Skip to Content

LIBROS DE TEXTO CURSO 2020-2021

Picando na imaxe poderedes ver a lista de LIBROS DE TEXTO para o curso 2020-2021

AXUDAS LIBROS E MATERIAL ESCOLAR CURSO 2020-2021

 

AXUDAS PARA LIBROS / MATERIAL ESCOLAR

CURSO 2020/2021

PRAZO: de 19 de maio ao 19 de xuño (ambos inclusive)

Está aberto o prazo para a participación no fondo solidario de libros e para solicitar axudas para adquisición de libros de texto e material escolar.

Pode facer a solicitude a través da sede electrónica https://sede.xunta.gal ou presentado a documentación no centro.
 

Para facilitarlles a xestión, no centro están os impresos de solicitude á súa disposición.

Cando veñan a realizar as xestións para esta convocatoria, tanto a recoller os impresos como e entregalos, deben respetar as normas sanitarias.

Para o cálculo da renda per cápita:

Declaración de renda do ano 2018. Suma das casiñas 435 e 460.

Nos seguintes enlaces poderá vostede informarse da normativa e poderá descargar os impresos de solicitude:

ENLACES

-Impresos de solicitude: https://sede.xunta.gal/doc-invia/rest/anexos/23300466

-Circular informativa ás familias-resumo normativa https://drive.google.com/open?id=1Xwbd4McI14l2Xxny4aG2aAYiiCqvpV5K

-Convocatoria do fondo solidario de libros de texto e axudas para libros de texto e material escolar para o alumnado de primaria, ESO e educación especial para o curso escolar 2020/2021: http://www.edu.xunta.gal/portal/fondolibros

Documentos que debe presentar:

·         Impreso de Solicitude

·         A outra documentación necesaria, de non tela no centro, xa lla solicitaremos

Horario de SECRETARÍA de 10:30 a 13:30 horas

ADAPTACIÓN DAS PROGRAMACIÓNS DIDÁCTICAS 2019-2020

 

 ADAPTACIÓN DAS PROGRAMACIÓNS DIDÁCTICAS

Curso 2019-2020

Unha das consecuencia da pandemia provocada polo covid-19, foi a suspensión da actividade lectiva nos centros dende o 13 de marzo de 2020 tal e como se establece no Real Decreto 463/2020, de 14 de marzo. Esta suspensión da actividade educativa modifica significativamente o desenvolvemento das programacións elaboradas para este curso escolar: a nivel metodolóxico, da concreción curricular, das medidas de atención ao alumando, así como, da avaliación para dar continuidade á ensinanza aprendizaxe durante o terceiro trimestre. Procede polo tanto realizar adaptacións de estas programacións iniciais seguindo as directrices fixadas na Orde EFP/365/2020, de 22 de abril, pola que se establecen o marco e as directrices de actuación para o terceiro trimestre do curso 2019-2020 e o inicio do curso 2020-2021, e as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

 

Educación Primaria

ACTIVIDADES E XOGOS DE EDUCACIÓN FÍSICA PARA FACER NA CASA

TEDES NESTA PÁXINA UNHA SERIE DE ACTIVIDADES E XOGOS DE EDUCACIÓN FÍSICA PARA FACER NA CASA.

PICANDO NAS IMAXES TEDES OS ENLACES DESTAS ACTIVIDADES.

ESPERO QUE O PASEDES BEN. UNHA APERTA¡¡¡¡¡¡¡¡

  

  

"ACTIVIDADES FICAMOS NA CASA". O CORONAVIRUS NON NOS FREA

 

Neste días de confinamento, o profesorado contacta coas familias e co alumnado para darlles ánimos, enviarlles vídeos, para marcar tarefas escolares sobre os libros de texto que tedes todos na casa e outro tipo de actividades e recursos, etc. Este contacto faise a través das aplicacións tokapp, whatsapp, correo electrónico e/ou teléfono. Ademáis no seguinte enlace, que esta no blogue da biblioteca cólganse actividades e recursos para o alumnado. Se queredes velos, picade na imaxe ou entrade no noso blogue da biblioteca

http://bibliovictorsaenz.blogspot.com

REESTABLECEMENTO DO PROCESO DE ADMISIÓN 20-21

 

Restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos para o curso académico 2020/2021.

Restablecese o prazo  para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio e rematará o día 18 do mesmo mes. EXCLUSIVAMENTE PARA A REALIZACIÓN DESTE TRÁMITE, o  centro permanecerá aberto de luns a venres de 10:00 a 13:00 h.

