Está publicada na web do Concello de Sada a convocatoria de axudas económicas para a concesión de axudas económicas ás familias para atender aos gastos orixinados polo comezo do curso escolar do alumnado, entendendo por tales a adquisición de libros, material didáctico complementario, vestiario e outros gastos directamente relacionados.

As bases atópanse no taboleiro de anuncios da entrada do centro e na web do Concello de Sada:

Bases da convocatoria.

O Consello Escolar é o máximo órgano de participación do Centro. Del forman parte representantes dos distintos sectores da comunidade educativa. Pola importancia que ten o Consello Escolar na vida do Centro anímase a todas as nais e pais a participar neste proceso electoral.

Durante o mes de novembro do presente curso procederase á renovación de 3 representantes  das nais e pais e 2 do profesorado no Consello Escolar do centro.

A Xunta Electoral, reunida o 7 de novembro, acordou establecer o seguinte calendario electoral:

DO 9 AO 16 DE NOVEMBRO (ámbolos dous inclusive)

-Exposición dos censos electorais de nais e pais e do profesorado. Durante este período poderanse presentar reclamacións aos mesmos. Os censos estarán expostos no taboleiro de anuncios da entrada do centro e na sala de profesores respectivamente.

Impreso para presentar relamacións ao censo.

-Prazo de presentación de candidaturas ao Consello Escolar. O prazo remata o día 16 ás 14:00 horas.

Impreso para presentación de candidatura.

Son electores e elixibles todos os membros da comunidade escolar. Para a presentación da candidatura e reclamacións ao censo farase un escrito dirixido ao director do centro. Quen o desexe ten modelos á súa disposición na conserxería ou pode descargalos da web do centro.

21 DE NOVEMBRO

Reunión da Xunta Electoral na que se procederá a:

-Admisión das candidaturas, aprobación definitiva de censos electorais, aprobación de modelos de papeletas e sobres.

-Publicación de candidaturas.

-Publicación definitiva do censo electoral.

-Sorteo público, na entrada do centro para a designación dos integrantes mesa electoral para a votación das nais e pais.

29 DE NOVEMBRO

Votacións. 

No día de hoxe celebramos a tradicional festa do Magosto, Samaín e Halloween. Degustamos unha deliciosas castañas (tamén bebidas proporcionadas pola Asociación de Nais e Pais). Rematamos a xornada cun espectacular desfile.

                                               Exposición de cabazas                                                                    Photocall

Festa e desfile

O outono con Archimboldo

Hoxe tivo lugar a entrega dos carnés e diplomas aos titores e titoras TEI de 5º de Educación Primaria. Todos e todas mostraron moita ilusión por comezar a desempeñar o seu labor. Na entrega participaron o alcalde de Sada, Benito Portela, e a concelleira de educación, María Nogareda.

No Diario Oficial de Galicia do día 14 de outubro de 2022 publicouse a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.

Nesta resolución establécese que os beneficiarios do vale para adquirir material escolar por importe de 50€ recibirán un vale adicional de 25€. 

As familias beneficiarias poden pasar a partir de mañá pola Secretaría do centro en horario de 09:00 a 09:45 a recoller o vale. No caso de que acuda unha persoa distinta da beneficiaria é preciso presentar unha autorización.

O vale debe empregarse preferentemente na libraría/establecemento antes do 1 de decembro de 2022.

Coincidindo co Día Mundial da Parálise Cerebral que se conmemora no día de hoxe, 6 de outubro, o alumnado de 2º, 4º e 6º de Educación Primaria participou nunha actividade lúdica e de sensibilización denominada Boccia.

A Boccia é un xogo deseñado para persoas con discapacidade, inspirado no xogo de orixe italiana bocce ou bochas, de onde toma o seu nome, e aceptado como deporte paralímpico desde 1984.  https://www.paralimpicos.es/deportes-paralimpicos/boccia

A actividade contou coa supervisión e participación de persoal técnico e membros de ASPACE  ("Asociación de Pais e Nais de Persoas con Parálise Cerebral de A Coruña). https://www.aspacecoruna.org/mision_ga.html

Clica na imaxe para ver as fotos desta xornada

No día de onte, 26 de setembro, publicouse no portal educativo a Resolución definitiva da selección de centros docentes públicos para participar no programa de inmersión lingüística en lingua inglesa a través de actividades dixitais, Digitalweek http://www.edu.xunta.gal/portal/node/38030 na que o noso centro é un dos incluídos.

