Curso 2014/15

Publícanse as bases reguladoras e convocatoria para a concesión de bolsas de comedor para o alumnado dos centros docentes públicos e privados de educación infantil (segundo ciclo) e de educación primaria obrigatoria do Concello de Santiago de Compostela, para o curso 2015/2016.

As solicitudes presentaranse, no prazo de 15 días naturais, contados a partir do seguinte á publicación da convocatoria no Boletín Oficial da Provincia. (Publicado o venres, 8 de maio)

Lugares de presentación: no Rexistro Xeral do Concello, rúa Presidente Salvador Allende, 2-4 ou no Rexistro auxiliar do Centro Sociocultural O Ensanche, rúa Frei Rosendo Salvado 14-16, baixo

Máis información e impresos

Dentro do proxecto de educación infantil deste curso  cinco pais/nais de alumnos/as impartiron charlas-obradoiros sobre as froitas. Foron a nai de Lola Rodríguez de 3 anos B, a nai de Martina de 4 anos A, o pai de Candela de 4 anos B, a nai de Pedro de 5 anos A e a nai de Anne de 3 anos B. 

Información publicada no xornal "La Voz de Galicia" do xoves, 30 de abril.

O alumnado de infantil puxo en marcha o horto urbano no que sementaron leitugas, cenorias, cebolas, amorodos, acelgas e plantas aromáticas.

    Un grupo de membros do Distrito Forestal III con sede en Ordes estiveron no Centro para dar unha charla e concienciar ao alumnado do risco do lume nos nosos montes.

O autor Antonio García Teijeiro estivo na Biblioteca cos alumnos e alumnas de 1º, 2º, 3º e 4º de Primaria,  xogaron entre todos  a facer poesía. Ao remate asinou unha chea de libros.

Con Mónica e con "La Bruja Maruja", asombrámonos e divertímonos escoitando os líos nos que se mete esta aloucada. Tamén inventamos un conto entre tod@s nós, o conto do canciño Flufi e os seus amigos; e, para rematar, fixemos os nosos gatos negros de bruxa, cadanseu á súa maneira: rabudo, rabeno, cabezón, paticurto, fachendoso... Foron momentos meigos!