Este blog créase para dar visualización ao traballo que estamos facendo no Ceip Raquel Camacho, co fin de que poidan ser de axuda a outros Centros, profesionais ou persoas interesadas.
Neste curso 2017/18, O Proxecto de Formación Permanente do Profesorado do Ceip Raquel Camacho segue o itinerario de Atención á Diversidade con dúas liñas de formación sobre o Trastorno do Espectro Autista (TEA), un curso e un seminario de elaboración de materiais.
Dentro do curso os contidos a tratar son:
- O TEA en primeira persoa: características e bases neurolóxicas.
- Comunicación e linguaxe no alumnado con TEA.
- Adaptacións metodolóxicas na aula para o alumnado con TEA.
- Intervencións en lectoescritura en alumnado con TEA.
- Escolas inclusivas. Traballando as habilidades sociais do recreo á aula.
- Apoio conductual positivo: estratexias de intervención.
En canto ao seminario, os obxectivos serán elaborar material manipulativo para o alumnado con TEA ademais de incentivar a elaboración destes materiais mediante o grupo de traballo, compartindo diferentes experiencias docentes.
Comezaremos a elaborar os pictogramas para a sinalización dos distintos espazos do centro e da aula.