Skip to Content

ADMISIÓN DO ALUMNADO 2019-2020

NORMATIVA DE REFERENCIA:

ANEXO II - Solicitude de Admisión (autocompletable)

PRAZOS:

  • Prazo de Admisión: do 1 ao 20 de marzo
  • Prazo de Matrícula: infantil e primaria do 20 ao 30 de xuño

ENTREVISTA EN RADIO ROSIÑA AOS CLASIFICADOS NO CAMPO A TRAVÉS 14-02-19

O xoves día 14 de febreiro, fixemos en RADIO ROSIÑA, unha nova sección chamada "ROSIÑA DEPORTES", e a inauguramos cunha entrevista aos tres alumnos do centro que participaron na Fase Intercomarcal de Campo a Través que se celebrou no circuito "Virxe do Loreto" en Porto do Son. Queriamos que Paula Barcia(5º), Jorge Otero (5º) e Paula Maneiro (6º), nos deran as súas impresións desta participación nunha Fase Intercomarcal cheiña de clubs de atletismo. Picando nas fotos da Radio, poderedes escoitar a grabación.

DÍA MUNDIAL DA RADIO "AS NOVAS QUE QUEREMOS" (RADIO ESPORA) 13-02-19

Hoxe día 13 de febreiro de 2019, celebramos o DÍA MUNDIAL DA RADIO, a través dun programa realizado por RADIO ESPORA co traballo de moitos centros de toda Galicia que crearon unha grabación sobre a tolerancia, a paz e o diálogo, nas súas diferentes radios. O Programa leva por título "AS NOVAS QUE QUEREMOS", e consiste nun noticieiro creado nas radios dos coles. Nos por suposto a través da nosa RADIO ROSIÑA, puxemos o noso grao de area, facendo a grabación a alumna de 5º de primaria NEREA OZÓN OTERO. Esperamos que vos guste. Picando na foto da esquerda, oiredes todo o programa.

DOCENCIA NA RADIO ROSIÑA CON LUIS (RADIO ESPORA) COS NENOS 08-02-19

O venres día 8 de febreiro de 2019, tivos a sorte de contar no centro coa visita de Luis, membro de Radio Espora e gran coñecedor do mundo da radio escolar, para dar pautas e consellos aos alumnos de 6º, 5º, 4º e 3º de primaria e para formalos no funcionamento da nosa RADIO ROSIÑA. Esperando que veñas en vindeiras datas, dámosche as grazas por todo. Se queredes ver as fotos de ese día, picade nas imaxes.

SAÍDA DIDÁCTICA A SANTIAGO 05-02-19

O vindeiro martes, día 5 de febreiro de 2019, faremos unha Saída Didáctica a Santiago con todo o colexio. O programa de actividades será o seguinte:

Ao rematar estas actividades nos xuntaremos para ir xantar, dependendo do tempo, nun parque ou nunha zona cuberta. Regresaremos ao centro arredor das 16:25 horas. Para ver as fotos do mhn picade AQUÍ. E para ver as fotos dos maiores noTeatro e na exposición, picade AQUÍ.

DÍA DA PAZ E SAVE THE CHILDREN 30-01-19

Celebramos o DÍA DA PAZ o mércores día 30 de xaneiro no pasillo do centro, debido ás inclemencias meteorolóxicas. Os alumnos crearon nas diferentes aulas un VIOLENTOVIRUS, e para combatilo crearon unha vacina para atacalo, xa que neste curso estamos a traballar o Proxecto sobre "A Ciencia". Así cada aula creou "A VACINA DO BO TRATO". Cada grupo explicóulles aos demáis en que consistía esa vacina e como atacaba ao virus. Despois celebramos a XV Carreira Quilómetros de Solidariedade SAVE THE CHILDREN, este ano adicada a ZAATARI, campo de refuxiados Sirios en Xordania, e para os que vai destinada a recadación que se fixo dos cartos que trouxeron os nenos das casa. Rematamos este fantástico día bailando e cantando ao ritmo de "APERTAS QUE VOAN" de Paco Nogueiras. Se queredes ver tódalas fotos picade AQUÍ. E para ver a presentación sobre ZAATARI picade nos carteis.

