Entorno

Hoxe, en Radio Furelo os nenos e nenas de 3 anos B, fálannos sobre o "Día Mundial do Medio Ambiente" que se celebrou o 5 de xuño.

Organizado por "Augas de Galicia" e coa colaboración de Sonia, nai dunha alumna, realizouse unha actividade para 4º de primaria sobre a auga e os residuos.

Para conmemorar o Día da Árbore 2019 os alumnos e alumnas de Infantil ata 4º de primaria plantaron, en colaboración co Concello, 190 árbores no espazo ao carón co Colexio: loureiros, acivros, espiños, abeleiras, cerdeiras e sangomiños.

Hoxe, 15 de marzo, as alumnas e alumnos do CEIP Ramón Cabanillas queremos sumarnos ao movemento iniciado pola estudante sueca Greta Thunberg, na protesta pola pasividade dos gobernos mundiais ante o cambio climático, cun acto simbólico que rematará coa lectura dun manifesto elaborado polo alumnado.

Minuto  0:57:25

Dous membros de ADEGA deron unha charla didáctica, ao carón dos composteiros, para o alumnado de 5º de primaria sobre a recollida selectiva dos residuos para a elaboración de compost, continuando o traballo realizado ao longo do curso pasado.

Clase didáctica impartida pola nai de Noa, a profesora Almudena Hospido  do departamento de Enxeñería Química da USC, ao alumnado de 4ºA para a concienciación de emisións de CO₂ e dentro do programa da Universidade de igualdade de xénero "Unha enxeñeira ou científica en cada cole"

Sonia Barros e Cristina Lourido, nais de Alejandro e Sara respectivamente de 6º de Ed. Infantil B impartiron ao alumnado do último curso Ed. Infantil un obradoiro de sensibilización ambiental sobre a escasez, contaminación e a depuración das augas residuais urbanas. Grazas pola vosa colaboración.