CEIP PLURILINGÜE A LAXE

OLA POR DERRADEIRA VEZ, FAMIILIAS...

ESTA SERÁ A ENTRADA DO BLOGUE COA QUE LLE POÑEREMOS PUNTO E FINAL A ESTE MARABILLOSO CURSO.

NELA VOS AMOSAREI O QUE OCORREU NA AULA OS ÚLTIMOS DÍAS: ACTIVIDADES E, POR SUPOSTO, AS MALETAS DAS NENAS E NENOS.

TIÑAMOS PENDENTE REMATAR A FOLLA DE REXISTRO DA ARTISTA XAPONESA OBSESIONADA COS PUNTOS. LEMBRADES COMO SE CHAMABA? YAYOI KUSAMA!!! FIXÉRONO EMPREGANDO POR ÚLTIMA VEZ A ESTRUTURA COOPERATIVA DE LÁPIS AO CENTRO.

TAMÉN ELABORARON AS PORTADAS DOS TRABALLIÑOS DO TRIMESTRE: PINTARON LIBREMENTE UN CAMPIÑO DE FLORES, PEGARON UNHA REGADEIRA E DEBUXARON A AUGA QUE SAÍA DESTA E REGABA AS FLORES.

COMO VISTES, ESCRIBIRON AS INVITACIÓN AO FESTIVAL DE FIN DE CURSO INIDIVIDUALMENTE.

TAMÉN APROVEITAMOS E FOMOS AO INVERNADOIRO A POLA COLLEITA DO TRIMESTRE: PEMENTOS!!!!

FIXEMOS UNHA ACTIVIDADE EN GRAN GRUPO COS "STORY CUBES". CADA NENO/A, POR QUENDAS, SELECCIONABA 2 CUBOS AO CHOU, LANZÁBAOS E FORMABAN UNHA PEQUENA HISTORIA COS ELEMENTOS QUE QUEDABAN CARA ARRIBA. HOUBO MOITA IMAXINACIÓN, CREATIVIDADE, DISPARATE E, SOBRE TODO, MOITAS GANAS DE FALAR.

POR ÚLTIMO E GRAZAS Á MESTRA LIDIA PLANTARON UNHAS FABAS QUE TIÑAN ESCRITA UNHA PALABRA MOI ESPECIAL: AGARIMO. ESTA FOI A PALABRA MÁS VOTADA O DÍA DAS LETRAS GALEGAS, SINÓNIMO DE AMOR, CARIÑO... E SENDO SINCEIRA, CONSIDERO QUE NON HAI UNHA PALABRA QUE MELLOR DEFINA COMO FOI ESTE CURSO, POIS NON PODERÍA VERBALIZAR A CANTIDADE DE APERTAS, BICOS, DETALLES, AGASALLOS, MOMENTOS DE COMPLICIDADE E DE DEMOSTRAR AMOR QUE HOUBO NA AULA AO LONGO DE TODOS ESTES MESES.

ADEMÁIS, ESTES DÍAS INTERCALAMOS AO LONGO DA XORNADA A DINÁMICA DA MALETA. TIÑA VARIAS INTENCIÓNS COA REALIZACIÓN DESTA ACTIVIDADE: FOMENTAR A EXPRESIÓN ORAL, O COÑECEMENTO MUTUO, AS RELACIÓNS COAS/OS DEMAIS, POTENCIAR A AUTOESTIMA, FOMENTAR O SENTIMENTO DE PERTENZA AO GRUPO, FAVORECER AÍNDA MÁIS A ADAPTACIÓN AO COLE, DESFRUTAR, FOMENTAR O RESPECTO, A EMPATÍA, XENEROSIDADE... MOITÍSIMAS INTENCIÓNS. ADEMAIS E XA QUE CONSIDERO QUE TRAS TODO ESTE TEMPO COÑEZO BEN AO GRUPO, SABÍA QUE HABÍA UNHA ALTA PROBABILIDADE DE QUE ESTA DINÁMICA SAÍRA BEN XA QUE SON UN GRUPO COHESIONADO, QUE COÑECEN AS NORMAS, UN GRUPO FALADOR, SEMPRE CON GANAS DE EXPRESARSE E DE CONTAR ALGO... POIS AÍNDA TENDO ISTO CLARO, DURANTE O DESENVOLVEMENTO DE CADA UNHA DAS MALETAS AS MIÑAS EXPECTATIVAS ÍAN SUPERÁNDOSE E EU TAN SÓ SENTÍA ORGULLO E ADMIRACIÓN; PORQUE TENDO 3-4 ANOS É DE ADMIRAR A CAPACIDADE QUE TEÑEN PARA EXPLICARSE, PARA CREAR O SEU PROPIO DISCURSO E PARA "ENGANCHAR" AOS DEMAIS AÍNDA QUE NON TEÑAN OS MESMOS INTERESES, PARA FACER DO COLE UN LUGAR NO QUE TAMÉN SE SENTEN TRANQUILOS/AS E AO QUE SENTEN QUE PERTENCEN; CAPACIDADE PARA TRANSMITIR E EMOCIONAR(ME) E DARLLE A ENTENDER AOS/ÁS OÍNTES QUE CERTOS ASPECTOS DA VIDA QUE ESTABAN CONTANDO ERAN MOI IMPORTANTES E ÍNTIMOS PARA ELES/AS E QUE PRECISABAN SENTIRSE ESCOITADOS/AS E RESPECTADOS/AS. DE VERDADE QUE NON SE ME OCORRE UN MELLOR BROCHE FINAL PARA ESTE CURSO QUE O DESENVOLVEMENTO DESTA DINÁMICA QUE TANTA SATISFACCIÓN LLES BRINDOU. ASEGÚROVOS QUE TODAS/AS DESFRUTAMOS. HOUBÉSEME ENCANTADO QUE PODERADES VER TODOS ESTES MOMENTOS POR UNHA CAMARIÑA PARA QUE ME ENTENDADES MELLOR; PERO COMO ISTO NO FOI POSIBLE, A CONTINUACIÓN AMÓSOVOS ALGUNHAS FOTOGRAFÍAS QUE PENSO QUE REFLICTEN TODO ISTO QUE VOS ACABO DE DESCRIBIR. NON PERDADES DE VISTA AS SÚAS CARAS, PENSO QUE FALAN POR SÍ SOAS.