CAMPO A TRAVÉS. FASE INTERCOMARCAL PORTO DO SON 25-01-19

O venres día 25 de xaneiro de 2019, celebrouse no Circuito "Virxe do Loreto" en Porto do Son a Fase Intercomarcal de Campo a Través, na que participamos con tres alumnos/as en tres diferentes categorías. Na categoría alevín feminino correu PAULA BARCIA BLANCO; na categoría alevín masculino JORGE OTERO PITA e na categoría infantil feminino PAULA BERGANTIÑOS DANZA, facendo os tres unhas fantásticas carreiras. Agradecer a Juan José Barcia Riveiro, que trasladou no seu coche particular e acompañou aos atletas, xunto co mestre de Ed. Física, ata Porto do Son. O ano que ven, máis e mellor!!!!!Noraboa a todos/as pola vosa participación. Se queredes ver os VÍDEOS das carreiras, picade AQUÍ.

EXPERIMENTOS NA BIBLIOTECA 23-01-19

O mércores día 23 de xaneiro, chegou o momento de presentar os experimentos realizados nas aulas ao longo do 1º trimestre do curso, dentro do noso Proxecto Integrado sobre "A Ciencia". Fixemos na Biblioteca do centro unha actividade chamada "EXPERIMENTOS NA BIBLIO", consistente en que cada aula tiña que explicarlle ás demáis o experimento que fixeron na aula con anterioridade, pero agora ante a atenta mirada dos seus compañeiros. Reunímonos todos despois do recreo, e escoitamos atentamente a cada grupo que nos contou a súa experiencia como científicos con todo detalle. Uns explicando o seu experimento e incluso realizándoo en directo. Os de 6º expuxeron "O PRINCIPIO DE ARQUÍMEDES". Os de 5º a súa "LÁMPADA DE LAVA". Os de 3º e 4º o seu proxecto de "DEPURADORA". Os alumnos de 1º e 2º "COMO INFLAR UN GLOBO SEN SOPLAR", e por último os de Infantil o seu experimento das "AS PIÑAS E A AUGA".

CALENDARIO 2019 SOBRE A CIENCIA

Aquí está o noso CALENDARIO 2019, recén saído do forno. Esperamos que vos guste este traballo feito con moitas gañas e adicación, tanto polos alumnos, mestres e a encargada de todo isto, a nosa SUSI!!!! Si picades no calendario, poderedes ver mes a mes o traballo dos nenos nas aulas.

FESTIVAL DE NADAL E PAPA NOEL 21-12-18

O venres día 21 de decembro, derradeiro día de clase antes das vacacións de Nadal, celebramos no comedor do colexio o FESTIVAL DE NADAL 2018. Coma sempre todas as representacións foron excepcionais e a maioría xiraron en torno ao tema da Ciencia. Todo aderezado cunha fabulosa música que fixo as delicias de pequenos e maiores. Logo tivemos a visita de PAPA NOEL, que agasallou a tódolos nenos do colexio, con xogos científicos e caramelos. Así rematou o ANO 2018. FELICES FESTAS A TODOS E ATA O ANO 2019. Picade nas fotos para ver máis. Si queredes ver os VÍDEOS do Festival picade AQUÍ.

 

UN DÍA DE XOGO. INCHABLES E OUTRAS ACTIVIDADES NO CENTRO 20-12-18

Aproveitando casi a chegada do Nadal, o xoves día 20 de decembro, tivemos no colexio, a través da empresa encargada das actividades extraescolares do centro, 2 INCHABLES no ximnasio e outras actividades lúdicas para os nenos e nenas no patio do colexio. Picade nas fotos para ver máis.

CONCURSO DE POSTAIS DE NADAL 2018

Un ano máis, levouse a cabo o CONCURSO DE POSTAIS DE NADAL 2018, onde houbo maravillosas creacións. As postais gañadoras do concurso foron as seguintes:

  • Ed. Infantil: Olalla Suárez Grille (5 anos)
  • Ed. Primaria 1º e 2º: Luzdivina Vasilev Arnaiz (1º)
  • Ed. Primaria 3º e 4º: Alba Lago García (4º)
  • Ed. Primaria 5º e 6º: Pablo González Martínez (6º)

Dos catro gañadores a postal que representou ao colexio nestas festas de Nadal foi a de Alba Lago García, que foi enviada a tódalas casas,institucións e demáis centros educativos da zona. Os agasallos forn entregados no comedor do colexio. Picade nas fotos para ver máis e na postal para ver outras postais.

