Día de Rosalía

Este é o primeiro ano que o Día de Rosalía de Castro celébrase un 23 de febreiro e non un 24. O cambio prodúcese despois de que se descubrese unha documentación que acredita que a autora de Follas  Novas e Cantares Gallegos nacera este día.

Para conmemorar esta data tan especial no centro programamos distintas actividades:

  • Sementade pensamentos: Como a flor favorita de Rosalía de Castro eran os pensamentos, elaboramos un mural no que colocamos pétalos arredor do seu rostro. En cada un deles escribimos palabras das súas obras.
  • Especial O Tarabelo nas Ondas: Escoita aquí o programa
  • Actuación musical Cantando os cantares de Truque Matruque. A mesma é un percorrido polos “Cantares gallegos” de Rosalía de Castro en forma de concerto.

                                                               Imaxes Sementades pensamentos                    Imaxes concerto

                                                                   

Charla alimentación saudable

Hoxe a nosa Comunidade Educativa tivo a sorte de contar coa colaboración da Asociación Española Contra o Cancro. Da man de Rosa, tivo lugar unha charla informativa telemática para reflexionar sobre a importancia de educar nunha alimentación saudable para os nosos rapaces e rapazas e favorecer así o seu axeitado desenvolvemento persoal. 

 

Aumentar o consumo de froita, verduras, lácteos e reducir alimentos ultraprocesados no día a día, xunto coa práctica de exercicio son o camiño para fomentar hábitos saudables. E se facemos partícipes aos pequenos na elaboración dos propios almorzos, temos o éxito asegurado. 

Programa Snack Lab

O noso centro participa no programa promovido pola Asociación Española Contra o Cancro "Snack Lab". O obxectivo é fomentar o consumo de  snacks saudables entre o alumnado da nosa escola.

Onte contamos cunha responsable do programa que explicou ao alumnado de 1º, 2º, 3º e 4º de Educación Primaria a importancia dunha alimentación saudable e de como podemos conseguila.

O vindeiro luns 14 de febreiro ás 16:00 terá lugar unha sesión formativa telemática dirixida ás familias do noso centro para explicar dito programa. O enlace remitirase ao correo electrónico do alumnado e a través de AbalarMóbil ese mesmo día.

ADMISIÓN ALUMNADO 2022 2023: XORNADA DE PORTAS ABERTAS

O proceso de admisión para o curso 2022 2023 comezará no mes de marzao, todas aquelas familias que desexedes coñecer máis sobre o noso colexio podedes asistir a unha das xornadas de portas abertas que realizaremos os días 22 e 24 de febreiro. 

Para participar nelas é preciso inscibirse no formulario ao que accederedes facendo clic na imaxe. A data límite para anotarse é o mércores 16 de febreiro. Posteriormente contactaremos con vós para confirmar a data.

 

Día da Paz: Cultivamos a Paz

Celebramos o Día da Paz recitando, cantando, bailando... A actividade principal consistiu na elaboración dun recuncho de paz, calma, resolución de conflitos, mediación... permanente para a nosa escola. Para Cultivar a Paz neste reuncho creamos unha árbore con materiais de reciclaxe.

Facede clic na imaxe para ver as fotos deste día. 

 Vídeo da xornada

Máis fotos e vídeos nos blogs de cada curso.

ADMISIÓN DE ALUMNADO PARA O CURSO 2022-2023: RESERVA DE PRAZA NO INSTITUTO

Segundo se contempla no artigo 10.2 da ORDE do 18 de decembro de 2020 pola que se modifica a Orde do 12 de marzo de 2013, que desenvolve o procedemento para a admisión do alumnado en centros docentes sustentados con fondos públicos, “o alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe ou a través da aplicación “admisionalumnado” (https://www.edu.xunta.es/admisionalumnado) o formulario normalizado ED550A que se publica como anexo I da presente orde".

Aquelas familias do alumnado de 6º curso de Educación Primaria que desexen efectuar a reserva de praza para o vindeiro curso no IES Isaac Díaz Pardo de Sada deberán formalizar a reserva de praza. 

Para presentar a documentación na Secretaría do centro é preciso solicitar cita previa no teléfono 881 880 022 ou a través do email ceip.sada@edu.xunta.gal.

No caso de cumprimentar a reserva a través da aplicación admisionalumnadohttps://www.edu.xunta.es/admisionalumnado/  poderán imprimir a solicitude para entregala posteriormente na Secretaría deste centro ou formalizar a mesma na Sede Electrónica con certificado dixital ou a Chave365: https://sede.xunta.gal/portada e neste caso xa non é preciso a entrega en papel na Secretaría do centro.

O prazo de presentación remata o 8 de febreiro.

A reserva adquirirá carácter vinculante e será incompatible coa presentación de solicitude de admisión noutro centro, salvo renuncia expresa e por escrito presentada no centro de adscrición antes do inicio do prazo de presentación de solicitudes de admisión. 

Normativa e manuais.

Nadal

Hoxe despedimos o primeiro trimestre cunha xornada de festa. Realizamos distintas actividades nas aulas, celebramos unha deliciosa chocolatada, compartimos unhas badaladas cun programa do Tarabelo nas Ondas e recibimos a visita dos Reis Magos.

Facede clic na imaxe para ver as fotos desta xornada.

 

Felicitación Nadal

Recollida solidaria de alimentos

Como ven sendo tradicional no noso colexio polo Nadal fixemos unha recollida solidaria de alimentos. Toda a comunidade educativa se volcou doando alimentos para persoas que nestas datas precisan da solidariedade de todos nós.

As entidades que recolleron os alimentos foron a Cruz Vermella e Cáritas de Sada. Os representantes destas asociacións pediron que se trasladara o agradecemento a todos os que contribuíron a esta recollida solidaria.

 

3 de decembro: Día Internacional das Persoas con Discapacidade

O pasado 3 de decembro celebrouse o Día Internacional das Persoas con Discapacidade, no noso centro realizamos distintas actividades a partir do conto MONSTRUO ROSA de Olga de Dios para lembrar que todos e todas somos capaces. Aquí tedes uns vídeos nos que os nenos e nenas cóntannos en que son uns mostros.

                                                     Educación Infantil                                                                                 1º e 2º de Educación Primaria

                                  

                                                 3º e 4º de Educación Primaria                                                              5º e 6º de Educación Primaria

                                 

 Monstruo Rosa

REPARTO DE MÁSCARAS ENTRE O ALUMNADO

Rematado o prazo para presentar solicitudes no procedemento de distribución de máscaras entre o alumnado, regulado pola ORDE do 28 de outubro de 2021, durante esta semana procederase ao reparto de máscaras entre os beneficiarios/as da axuda de material escolar no curso 2021-2022. As listaxes poden consultarse no taboleiro de anuncios situado no interior do centro.

Distribuir contido