Skip to Content

blogue deCris Pillo

Horto escolar ecolóxico

Comezamos a tempada de plantación no noso horto escolar ecolóxico. Desta vez, as nenas e nenos de Infantil foron as encargadas/os de plantar coliflor, repolo, brócoli e col lombarda.

Seguiremos informando do crecemento dos produtos do invernadoiro!
Podedes ver/descargar as fotos na seguinte galería de imaxes.

3,2,1... COMEZAMOS!

Para este curso, dende Voz Natura traballaremos a defensa dos espazos naturais do Camiño de Santiago.

Aproveitando o proxecto que desenvolveremos no colexio este curso, "Xacobeo-Bureleo 2021", prepararémonos para o Camiño coñecendo o patrimonio cultural galego e europeo a través de diversas actividades. Na segunda parte do proxecto (Bureleo 2021), convertirémonos en "peregrinos" da nosa ruta de Burela, a cal iremos trazando, acondicionando, sinalizando e explicando a través dun itinerario con lugares de interese cultural e patrimonial.

Desfrutade do camiño que hoxe comezamos!

Semana das letras galegas

Sabedes que celebramos o domingo 17 de maio? Pois sí! O día das Letras Galegas! Este ano vai adicado a Ricardo Carvalho Calero. Este autor escribiu, entre moitas outras cousas, o conto As pitas baixo a choiva. Mestras do CEIP Vilaverde-Mourente (Pontevedra) contánnolo así de ben:

A continuación deixámosvos uns cantos exercicios para os distintos niveis relacionados con Ricardo Carvalho Calero e o seu conto As pitas baixo a choiva. Fonte. Seminario Galán.

4º DE EDUCACIÓN INFANTIL ("3 anos")

5º DE EDUCACIÓN INFANTIL ("4 anos")

6º DE EDUCACIÓN INFANTIL ("5 anos")

Tamén podedes facer as seguintes actividades en liña sobre o autor e o seu conto (precísase ordenador):

Ademáis, podedes divertirvos e traballar con estas ACTIVIDADES:

- Enche un recipiente non moi alto de cristal transparente busca o número enterrado en sal, azúcre, fariña... como se mostra neste vídeo. Podes facelo con letras, buscar o número que che diga un familiar...

- Apetéceche maquillar? Pintar as unllas? Neste vídeo móstrase como podes facelo empregando un anaco de cartón, pintura e cinta adhesiva! Atréveste? 

- Como xa empeza a sentirse a calor, por que non facer unhas pinturas de xeo? Só necesitas auga, colorantes alimentarios das cores que che apeteza pintar, palillos e cubiteras. Cando estean ben conxelados ponte mans á obra!

Tamén podes facer os teus propios xeados caseiros empregando esta técnica! Só tes que botar na cubiteira ou en envases de iogur o teu refresco favorito, zume de froitas... e conxelalo! Tamén podes facer iogures xeados cravando un pau no teu iogur preferido!

- Anímaste a xogar ás palmas?

- Tea de araña. Coloca unha serie de cordóns ou lá de tecer dun sitio a outro do teu salón (por exemplo, atados ás cadeiras) como se se tratara dunha tea de araña. Debes intentar atravesala sen tocar a tea.

- Frío ou quente. Oculta ou que che oculten un obxecto pola casa, intenta atopalo utilizando as indicación de quente (preto) ou frío (lonxe).

- Sabes xogar a pedra, papel, tesoira? Seguro que alguén da túa familia che pode ensinar e pasar un anaco divertido!

- Deseña un menú diario, ou semanal se te atopas con forza! Deberás escribilo e debuxalo!

- Efecto dominó. Emprega pezas de dominó ou libros (cantos máis mellor), ponos en fila e empurra o último. Mira que rápido caen!

E esta semana, PARA MOVERSE...

A semana da eiruga

Para esta semana propoñémosvos unhas ACTIVIDADES cunhas protagonistas que probablemente vos resulten familiares. Están relacionadas cun conto moi divertido que seguramente coñecedes. Esperamos con moitas ganas os vosos correos! 

A profe Cris cóntanos o conto Unha eiruga moi larpeira.

Gústouvos o conto? Pois agora... mans á obra! 

1. O profe David plantea esta interesante actividade de conciencia fonolóxica. Eres quen de facela? Pon moita atención!

2. A profe Carmen explícanos 3 xogos partindo da cabeza dunha eiruga para traballar o conteo, a asociación número-cantidade, sumas e series.

3. A profe Dolo amósanos a maxia da simetría! Atréveste?

4. A profe Meli explícanos como facer unha eiruga larpeira cun bote cilíndrico. Cando a teñades feita podédela utilizar para contar o conto!

5. A profe Belén explica cómo facer un volcán empregando unha mazá e outras sustancias. Agora a intentalo!

6. A profe Cris prepara unha merenda saudable a partir dalgunhas das froitas que rilaba a eiruga. Anímaste a facela? 

7. E como non... non podía faltar unha estupenda actividade da man da profe Lina para moverse e realizar exercicio transformándonos nunha eiruga! 

Ademais, podedes facer outras actividades que se vos ocorran relacionadas co conto (estampación de froitas, creación dun títere, máis receitas de cociña, días da semana, cores...) e/ou actividades de semanas anteriores.

Nós xa fixemos as actividades e pasámolo ben á vez que aprendíamos. Agora tócavos a vós!

ÁNIMO! 

Distribuir contido


by Dr. Radut