Prégase a toda persona que se achegue ó Centro para a entrega de documentación cumpra coas medidas de seguridade e protección contra o Covid-19 establecidas pola Consellería de Sanidade.

INSTRUCCIÓNS DA CONSELLERÍA DE EDUCACIÓN 27 DE ABRIL

 

Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

 

AVISO

AVISO

 

 

Estimadas familias:

 

Como medida preventiva frente ao avance do coronavirus, o Presidente da Xunta de Galicia na comparecencia que tivo hoxe ao mediodía ante os medios de comunicación, informou que:

- Dende o luns 16 de marzo os centros educativos estarán pechados, durante 14 días, en todos os niveis de ensino e polo tanto non haberá clases.

- Mañán venres 13, os centros educativos permanecerán abertos, pero a Xunta recomenda que os nenos e nenas queden na casa.

- Nos centros educativos non temos aínda comunicación oficial, polo que non podemos informar dos detalles desta decisión de pechar os colexios. En canto teñamos información oficial  e esta engada máis información, seredes informadas/os.

- Mentras tanto pregámosvos permanezades atentas/os ao que publiquemos nesta páxina e na paxina da Consellería de educación (www.edu.xunta.gal)

 

Queremos transmitiros, tal como llo comentamos ao alumnado, unha mensaxe de calma e tranquilidade e respectar as medidas recomendadas polas autoridades sanitarias.

 

 

Saúdos

 

 

San Cosme de antes 12 de marzo as 16:00 horas

 

  A dirección

 

INFORMACIÓN CORONAVIRUS

Dende a Dirección Xeral de Saúde Publica da Consellería de Sanidade fannos chegar información relativa ao coronavirus (COVID-19) que resulta de interese para os centros educativos.

A continuación transcríbese a información enviada por dita Dirección Xeral. Picando na imaxe teredes toda esta información.

"DE AQUÍ PARA ALÁ" PROPOSTA MUSICAL NO AUDITORIO DE GALICIA 05-03-20

O xoves día 5 de marzo, fomos todo o colexio de excursión a Santiago para ver no Auditorio de Galicia unha proposta musical e teatral, interpretada por Lydia Botana, autora deste espectáculo. "De aquí para alá" da Asociación Cultural Tres por Cuatro é un proxecto de música infantil no que se viaxa arredor do mundo aprendendo, escoitando, bailando e cantando as músicas de cada lugar facendo fincapé na procura de novos sons. Cóntanos, a través da música, a historia dunha bolboreta que vai polo mundo na procura de algo que faga feliz ó seu novo amigo Gali, un neno que vive en África e está moi triste.

PROCESO DE ADMISIÓN DO ALUMNADO PARA O CURSO 2020-2021

O período do PROCESO DE ADMISIÓN para o curso 2020-2021 abrangue dende o día 1 ata o día 23 de marzo de 2020.

A NORMATIVA pola que se rexe o proceso de admisión é a Orde do 12 de marzo de 2013 modificada pola Orde do 25 de xaneiro de 2017.

O proceso de admisión poderase facer telamáticamente a través da aplicación Admisión Alumnado da Consellería de Educación. Tamén se poden entregar as solicitudes, coma sempre, no propio centro.

Pódese descargar a SOLICITUDE DE ADMISIÓN (Anexo II) pulsando AQUÍ.

CELEBRACIÓN DO DÍA DE ROSALÍA DE CASTRO 28-02-20

O venres día 28 de febreiro celebramos no colexio o DÍA DE ROSALÍA DE CASTRO. Non o pudemos celebrar o seu día, 24 de febreiro, porque estabamos de vacacións. Esta mañá, na Biblioteca do centro, xuntámonos todos para falar de Rosalía. Os nenos de 6º leron un manifesto do escritor Daniel Asorey e que nos achegou a Asociación de Escritores en Lingua Galega. Os nenos de infantil cantaron "Eu ben vir estar o moucho"; en 1º e 2º puxéronlle música a unha estrofa da Alborada; en 3º e 4º acompañaron con pandeiretas o coñecido "Adiós ríos, adiós fontes" e en 5º recitaron un poema sobre a dor da muller do emigrante. Para ver máis fotos, picade AQUÍ.

QUEIMA DO MECO E XOGO DAS PIÑATAS 27-02-20

Xa de volta ao cole, o xoves día 27 de febreiro, o primeiro día sin chuvia era o día idóneo para A QUEIMA DO MECO e levar a cabo O XOGO DAS PIÑATAS, que non se fixo o día do desfile. Eiquí vos quedan unhas fotos de este día. Picade AQUÍ para ver máis fotos.

