Skip to Content

Colectivas

OS MAIOS 2018

Álbum: CURSO 2017-2018 -> Os Maios 2018

Despois dun inverno chuvioso, démoslle a benvida á primavera celebrando a festa dos Maios. Colocamos a estrutura do noso maio diante da porta da biblioteca para que cada clase o fora decorando con flores de creación propia e así de fermoso quedou. Estará durante uns días estará coloreando a porta do colexio.

FESTA DO ENTROIDO 2018

Álbum: CURSO 2017-2018 -> Entroido 2018

"A Coruña. Unha cidade en feminino". Así se chama o proxecto que, desde a biblioteca do centro, se está a desenvolver agora mesmo. E diso mesmo tratou o noso festival de Entroido: da cidade de A Coruña. Todos os niveis prepararon disfraces relacionados con algo significativo da nosa gran cidade. En Educación Infantil, vestíronse de choqueiros e choqueiras; 1º de Educación Primaria, da torre de Hércules; 2º, do Dépor; 3º, do paseo marítimo; 4º, de mariñeiros e mariñeiras; 5º, da tuna de veteráns; e 6º da festa de San Xoán. Se premedes na imaxe, poderedes ver todas as fotos do evento.

Educación Infantil ata tivo os típicos Apropósitos chorqueiros:

Aténdanme ben, señores,

a esta cousa que lles digo:

os nenos deste colexio 

vimos sempre con abrigo.

 

Cando nos chove no inverno,

corre a auga coma un río.

Acabamos enchoupados

e tamén mortos de frío.

 

Cando estou no pavillón 

e vou a Coñecemento,

chego mollado ata os ósos

porque non ten cerramento.

 

Este colexio non é

nin de curas nin de monxas:

con tanta auga, parece

a casa de Bob Esponxa.

 

Hoxe vou algo contento:

saquei no control un oito;

pero sería un milagre

chegar ata a casa enxoito.

 

Cando toca Biblioteca

en días de auga e friaxe,

esvara máis este patio 

cá pista de patinaxe.

 

Paso tantos traballiños

para levar ben o estudo

que xa logo hei parecer

percebeiro do Roncudo.

 

Teñan compaixón de min:

miren que aínda son un neno

e non quero vir á escola

en traxe de neopreno.

 

Señores politiqueiros,

póñanse ó traballo un cacho

e arranxen como é debido

o cole Raquel Camacho.

3º de Educación Primaria mesmo preparou unha particular versión de "A rianxeira". Gozade coa súa interpretación premendo aquí.

ONDIÑAS VEÑEN... EN A CORUÑA

Refrán

As praias da nosa cidade

Ben bonitas sonche todas (bis)

Dende a punta d'O Portiño

Ata a chula praia de Oza. (bis)

Refrán

Mete o peíño, mete o peíño

Mete o peíño en  Riazor,

Báñate no Matadeiro

E a facer surf no Orzán!!!

Ondiñas veñen, ondiñas veñen

Ondiñas veñen e van

Non te bañes coruñesa

Porque te podes mollar

Chamáchesme "reporquiño"

Por non tirar ben o lixo (bis)

Agora vou reciclare

Porque me gusta o mar limpo(bis)

Refrán (todos e todas con palmas)

Que pasedes un bo Entroido!

ENTROIDO DO COLEXIO

Imaxe: CEIP Pintor Laxeiro.

Con motivo da celebración do Entroido, comunicamos que a festa terá lugar venres, día 9 de febreiro, no patio do colexio (se o tempo o permite). O tema, xa de todos coñecido, é A Coruña, dado que o centro de interese que guía todas as actividades programadas neste curso que estamos a desenvolver é “A Coruña. Unha cidade en femenino”.

Convidámolos a que asistan para compartir con toda a comunidade educativa esta festa. Polo que o portalón do patio estará aberto 15 min. a partir das 13:15 horas. Ás 13:30, pecharase para salvagardar a seguridade do alumnado. 

Ocuparán exclusivamente a zona detrás dos bancos de infantil sen acceder ás zonas ocupadas polo alumnado.

Infórmase de que hai alumnado que non ten permiso de imaxe; polo que os pais/nais que desexen sacar foto/video reduzan estas aos seus fillos/as. 

Lembramos que o alumnado está baixo a responsabilidade de cada profesor/a titor/a ata as 14:00 horas e as familias evitarán coller ningún/ha neno/a e separalo do seu grupo de clase. Polo tanto, non poden ser sacados do centro antes da hora de saída. Esta medida tómase polo ben dos seus fillos/as.

 As clases reanúdanse o xoves día 15 de febreiro.

 

DÍA ESCOLAR DA PAZ E A NON VIOLENCIA 2018

Xa sabemos que a paz é un asunto de todos os días, sen excepción. Mais hoxe quixemos festexala igualmente. Como? Pois reuníndonos e cantando xuntos e xuntas a canción que estivemos preparando estes días. Ademais, como acto simbólico de liberdade, puidemos gozar dunha fermosa solta de pombas.

Distribuir contido


by Dr. Radut