Skip to Content

Felicitación do Conselleiro de Cultura Educación e O.U. ao noso centro

Estimadas Familias e Simpatizantes:

Dende a Consellería de Cultura Educación e O.U. o Conselleiro Don Román Rodríguez felicitounos polo traballo realizado na política de inclusión e a realización do himno do cole que resalta os nosos valores. Ademais pediunos que fixésemos extensiva esta felicitación a nosa comunidade educativa: alumnos, profes e familias, eiquí tedes a carta:

Canción/Himno de O Ramo

Neste enlace ao noso video podedes ver a nosa filosofía da educación, está feito co corazón....

 

PROCESO DE ADMISIÓN. MATRICULA CURSO 2016/17

Estimados amigos e futuros alumnos:

O vindeiro 1 de marzo de 2016 comeza o período de matrícula de novos alumnos para o próximo curso 2016/17...

Adxuntamos en PDF os requisitos e prazos para formalizar a matrícula, que poderedes facer na secretaría da nosa escola....

CONVIDÁMOSVOS a TODOS a formar parte da nosa maravillosa COMUNIDADE EDUCATIVA.

 

ENTROIDO O RAMO

Un ano mais celebramos o Entoido, pero este ano, de acordo coa nosa metodoloxía por proxectos, os disfraces foron na liña do proxecto de centro mar e terra, e os nenos foron disfrazados de fauna e flora mariña esta ocasión.

Houbo actuacións:

Desfile polo pavillón:

 

E lambetadas típicas da festa:

CONMEMORACIÓN DÍA DA PAZ 2016

No día de hoxe conmemoramos o día da paz, facendo especial fincapé e recordo naqueles nenos do mundo que non teñen a sorte de vivir en paz, lembramos lugares coma Siria, onde os nosos iguais o están a pasar moi mal. Foi moi emocionante e divertido, e ademais contamos coa compañía das familias e o seu apoio coma sempre.... Grazas a todos, a excelencia e calidade educativa alcánzase cando todos participamos: alumnos, profesores e familias.....

 

Fixemos un proxecto onde collimos moitos tipos de palabras......

As malas puxémolas neste bote e tapámolo para que non saian..........

 

As boas puxémolas neste outro e dexámolo aberto para que as nosas pombas mensaxeiras......

As leven a todo o mundo e fagan un mundo mellor e mais pacífico, onde todos poidamos vivir en paz, harmonía e convivencia.....

 

Ademais celebramos un espectáculo......

 

Dous presentadores de excepción: Aroa e Gabriel.....

Un público distinguido: os nosos nenos e familias, desexando ver, desfrutar e compartir...

Os nenos de primeiro cantaron unha fermosa canción.....

Os de 2ºrecitaron un poema sobre a paz e os valores....

Os de 3º fixeron música con percusión corporal, moi educativo e estimulante.... chamábanse os Mayumaramo...

4º fixo unha obra reivindicativa sobre a paz....

 

 

5º e 6º fixeron unha obra de teatro sobre o entendemento e diálogo.... Espectacular rapaces.....

E fixemos unha solta simbólica de pombas pola paz.... Non vos preocupedes son pombas mensaxeiras e saben volver a casiña soas...

Todo foi moi comentado e visto, foi xenial.... GRAZAS POLA VOSA COMPAÑA¡

Feliz Día da Paz¡

 

PROGRAMA DE SENSIBILIZACIÓN DA DISCAPACIDADE II PARTE

E continuamos co noso programa da sensibilización da discapacidade/diversidade funcional, esta vez pareceunos fundamental contar con AFAL (Asociación adicada á atención dos enfermos de Alzheimer e/ou Demencia), e preguntarédesvos porqué.... Actualmente este tipo de enfermidades teñen un gran impacto e prevelencia na poboación adulta, sobre todo en anciáns, e os nosos nenos están a vivir estas situacións sen saber moitas veces como enfrontalas, creando un estrés moi elevado nas familias e nos propios nenos, debido a esta necesidade creímos fundamental que unha asociación especializada, da man de profesionais cualificadas (Terapeutas Ocupacionais), nos poderían axudar a preparar ao noso alumnado para enfrontar estas situacións, así o programa constou de:

  1. Contar historias con monicreques: "A avoa precisa biquiños". Para os nenos e nenas mais pequenos.

  2.  Charla sobre Demencia. Específica para nenos de 5º e 6º de primaria.

  3. Realización de un circuíto "Ponte no lugar dunha persoa con enfermidade de Alzheimer." Destinado aos nenos de 5º e 6º de primaria.