FACE 2 FACE TEATRO EN INGLÉS. A PICOTA 14-12-18

Celebrouse, un ano máis, na Aula de Cultura da Picota, o Teatro en Inglés a cargo da compañía FACE 2 FACE o venres día 14 de decembro en horario de mañá, no que participamos xunto co colexio de Pino de Val. Mentres os pequenos participaban no teatro, os maiores vían unha película no Auditorio, e viceversa. A película que visionaron foi "ATRAPA LA BANDERA". Cada centro rematou de ver a película nos seus respectivos centros. Pica para ver as fotos.

CINEDOMEVR 360º NO COLEXIO

Tivemos a visita no centro dunha empresa que traía un iglú inchable no que se proxectou aos nenos, por grupos, películas moi interesantes relacionadas coa Ciencia, o Universo, o Sistema Solar, a Orixe da Vida, etc. que se chamaba CINEDOMEVR 360º. Como colofón, no patio do colexio, fixemos todos un OBRADOIRO DE ASTRONÁUTICA, lanzando cohetes ou simulando os nenos ser parte do Sistema Solar. Picade nas fotos.

DÍA DOS DEREITOS HUMANOS E DO NENO 10-12-18

Celebramos O DÍA DOS DEREITOS HUMANOS E DO NENO o luns día 10 de decembro, decorando unha árbore de Nadal titulada "O NOSO ADN", xa que este ano o noso Proxecto vai sobre A Ciencia. Cada neno elaborou na súa clase un ADN de cartón con dereitos escritos, que se foron traballando nas aulas. A verdade que quedou moi fermoso. Picade nas fotos para ver máis.

 

CAMPO A TRAVÉS. FASE COMARCAL EN A BAÑA 04-12-18

A Fase Comarcal de Campo a Través celebrouse no Circuito de A Baña o venres día 4 de decembro de 2018 ás 11 horas. Do noso centro participaron 15 alumnos/as de 2º a 6º de educación primaria. Damos a noraboa a todos eles, pola súa participación e animamos ao resto a participar de cara ao vindeiro curso. Destes 15 alumnos, clasificáronse para a Fase Intercomarcal que se celebrará o vindeiro venres día 25 de xaneiro de 2019 no Circuito "Virxe do Loreto" en Porto do Son,4 alumnos de diferentes categorías:

  • Soraya Lago Silva (2º E.P.-benxamín feminino).
  • Paula Barcia Blanco (5º E.P.-alevín feminino).
  • Jorge Otero Pita (5º E.P.-alevín masculino).
  • Paula Maneiro Bergantiños (6º E.P. infantil feminino)

Desexámoslles a mellor das sortes na carreira. Pica nas fotos para ver tódalas fotos de ese día. E pica AQUÍ para poder ver os vídeos que se gravaron ese día.

VISITA DE ÁNGEL CARRACEDO ÁLVAREZ 27-11-18

Visitóunos unha vez máis o noso padriño da Biblioteca D. ÁNGEL CARRACEDO ÁLVAREZ, que é a persoa perfecta para falar sobre o tema do noso Proxecto "A Ciencia". Foi un fantástico día o que pasamos na compaña de este gran amigo e mellor persoa. Comezamos o día cunha maravillosa entrevista que lle fixeron os nenos de 5º e 6º na nosa RADIO ROSIÑA, que a Ángel súpolle a pouco (estaría alí moitísimo máis tempo). Logo fomos para a Biblioteca con todo o alumnado e como sempre Ángel, deleitounos coas súas verbas, sobre ciencia e mil cousas máis. Xa rematado e cando os nenos ían xantar, tivemos un encontro cos pais/nais que se acercaron ata o colexio para poder presenciar unha charla de este magnífico xenetista. Eso, un día completiño!!!!!!! Grazas por todo Ángel. Ata a próxima. Pica nas fotos para ver máis.

DÍA CONTRA A VIOLENCIA DE XÉNERO 26-11-18

Para celebrar o DÍA CONTRA A VIOLENCIA DE XÉNERO, preparamos unhas "PROBETAS CONTRA A VIOLENCIA". A ver se con este remedio, deixa de haber tanta maldade. Estas puxéronse nun panel no pasillo do colexio, e cada neno leu a mensaxe que nela puxeran. Pica nas fotos.

