CEIP PLURILINGÜE A LAXE

Ola familias!!

Estes tres últimos día de cole foron máis relaxados. Os nervios polo fin de curso e as vacacións eran patentes, por iso as propostas eran un repaso e houbo moito xogo libre.

O luns falamos da excursión á granxa: que foi o que máis nos gustou, o nome dos animais, como nos sentimos...

Despois escollimos o nome de dous dos cabalos nos que puidemos montar, Chocolate e Godello, e con cada unha das súas letras escribimos outra palabra nova, afianzando un pouquiño máis a conciencia fonolóxica.

O martes foi o turno de lóxica matemática. Primeiro nomeamos todos os animais que víramos na granxa e contamos as súas letras. Despois buscamos o número na casiñas das familias.

Tamén acudimos á estrea do corto que o compañeiros/as de 5º e 6º de primaria fixeron sobre a igualdade.

E grazas á profe Lidia puidemos plantar unha faba cunha palabra especial, agarimo, que foi a máis votada o día das Letras Galegas. Para iso botamos terra nunha pequena maceta biodegradable, plantamos a faba e lle botamos un poquiño de auga. Agora  a ver como medra.

E o último día estivo cheo de emocións, apertas, bicos, sentimento a flor de piel e actuacións, por iso merece unha publicación a parte que en breve poderedes ver. 

Ola familias!!!

Que pouco queda para que remate o curso, pero nós seguimos aprendendo e desfrutando. Aquí vos deixamos unha mostra das actividades desta semana.

Entre todos completamos as casiñas das decenas. Cada un/unha tiñamos uns números e tiñamos que identificalos e poñelos na casiña correspondente.

Tamén xogamos ás simetrías. Cada un/unha de nós tiñamos un pau coa metade dunhas figuras e tiñamos que atopar a outra metade que podía estar no chan ou tela algún compañeiro/a.

Unha das actividades que máis nos gustou foi elaborar os nosos propios perfumes. Grazas á profe Lidia que nos trouxo un montón de herbas aromáticas puidemos coñecer o romero, a menta, a menta chocolate, a reina Luisa, o xazmín, a lavanda, o laranxeiro e o limoeiro. Así que primeiro as ulimos para ver se nos gustaban ou non.

Despois as fomos separando e botándoas nun morteiro para poder machacalas.

Xa na cociña do cole cada equipo, porque decidiron elaborar entre varios o mesmo perfume, escollían as herbas que querían para o seu perfume, lle botaban un pouco de auga, unha cucharadiña de auga de colonia e a quetaban no microondas. Despois, con moito coidado porque queimaba, e coa axuda dunha pipeta ían pasando o perfume ao seu frasquiño.

Outra actividade que fixemos foi colocar uns dados na mesma posición e coa mesma cantidade segundo unha foto que tiñamos. Despois contabamos os puntiños e buscábamos o número na táboa do 100. Canto traballamos a atención, a orientación espacial, o conteo e a grafía dos números.

Esta semana tamén fomos recoller os nosos pementos do Couto. Había algún enorme e non todos tiñamos a mesma cantidade, pero non pasa nada, o importante é que aprendemos a cultivalos.

Como o curso que ven Jimena, Marcelo, Daniela, Ainara, Antón e Malia pasan a primaria foron facer unha visita aos compañeiros/as que agoran están nese curso. Éstes lles contaron como traballaban e todos xuntos compartiron un ratiño de xogo.

Como actividade de arte traspasamos cores do papel de aluminio a un debuxo. Para iso primeiro pintamos con rotuladores e ao noso gusto un anaco de papel de alumnio, despois lle botamos un pouco de auga co "fris-fris" como nós lle chamamos ao pulverizador e a continuación puxemos o debuxo cara abaixo, quedando as cores nel. 

E o venres todo o cole fomos de excursión á Granxa do Souto. Que ben o pasamos!!! Durante a viaxe, tanto de ida como de volta, compartimos conversas co noso compañeiro/a de asiento.