MALETA DE PEPA

MALETA DE EVELYN

MALETA DE BELTRÁN

MALETA DE ROQUE

MALETA DE RAFA

MALETA DE ÁNGEL

MALETA DE ÁLEX

MALETA DE AMELIA

MALETA DE NICO

MALETA DE SARA

POR SUPOSTO, GRAZAS UNHA VEZ MÁIS A VÓS, FAMILIAS, PORQUE SEN A VOSA COLABORACIÓN E IMPLICACIÓN ,TODO ESTO NON SERÍA POSIBLE. GRAZAS, GRAZAS E GRAZAS!!!!

O ÚLTIMO DÍA DE CLASES FOMOS DE EXCURSIÓN POLO PATIO XUNTO CUN TRÍPODE E O MEU TELÉFONO E QUITAMOS ALGUNHAS FOTOGRAFÍAS QUE GARDAREI COMO RECORDO POR ESTE CURSO INSUPERABLE (SÍNTOO  POR ESTAR CABEZA ABAIXO, POR MÁIS QUE A XIRO SÚBESE MAL AO BLOGUE).

POR ÚLTIMO E ANTES DE DESPEDIRME, CONVÍDOVOS UNHA VEZ MÁIS A VER O VÍDEO-RECORDO DESTE FANTÁSTICO CURSO. QUE ESTES/AS PEQUES NON CAMBIEN NUNCA, POR FAVOR, SON XENIAIS TAL E COMO SON. ADÓROOS!!!!

QUE PASEDES MOI PERO QUE MOI BO VERÁN. ATA SEMPRE!!

BOAS DE NOVO, FAMILIAS!

NESTA ENTRADA DO BLOGUE PODEREDES VER O QUE OCORREU NA AULA DURANTE AS DÚAS ÚLTIMAS SEMANAS.

NA DERRADEIRA DO MES DE MAIO E COMEZOS DE XUÑO, AS NENAS E NENOS REALIZARON DIVERSAS ACTIVIDADES. UNHA DELAS, PARA TRABALLAR A DIRECCIONALIDADE E INICIARSE NO PENSAMENTO COMPUTACIONAL, CONSISTÍA EN QUE DEBÍAN SEGUIR OS COMANDOS DADOS POR UNHAS FRECHAS PARA CHEGAR A UNHA IMAXE DUN PANEL COA TEMÁTICA DA PRIMAVEIRA. FIXÉRONO COA AXUDA DA PROFE LIDIA E RESOLVÉRONO XENIAL!

NA MESA SENSORIAL CONTABAN CON MINIATURAS DE INSECTOS E FLORES: UNHAS ESTABAN EN COR E OUTRAS ERAN A SOMBRA DAS PRIMEIRAS, POLO QUE ESTABAN EN BRANCO E NEGRO. O SEU OBXECTIVO ERA ASOCIAR A IMAXE COA SÚA SOMBRA. TRABALLARON ASÍ A ATENCIÓN E DISCRIMINCACIÓN VISUAL.

FIXEMOS TAMÉN UNHA ACTIVIDADE EN GRAN GRUPO DE CONTEO, ASOCIACIÓN GRAFÍA-CANTIDADE, RECOÑECEMENTO DE GRAFÍAS, ORDE NA SERIE NUMÉRICA, ATENCIÓN... NO CHAN DISPUXEN DIVERSAS TARXETAS CON NÚMEROS E COAS CANTIDADES QUE REPRESENTAN E, POR OUTRA BANDA E NUNHA BANDEXA, ENGADÍN DIVERSOS MATERIAIS CON E SEN GRAFÍAS QUE REPRESENTABAN CANTIDADES. DE XEITO LIBRE, DEBÍAN IR COLLENDO OS MATERIAIS DA BANDEXA E POÑELOS ENRIBA DAS TARXETAS DO CHAN SEGUNDO A CANTIDADE QUE REPRESENTABAN. FINALMENTE, ORDENARON A SERIE NUMÉRICA DO 1 AO 10. AXUDÁRONSE MOITO E COMPLETARON A TAREFA ESTUPENDAMENTE!!

