Skip to Content

Colectivas

A CANCIÓN PARA O DÍA DA PAZ 2018

Xa está dispoñible nos Rakontos a canción para o Día Escolar da Paz en a Non Violencia. Preme na imaxe.

Tamén temos a letra en pictogramas. Preme na imaxe.

MAGOSTO 2017

 

O pasado venres festexamos o tradicional magosto. Comezamos a mañá prendendo os fogóns e enchendo aos poucos as potas coas castañas (por certo, grazas ás familias pola colaboración). O recendo das castañas asadas espallouse polo colexio e entráronnos as gañas de xogar. No patio, montamos unha chea de xogos con castañas e fomos pasando por todos eles.

Esgotados e esgotadas de correr, sentamos no pavillón onde, en primeiro lugar, entregáronse os premios dos concursos do Samaín: o de cabazas e o de relatos Dáme medo. Parabéns aos premiados e premiadas! Se queredes ler os contos no Rakonto, premede nesta ligazón.

 

Xa para rematar, o máis importante dun magosto: comer as castañas. Mirade as fotos: houbo quen comeu un par de ducias delas.

 

SAMAÍN 2017

 

Onte celebramos o Samaín no colexio cunha chea de actividades. Desde o luns, un cento de cabazas decoradas para a ocasión lucían no vestíbulo, sorprendendo coa súa orixinalidade.

Xa o martes, moitos cativos e cativas entraron ben cedo no colexio vestindo disfraces terroríficos: zombis, meigas, diaños... Metían medo!

Durante toda a mañá, por clases, fomos visitando O Samaín Rebuldeiro, un túnel do terror montado no ximnasio do colexio. Pasear por el converteuse nunha experiencia arrepiante.

Despois do recreo, todo o colexio xuntouse no pavillón para gozar da actuación duns mortos viventes imitando o famoso Thriller de Michael Jackson. O publico de forma unánime pediu un bis e o grupo non se fixo de rogar. Preme na imaxe para ver o vídeo da actuación.

EXPOSICIÓN SOBRE ARTE FRICANA NA BIBLIOTECA

Esta semana organizouse unha exposición na bilioteca do colexio, enmarcada dentro do Proxecto E ti, que pintas? África. Hai que agradecer o labor realizado tanto á coordinadora da bilioteca, como a Salvador e María, membros do Centro de Arte Atlántica. Achegaron ao colexio valiosas pezas de arte africana e explicaron de xeito formidable as características e historia de cada unha ao noso alumnado e familias. Publicamos un artigo no blog da biblioteca onde podedes ver un vídeo e consultar máis información sobre a exposición premendo aquí.

IV FESTIVAL OPERA PRIMA DE CURTAS 2017

A nosa noraboa ao alumnado de 6º de primaria ganador do premio ao mellor guión, que  participou no IV festival Opera Prima de curtas 2017 coa obra "Ninguén sabe nada".

Moitas felicidades a todos!!! Sodes fantásticos!!!.

Distribuir contido


by Dr. Radut