Xa na granxa, primeiro fomos a coller forzas e tomamos a merenda. Despois nos presentaron a Dani, un poni de raza galega e nos ensinaron os seus coidados, para a continuación montar nel ou nos seus amigos, Chocolate e Godello, e na súa moza Muras, todos os que quixeramos.

Despois fomos a coñecer os coellos e que sorte tivemos porque unha delas fora mamá fai mou pouquiño e puidemos ver a súa cría. Démoslles de comer pan e os acariciamos, ao igual que fixemos coas galiñas. Tamén puidemos ver e tocar á pava. Ao pavo non porque era máis reservado.

De seguido fomos coñecer animais que nos rodean e fósiles, como por exemplo niños de paxaros, dentes de xabaril ou tiburóns de río.

Logo fomos comer e desconectar un poquiño ata que retomamos as actividades. Neste caso coñecer á cabra e á ovella, que de novo tivemos sorte e puidemos coñecer ás súas crías porque foran mamás fai nadiña. Neste caso lles demos maíz.

E para rematar coñecemos á cría de burro, Peter Pan, e á vaca Moura, que son tan bos que nos deixaron acaricialos.

Aquí vos deixamos un vídeo resumo da saída á granxa porque era difícil resumir esta experiencia só nunhas fotos.

Ata a semana que ven que está chea de sorpresas!!

BOAS DE NOVO, FAMILIAS!

NESTA ENTRADA DO BLOGUE PODEREDES VER O QUE OCORREU NA AULA DURANTE AS DÚAS ÚLTIMAS SEMANAS.

NA DERRADEIRA DO MES DE MAIO E COMEZOS DE XUÑO, AS NENAS E NENOS REALIZARON DIVERSAS ACTIVIDADES. UNHA DELAS, PARA TRABALLAR A DIRECCIONALIDADE E INICIARSE NO PENSAMENTO COMPUTACIONAL, CONSISTÍA EN QUE DEBÍAN SEGUIR OS COMANDOS DADOS POR UNHAS FRECHAS PARA CHEGAR A UNHA IMAXE DUN PANEL COA TEMÁTICA DA PRIMAVEIRA. FIXÉRONO COA AXUDA DA PROFE LIDIA E RESOLVÉRONO XENIAL!

NA MESA SENSORIAL CONTABAN CON MINIATURAS DE INSECTOS E FLORES: UNHAS ESTABAN EN COR E OUTRAS ERAN A SOMBRA DAS PRIMEIRAS, POLO QUE ESTABAN EN BRANCO E NEGRO. O SEU OBXECTIVO ERA ASOCIAR A IMAXE COA SÚA SOMBRA. TRABALLARON ASÍ A ATENCIÓN E DISCRIMINCACIÓN VISUAL.

FIXEMOS TAMÉN UNHA ACTIVIDADE EN GRAN GRUPO DE CONTEO, ASOCIACIÓN GRAFÍA-CANTIDADE, RECOÑECEMENTO DE GRAFÍAS, ORDE NA SERIE NUMÉRICA, ATENCIÓN... NO CHAN DISPUXEN DIVERSAS TARXETAS CON NÚMEROS E COAS CANTIDADES QUE REPRESENTAN E, POR OUTRA BANDA E NUNHA BANDEXA, ENGADÍN DIVERSOS MATERIAIS CON E SEN GRAFÍAS QUE REPRESENTABAN CANTIDADES. DE XEITO LIBRE, DEBÍAN IR COLLENDO OS MATERIAIS DA BANDEXA E POÑELOS ENRIBA DAS TARXETAS DO CHAN SEGUNDO A CANTIDADE QUE REPRESENTABAN. FINALMENTE, ORDENARON A SERIE NUMÉRICA DO 1 AO 10. AXUDÁRONSE MOITO E COMPLETARON A TAREFA ESTUPENDAMENTE!!

