Benvida

Debuxo de Paula Noya
ACTUALIDADE    DO    CENTRO      

FONDO SOLIDARIO LIBROS DE TEXTO E AXUDAS LIBROS E MATERIAL

No DOG do día 21 de maio de 2018 publícase a Orde do 9 de maio de 2018 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2018/19.

En convocatorias anteriores a solicitude podíase presentar presencialmente no centro ou en calquera dos rexistros oficialmente establecidos.

Na convocatoria actual poderase, ademais, realizar a solicitude accedendo á aplicación Fondolibros, e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

• Presentación no centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación (A solicitude xa terá asignado un número pola aplicación e o centro pode recuperala).

• Presentación na Sede Electrónica da Xunta de Galicia. Neste suposto o centro recibirá un aviso no seu correo electrónico que lle informará de que ten solicitudes presentadas por esta vía.

Prazo: remata o 22 de xuño de 2018 (incluido)

Nota informativa: O Centro vai solicitar o proxecto de educación  dixital (E-Dixgal) para 5º e 6º no curso 2018/19. No caso que fose concedido, o alumnado matriculado neses cursos está excluido da participación no fondo solidario de libros de texto e poderá solicitar a axuda para adquirir material escolar cando reúna os requisitos establecidos na orde.

ENLACE WEB CONSELLERÍA 

EXCURSIÓN

Excursión de fin de curso de 5º e 6º de primaria ás Illas Cíes.

PROGRAMA USC

Seguindo co Programa da USC de "Igualdade de xénero" a profesora Paula López Martínez, do Departamento de Electrónica e Computación e investigadora do CITIUS, impartiu ao alumnado de 4ºB a charla-obradoiro "A programación é cousa de nen@s"

CONTACONTOS

Na biblioteca do cole Celtia Figueiras, unha das compoñentes da compañía de monicreques "A Xanela do Maxín", contou as historias de "Os libros da titiriteira" aos nenos e nenas de infantil, 1º e 2º.

DÍA DAS LETRAS GALEGAS 2018

Para conmemorar o Día das Letras Galegas saímos ao patio, onde formamos unha gran bandeira de Galicia e cantamos o Himno Galego. Acompañáronnos membros da Agrupación Folclórica Colexiata de Sar.

Celebración conxunta Decoración do Centro

EXCURSIÓN

Saída de 3º e 4º de primaria a Fervenzaventura en Abades (Silleda) onde disfrutaron dun día de actividades ao aire libre.

 

PREMIOS BIBLIOTECA ÁNXEL CASAL

No VIII concurso de carteis do Día das Letras Galegas organizado pola Biblioteca Ánxel Casal resultaron premiados:

  • Segundo Premio: aulas de 1º e 2º de primaria do CEIP Ramón Cabanillas.
  • Terceiro Premio: nenos e nenas de infantil 5 anos do CEIP Ramón Cabanillas.
  • Accésit: alumnos e alumnas de Educación Infantil de 3 anos do CEIP Ramón Cabanillas.
  • Accésit: Mara Espiño Cancela de infantil 5 anos.

Noraboa aos gañadores/as!!

Mª VICTORIA MORENO by 5ºB


6:05 minutes (5.58 MB)