Curso 2018/19

CHARLAS DIDÁCTICAS

Dende o luns 11 ata o mércores 13 de febreiro todo o alumnado do Centro asistiu ás charlas sobre a prevención de incendios, organizadas por Voz Natura e a Garda Civil de Brión (dentro do Plan Director) sobre a prevención de incendios e protección da natureza.

CHARLA LUCÍA OUTEIRAL

Os mestres/as do Centro tivemos unha charla sobre Integración Sensorial impartida pola Terapeuta Ocupacional Lucía Outeiral Barbazán. Definida como a capacidade que posúe o SNC de interpretar e organizar a información captada polos sentidos, tivemos a oportunidade de ver cando hai un desequilibrio sensorial e poden xurdir problemas de integración social, atención, conducta, organización, movemento ou coordinación.

Poemas de Rosalía by 2ºB


2:29 minutes (2.28 MB)

Achegándonos xa á conmemoración do Día de Rosalía de Castro, o alumnado de 2º B adica o programa de Radio Furelo á súa poesía.

ACTIVIDADE MUSICAL

A través do Departamento de Educación do Concello achegáronse ao Centro dous profesores da Escola Municipal de Música para realizar unha actividade didáctica sobre o trombón e a trompeta, explicando as súas características e interpretando catro pezas musicais para o alumnado de 1º de primaria.

SAÍDA DIDÁCTICA

O alumnado de 4º a 6º de primaria asistiu no Teatro Principal á representación da obra "O secuestro da Bibliotecaria"

SAÍDA DIDÁCTICA

O alumnado de 4 anos marchou de excursión á Universidade de Santiago de Compostela, Facultade de Ciencias da Educación. Alí cantaron a de "Fonseca", deixando aos asistentes sorprendidos. O motivo foi a súa participación no International Symposium of Music Education and Didactic Materials.

Gozaron dos obradoiros de Lydia Botana (De aquí para alá) e de Cristina Llbrés (Ma-Maruja), material que traballaron coas docentes nas aulas previamente, quen amosaron os seus traballos musicais.