LEMBRADES AS FOTOS E AS PINTURAS DOS BODEGÓNS? POIS TIÑAMOS PENDENTE CUBRIR A FOLLA DE REXISTRO DO ARTISTA. NESTE CASO, PRESENTEILLES A FRANCISCO DE ZURBARÁN E, COMO SEMPRE, FALAMOS UN POUCO DA SÚA OBRA E DA SÚA ORIXE. FINALMENTE EN GRUPOS COMPLETARON A FOLLA DE REXISTRO. PERCIBÍN AQUÍ MOITÍSIMOS AVANCES RESPECTO AO TRIMESTRE PASADO, POIS CADA VEZ PRECISAN MENOS DA MIÑA AXUDA E SON MÁIS AUTÓNOMOS/AS.

OUTRA TAREFA DESTA SEMANA FOI REALIZAR O REXISTRO DO TEMPO. NESTE CASO E COMO VIN QUE NA ACTIVIDADE ANTERIOR A RESOLVERAN TAN BEN, FIXÉMOLO TODOS/AS XUNTOS/AS AO MESMO TEMPO!! EU ENCARGUEIME DE COLLER OS BOTES DE UN EN UN E ELAS/ES CONTABAN AS CANICAS EN VOZ ALTA. A CONTINUACIÓN, COLOCABAN OS GOMETS,ESCRIBÍAN AS GRAFÍAS E O NOME DO MES DO REXISTRO. QUEN PRECISABA AXUDA, ERGUÍA A MAN PARA RECIBILA E ASÍ COMPLETARON OUTRA ACTIVIDADE CON ÉXITO!!

COMO XA LEVÁBAMOS ALGUNHAS SEMANAS SEN REALIZAR UNHA DINÁMICA DA APRENDIZAXE COOPERATIVA, ESTA VEZ TOCOUNOS. CONSISTIU NO SEGUINTE: PEDINLLES QUE PECHARAN OS OLLOS E COLOQUEILLES GOMETS DE DIFERENTES CORES NA FRONTE. A SÚA MISIÓN ERA AGRUPARSE POR CORES COA CONDICIÓN DE QUE NON PODÍAN FALAR. DIFÍCIL, VERDADE? POIS AMAÑÁRONSE COMO PUIDERON E O CONSEGUIRON! AXUDÁRONSE SINALANDO AS CORES QUE HABÍA POR CLASE NOS ROTUS, GABETAS... E FINALMENTE COMPLETARON A SÚA MISIÓN. SÍNTOME MOI ORGULLOSA DO GRAN EQUIPO QUE FORMAN.

ESTA SEMANA TAMÉN INICIARON UNHA ACTIVIDADE QUE NOS LEVOU ALGUNHA SESIÓN MÁIS. NA PRIMEIRA PARTE E TRAS COLOCAR UNHA CARTOLINA BRANCA DENTRO DUNHA CAIXA Á QUE LLE PUXEN UNHAS GOMAS, TIVERON QUE PINTAR AS GOMAS CON CORES DA PRIMAVEIRA PARA, FINALMENTE, SALPICAR TODA A CARTOLINA. DESCUBRIMOS ASÍ UNHA NOVA TÉCNICA PLÁSTICA MOI DIVERTIDA.

PARA REMATAR A SEMANA E PREVIAMENTE NA AULA, AMOSEILLE FOTOS DO SEGUINTE ARTISTA NO QUE NOS IAMOS CENTRAR. CHÁMASE NILS UDO E AS SÚAS OBRAS MÁIS COÑECIDAS SON "LANDS ART", É DICIR, ARTE NA NATUREZA CON ELEMENTOS PROPIOS DA MESMA. TRAS OBSERVAR ALGUNHAS DAS SÚAS OBRAS, SAÍMOS AO PATIO E COMEZARON A REALIZAR AS SÚAS CREACIÓNS. PERCIBÍN POR AQUÍ MOITA CREATIVIDADE, POIS INCLUSO EMPREGARON O PLANO VERTICAL FACENDO USO DAS RANURAS DAS MESAS DE MADEIRA EXTERIORES COMO SOPORTE. O MÁIS IMPORTANTE DE TODO ISTO É QUE CADA QUEN LLE DEU UN SIGNIFICADO E VERBALIZÁRONLLO AO GRUPO. EXPERIMENTACIÓN LIBRE, CREACIÓN, COLABORACIÓN, ATENCIÓN... ENCÁNTANOS ESTE TIPO DE PROPOSTAS!!

REMATADA ESA SEMANA, COMEZAMOS UNHA NOVA CUN EQUIPO MOI UNIDO POR UNHA CAUSA: FACER RIR A PEPA, POIS ESTABA UN POUCO TRISTE. CREDES QUE O CONSEGUIRON?

O LUNS REALIZAMOS EN GRAN GRUPO UNHA ACTIVIDADE DE MEMORIA CUN XOGO DE PRIMAVEIRA. POR QUENDAS, TIÑAN QUE DARLLE Á VOLTA ÁS CARTAS PARA FORMAR PARELLAS E, POR SUPOSTO, TIÑAN QUE ESTAR MOOOOI ATENTAS/OS PARA LEMBRAR A POSICIÓN EXACTA DAS FICHAS QUE ÍA LEVANTADOS OS/AS COMPIS.

ADEMAIS E XA QUE FOI O DÍA MUNDIAL DO MEDIO AMBIENTE, APROVEITAMOS PARA SAÍR E REGAR TANTO O INVERNADOIRO COMO TODAS AS PLANTIÑAS QUE HAI POR FÓRA.