VISITA DE LUIS SOTO AMIL 15-11-18

Tivemos a gran sorte de contar unha vez máis no colexio coa presencia de ese gran frautista que é LUIS SOTO AMIL, o cal nos deleitou cunhas maravillosas pezas musicais, e fixo fincapé en cousas que relacionan a música e a ciencia, tema do Proxecto que estamos atraballar neste curso. Ademáis tivemos a sorte de que contestará a unha serie de cuestións na nosa RADIO ROSIÑA. Esperámoste ter de volta canto antes. grazas por todo. Pica nas fotos.

MINDFULNESS NA AULA. GRUPO DE TRABALLO 18-19

Un ano máis, e xa van tres, continuamos cun grupo de traballo sobre "MINDFULNESS NA AULA". Hai mestres que marcharon e outros que chegan novos, pero o Mindfulness permanece sempre da man do noso amigo JOAQUÍN CASTAÑO GUASCH. Continuamos así coas ensinanzas deste gran mestre do mindfulness, co fin de seguir levándoas á práctica día a día como vimos facendo dende hai xa algún tempo.

12-11-18 CUMPREANOS DO NOSO PADRIÑO DA BIBLIOTECA D. ÁNGEL CARRACEDO ÁLVAREZ

Hoxe día 12 de novembro de 2018, dende o C.E.I.P. Víctor Sáenz, queremos felicitar o cumpreanos ao noso padriño da Biblioteca D. ÁNGEL CARRACEDO ÁLVAREZ.

PROXECTO INTEGRADO DE CENTRO 18-19: "A CIENCIA"

Xa temos Proxecto Integrado de Centro para este curso 18-19, cartel e Lema. O Proxecto xirará entorno a "A CIENCIA", e o lema que se escolleu no centro por parte de nenos e mestres foi: "LE CON-CIENCIA". a TRABALLAR!!!!!! Tamén podedes visitar unha serie de sitios a través de GOOGLE SITES que están publicados no blogue da Biblioteca, que son moi interesantes.

12-11-18 O MAGOSTO. "SIRCÓPATAS" CIRCO NA RÚA, PARA A RÚA E POLA RÚA.

O luns día 12 de novembro celebramos, como é habitual no centro, O MAGOSTO. Ás 14:45 tivemos o espectáculo da compañía galega "AS SIRCÓPATAS" de teatro e circo de rúa presentando "ROGELIO UN PAIASO EN RECUPERACIÓN". Despois comimos as castañas no patio, que previamente se cociñaron no forno do comedor.

(Rogelio, leva recluido en casa 20 anos, e vai sair por primeira vez a facer o que máis lle gusta: a máxia e os malabares. Rogelio un paiaso aparentemente inociente, que se vai xogar a vida polo cariño do público. Todos necesitamos que nos querian e nos axuden, no fondo todos levamos un Rogelio dentro. Dicir o que se pensa, sen prexuicios, dende a inocencia, axúdalle a empatizar cos demáis).

09-11-18 EXCURSIÓN A SANTIAGO ALUMNADO DE PRIMARIA "O CREBANOCES" NO AUDITORIO

O alumnado de Educación Primaria desprazouse a Santiago o venres día 9 de novembro para realizar as seguintes actividades: de 11 a 12:15 viron "O CREBANOCES DE CHAIKOVSKI" cos RFG e a compañía de monicreques PER POC, no Auditorio de Galicia. E de 12:30 a 14 horas tiñamos prevista unha visita a A Fundación para ver a exposición "ALZHEIMER, CAMIÑO DA MEMORIA". Ao final, esta derradeira actividade non se poido levar a cabo debido ás inclemencias meteorolóxicas. Así que ao rematar no Auditorio, volveron para o colexio.

31-10-18 SAMAÍN

Celebramos o SAMAÍN no colexio o mércores día 31 de outubro en horario de maña. Pero xa dende o luns os nenos e as súas familias foron traendo para a exposición do CONCURSO DE CABAZAS 2018, verdadeiras maravillas da inxenería. A variedade nas cabazas foi fantástica e esperamos que continúe así por moitos cursos. Ao mesmo tempo celebramos o CONCURSO DE RELATOS DE MEDO, que os nenos foron metendo no buzón da nosa Rosiña. O propio día fixemos varios obradoiros no comedor do colexio. Comezamos cun OBRADOIRO DE MÚSICA dirixido pola mestra Susi. Sairon bailes e coreografías maravillosas!!!!!! Logo e antes do recreo fixemos o habitual OBRADOIRO DE PETISCOS, onde mestres e nenos fixeron verdadeiras obras de arte da gastronomía, que degustaron unha vez rematadas e antes de sair ao recreo. Non quedou nadiña!!!!!! E para rematar fixemos un OBRADOIRO DE MAQUILLAXE E PLÁSTICA. Medo me daban algunhas caras que andaban polo comedor!!!!! Despois de xantar, entregáronse os prenmios ás mellores cabazas e relatos de medo segundo o xurado (os nenos e os mestres). Para rematar o día, pola tarde visionouse nas diferentes aulas a película "COCO". Para ver todas as cabazas participantes picade AQUÍ.