LEMBRADES AS FOTOS E AS PINTURAS DOS BODEGÓNS? POIS TIÑAMOS PENDENTE CUBRIR A FOLLA DE REXISTRO DO ARTISTA. NESTE CASO, PRESENTEILLES A FRANCISCO DE ZURBARÁN E, COMO SEMPRE, FALAMOS UN POUCO DA SÚA OBRA E DA SÚA ORIXE. FINALMENTE EN GRUPOS COMPLETARON A FOLLA DE REXISTRO. PERCIBÍN AQUÍ MOITÍSIMOS AVANCES RESPECTO AO TRIMESTRE PASADO, POIS CADA VEZ PRECISAN MENOS DA MIÑA AXUDA E SON MÁIS AUTÓNOMOS/AS.

OUTRA TAREFA DESTA SEMANA FOI REALIZAR O REXISTRO DO TEMPO. NESTE CASO E COMO VIN QUE NA ACTIVIDADE ANTERIOR A RESOLVERAN TAN BEN, FIXÉMOLO TODOS/AS XUNTOS/AS AO MESMO TEMPO!! EU ENCARGUEIME DE COLLER OS BOTES DE UN EN UN E ELAS/ES CONTABAN AS CANICAS EN VOZ ALTA. A CONTINUACIÓN, COLOCABAN OS GOMETS,ESCRIBÍAN AS GRAFÍAS E O NOME DO MES DO REXISTRO. QUEN PRECISABA AXUDA, ERGUÍA A MAN PARA RECIBILA E ASÍ COMPLETARON OUTRA ACTIVIDADE CON ÉXITO!!

COMO XA LEVÁBAMOS ALGUNHAS SEMANAS SEN REALIZAR UNHA DINÁMICA DA APRENDIZAXE COOPERATIVA, ESTA VEZ TOCOUNOS. CONSISTIU NO SEGUINTE: PEDINLLES QUE PECHARAN OS OLLOS E COLOQUEILLES GOMETS DE DIFERENTES CORES NA FRONTE. A SÚA MISIÓN ERA AGRUPARSE POR CORES COA CONDICIÓN DE QUE NON PODÍAN FALAR. DIFÍCIL, VERDADE? POIS AMAÑÁRONSE COMO PUIDERON E O CONSEGUIRON! AXUDÁRONSE SINALANDO AS CORES QUE HABÍA POR CLASE NOS ROTUS, GABETAS... E FINALMENTE COMPLETARON A SÚA MISIÓN. SÍNTOME MOI ORGULLOSA DO GRAN EQUIPO QUE FORMAN.

ESTA SEMANA TAMÉN INICIARON UNHA ACTIVIDADE QUE NOS LEVOU ALGUNHA SESIÓN MÁIS. NA PRIMEIRA PARTE E TRAS COLOCAR UNHA CARTOLINA BRANCA DENTRO DUNHA CAIXA Á QUE LLE PUXEN UNHAS GOMAS, TIVERON QUE PINTAR AS GOMAS CON CORES DA PRIMAVEIRA PARA, FINALMENTE, SALPICAR TODA A CARTOLINA. DESCUBRIMOS ASÍ UNHA NOVA TÉCNICA PLÁSTICA MOI DIVERTIDA.

PARA REMATAR A SEMANA E PREVIAMENTE NA AULA, AMOSEILLE FOTOS DO SEGUINTE ARTISTA NO QUE NOS IAMOS CENTRAR. CHÁMASE NILS UDO E AS SÚAS OBRAS MÁIS COÑECIDAS SON "LANDS ART", É DICIR, ARTE NA NATUREZA CON ELEMENTOS PROPIOS DA MESMA. TRAS OBSERVAR ALGUNHAS DAS SÚAS OBRAS, SAÍMOS AO PATIO E COMEZARON A REALIZAR AS SÚAS CREACIÓNS. PERCIBÍN POR AQUÍ MOITA CREATIVIDADE, POIS INCLUSO EMPREGARON O PLANO VERTICAL FACENDO USO DAS RANURAS DAS MESAS DE MADEIRA EXTERIORES COMO SOPORTE. O MÁIS IMPORTANTE DE TODO ISTO É QUE CADA QUEN LLE DEU UN SIGNIFICADO E VERBALIZÁRONLLO AO GRUPO. EXPERIMENTACIÓN LIBRE, CREACIÓN, COLABORACIÓN, ATENCIÓN... ENCÁNTANOS ESTE TIPO DE PROPOSTAS!!