POR ÚLTIMO, TIVEMOS A VISITA DE DÚAS MONITORIAS DE "HÉROES PARA LA CIENCIA" COAS QUE FIXEMOS 3 EXPERIMENTOS: NO PRIMEIRO CORTARON, APLASTARON COL LOMBARDA EN AUGA E A TINTARON DE CORES CON DIVERSOS PRODUCTOS OBSERVANDO ASÍ OS CAMBIOS DE COR QUE ESTES PRODUCÍAN; NO SEGUNDO COLOCARON UNHAS CHUCHES DE CORES E, AO BOTARLLES AUGA, DESCUBRIRON QUE A DESTINXÍAN E APARECÍAN MOITOS CAMIÑOS DE CORES; E NO ÚLTIMO EXPERIMENTARON CUNS PAXAROS QUE FACÍAN EQUILIBRIO!

PARA REMATAR O DÍA, EVELYN PÚXOSENOS TRISTEIRA, PERO TIVERON UNHA IDEA RAPIDÍSIMA PARA SOLUCIONAR ESTE PROBLEMA. ABRAZO FORTE, FORTÍSIMO E FIN DO DÍA!

LEMBRADES OS LANDS ART QUE REALIZARON O VENRES NO EXTERIOR? POIS NESTA OCASIÓN CUBRIRON A FOLLA DE REXISTRO DE NILS UDO, AÍNDA QUE PREVIAMENTE FIXEMOS UN INCISO PARA FACER USO DO GOOGLE MAPS, POIS ESPERTOULLES MOITA CURIOSIDADE SABER A DISTANCIA QUE HAI ENTRE O SEU PAÍS (ALEMAÑA) E VALÓN. ADEMAIS, DE AQUÍ XURDIRON NOVAS PREGUNTAS PARA AS QUE BUSCAMOS RESPOSTAS COMO, POR EXEMPLO: QUE É TODO ISO AZUL? ONDE ESTÁ A PRAIA DE ESMELLE? HAI A MESMA DISTANCIA ATA MADRID? E ATA ONDE VIVÍA FRIDA KHALO?

ESTES DÍAS REMATAMOS TAMÉN A ACTIVIDADE QUE INICIÁRAMOS COA CARTOLINA BRANCA E AS SALPICADURAS DE TÉMPERAS. NESTA OCASIÓN, INDIVIDUALMENTE DEBUXARON O SEU PROPIO CORPO. UNHA VEZ MÁIS, PERCIBÍN MOITÍSIMOS AVANCES! AS FIGURAS HUMANAS XA SON RECOÑECIBLES E CADA QUEN ENGADE O SEU TOQUE PERSONAL: PENDENTES, PELO RIZO, MANDILÓN, CICATRICES...

APROVEITANDO QUE HOUBO UN DÍA NO QUE FIXO CALOR E QUE ESTABA MOLLADO O CAMPO, SAÍMOS MERENDAR Á PISTA E ALÍ DECATÁMONOS DE QUE HABÍA UNHA ZONA QUE NON ESTREÁRAMOS. TRATÁBASE DAS FLORES DE PIZARRA QUE HAI NUNHA DAS PAREDES, ASÍ QUE FIXÉMONOS CUNS XICES DE CORES E.... A CONTINUACIÓN VEREDES O RESULTADO!

COMO XA VOS AMOSARÍAN, ESTA SEMANA NA MESA SENSORIAL TIÑAN MATERIAL PARA FACER UNHAS PULSERIÑAS. CON ESTA PROPOSTA TRABALLARON A MOTRICIDADE FINA, ATENCIÓN E LECTOESCRITURA E, ADEMAIS E O MÁIS IMPORTANTE DESDE O MEU PUNTO DE VISTA, O SENTIDO DE PERTENZA AO GRUPO. AS SÚAS CARAS DE EMOCIÓN AO REMATALAS E POÑELAS...INDESCRIPTIBLES!

HOXE PRESENTEILLES A UNHA DAS ÚLTIMAS ARTISTAS QUE IMOS COÑECER. TRÁTASE DE YAYOI KUSAMA, ARTISTA XAPONESA OBSESIONADA COS PUNTOS. TIVERON MOITO INTERESE EN ESCOITALA FALAR, ASÍ QUE VISUALIZAMOS E ESCOITAMOS UN ANACO DUNHA ENTREVISTA E PUIDEMOS CORRROBORAR QUE, EFECTIVAMENTE, FALA XAPONÉS E NÓS NON ENTENDEMOS NADA. A CONTINUACIÓN, AMOSEILLES A OBRA QUE IAMOS TOMAR COMO REFERENCIA E PUXÉMONOS MANS A OBRA EN DOUS GRUPOS. ENCHERON UNHA BOLBORETA SOBRE UN LIENZO SÓ CON PUNTOS. AÍNDA QUE "ISTO É MOI CANSADO" FOI A FRASE MÁIS REPETIDA, CONSEGUÍRONO.