ENTROIDO 2020

Celebramos o ENTROIDO o venres día 21 de febreiro, comezando cun DESFILE polo pobo de San Cosme, aproveitando a fermosa mañá que nos acompañaba. Así todos nos transformamos en diferentes paxaros. Os de Infantil disfrazáronse de PAVOS REAIS; os alumnos de 1º e 2º de PINGÜÍNS; os de 3º e 4º de CISNES e os de 5º e 6º de PATOS. Os mestres ían de observadores e algunhas nais viñas de paxaros multicores. Ao chegar ao cole, xuntámonos todos no patio para que os rapaces lle contaran aos demáis algunhas cousas típicas de cada disfraz. E logo cantamos todos a canción "A SAIA DA CAROLINA" versionada sobre os disfraces dos nenos (con acompañamento de turutas, pandeiretas e guitarras). Rematamos o día degustando as sobremesas típicas de Entroido que con anterioridade trouxeran as familias. Picade nas fotos para ver máis.

ÁNGEL CARRACEDO "HONORIS CAUSA" POLA UNIVERSIDADE DO MIÑO 18-02-20

Hoxe toda a prensa fala do noso padriño da Biblioteca, D. ÁNGEL CARRACEDO, Catedrático de Medicina Legal da Universidade de Santiago, o cal sumou onte outro título ao seu enorme currículum ao ser nomeado "DOCTOR HONORIS CAUSA" pola Universidade do Miño, en Portugal. Destacan en Miño algo que todos nos xa sabiamos, que este humilde home é unha persoa clave na sociedade científica, e para o cal solicitan o PREMIO NOBEL. Tamén dixeron del grandes persoeiros portugueses que non dubidan en situalo na antesala do Nobel xa que á grandeza como investigador, súmaselle unha ainda máis grande humildade coma persoa. FELICIDADES ÁNGEL!!!!!!!

EXCURSIÓN A SANTIAGO: AUDITORIO E CGAC 14-02-20

O venres, día 14 de febreiro, fumos todos de excursión a Santiago. Os nenos e nenas de infantil e 1º e 2º de primaria visitaron o Centro Galego de Arte Contemporáneo (CGAC), mentres que o alumnado de 3º a 6º de primaria fixeron dúas actividades no Auditorio de Galicia: primeiro fixemos unha visita guiada á exposición: "Deseño de cubertas no disco galego 1955-1995". E logo aisitimos a un Concerto CON FUSIÓN pola Banda Municipal de Santiago e Píscore. Sobre as 13:15 horas regresamos todos para xantar no colexio, debido a que o tempo non acompañaba. Picando nas fotos veredes fotos de ese día.

OS MANDADIÑOS DO ENTROIDO 2020

Un ano máis chega o tempo de ENTROIDO, e como non, para ir quentando motores no centro comezaremos a semana cos MANDADIÑOS DE ENTROIDO. O luns 17 teredes que traer unha PLUMA na cabeza; o martes 18 algo no PETEIRO; o mércores 19 un ANTIFAZ e o xoves 20 ANEIS nos dedos. Así irémoslle dando cor ao noso entroido, que celebraremos o venres día 21, si o tempo o permite cun DESFILE DE ENTROIDO polo pobo de Antes. Para ver as fotos dos mandadiños, picade AQUÍ.

                       

                                      

EXCURSIÓN Á RÍA DO BURGO PARA OBSERVAR E ANELAR AVES CON ANTONIO SANDOVAL 05-02-20

O mércores día 5 de febreiro fomos todo o colexio de excursión á Ría do Burgo para facer unha actividade fantástica e relacionada 100% co noso proxecto sobre as aves. Gracias ao ornitólogo ANTONIO SANDOVAL REY pudemos avistar aves e aprender algo máis sobre o anelamento das mesmas co seu compañeiro ALBERTO MONTEAGUDO. Fixemos un percorrido pola Ría do Burgo, na Coruña, e con prismáticos e outros telescópios e prismáticos profesionais de maior precisión, proporcionados por Antonio,  vimos unha chea de aves: corvos mariños, virapedras, garzas, gaivotas, píllares, cisnes, etc... Despois fomos ao Xardín Botánico onde Alberto nos explicou como se realiza o anelamento das aves e mesmo ensinounos un paporroibo, unha papuxa das amoras e un picafollas. Se queredes ver as fotos de ese día, picade AQUÍ.

