"I eres a estrela que brila, i eres o vento que zoa. Si cantan, es ti que cantas..." Rosalía de Castro
Secretaría
PROCESO DE ADMISIÓN PARA O CURSO 2024-2025
Enviado por admin o Lun, 04/03/2024 - 23:51
Destinado ao alumnado que vai cursar 4º de Educación Infantil ou para alumnado que cambia de centro.
CAL É O PRAZO DE PRESENTACIÓN?
O prazo de presentación de solicitudes é do 1 de marzo ao 20 de marzo (ambos incluídos).
COMO PODO REALIZAR DITO PROCESO?
O proceso de admisión poderase facer telematicamente a través da aplicación admisionalumnado da Consellería de Educación ou ben entregando cuberto o Anexo II (ED550B) no centro.
Na seguinte ligazón poderás consultar o calendario de admisión.
Podes consultar as vacantes ofertadas para o curso 2024-2025 pulsando aquí.
A documentación que debes achegar coa solicitude é a nomeada aquí.
NOTA: Todos os impresos citados anteriormente están a disposición de forma impresa no centro, podedes recollelos en horario de 10 a 16.30 horas.
NORMATIVA RELACIONADA CO PROCESO
-DECRETO 13/2022, do 3 de febreiro.
-ORDE do 21 de outubro de 2022.
-Resolución do 27 de febreiro de 2024.
Ante calquera dúbida:
982870095
ceip.rosalia.boveda@edu.xunta.gal
XORNADA DE PORTAS ABERTAS 2024
Enviado por admin o Lun, 26/02/2024 - 22:09O xoves día 7 de marzo a partir das 11.00 horas estás convidadx a acercarte ao noso cole e pasar un ratiño con nós. Anímate e ven a coñecernos!
E, por que debes elixir o noso centro? A continuación ofrecémoste numerosos motivos para elixirnos...
INSTRUCIÓNS PARA A RESERVA DE PRAZA EN CENTRO DE ADSCRICIÓN
Enviado por admin o Mar, 23/01/2024 - 13:28ABERTO O PRAZO DE RESERVA DE PRAZA PARA O ALUMNADO DE 6º DE PRIMARIA QUE NO CURSO 2024/2025 VAI CURSAR 1º DA ESO NO IES DAVIÑA REY
DATA LÍMITE DE SOLICITUDES: 5 DE FEBREIRO DE 2024
Que documentación hai que presentar?
O ANEXO I (Solicitude de reserva de praza en centro docente sostido con fondos públicos) entregado en formato papel ao alumnado de 6º de EP. Tamén, se adxunta en formato PDF ao final desta publicación.
Xunto co ANEXO I cuberto deberase entregar copia do libro de familia (se a existente no centro está desactualizada).
Como hai que presentar dita documentación?
Pódese cubrir e presentar de 3 xeitos diferentes:
1. Cubrila manualmente e devolvela cuberta antes do día 5 no noso centro (podedes mandala polxs vosxs fillxs).
2. Cubrila telemáticamente, imprimila e presentala no noso centro (clicando no seguinte enlace accederás á aplicación admisionalumnado)
3. Cubrila na aplicación e presentala en Sede Electrónica. Para dito trámite precísase a Chave365 ou o certificado dixital.
O alumnado que opte por outro instituto diferente ao adscrito ao noso centro non deberá cubrir dita documentación.
NOVOS LOGOTIPOS DO NOSO COLE
Enviado por admin o Mar, 21/11/2023 - 17:13Estamos encantadxs de presentavos o novo logo do noso cole. Empregando o mural que ilustra a entrada ao centro, recortamos a cara de Rosalía de Castro e elaboramos este logo que xa forma parte da nosa páxina web.
Tamén, elaboramos o do comedor, o do horto, o galiñeiro e o da nosa biblioteca coa mascota da mesma, elaborada o curso pasado polo alumno Hugo Lagoa Sánchez, que foi a máis votada polo alumnado entre todas as que se presentaron. Foi denominada Morcego Plata e así de bonita queda no novo logotipo.
RECOLLIDA VALES PENDENTES
Enviado por admin o Ven, 14/07/2023 - 13:03Aquelas familias que non puideron recoller os vales para adquisición de libros de texto e material escolar, poderán facelo a partir do 4 de setembro en horario de 10:00 a 13:00 no centro.
INFORMACIÓN SERVIZO DE COMEDOR CURSO 2023-2024
Enviado por admin o Lun, 10/07/2023 - 23:09ABERTO O PRAZO PARA A PRESENTACIÓN DE SOLICITUDES PARA FACER USO DO SERVIZO DE COMEDOR ESCOLAR DURANTE O CURSO 2023-2024.
Nos seguintes documentos adxuntos tedes toda a documentanción necesaria para facer a solicitude de uso do servizo.
Podedes recoller os impresos no centro ou ben, descargalos directamente dende o presente anuncio. Ditos impresos, deberán entregarse no centro durante a primeira semana de setembro.
Para facilitarvos o cáculo do importe dos prezos públicos polo uso do servizo de comedor escolar, na páxina web da Consellería incorporouse unha calculadora que facilita o cálculo en función da renda neta per cápita da unidade familiar. O acceso a dito recurso está dispoñible no seguinte enlace:
https://www.edu.xunta.gal/comedores/calculadora.jsp
Libros de texto curso 2023 2024
Enviado por Iria o Mér, 28/06/2023 - 13:30Libros de texto curso 2023 2024
No arquivo adxunto podedes encontrar o listado de libros para o curso 2023 2024
- 1
- 2
- 3
- 4
- seguinte ›
- última »