FINALMENTE E TAL E COMO VOS CONTARA, XA QUE O FIN DE CURSO É INMINENTE, GUSTARÍAME REALIZAR A DERRADEIRA DINÁMICA DE COHESIÓN DURANTE ESTES ÚLTIMOS DÍAS. HOXE COMECEI EU COA MIÑA MALETA (QUE FINALMENTE RESULTOU SER CAIXA), DA QUE FUN SACANDO DIVERSOS OBXECTOS QUE ME REPRESENTAN, DEFINEN, QUE FORMA PARTE DA MIÑA VIDA E QUE QUIXEN COMPARTIR CON ELES/AS. FOI ASOMBROSO O ATENTOS/AS QUE ESTIVERON E O BEN QUE RESPECTARON A MIÑA QUENDA DE PALABRA. TAL E COMO LLES CONTEI, GÚSTAME MOITO LER E PROCURO FACELO UN POUQUIÑO CADA DÍA; ADEMAIS DESFRUTO MOITO ESCOITANDO MÚSICA, POR ISO AMOSEILLES OS OS CASOS. ENCÁNTAME ESCOITALA NO COCHE, NA CASA, CANDO VOU DAR UN PASEO...; A RAQUETA TAMÉN TEN UN SIGNIFICADO NA MIÑA VIDA, POIS TAL E COMO LLES EXPLIQUEI, EU COMECEI A XOGAR A TENIS DESDE BEN PEQUENA, DEPOIS COMPETÍN E, FINALMENTE, FUN PROFE DE TENIS DURANTE VARIOS ANOS ATA ANTES DE EMPEZAR A TRABALLAR NOS COLES. POR ÚLTIMO, AMOSEILLES DÚAS FOTOS MIÑAS DE PEQUENA QUE REPRESENTAN RASGOS DA MIÑA PERSONALIDADE (UNHA RINDO E OUTRA "SENDO LOQUITA" COMO ELAS/ES ME DIN), E 3 FOTOS DE PERSONAS IMPORTANTES PARA MIN: A MIÑA FAMILIA, OS/AS MEUS MELLORES/AS AMIGOS/AS E, POR SUPOSTO, ELAS/ES, A MIÑA PANDA FAVORITA COA QUE DESFRUTO CADA DÍA.

SÍNTOO POR ESTA ENTRADA TAN LOOOOONGA, E QUE TIÑAMOS MOITAS COUSAS QUE AMOSARVOS.

ATA A PRÓXIMA!

OLA, OLA, FAMILIAS!!

POR AQUÍ SEGUIMOS ARGALLANDO E TRABALLANDO (A UN RITMO MÁÁÁIS LENTO QUE DE COSTUME), POIS NÓTASE QUE O CURSO ESTÁ A PIQUES DE REMATAR, QUE O CANSANCIO SE APODERA DE TODAS E TODOS NÓS E QUE O QUE PIDEN É XOGAR, FALAR, TRABALLAR UN POQUIÑO E, POR SUPOSTO, DESCANSAR; POR ISO, VEREDES QUE HAI MENOS VARIEDADE DE ACTIVIDADES.

AÍNDA ASÍ, SABEMOS QUE ESTAMOS NO COLE E AS PROPOSTAS DE ACTIVIDADES CONINÚAN CONVIDÁNDOOS/AS A PENSAR, CONCRENTRARSE, CREAR, DESFRUTAR, APRENDER...

SE LEMBRADES E DENTRO DO PROXECTO DE ARTE, A SEMANA PASADA COÑECEMOS A FRIDA KAHLO, E XA QUE NON NOS DERA TEMPO A CUBRIR a FICHA DE REXISTRO DA ARTISTA, DEDICAMOS O LUNS A ESTE TRABALLIÑO QUE TIÑAMOS PENDENTE. FIXÉRONO EN PARELLAS TRAS COÑECER, EN GRAN GRUPO, ALGÚNS DATOS RELEVANTES SOBRE A ARTISTA.

ASÍ MESMO, REMATAMOS O LUNS FAENDO UN XOGO DE LÓXICA-MATEMÁTICA EN GRAN GRUPO. ESTE CONSISTIU NO SEGUINTE: REPARTÍN ENTRE TODAS AS NENAS E NENOS UNHAS CARTAS DA BARALLA DE PÓKER (PRESTADAS POLA PROFE ROCÍO. GRAZAS!!!!!) CON SÍMBOLOS E GRAFÍAS. TIÑAN A MISIÓN DE AGRUPAR TODAS AS CARTAS QUE CONTIÑAN A MESMA CANTIDADE (AQUÍ XA ENTROU EN XOGO A PILLERÍA DE CADA QUEN DE CONTAR OS SÍMBOLOS DA CATA, OU BEN DE FIXARSE NA GRAFÍA DO NÚMERO), DE XEITO QUE QUEN TIVERA UNHA CARTA COA MESMA CANTIDADE QUE A CARTA CENTRAL, TIÑA QUE BOTALA ENRIBA DESTA. XOGAMOS ASÍ SEGUINDO UNHA ORDE POR QUENDAS ATA QUE TODAS/OS QUEDARON SEN CARTAS. CON ESTE XOGUIÑOS REPASAMOS CONTEO, RECOÑECEMENTO DE GRAFÍAS, ASOCIACIÓN GRAFÍA-CANTIDADE, COMPARACIÓN DE CONXUNTOS, DISCRIMINACIÓN VISUAL, ATENCIÓN, RESPECTO DE QUENDAS...UN MONTÓN DE COUSAS!!! TODO O MUNDO COMPRENDEU A DINÁMICA E A RESOLVERON XENIAL!

O MARTES HOUBO FESTA RACHADA! SAÍMOS AO PASEO DE CARANZA AO CORRELINGUA, ONDE DEMOS UN PASEO BAIXO O LEMA "NA CASA, NA ESCOLA, BOTA A LINGUA FÓRA!", FIXEMOS UNHA PEQUENA PARADA TÉCNICA PARA MERENDAR E REMATAMOS DESFRUTANDO DUNHA ACTUACIÓN PUNK NO AUDITORIO GRAZAS A PETER PUNK PALLASO. FOI UN DÍA DIFERENTE, DIVERTIDO...E TAMÉN AGOTADOR.