REMATADA ESA SEMANA, COMEZAMOS UNHA NOVA CUN EQUIPO MOI UNIDO POR UNHA CAUSA: FACER RIR A PEPA, POIS ESTABA UN POUCO TRISTE. CREDES QUE O CONSEGUIRON?

O LUNS REALIZAMOS EN GRAN GRUPO UNHA ACTIVIDADE DE MEMORIA CUN XOGO DE PRIMAVEIRA. POR QUENDAS, TIÑAN QUE DARLLE Á VOLTA ÁS CARTAS PARA FORMAR PARELLAS E, POR SUPOSTO, TIÑAN QUE ESTAR MOOOOI ATENTAS/OS PARA LEMBRAR A POSICIÓN EXACTA DAS FICHAS QUE ÍA LEVANTADOS OS/AS COMPIS.

ADEMAIS E XA QUE FOI O DÍA MUNDIAL DO MEDIO AMBIENTE, APROVEITAMOS PARA SAÍR E REGAR TANTO O INVERNADOIRO COMO TODAS AS PLANTIÑAS QUE HAI POR FÓRA.

POR ÚLTIMO, TIVEMOS A VISITA DE DÚAS MONITORIAS DE "HÉROES PARA LA CIENCIA" COAS QUE FIXEMOS 3 EXPERIMENTOS: NO PRIMEIRO CORTARON, APLASTARON COL LOMBARDA EN AUGA E A TINTARON DE CORES CON DIVERSOS PRODUCTOS OBSERVANDO ASÍ OS CAMBIOS DE COR QUE ESTES PRODUCÍAN; NO SEGUNDO COLOCARON UNHAS CHUCHES DE CORES E, AO BOTARLLES AUGA, DESCUBRIRON QUE A DESTINXÍAN E APARECÍAN MOITOS CAMIÑOS DE CORES; E NO ÚLTIMO EXPERIMENTARON CUNS PAXAROS QUE FACÍAN EQUILIBRIO!

PARA REMATAR O DÍA, EVELYN PÚXOSENOS TRISTEIRA, PERO TIVERON UNHA IDEA RAPIDÍSIMA PARA SOLUCIONAR ESTE PROBLEMA. ABRAZO FORTE, FORTÍSIMO E FIN DO DÍA!

LEMBRADES OS LANDS ART QUE REALIZARON O VENRES NO EXTERIOR? POIS NESTA OCASIÓN CUBRIRON A FOLLA DE REXISTRO DE NILS UDO, AÍNDA QUE PREVIAMENTE FIXEMOS UN INCISO PARA FACER USO DO GOOGLE MAPS, POIS ESPERTOULLES MOITA CURIOSIDADE SABER A DISTANCIA QUE HAI ENTRE O SEU PAÍS (ALEMAÑA) E VALÓN. ADEMAIS, DE AQUÍ XURDIRON NOVAS PREGUNTAS PARA AS QUE BUSCAMOS RESPOSTAS COMO, POR EXEMPLO: QUE É TODO ISO AZUL? ONDE ESTÁ A PRAIA DE ESMELLE? HAI A MESMA DISTANCIA ATA MADRID? E ATA ONDE VIVÍA FRIDA KHALO?

