"I eres a estrela que brila, i eres o vento que zoa. Si cantan, es ti que cantas..." Rosalía de Castro
2011/2012
DESPEDIDA DO CURSO 2011-2012
Enviado por Anónimo o Mar, 26/06/2012 - 13:16E por fin chegou o derradeiro día deste curso, día de emoción e despedidas...
Un xantar especial para todos coa entrega das orlas de despedida dos nen@s que pasan de E.Infantil a E.Primaria e dos nosos rapaces de 6º que marchan para facer a ESO en Monforte.
Desfrutade moito do verán. Vémonos de novo o 12 de setembro.
Para ver as fotos, picade aquí.
OBRADOIRO DE E.PLÁSTICA EN E.INFANTIL
Enviado por Anónimo o Xov, 21/06/2012 - 12:22Xoves,21 de xuño e a piques xa de rematar o curso. Ollade os murais que realizaron os peques de E.Infantil coa súa profe Mª José.
Pasárono xenial ¡
Se queredes ver as fotos, picade aquí.
DÍA MUNDIAL DO MEDIO AMBIENTE
Enviado por Anónimo o Lun, 18/06/2012 - 20:53Mural elaborado polo alumnado de 6º de E.Primaria co gallo do DÍA MUNDIAL DO MEDIO AMBIENTE, que se celebrou o pasado 09 de xunio.
VISITA AO IES DAVIÑA REY
Enviado por Anónimo o Lun, 18/06/2012 - 18:00O pasado venres día 15 de xuño, os alumn@s do terceiro ciclo achegáronse a Monforte invitados pola dirección do IES Daviña Rey, instituto ao que está adscrito o noso centro.
Acompañados polas mestras Mónica e Ángeles e os compañeiros do 3º ciclo do Ceip de Puebla de Brollón e a súa titora, percorreron as instalacións, coñeceron a algúns dos que serán os seus profesores o vindeiro curso e charlaron con antiguos compañeiros do cole que xa estudian aí.
Para rematar a visita, un pouco de diversión no xardín da Compañía.
Para ver as fotos desta saída, picade aquí.
TALLER DE CONTOS
Enviado por Anónimo o Ven, 08/06/2012 - 14:02O venres día 08 de xuño, na sala de usos múltiples do colexio, todos os nen@s do colexio participaron nun taller de contos ofertado por EDITORIAL SANTILLANA e dirixido por Santiago Jaureguízar.
Na primeira sesión estiveron os de E.I. e 1º ciclo e xa na segunda, os alumn@s do 2º e 3º ciclos.
Para ver as fotos, picade aquí.
EXCURSIÓN A VIGO
Enviado por Anónimo o Mar, 05/06/2012 - 17:15Os rapac@s de E.Primaria do cole, comezaron este derradeiro mes do curso moi animados.
E non podía ser doutra forma, pois todos e todas, profes e alumn@s , pasámolo xenial nesta viaxe a Vigo que realizamos o pasado venres día 01 de xuño.
Pola mañá visitamos o MUSEO DO MAR ( fotos )
Logo fomos ver a Exposición Permanente NATURNOVA en Nova Caixa Galicia e despois a xantar ( fotos )
Xa pola tarde embarcamos rumbo a MOAÑA nun catamarán no que a Capitana María deu permiso para que todos os peques se puideran facer unha foto manexando o timón ( fotos )
Despois dunhas interesantes explicacións no porto de Moaña, tivemos uns animados xogos na praia... de seguro algún se bañaba de boa gana,aínda que houbo que conformarse con mollar os pés e xogar á beira da auga. Para rematar, regreso a Vigo, merenda en A Cañiza e volta para casa ( fotos )
Fantástico día... ata o tempo se puxo da nosa parte para poder disfrutar tanto ¡
VISITA AO VIVEIRO OS TROLLOS DOS NEN@S DE E.I.
Enviado por Anónimo o Mar, 05/06/2012 - 16:50O pasado xoves 31 de maio, os nenos e nenas de E.Infantil, foron de visita ó Viveiro Os Trollos acompañados polos mestres Mª José,Sara e Félix.
Unha estupenda forma de rematar a unidade didáctica sobre A PRIMAVERA.
Para ver as fotos desta saída, picade aquí.
LETRAS GALEGAS 2012
Enviado por Anónimo o Mar, 22/05/2012 - 15:23
Mural elaborado pola mestra e alumn@s de E.I.
Dúas actividades máis para conmemorar o DÍA DAS LETRAS GALEGAS, adicado este ano ó escritor pontevedrés
VALENTÍN PAZ ANDRADE
O pasado mércores día 16 de maio,pola mañá, os alumn@s do 1º e 2º ciclos, foron á aula de informática para ver un power point elaborado pola mestra Sara Adrán sobre a vida e a obra de Valentín Paz.
Para ver as fotos desta sesión, picade aquí.
Xa pola tarde, todos os alumnos do colexio asistiron a unha representación na Biblioteca Municipal ofertada polo Concello de Bóveda.
Ás 15.30, todos puidemos desfrutar dunha sesión de contacontos titulada
OS CONTOS DO TITIRITEIRO e representada pola compañía
A XANELA DO MAXÍN
Para ver as fotos da sesión de contacontos, picade aquí.
O RATO ILUSTRADOR
Enviado por Anónimo o Lun, 14/05/2012 - 16:54
Sesión de contacontos da Compañía Trinke Trinke, que desfrutaron todos os alumn@s do cole o pasado martes día 24 de abril por xentileza do Concello de Bóveda a través da BIBLIOTECA MUNICIPAL.
Fotos cedidas pola Biblioteca Municipal. Para velas,picade aquí.
COLOMBOFILIA
Enviado por Anónimo o Lun, 14/05/2012 - 12:58A COLOMBOFILIA consiste basicamente na afición, cría, coidados e adestramento de pombas, en especial, as mensaxeiras.
Inscritos no programa XOGADE da Xunta de Galicia, todos os nen@s de E.Primaria do colexio disfrutaron o pasado venres,día 11 de maio dunha sesión de colombofilia.
Un vídeo, visualización e explicacións sobre varias pombas e para rematar, solta dunha pomba mensaxeira, son algunhas das actividades que desenrolaron nas dependencias do colexio.
Para ver as fotos desta sesión, picade aquí.