O MÉRCORES DESCUBRIMOS O QUE SON OS BODEGÓNS (DE FROITAS, NESTE CASO). TRAS AMOSARLLES UNHA FOTOGRAFÍA E CONVERSAR SOBRE O QUE VÍAN NELA, EXPLIQUEILLES QUE A ESE TIPO DE OBRAS CHÁMASELLES "BODEGÓN" E QUE ELAS E ELES ÍAN CREAR OS SEU PROPIOS. PARA ISTO, CONVERTEMOS UN PEQUENO ESPAZO DA AULA NUN MINI ESTUDIO DE FOTOGRAFÍA CON TRÍPODE, ARO DE LUZ, MÓVIL E SOPORTE PARA O SEU BODEGÓN. ADEMÁIS, CONTABAN CUNHA BANDEXA CON FROITAS DE TEMPADA  E ALGÚNS RECIPIENTES PARA QUE INDIVIDUALMENTE CREARAN O SEU BODEGÓN.

TRAS REALIZAR AS FOTOGRAFÍAS, O XOVES COMEZAMOS A PASAR A PAPEL O EXPERIMENTADO ANTERIORMENTE. NUNHA CARTOLINA BRANCA, TIÑAN QUE DEBUXAR O SEU BODEGÓN E ASEGÚROVOS QUE NON FOI NADA DOADO! (ADEMÁIS E COMO VEEREDES, ALGÚNS TIVERON PÚBLICO E TODO). O PRIMEIRO QUE REQUERÍA ESTE TRABALLO FOI SER CAPACES DE SITUAR ADECUADAMENTE NO ESPAZO (CARTOLINA) OS DISTINTOS ELEMENTOS DAS FOTOGRAFÍAS (FROITAS E UTENSILIOS), POLO QUE APROVEITAMOS AQUÍ PARA PRACTICAR O CONTEO DE ELEMENTOS, TRABALLAR A ORIENTACIÓN E VISIÓN ESPACIAL, ORDE, VOCABULARIO RELACIONADO COA ORIENTACIÓN ESPACIAL (DIANTE, DETRÁS, A UN LADO E AO OUTRO, PRETO, LONXE, GRANDE, PEQUENO...) E COAS FROITAS, ASÍ COMO A PRECISIÓN E ATENCIÓN. INCIALMENTE DEBUXARON CON ROTU NEGRO E POSTERIORMENTE COLOREARON CON ACUARELAS (QUE POR CERTO, AS TEÑEN DOMINADAS). ADEMÁIS HABÍA CASOS NOS QUE PRECISABAN A COR LARANXA E A NOSA CAIXA DE ACUARELAS NON A TIÑA, ASI QUE FACENDO UN POUCO DE MEMORIA RECORDAMOS QUE O LARANXA FACÍASE MESTURANDO VERMELLO E AMARELO E... TACHÁN!!!!! PUXEMOS ASÍ EN PRÁCTICA UN CONTIDO APRENDIDO ANTERIORMENTE.

POR ÚLTIMO, TRABALLAMOS UN POUCO DE ESCRITURA E CONCIENCIA FONOLÓXICA AO ESCRIBIR NA OBRA "BODEGÓN" CON ROTU AZUL. MIRADE QUE CHULÍSIMOS QUEDARON!!!

POR OUTRA BANDA E NO RECANTO DE LETRAS DISPOÑIAN DE CARTELIÑOS CON DISTINTAS FROITAS (POR SUPOSTO ESTABAN AS QUE EMPREGARON NOS BODEGÓNS) E LETRAS PARA COMPOÑER O SEUS NOMES. ACUDÍAN AQUÍ DE FORMA TOTALMENTE LIBRE.

OUTRO DÍA XOGAMOS AO BINGO PARA REPASAR ASÍ O RECOÑECEMOS DAS GRAFÍAS DO 1 AO 10. XOGAMOS DÚAS VECES: A PRIMEIRA EN PARELLAS E A SEGUNDA HOUBO QUEN PREFERIU CONTINUAR EN PARELLAS E QUEN ESCOLLEU FACELO INDIVIDUALMENTE.

E, POR ÚLTIMO, AMÓSOVOS UNHAS FOTIÑOS DO BEN QUE O PASAMOS NAS MERENDAS AO SOL COAS/COS COMPIS DE INFANTIL E CON GRETA! FESTA RACHADA!!!

ATA A PRÓXIMA!!

BOAS, FAMILIAS!

NESTA SEMANA CUN PEQUENO DESCANSO POLO MEDIO, TIVEMOS MOITA FESTA... E ALGO TRABALLMOS TAMÉN!

COMEZAMOS O LUNS CELEBRANDO O DÍA DA FAMILIA. PROPÚXENLLES CREAR UNS VALES AGASALLO PARA SORPRENDERVOS CON ALGÚN PLAN/AGASALLO QUE ESTIVERA AO SEU ALCANCE E QUE VOS GUSTARA. PARA ISTO, COMEZAMOS FACENDO UNHA CHUVIA DE IDEAS, DE XEITO QUE ÍAN REALIZANDO APORTACIÓNS E EU AS ÍA ANOTANDO NO ENCERADO. NESTA CONVERSACIÓN, COMO VEREDES, SAÍRON COUSAS MOI INTERESANTES E PLANAZOS! ELAS/ES MESMAS/OS ÍAN CONVERSANDO, APORTANDO E DESCARTANDO AS IDEAS QUE NON ERAN ADECUADAS (POIS HABÍA QUEN QUERÍA AGALLARVOS CUNHA VIAXE ATA QUE SE DERON CONTA DE QUE PARA ISO PRECISABAN CARTOS E NON OS TIÑAN).