DÍA DA PAZ 30-01-2020

Celebramos o DÍA DA PAZ no noso cole o xoves día 30 de xaneiro, despois do recreo. Xuntámonos todos no corredor, debido ás inclemencias meteorolóxicas. Alí desenvolvimos diversas actividades: nunha pomba xigante de cartón, os diferentes cursos foron pegando nela o anaco que lles tocaba decorado con diferentes motivos e estilos, algúns incluso con técnicas da India. Tamén os alumnos de 5º e 6º de primaria leron un manifesto sobre a Paz e déronnos máis información sobre a quen adica este ano a ONG Save the Children a súa Carreira Kilómetros de Solidariedade, da que somos embaixadores. Este ano adícase aos nenos e nenas da etnia Rohingya que tiveron que marchar a un campo de refuxiados en Bangladesh. A continuación fixemos unha carreira simbólica por grupos no pasillo e metéronse nunha urna os cartos que se xuntaron nas clases enviados ao centro polas familias para esta ong. Rematamos a actividade cantando e bailando a canción de "Don Melitón" e porsuposto coma sempre repartindo apertas a moreas. Pica AQUÍ para ver todas as fotos.

FORMACIÓN EN RADIO ROSIÑA 2ª SESIÓN CON PABLO PORTABALES 27-01-2020

O luns, día 27 de xaneiro, tivemos a 2ª sesión de FORMACIÓN en RADIO ROSIÑA, recibindo a visita de PABLO PORTABALES BARROS. Leva no mundo da radio dende hai máis de 25 anos, e nestes intres dirixe o Programa "Voces de A Coruña" en Radio Voz, e colabora directamente na Voz de Galicia cunha sección propia na edición da Coruña. Nestas dúas décadas suma máis de 12.000 horas de radio en programas musicais, deportivos, informativos e en especial magazines. A formación volveu a ser para o alumnado de 3º a 6º de primaria. Pablo traballou cos nenos e nenas na nosa Radio preparando un anuncio para a radio, co fin de promocionar o noso colexio e outras moitas cousas. Picade AQUÍ para ver as fotos de ese día.

FORMACIÓN EN RADIO ROSIÑA 1ª SESIÓN CON LORETO SILVOSO 20-01-2020

O luns, día 20 de xaneiro, tivemos a primeira sesión de FORMACIÓN do curso en RADIO ROSIÑA, recibindo a visita de LORETO SILVOSO, unha das locutoras do programa de Radio Voz "Voces de A Coruña". A Formación era para rapaces e rapazas de 3º a 6º de primaria. O luns, día 27 de xaneiro, teremos a 2ª sesión de formación. Loreto traballou cos nenos cousas tan importantes coma o uso da voz, aspecto importantísimo para o traballo nunha radio, e a vocalización para un bo entendemento do que se quere transmitir. Picando nas imaxes veredes máis de ese día.

GRAN PRIX FINANCIERO NA PICOTA 14-01-2020

O martes, día 14 de xaneiro, o alumnado de 3º, 4º, 5º e 6º de primaria foron ata A Picota para participar nunha actividade interesantísima que compartiron con outros nenos e nenas do Concello, no GRAN PRIX FINANCIERO. A actividade consistía en xogar en situacións da vida cotiá nas que hai que xestionar cartos. Si picades nas imaxes veredes máis de ese día.

FESTIVAL DE NADAL 2019

Rematamos o 1º trimestre deste curso 2019-2020, co FESTIVAL DE NADAL, cun eixe vertebrador "AS AVES". Tivemos a gran sorpresa da visita da nosa Inspectora de Educación Magdalena, que se viña a despedir despois de cinco anos ao noso lado. Así que lle fixemos entrega dun agasallo como recordo do seu traballo neste centro, en presenza de toda a Comunidade Educactiva, nenos, pais, nais, cociñeiras, mestres, etc...

Si picades AQUÍ veredes as actuacións en video de todo o festival. E se picades AQUÍ, veredes as fotos dos Reis Magos. Rematado o Festival, visitaron o noso centro, os REIS MAGOS, que trouxeron agasallos para tódolos nenos do colexio. Para ver todas as fotos do Festival premede AQUÍ.

¡¡¡FELICES FESTAS, E ATA O ANO QUE VEN!!!

