Proxectos de Xestión do Centro

Como sabedes hai uns dias ( durante a Semana Santa) fomos partícipes dun acontecemento moi especial : o nacemento dunha oca ( filla dos nosos Romeo e Xulieta).
Para poñerllle nome decidimos facer un REFERÉNDUM, e recreamos un proceso electoral: cada aula decidiu un nome, constituíuse unha mesa electoral, revisouse o censo, votouse o nome,... a partires de agora podémoslle chamar a nosa pequena oca: CJ. Así se chamará por mandato popular....
Que mellor para coñecer os procesos democráticos que exercelos e recrealos!!!!!

Constituíuse unha mesa electoral que contrastou o censo, supervisou a votación e preservou a transparencia democrática...

Asesoraron aos votantes... a participación foi un éxito cunha participación do 100%...

Desfrutamos a festa democrática e coñecemos en persoa coma se desenvolve un proceso democrático de votación e elección en equipo....

Pasámolo xenial... e puidemos entender en que consisten unhas eleccións democráticas e comparalas coas do noso País e Comunidade Autónoma de Galiza....

E por fin a nosa pequena oca ten nome CJ.... que axiña irá ao Galiñeiro Pedagóxico con Romeo e Xulieta....

Grazas pola gran participación e ilusión.... Foi un fermoso día, cheo de aprendizaxes¡¡¡

A nosa escola está a desenvolver o programa Móvete Máis e Aliméntate Mellor, avalada non só pola nosa Consellería de Cultura, Educación e O.U, senón por importantes axentes do mundo do deporte e entidades coma a Universidade se Santiago de Compostela (USC), así coma profesionais do Centro Hospitalario de Santiago de Compostela, coma o Dr. Felipe Casanueva e a Dra. Rosaura Leis, avalados pola consellería de Sanidade. Os obxectivos:

- Mellorar e aumentar os hábitos deportivos.

- Fomentar hábitos nutricionais saudables.

Deste xeito pretendemos aportar o noso graíño de area para mellorar agora e no futuro da vida dos nosos alumnos a súa saúde e benestar, así coma contribuir a fomentar valores que desenvolvan un benestar xeral cunha base clara e necesaria: a saúde.

 Dentro das múltiples actuacións no eido deste programa está a formación a familias, alumnado e profesorado, debido a isto o día 2 de marzo contamos coa ponencia a alumnos pola mañá e a familias e profesorado pola tarde sobre nutrición saudable e fomento da dieta atlántica da Dra. Rosaura Leis.

 Eiqui temos momentos das ponencias a familias, profesores e alumnos impartidas pola Dra. Leis e a Nutricionista Rocío Sáchez, colaboradora do departamento de nutrición da USC.

Posteriormente ás ponencias realizáronse obradoiros sobre nutrición, configuración de dietas saudables e a importancia de identificar os azúcares enmascarados na alimentación, moi pouco recomendables... Foi un auténtico privilexio contar coa Dra Leis na nosa escola, investigadora de referencia na materia de nutrición e pediatría... 

Por último púxose en valor, unha das liñas de investigación do equipo da Dra Leis sobre a necesidade de impulsar e implementar na nosa vida a dieta atlántica , moi saudable e recomendable, con productos da nosa terra.... Que mellor¡

GRAZAS pola asistencia masiva as ponencias e obradoiros ás familias da nosa escola, así coma aos múltiples profesionales da saúde da zona de Ferrolterra que nos acompañaron no privilexio de contar con esta ponente de relevancia e primeira liña científica. 

Hoxe tivemos o pracer de celebrar na nosa escola unha mesa informativa e de traballo a cal acudiron o Director Xeral de Infraestructuras da Xunta de Galicia, Don Francisco Menéndez, O Delegado da Xunta Don Diego Calvo, o Xefe Territorial de Educación Don Indalecio Cabana, membros da corporación municipal do noso Concello de Fene e o Equipo Directivo. Nesta xuntanza o Director Xeral de infraestructuras aprobou unha inversión nos accesos ao noso colexio de 224.000 euros, cos cales se acondicionará a estrada da nosa escola, se habilitará unha zona verde e se peatonalizará os arredores do colexio para que familias, estudiantes e demais membros da comunidade educativa poidan desfrutar do maravilloso entorno que nos rodea, camiñar cara a escola nalgúns casos e promover o estilo de vida saudable nos exteriores do centro con actividades que se poderán realizar con un entorno mais acondicionado.

Esta partida é unha aposta da Xunta de Galicia con fondos europeos para mellorar a calidade e seguridade das nosas infraestructuras e seguir apostando polo CEIP Plurilingüe O Ramo....

Eiqui tedes unhas fotos da xuntanza moi intensa e aproveitada, así coma os planos provisionais do que será a potenciación e desenvolvemento do noso colexio...

Fotos da mesa de traballo/informativa e acordos

 Fotos dos planos provisionais do acondicionamento da estrada e exteriores do colexio.

Obxectivo: adaptar o entorno a unha escola cun Proxecto de Vida Saudable que promova a accesibilidade e actividade física en período lectivo e non lectivo...