A continuación podedes ver algunhas fotos do evento:

 

En definitiva, foi un éxito, e ademais de todo o que aprendemos poidemos constatar os enormes valores e sensibilidade que atesoran os nosos nenos...

 

PROGRAMA DE SENSIBILIZACIÓN DA DISCAPACIDADE

Este curso 2015/16 iniciamos o noso programa, que xa cumple 2 anos de sensibilización da discapacidade, cun enorme traballo realizado dende o Departamento de Orientación e dentro deste polo Equipo de Atención á Diversidade, en concreto pola mestra Catu, que xestiona directamente o programa. Coa axuda da asociación ASCM principalmente e de Vida Activa, coordinadas pola Mancomunidade de municipios de Ferrolterra, os nosos nenos tiveron a oprtunidade de coñecer os deportes que practican as persoas con discapacidade ou diversidade funcional e practicalos coma o bogda, slalom de cadeiras de rodas, basket adaptado...... Foi moi pedagóxico e traballaronse os valores da inclusión educativa e social.

Fixemos slalom coas cadeiras de rodas, ensináronnos estupendos colaboradores
 
Respectivamente e de esquerda a dereita, viñeron a apoiarnos o alcalde de Mugardos (Domingo), o nosos alcalde de Fene (Juventino ) e o xerente da Mancomunidade de Ferrolterra (Luis), o seu apoio ao CEIP Plurilingüe O Ramo foi total.
Domingo e Juventino, participaron da festa e da actividade física no slalom co resto dos rapaces
 
Xogamos ao bogda
Fixemos Basket adaptado
 
Rematamos bailando e celebrando unha estupenda xornada de aprendizaxe e inclusión.
 
Grazas as asociacións colaboradoras ASCM e Vida Activa co noso programa de sensibilización da discapacidade, os nosos nenos aprenderon moitísimo...
 

PROXECTO VOZ NATURA

Neste enlace podedes escoitar a entrevista que nos fixo Radiovoz sobre o Proxecto Voz Natura que estamos a facer, e sen dúbida polo que aprenden os nosos nenos está a ser todo un éxito¡

SEGUNDO PRAZO SOLICITUDE AXUDAS PARA MATERIAL ESCOLAR

Estimadas Familias:

A Consellería de Cultura, Educación e Ordenación Universitaria publicou o 10 de novembro de 2015 a segunda tanda de petición de axudas para adquisición de material escolar cun importe de 50 Euros para familias cunha renda per cápita inferior a 5400 Euros. Se queredes consultar a orde que regula esta axuda, tédela anexada ao pé desta noticia (Orde de 6 de novembro de 2015).

Para solicitar a axuda soamente tedes que pasarvos pola secretaría da nosa escola

FESTA DE SAMAÍN 2015

Hoxe tivemos unha celebración estupenda de Samaín, cun altísimo valor educativo, destacar o feito de que os nenos coñeceron as tradicións relacionadas con esta festa, manipularon e realizaron manualidades coas cabazas (aspecto altamente educativo), fixeron un mural e cooperativamente participaron na festa, decoraron o centro e desfrutaron das castañas coma menú típico deste día, asadas na nosa escola coma sempre, aproveitando os impresionantes exteriores naturais que temos e que tanto favorecen a aprendizaxe.

Biblioteca terrorífica¡

Collage do Samaín

Asamos as castañas fóra¡

Pasamos polo túnel do terror, que medo¡

Comemos castañas e xogamos mogollón¡

Concurso e exposición de cabazas¡

E os papas participáchedes tan ben coma sempre. Sodes os mellores¡

 

Distribuir contido


by Dr. Radut