A CONTINUACIÓN E DE XEITO INDIVIDUAL, ESCRIBIRON NO SEU VALE A SÚA ELECCIÓN E APROVEITAMOS ESE RATIÑO PARA TRABALLAR A CONCIENCIA FONOLÓXICA E ESCRITURA. PERCIBÍN MOITOS AVANCES E ESTOU MOI ORGULLOSA DO MOITÍSIMO QUE SE ESFORZAN SEMPRE!

O MARTES, COMO BEN SABEDES, FESTEXAMOS O DÍA DA FAMILIA E OS MAIOS, E SACAMOS ESTA FOTO TAN CHULA NO MAIO DO COLE.

REMATAMOS A FOLLA INFORMATIVA DE KANDINSKY QUE NOS QUEDARA PENDENTE, PARA O QUE ESCRIBIRON O PAÍS DE NACEMENTO, SINALARON O TIPO DE ARTISTA QUE ERA E RECORTARON E PEGARON A OBRA NA QUE NOS INSPIRAMOS, EMPREGANDO PARA TODO ISTO A ESTRUTURA COOPERATIVA DE LÁPIS AO CENTRO. TODOS/AS XA A COÑECEN E SABEN O SEU FUNCIONAMENTO, POLO QUE O TRABALLO ASÍ RESULTA MÁIS DOADO. ADEMAIS, TEÑEN AQUÍ A OPORTUNIDADE DE AXUDAR A QUEN O PRECISA E DE SER AXUDADO/A POR UN/UNHA COMPAÑEIRO/A, ASPECTO QUE REFORZA AS RELACIÓNS ENTRE ELES/AS. ASÍ CONSIGUEN FORMAR O EQUIPAZO QUE SON!

COMO PROPOSTA NA MESA SESORIAL ATOPÁRONSE, NESTA OCASIÓN, CON TRAPOS QUE TIÑAN QUE DOBLAR. CON MOITA PACIENCIA, ATENCIÓN E PRECISIÓN CONSEGURON SUPERAR O RETO!

AS PERSOAS ENCARGADAS DO DÍA CONTINÚAN ENFRONTÁNDOSE A PROPOSTAS CADA VEZ MÁIS COMPLEXAS. NESTA OCASIÓN ESCOLLÍAN UN NÚMERO COMPOSTO POR DECENAS E UNIDADES E O COMPOÑÍAN EMPREGANDO OS DEPRESORES.

ESTA SEMANA COMEZAMOS A TRABALLAR SOBRE FRIDA KHALO, E UNHA DAS OBRAS MÁIS REPRESENTATIVAS DO SEU TRABALLO SON OS AUTORRETRATOS, POLO QUE NÓS PUXÉMONOS MANS Á OBRA. FACENDO USO DUN ESPELLO, FIXERON O SEU PROPIO RETARTO CON ROTU E, POSTERIORMENTE, PINTÁRONO NO ACUARELA (NOTOUSE QUE NON ERA A PRIMEIRA VEZ QUE AS USABAN) E, FINALMENTE, DECORARON A SÚA CABEZA CON FLORES FEITAS CON BOLIÑAS DE PAPEL (GRAZAS POR FACILITARNOS O TRABALLO PROFE RO E COMPIS DE 4 E 5!!!!), TAL E COMO SEMPRE FACÍA FRIDA. 

ESTA ACTIVIDADE DEUNOS A OPORTUNIDADE DE REFLEXIONAR SOBRE O PROPIO CORPO, APRECIAR SEMELLANZAS E DIFERENCIAS RESPECTO AO DAS DEMAIS PERSOAS, CORES (DE PEL, OLLOS, PELO...)... EN DEFINITIVA, AUTOCOÑECERNOS MELLOR.

PARA POÑER O PUNTO E FINAL A ESTA SEMANA PARTICIPAMOS NA CARREIRA ENKI DA ESCOLA. FOI UNHA EXPERIENCIA MARABILLOSA, DIVERTIDA, ÚNICA E TAMÉN CANSA!!! AÍ VAN UNHAS FOTIÑOS DO DÍA DE HOXE. QUE ME DICIDES DESTA PANDA? NON HAI OUTROS/AS COMA ELES/AS.

QUE PASEDES BOA FINDE E ATA A PRÓXIMA!

OLA, OLA!

UNHA SEMANA MÁIS, AMÓSOVOS O QUE ESTIVEMOS ARGALLANDO NA AULA ESTES DÍAS (QUE NON FOI POUCO).

A DIFERENCIA DOUTRAS SEMANAS, NESTA HOUBO MÁIS TRABALLO DIRIXIDO XA QUE A OBRA E O ARTISTA QUE ESTAMOS TRABALLANDO ACTUALMENTE ASÍ O REQUIRE.