ESTES DÍAS REMATAMOS TAMÉN A ACTIVIDADE QUE INICIÁRAMOS COA CARTOLINA BRANCA E AS SALPICADURAS DE TÉMPERAS. NESTA OCASIÓN, INDIVIDUALMENTE DEBUXARON O SEU PROPIO CORPO. UNHA VEZ MÁIS, PERCIBÍN MOITÍSIMOS AVANCES! AS FIGURAS HUMANAS XA SON RECOÑECIBLES E CADA QUEN ENGADE O SEU TOQUE PERSONAL: PENDENTES, PELO RIZO, MANDILÓN, CICATRICES...

APROVEITANDO QUE HOUBO UN DÍA NO QUE FIXO CALOR E QUE ESTABA MOLLADO O CAMPO, SAÍMOS MERENDAR Á PISTA E ALÍ DECATÁMONOS DE QUE HABÍA UNHA ZONA QUE NON ESTREÁRAMOS. TRATÁBASE DAS FLORES DE PIZARRA QUE HAI NUNHA DAS PAREDES, ASÍ QUE FIXÉMONOS CUNS XICES DE CORES E.... A CONTINUACIÓN VEREDES O RESULTADO!

COMO XA VOS AMOSARÍAN, ESTA SEMANA NA MESA SENSORIAL TIÑAN MATERIAL PARA FACER UNHAS PULSERIÑAS. CON ESTA PROPOSTA TRABALLARON A MOTRICIDADE FINA, ATENCIÓN E LECTOESCRITURA E, ADEMAIS E O MÁIS IMPORTANTE DESDE O MEU PUNTO DE VISTA, O SENTIDO DE PERTENZA AO GRUPO. AS SÚAS CARAS DE EMOCIÓN AO REMATALAS E POÑELAS...INDESCRIPTIBLES!

HOXE PRESENTEILLES A UNHA DAS ÚLTIMAS ARTISTAS QUE IMOS COÑECER. TRÁTASE DE YAYOI KUSAMA, ARTISTA XAPONESA OBSESIONADA COS PUNTOS. TIVERON MOITO INTERESE EN ESCOITALA FALAR, ASÍ QUE VISUALIZAMOS E ESCOITAMOS UN ANACO DUNHA ENTREVISTA E PUIDEMOS CORRROBORAR QUE, EFECTIVAMENTE, FALA XAPONÉS E NÓS NON ENTENDEMOS NADA. A CONTINUACIÓN, AMOSEILLES A OBRA QUE IAMOS TOMAR COMO REFERENCIA E PUXÉMONOS MANS A OBRA EN DOUS GRUPOS. ENCHERON UNHA BOLBORETA SOBRE UN LIENZO SÓ CON PUNTOS. AÍNDA QUE "ISTO É MOI CANSADO" FOI A FRASE MÁIS REPETIDA, CONSEGUÍRONO.

FINALMENTE E TAL E COMO VOS CONTARA, XA QUE O FIN DE CURSO É INMINENTE, GUSTARÍAME REALIZAR A DERRADEIRA DINÁMICA DE COHESIÓN DURANTE ESTES ÚLTIMOS DÍAS. HOXE COMECEI EU COA MIÑA MALETA (QUE FINALMENTE RESULTOU SER CAIXA), DA QUE FUN SACANDO DIVERSOS OBXECTOS QUE ME REPRESENTAN, DEFINEN, QUE FORMA PARTE DA MIÑA VIDA E QUE QUIXEN COMPARTIR CON ELES/AS. FOI ASOMBROSO O ATENTOS/AS QUE ESTIVERON E O BEN QUE RESPECTARON A MIÑA QUENDA DE PALABRA. TAL E COMO LLES CONTEI, GÚSTAME MOITO LER E PROCURO FACELO UN POUQUIÑO CADA DÍA; ADEMAIS DESFRUTO MOITO ESCOITANDO MÚSICA, POR ISO AMOSEILLES OS OS CASOS. ENCÁNTAME ESCOITALA NO COCHE, NA CASA, CANDO VOU DAR UN PASEO...; A RAQUETA TAMÉN TEN UN SIGNIFICADO NA MIÑA VIDA, POIS TAL E COMO LLES EXPLIQUEI, EU COMECEI A XOGAR A TENIS DESDE BEN PEQUENA, DEPOIS COMPETÍN E, FINALMENTE, FUN PROFE DE TENIS DURANTE VARIOS ANOS ATA ANTES DE EMPEZAR A TRABALLAR NOS COLES. POR ÚLTIMO, AMOSEILLES DÚAS FOTOS MIÑAS DE PEQUENA QUE REPRESENTAN RASGOS DA MIÑA PERSONALIDADE (UNHA RINDO E OUTRA "SENDO LOQUITA" COMO ELAS/ES ME DIN), E 3 FOTOS DE PERSONAS IMPORTANTES PARA MIN: A MIÑA FAMILIA, OS/AS MEUS MELLORES/AS AMIGOS/AS E, POR SUPOSTO, ELAS/ES, A MIÑA PANDA FAVORITA COA QUE DESFRUTO CADA DÍA.