CONCURSO DE POSTAIS DE NADAL 2019

Coma tódolos anos, convocouse o CONCURSO DE POSTAIS DE NADAL. A participación foi total, e con motivos de paxaros a maioría delas. Os premios entregáronse no comedor do colexio o mércores día 18 de decembro e os gañadores foron:

  • Infantil 3 anos: LINH VILLAR VILAS
  • Infantil 4-5 anos: CARLA ANTELO DOPAZO
  • 1º e 2º primaria: LUZDIVINA VASILEV ARNAIZ (gañadora xeral e representativa do colexio).
  • 3º e 4º primaria: SARA LABANDEIRA GERPE
  • 5º e 6º primaria: PAULA BARCIA BLANCO

Noraboa a todos. Picando AQUÍ, poderedes ver todas as postais participantes.

 

OBRADOIROS LUPO 13-12-19

O venres día 13 de decembro, realizamos no centro e durante todo o día, un OBRADOIRO CON MATERIAIS LUPO, que é unha actividade baseada na práctica e traballo cooperativo dos alumnos, para construir estructuras e figuras peculiares, a través do traballo coas formas, tamaños, etc. Fixemos tres grupos para levar a cabo esta actividade: os de infantil e 4º, 5º e 6º de primaria foron pola mañá. e os de 1º, 2º e 3º de primaria fixeron a actividade pola tarde. Picade nas fotos para ver máis.

TÍTERES CACHIRULO. A Hª DO APALPADOR 11-12-19

O mércores día 11 de decembro, tivemos a sorte de coñecer un pouco máis da Historia do Apalpador, a través da actuación de TÍTERES CACHIRULO, que nos contou un montón de aventuras deste peculiar personaxe. Premendo nas fotos podedes ver outras máis.

CELEBRACIÓN DOS DEREITOS HUMANOS 10-12-19

O martes, día 10 de decembro de 2019, celebramos no colexio o "DÍA DOS DEREITOS HUMANOS". No pasillo do centro, comezaban os alumnos de 5º e 6º de primaria lendo un texto sobre o tema. Despois o resto dos nenos e nenas colgaron da nosa árbore de Nadal diferentes paxariños con mensaxes de paz, liberdade, igualdade,...Tamén escoitamos o podcast dos nenos e nenas de 3º e 4º de primaria sobre Ana Frank, coñecendo así un pouco máis da súa historia. Picade nas imaxes para velas todas.

CAMPO A TRAVÉS-FASE COMARCAL-A BAÑA 04-12-19

O pasado mércores, día 4 de decembro de 2.019, celebrouse no circuito do colexio de A Baña, a FASE COMARCAL DE CAMPO A TRAVÉS. Do noso centro foron competir 21 nenas e nenos escolarizados entre 2º e 6º de educación primaria (un 67,7% do alumnado con posibilidade de participar). Fixo unha mañá maravillosa, despois dun mes enteiro de chuvias, e foi unha gran experiencia para todos eles. Teremos que esperar ás clasificacións, e si non o mellor de todo foi PARTICIPAR!!!!!!!!! Vémonos o curso que ven..... e a seguir correndo!!!!!! Premendo nas fotos, verás todas as fotos e os vídeos de ese día.

TÍTERES CASCANUECES "Unha armadura con ferruxe" 25-11-19

O luns día 25 de novembro de 2019, entre outras actividades, para celebrar o DÍA CONTRA A VIOLENCIA DE XÉNERO, tivemos pola tarde a sorte de ver unha obra de TÍTERES CASCANUECES que levaba por título "UNHA ARMADURA CON FERRUXE", tratando de transmitir mensaxes sobre a igualdade de xénero. Pica nas fotos para ver máis.

EXCURSIÓN A SANTIAGO. AUDITORIO E RADIO GALEGA 21-11-19

O xoves día 21 de novembro de 2019 saimos de excursión a Santiago. Dividímonos en dous buses. Un que levou aos nenos de 3º a 6º de primaria ao Auditorio de Galicia para asistir ao Concerto Didáctico "CLÁSICOS Á GALEGA", rematando a visita asistindo á EXPOSICIÓN no Auditorio de Galicia titulada "INVISIBLE WOM@RTS", a través da obra de mulleres artistas. Mentres tanto noutro bus foron os alumnos de infantil 4-5 e 1º e 2º de primaria a visitar a RADIO GALEGA. Esta visita estaba pendente como gañadores do "I Concurso de Podcasts Radio na Biblio" do curso pasado. Explicáronlles cada recuncho da Radio Galega e viron emitir en directo o Programa "Galicia por diante" dirixido por KIKO NOVOA. Toda unha experiencia¡¡¡¡¡¡¡Pica nas fotos para ver máis. E picando AQUÍ veredes un video na Radio.

 

Distribuir contido


by Dr. Radut