COÑECIMOS E REPRESENTAMOS UNHA DAS PINTURAS DE KANDINSKY TITULADA "CÍRCULOS EN UN CÍRCULO" E PUXÉMONOS MANS Á OBRA. TOMANDO A REFERENCIA DA ORIXINAL, COMEZAMOS PINTANDO CON RODILLO DÚAS FRANXAS DE CORES: UNHA AZUL E OUTRA AMARELA.

A CONTINUACIÓN, DEBUXARON O CÍRCULO GRANDE DENTRO DO QUE, MÁIS TARDE, ESTAMPARON DIFERENTES CÍRCULOS DE DIVERSOS TAMAÑOS E CORES: 3 GRANDES, 2 MEDIANOS E 3 PEQUENOS. PARA REMATAR ESTA PARTE, ENCHERON DA COR CORRESPONDENTE ESTES CÍRCULOS FACENDO USO DUN PINCEL E TÉMPERA.

FINALMENTE, REALIZARON CON AXUDA DUNHA REGRA 4 LIÑAS RECTAS, SEMELLANTES ÁS QUE KANDINSKY PLASMOU NA SÚA OBRA.

POR OUTRA BANDA E DUN XEITO MÁIS LIBRE, DISPOÑÍAN NA MESA SENSORIAL DE DOUS VASOS (UN CON LÍQUIDO E OUTRO BALEIRO) E DÚAS PIPETAS PARA REALIZAR TRASVASES. O OBXECTIVO DESTE EXERCICIO ERA QUE PASARAN DUN VASO AO OUTRO TODO O CONTIDO DO MESMO FACENDO USO DA PIPETA, PROCURANDO QUE CAERA NA BANDEXA A MENOR CANTIDADE DE AUGA POSIBLE. XA VEDES AS SÚAS CARAS DE CONCENTRACIÓN!

ADEMAIS, ESTA SEMANA REALIZAMOS EN GRAN GRUPO UN EXERCICIO DE CONCIENCIA FONOLÓXICA EMPREGANDO UNHAS RODAS QUE CONTIÑAN A GRAFÍA DUNHA VOGAL E DIVERSOS DEBUXOS. TIÑAMOS QUE SINALAR AQUELES QUE COMEZARAN CO MESMO SON QUE APARECÍA REPRESENTADO NO CENTRO DA RODA. A ESTAS ALTURAS DO CURSO ESTIVO CHUPADO!

O XOVES FOI DÍA DE PLANTAR BULBOS E DE CIENCIA. FORON COS ENVASES PLÁSTICOS A BOTAR UN POUCO DE TERRA E A PLANTAR O BULBO, ADEMAIS DE ESCRIBIR O SEU NOME NUNHA TARXETIÑA PARA TER IDENTIFICADA A SÚA PLANTA.

ADEMAIS, A MESTRA LIDIA TIÑA PREPARADA UNHA MESTURA MÁXICA: O FLUÍDO NON NEWTONIANO, COMPOSTO POR AUGA E FARIÑA DE MILLO E QUE TEN A CARACTERÍSTICA DE QUE AO COMPRIMILO VÓLVESE SÓLIDO, PERO EN CANTO DEIXAS DE PREMER FORZA CONVÉRTESE EN LÍQUIDO NOVAMENTE.

POR ÚLTIMO E HOXE, VENRES, ESTIVEMOS PREPARANDO UN MURAL MOI PRIMAVERAL QUE ESTARÁ EXPOSTO NO XIMNASIO O VINDEIRO MARTES. SÓ VOS AMOSO O INICIO E O DESENVOLVEMENTO DO MESMO, POIS O RESULTADO CONVÍDOVOS A QUE O VEXADES "IN SITU". A PRIMEIRA VISTA E DESDE A VISIÓN ADULTA PODE PARECER UNHA ACTIVIDADE DOADA, E EU ASEGÚROVOS QUE É TODO O CONTRARIO XA QUE NOS ATOPAMOS NUNHA ETAPA NA QUE AÍNDA QUEDAN RESTOS DO EGOCENTRISMO QUE PREDOMINA NESTA ETAPA. PARA QUE ESTA PROPOSTA RESULTASE EXITOSA TIVERON QUE: CHEGAR A ACORDOS SOBRE O LUGAR NO QUE ÍA PINTAR CADA QUEN SEN ESTORBAR AOS/ÁS DEMAIS; COMPARTIR O ESPAZO; COIDAR O MURAL A PESAR DE PODER POÑERSE ENRIBA DELE PROCURAR QUE NON ROMPERA O PAPEL; CONTROLAR O ESPAZO; CEDER E COMPRENDER QUE NON É "A MIÑA FLOR", SENÓN QUE É O MURAL DE TODAS/OS E QUE TODOS/AS PARTICIPAN; DEIXAR VOAR A SÚA CREATIVIDADE E IMAXINACIÓN; CONTROLAR O ROTU, QUE NON CAERA A AUGA DOS VASOS, CONTROLAR O PINCEL PARA PINTAR COAS ACUARELAS, NON COLLER DEMASIADA AUGA; ESCOLLER AS CORES ACORDES Á ESTACIÓN; MANTER A ATENCIÓN... O RESULTADO É MARABILLOSO, E O É PORQUE TODAS/OS FORMAN PARTE DEL/A E ENTENDERON O FIN. UN DÍA MÁIS REAFÍRMOME EN QUE SON UN EQUIPAZO... E EU ESTOU MÁIS QUE ORGULLOSA.

ATA A PRÓXIMA!!