O obxectivo principal deste programa é proporcionar ao alumnado participante unha actividade de inmersión lingüística que lle permita mellorar as suas destrezas de comprensión e expresión oral en lingua inglesa a través de actividades dixitais. Así mesmo, contará con actividades accións formativas non só académicas senón tamén que fomenten a actividade física, a socialización e o coñecemento cultural e tecnolóxico do contexto galego cunha metodoloxía adecuada á sua etapa educativa.

A actividade será de balde para as familias e a experiencia inmersiva desenvolverase no Albergue Xuvenil de Gandarío, en Bergondo, do 9 ao 15 de outubro.

As clases inicianse o xoves 8 de setembro.

Organización das entradas (aplicable durante todo o curso):

• Todo o alumnado accederá ao centro ás 09:00 horas.
• Só as familias do alumnado de EI poden acceder ao centro para acompañar aos nenos e nenas nas entradas.

Acceso do alumnado de Educación Primaria aquí               Acceso do alumnado de Educación infantil aquí

Organización das saídas (aplicable durante todo o curso):

• 13:50: Educación Infantil. As familias poden acceder ao centro seguindo o mesmo percorrido que nas entradas (ver aquí).
• 13:55:1º e 2º de Educación Primaria. As familias poden acceder ao centro para recoller ao alumnado na zona de cor sinalada neste mapa.
• 14:00: 3º, 4º, 5º e 6º de Educación Primaria. O alumnado será entregado nas portas exteriores seguindo o recollido nesta imaxe.
• O alumnado sairá de clase en orde de lista.
• Solicítase que as familias do alumnado que saía pola entrada principal sitúense á dereita desta porta. A orde de saída será 3º B, 5º e 6º de EP.
• Solicítase que as familias do alumnado que saía pola entrada B sitúense á esquerda desta porta. A orde de saída será 3º A e 4º de EP.
• Para facilitar e axilizar as saídas solícitase ás familias que unha vez recollido o neno/a non se deteñan na beirarrúa de acceso ao centro.

Servizo de comedor e madrugadores. Ese mesmo día, 8 de setembro, está previsto que empecen a funcionar estes servizos.

Recoméndase que todas as familias usuarias do servizo de comedor instalen a APP Colechef.

• COLECHEF SADA 22-23
• Novos usuarios
• Usuarios do comedor

Están convocadas as seguintes reunións:

• Luns 5 de setembro:
• Ás 11:00 horas coas familias do alumnado de 4º curso de Educación Infantil (3 anos). Lembrar traer cuberto o álbum do verán.
• Ás 11:30 horas coas familias do alumnado de 6º de Educación Primaria.
• Ás 13:00 horas coas familias usuarias do servizo de comedor.
• Martes 6 de setembro ás 13:00 horas. Familias do alumnado de 5º de Educación Primaria.

Horario de secretaría:

• Ata o comezo das clases: de 9 a 10:00 horas (previa cita).
• A partir do 8 de setembro: De 09:00 a 09:45 horas (previa cita).

Axudas para o alumnado de necesidade específica de apoio educativo curso 2022 2023. Aquí dispoñen de toda a información. 

Están dispoñibles as listaxes definitivas de admitidos/as e de excluídos/as do FONDOLIBROS para o curso 2022-2023.

Cumprindo co artigo 13 da Orde do 29 de abril de 2022,as listaxes provisionais e definitivas publicaranse única e exclusivamente no taboleiro de anuncios situado no interior do recinto escolar.

BANCO DE LIBROS DA ANPA

Unha vez que comproben a lista de Fondolibros, cada familia poderá solicitar a ANPA os libros que necesite para os cursos de 3º e 4º de primaria a través do seguinte formulario:

FORMULARIO DE SOLICITUDE DO BANCO DE LIBROS DA ASOCIACIÓN DE NAIS E PAIS.

*Lembren que en 3º e 4º de Primaria non se utiliza libro de Lingua Galega, só o caderno de actividades que debe mercar a familia.

Os libros entregaranse ao inicio do próximo curso.

Están dispoñibles as listaxes provisionais de admitidos/as e de excluídos/as do FONDOLIBROS para o curso 2022-2023.

Cumprindo co artigo 13 da Orde do 29 de abril de 2022,as listaxes provisionais e definitivas publicaranse única e exclusivamente no taboleiro de anuncios situado no interior do recinto escolar.

As persoas interesadas poderán reclamar nos dous (2) días seguintes á publicación da listaxe provisional.

Cando se publique a resolución definitiva tamén se habilitará o acceso a un formulario para solicitar libros de texto do Banco de Libros da ANPA a aquelas familias que non reciben libros do Fondolibros da Consellería ou que non lles concederon todos os que necesitan.