Voz Natura

Continuamos coa plantación de primavera. Os nenos e nenas de 1º e 2º plantaron, coa axuda de Brais de 4º, begonias e tagetes.

Dende o luns 11 ata o mércores 13 de febreiro todo o alumnado do Centro asistiu ás charlas sobre a prevención de incendios, organizadas por Voz Natura e a Garda Civil de Brión (dentro do Plan Director) sobre a prevención de incendios e protección da natureza.

Para conmemorar o "Día Mundial dos Bosques" realizamos unha plantación na que queremos agradecer a axuda da ANPA, do Concello de Santiago (que realizou a plantación no terreo a carón do Centro), Voz Natura e a Nosa Enerxía (Cooperativa Galega de Enerxía) que cedeu algunhas árbores de parte de Diego del Río de 6º de infantil A.

Información publicada no xornal "La Voz de Galicia" do xoves, 30 de abril.

No festival e acto de clausura das actividades de Voz Natura celebrado en Acea de Ama foi entregado o premio da provincia de A Coruña ao CEIP Ramón Cabanillas polo seu traballo sobre a recuperación das brañas do Sar.

O Comité Científico do Programa Mediombiental "Voz Natura" concedeu o Premio Provincia de A Coruña ao noso Centro polo traballo realizado baixo o título "Salvemos o Río Sar e as súas brañas".

O premio será entregado o sábado, 7 de xuño, no Parque Deportivo de Acea de Ama, Culleredo.

PARABÉNS A TODAS E TODOS!       

<<<Ligazóns coa nova publicada e a reportaxe do xornal "La Voz de Galicia">>>

Segunda xornada de limpeza nas Brañas do Sar, por parte de alumnos/as de 5º de Primaria e de 6ºA.

Xornada de limpeza no entorno do Río Sar por parte da clase de 6ºB do CEIP Ramón Cabanillas e de alumnos/as de 1º da ESO do IES de Sar.

Con motivo do día da árbore realizouse unha plantación no recinto escolar por parte de alumnos/as de Infantil e 3º de primaria.