitar que os autobuses tivesen que entrar no recinto escolar.
A última obra importante foi a realizada no ano 2009 que consistiu nun cambio da calefacción que pasou de ser lectrica a ser de gasoil.