SÍNTOO POR ESTA ENTRADA TAN LOOOOONGA, E QUE TIÑAMOS MOITAS COUSAS QUE AMOSARVOS.

ATA A PRÓXIMA!

Ola familias!!

Aquí estamos de novo para contarvos as novidades desta semana. Xa queda pouco para rematar o curso, pero nós seguimos aprendendo moito.

Esta semana no recuncho de experimentos tiñamos unha tenda de xeados con toppings incluídos. Que ricos estaban eses xeados de limón, vainilla, fresa ou de pitufo  E como traballaron as nosas mans!

En lecto volvimos repetir a actividade de formar palabras coas letras que tiñamos nun bol, pero nesta ocasión o centro de interese eran os alimentos. Como se nota todo o que imos avanzando. Os compañeiros/as de 5 anos tamén os formaban en minúscula.

A semana que ven celebraremos os cumpleanos de Marcelo, Duarte e Ainara e xa teñen as súas coroas listas!

O luns tivemos unha sesión de experimentos con "Heroes para a ciencia" onde vimos que se a un filtro de café, ao que lle fas un debuxo con moitas cores, lle botas alcohol, as cores expándense.

E que pasa se botas unha bóla de poriespan en acetona? Que se desfai, pero se  despois lle quitas o líquido sobrante podes ter unha especie de slime.

Non nos esquecemos de celebrar o Día Mundial do Medio Ambiente, e como ás veces dubidamos onde botar o lixo, fixemos unha actividade de repaso e concienciación da importancia da reciclaxe.

Na táboa do 100 cada día o encargado ten que atopar o número secreto coas pistas que nos da a profe Rocío. Ás veces no di entre que números está e noutras cantas deceas e unidade ten.

Como ve gusta velos xogar de forma libre cun material que xa coñecen e que xa traballamos.

Un día a profe díxonos que tiñamos que darlle cor a unha cartolina dividida en 10 partes. A secuencia das cores era libre, facilitando a toma de decisións e a creatividade.

E para que o fixemos? Pära ao día seguinte, cando xa estaba seca a pintura, enchela de números, do 0 ao 9, repasando a grafía deles dunha forma máis creativa.

Os nosos compañeiros/as de 5 anos o ano que ven comezan primaria e estamos preparando a súa graduación. Por iso elaboraron as invitacións para darlle á súa familia.

No proxecto de arte, esta semana coñecemos por un lado a Yayoi Kusama, unha pintora á que lle encantan os puntos. Por iso recreamos un dos seus cadros nos que aparece unha bolboreta chea de puntos de cor. Así que así o fixemos, puntiños por todos lados respectando as cores do cadro orixinal.

A outra artista que coñecimos foi Lina Bo Bardi, unha arquitecta recoñecida mundialmente. Falamos do que é a arquitectura e nos puxemos mans á obra para crear as nosas estructuras. E cales fixemos? Pois uns/unhas escolleron o cubo e outros/as a pirámide. Pero para iso precisábamos bolas de plastilina e paus para poder unilos e construír as figuras.

