CONTINUAMOS TRABALLANDO
CURSO 2018/2019
Seguindo na liña do curso anterior o profesorado do CEIP Raquel Camacho continuamos traballando na adaptación do centro ás caracteristicas do noso alumnado.
Neste curso 2018/2019 o Proxecto de Formación Permanente do Profesorado continúa o itinerario de Atención á Diversidade con dúas liñas de formación sobre o Trastorno do Espectro Autista (TEA), un curso co cal completar a nosa formación e un seminario de elaboración de materiais.
Continuando na liña do curso anterior os contidos a tratar serán os seguintes:
1. Recursos para a prevención, detección, e xestión de problemas de conduta no alumnado TEA.
2.Dinamización do tempo de lecer do alumnado TEA "Patios Dinámicos".
3. Apoio conductual positivo:estratexias de intervención con alumnado TEA.
4. Escolas inclusivas.Traballo das habilidades sociais no tempo de lecer.
No que se refire ao seminario de elaboración de materiais, o grupo de traballo continuará elaborando novo material manipulativo adaptado para as diferentes áreas curriculares así como unha serie de xogos cos cales dinamizaremos os nosos patios.
