Skip to Content

Plan de Convivencia

BENVIDOS AO NOVO CURSO 2017/18

Estimadas familias e alumnado:

O profesorado do CEIP Plurilingüe O Ramo temos todo preparado para o novo comezo deste apaixoante curso 2017/18 que xa comeza¡¡¡¡ Esperámosvos con ilusión¡¡¡¡¡

Xa vos estamos esperando con ilusión,......

De cara a este novo curso querémosvos proporcionar a seguinte información, que moitos de vos sabedes, pero que é importante ter en conta:

- Comedor e Transporte Escolar: comezarán a funcionar con normalidade dende o día 11 de setembro. Respecto ao comedor os usuarios que non fagan uso ese día do servizo deben lembrar avisar en Dirección ou Secretaría e indicalo na axenda da respectiva titora. Os menús mensuais poderédelos consultar no seguinte enlace: http://www.edu.xunta.gal/centros/ceiporamo/taxonomy/term/178

- Servizo de Madrugadores: comezará a funcionar o día 12 de setembro con normalidade. Para anotarvos, poderedes facelo na Dirección ou Secretaría. Podedes consultar prezos e horarios no seguinte enlace: http://www.edu.xunta.gal/centros/ceiporamo/taxonomy/term/181

- Actividades Extraescolares: Coma todos os anos teremos a nosa semana de portas abertas para todos os nenos e nenas que desexen probar o noso amplo abanico de actividades, será do 18 ao 25 de setembro. podedes consultar a oferta no seguinte enlace: http://www.edu.xunta.gal/centros/ceiporamo/taxonomy/term/180

Para anotarvos as Actividades Extraescolares soamente tedes que cubrir o impreso que se facilitará en Dirección ou Secretaría.

- Ludoteca: temos un servizo de ludoteca, completamente gratuíto (para os socios da ANPA) e subvencionado polo centro, de 16 a 18 horas. Funcionará con normalidade dende o día 11 de setembro.

 

- Consellos para iniciar o cole:

                 - Lembrade que temos que ter en conta que o noso cole é agradable e divertido, un lugar onde mestras, pais e nais e nenos e nenas aprendemos moitísimo, e así o temos que transmitir na casa, xa que beneficia moito a predisposición no inicio.

                 - O primeiro día non é preciso traer ningún material, este será indicado por cada titora, é un inicio, toma de contacto e reencontro (na maioría dos casos) con compañeiros.

                 - Estimadas familias, o profesorado do CEIP Plurilingüe O Ramo estamos convosco e cos vosos fillos e fillas e cos nosos nenos e nenas na apaixoante viaxe da educación e a aprendizaxe. Estamos xuntos e xuntas e somos un equipo¡¡¡ CONTADE CON NÓS¡¡¡¡¡

COMEZAMOS ESTA APAIXOANTE VIAXE QUE SERÁ MELLOR QUE NUNCA¡¡¡ E SOBRE TODO.... CON TODOS VÓS¡¡¡ A COMUNIDADE EDUCATIVA DO CEIP PLURILINGÜE O RAMO

 

Dia da Paz 2017

A conmemoración da Paz lévase a cabo todos os días nas relacións cos compañeiros, coas familias, cos mestres... Nembargantes un día coma o 30 de xaneiro conmemórase o día da paz, coíncidindo co pasamento de Mahatma Gandhi, líder espiritual que deixou legado no corazón da humanidade, este ano recordámolo dende o CEIP Plurilingüe o Ramo pintando a seguinte mensaxe na entrada da nosa escola...

Non hai camiño para a PAZ a PAZ é o camiño.... pensamos que esta frase se podería extrapolar a aspectos fermosos que levamos a cabo día a día, a aprendizaxe é o propio camiño, así coma o desfrute do mesmo....

 

Entre todos pensamos, buscamos e escollimos a frase, ademais de pintala, para que o noso lema sexa ben visible, é noso e de toda a humanidade...

A nosa escola é preciosa e "máxica", pedimos que a Paz se faga...

 

E todos xuntos cantamos a canción do día da paz.....

Eiquí tedes un vídeo, na nosa canle de TV Educativa sobre o día da Paz, quedou fermoso e o momento de aprendizaxe foi moi especial....

PLAN DE CONVIVENCIA

Estimadas Familias¡:

O pasado 26 de maio de 2015, o CEIP O Ramo ven de aprobar en consenso por toda a comunidade educativa o noso novo Plan de Convivencia, este está refrendado polo Claustro de mestres e mestras e polo Consello escolar. Nel figuran aspectos tan importantes e relevantes coma as Normas de Convivencia que rexerán a vida do noso centro estes anos, lédeo con moito agarimo, xa que está feito por e para todos e todas...

Distribuir contido


by Dr. Radut