E o venres rematamos a semana debuxándonos a nós mesmos, lembrando e representando todas as partes do corpo. Logo tivemos que recortalos para poñelos no fondo de pintura con cordas que elaboraramos hai dúas semanas.

Xa non queda nada, pero a semana que ven esta chea de novas actividades e unha excursión.

Ata a semana!!

Ola familias!!!

Esta semana estivo chea de actividades artísticas onde deixamos voar a nosa creatividade, pero tamén houbo tempo para desfrutar xuntos de moitas outras tarefas. Listos para coñecelas?

O luns o primeiro que fixemos despois da asemblea foi completar un papel en branco que tiña marcadas diferentes siluteas con diferentes cores. Nós tiñamos que coller unha peza dunha cesta e buscar o seu sitio no papel. Que concentrados tivemos que estar, ademais de saber respectar o noso turno.

Como actividade de lóxica matemática tivemos que buscar o número secreto. A profe Rocío nos formaba un número con decenas e unidades e nós tiñamos que contar e buscalo na táboa do 100. Ao principio custounos un poquiño porque estamos máis acostumados a facelo do revés (temos o número e o descompoñemos en decenas e unidades), pero despois de que collimos o ritmo non había quen nos parase.

Ademais tamén tivemos que recoller elementos da natureza. Para que serían?

Pois para realizar unha obra de arte. E vos preguntaredes por que? Pois porque quixemos emular a Nils Udo, un escultor que destaca polas súas obras de arte na natureza empregando elementos que podemos atopar na propia natureza. E así nos puxemos a crear. Moitos de nós quixemos facelo en grupo e por suposto que foi unha boa idea. Que mellor que traballar codo con codo cos nosos compañeiros/as?

Manuel, Alexandra, Enzo e Carlos crearon unha piscina grande.

Ainara e Malia; flor, mar e folla.

Daniela barco de follas.

Miguel, Marcelo e Antón; hospital-casa.

E Duarte, Cloe e Andrea; casa ponte.

Como actividade de lectoescritura tivemos que identificar unha serie de bichos e insectos e escribir o seu nome. Cada un ao seu ritmo, por suposto.

Esta semana tocounos regar os pementos do invernadoiro, xa puidemos ver algún pemento do Couto.

Ademais rematamos a obra de Muller e paxaro de Joan Miró.

Esta semana empregamos outra técnica para crear un fondo de cores: pintar con gomas elásticas. Para iso puxemos as gomas nunha tapa dunha caixa e lles botamos cor cun pincel. Despois só tiñamos que movelas e darlle cor á nosa cartulina. Cada un/unha usou unha técnica: darlle a todas as gomas á vez, dunha en unha, de dúas en dúas...

Comezamos a semana con arte, coñecendo a Nils Udo, e rematamos a semana da mesma forma. Pero nesta ocasión coñecendo a Giuseppe Arcimboldo, pintor que é moi coñecido polas súas obras das catro estacións, onde para cada unha delas emprega elementos da natureza propios de cada estación. 

Como estamos na primavera, coñecimos o cadro do mesmo nome e recreamos dita obra. Desta forma nunha foto de perfil que nos fixo a profe, pegamos no noso cabelo pegatinas de flores. Que ben quedaron!!!

Aquí tedes á ecopatrulla infantil do cole. Estiveron recollendo o lixo que había polo patio. Grazas Daniela, Jimena, Ainara e Malia por coidar o noso entorno!!!

A semana pasada coñecimos a Escoita Consciente, onde é moi importante ter o sentido do oído e da vista moi alerta para poder seguir o esquema rítmico co dedo.

Tamén comezamos a ensaiar a canción que imos bailar en fin de curso, e os compañeiro/as de 6º de educación infantil xa comezaron cos ensaios da súa obra de teatro, pero non vos podemos amosar nada para que sexa sorpresa. 

Ata a semana!!!