Si queredes ver os Relatos de Medo gañadores, picade AQUÍ. E si queredes ver a entrega dos premios, picade AQUÍ. Para ver o resto das fotos dos diferentes obradoiros picade no nome e os todos os relatos de medo que entraron a concurso, picade AQUÍ.

Os gañadores do CONCURSO DE CABAZAS 2018 foron:

1º PREMIO para PAULA MANEIRO BERGANTIÑOS (6º)

2º PREMIO para UXÍA GRILLE SUÁREZ (1º)

3º PREMIO para jorge lema zamora (5º)

Os gañadores dos RELATOS DE MEDO 2018 foron:

INFANTIL co seu relato "A casa encantada"

SORAYA LAGO SILVA (2º) co seu relato "O científico malvado"

PAULA LÓPEZ SANCHIÑO (4º) co seu relato "O científico creador de monstruos"

Mª JOSÉ VILA GRILLE (6º) co seu relato "Vivirás?

PREMIO ESPECIAL PARA: ANXO CARREIRA ANTELO (1º) co seu relato "O home do saco"

 

30-10-18 NAVEGA CON RUMBO PARA OS ALUMNOS DE 5º E 6º

Tivemos a sorte de dar unhas charlas para os alumnos de 5º e 6º o martes día 30 de outubro en horario de 10 a 11 horas, co PROGRAMA NAVEGA CON RUMBO, sobre a seguridade de navegar por internet e os perigos que nos podemos atopar.

24-10-18 DÍA DAS BIBLIOTECAS. VISITA AO CENTRO DE XURXO SOUTO

O mércores día 24 de outubro celebrouse o "DÍA DAS BIBLIOTECAS" e tivemos a gran sorte que nos visitou XURSO SOUTO. Xantou con nós, entrevistárono os nenos e nenas de 5º e 6º na RADIO ROSIÑA e logo na Biblioteca do centro, deleitounos coa súa música e as súas historias case dando a volta ao mundo polo mar.  Para evr o que pasou ese día con máis detalle, déixovos o link do noso blogue da Biblioteca, onde tamén poderemos escoitar a entrevista que lle fixemos. Podedes ver as fotos na Radio Rosiña AQUÍ, e tamén as da Biblioteca AQUÍ.

"CONTOS DO RECREO" de Redrum Teatro. Aula de Cultura de Mazaricos 19-10-18

O venres día 19 de outubro ás 11 de mañá, asistimos todo o colexio para presenciar a obra do grupo REDRUM TEATRO, titulada "CONTOS DO RECREO", á Aula de Cultura do Concello de Mazaricos, en A Picota. Esta obra de teatro continúa a tratar o acoso escolar, tema este xa iniciado coa obra "A nena que quería navegar". A protagonista é Alicia, unha rapaza que goza facéndolle a vida imposible ás súas compañeiras, e que se verá inmersa nunha aventura que a cambiará para sempre.


BENVIDOS AO CURSO 2018-2019

                   

NOMEAN AO NOSO PADRIÑO, PRESIDENTE DA AIML 08-06-18

Estes día veñen de nomear ao padriño da nosa Biblioteca Escolar ÁNGEL CARRACEDO, PRESIDENTE DA ACADEMIA INTERNACIONAL DE MEDICINA LEGAL (AIML), durante o 24º Congreso que tivo lugar en Fukuoka (Xapón) o día 8 de xuño de 2018. Catedrático da Universidade de Santiago de Compostela (USC) e director da Fundación de Medicina Xenómica, Carracedo é un dos nomes máis destacados da ciencia en Galicia e un dos maiores expertos mundiais en xenética forense, do cal estamos super orgullosos. Dende o colexio de San Cosme enviámosche moitísimas felicitacións. NORABOA ÁNGEL!!!!!!

Distribuir contido


by Dr. Radut