Iniciar sesión: Acceso

Peques de A Laxe

PROPOSTAS INVERNAIS

Ola familias!!!

Esta semana estivemos traballando o inverno nos distintos recunchos da clase. 

No de letras estivemos formando palabras que forman parte do vocabulario desta estación. Ademais os nenos e nenas de 5 anos tamén as formaron en minúscula.

No recuncho de arte asociamos as cores de imaxes invernais coa caixa de cores de Montessori.

No recuncho de experimentos fixemos neve con bicarbonato de sodio e auga e experimentamos coa súa textura; ata fixemos xeados! Tamén nos dimos conta que a súa textura cambiaba dun día a outro e investigamos que podiamos facer para que volvese a ser como antes.

En lóxica matemática afianzamos o conteo e asociamos dita cantidade coa súa grafía.

Ademais esta semana estivemos contruíndo un inglú en cartolina cun bloque de lego e pintura azul que despois nos servirá de fondo para unha imaxe que xa case temos rematada.

ARRANCAMOS CO SEGUNDO TRIMESTRE!!

BOAS DE NOVO, FAMILIAS!

NESTA NOVA ENTRADA DO BLOGUE, VEREDES COMO FOI A VOLTA DAS VACACIÓNS DE NADAL.

AS NENAS DE NENOS CHEGARON Á AULA O DÍA LUNS 9 DE XANEIRO E, PARA A SÚA SORPRESA, HABÍA DOUS AGASALLOS!!Sorprendido POR SUPOSTO, O PRIMEIRO QUE FIXERON FOI POÑERSE MÁNS Á OBRA PARA ABRILOS.

TRATÁBASE DUNHAS CONSTRUCIÓN MAGNÉTICAS E UNHA BARALLA DE CARTAS DE ANIMAIS. ENCANTÁRONLLES!!Risa

AO LONGO DESA PRIMEIRA SEMANA, FIXEMOS ALGUNHA QUE OUTRA COUSIÑA, AÍNDA QUE NON VOS IMOS MENTIR... O QUE MÁIS FIXEMOS FOI FALAR, POÑERNOS AO DÍA, COMPARTIR EXPERIENCIAS, EMOCIÓNS, VIVENVIAS... VIÑERON CARGADIÑ@S DE NOVAS HISTORIAS QUE QUERÍAN COMPARTIR COAS COMPAÑEIRAS, COMPAÑEIROS E TAMÉN CONMIGO.

DESPOIS DE MOITO PARLOTEAR, COMEZAMOS A PREPARAR UNHA DECORACIÓN PARA RECIBIR, O SEGUINTE LUNS, AO ALUMNADO E PROFESORADO DO ERASMUS+, PROCEDENTE DE DIVERSOS PAÍSES COMO SUECIA, POLONIA E GALES. A NÓS TOCOUNOS FACER XABRÓNS E UNHAS GUIRNALDAS CON BANDEIRAS, POLO QUE ADICAMOS ALGUNHAS SESIÓNS A DARLLES COR. QUEDARON XENIAIS!!

OUTRA DAS ACTIVIDADES QUE REALIZAMOS ESA PRIMEIRA SEMANA FOI NUNHA DINÁMICA DE COHESIÓN DO GRUPO CHAMADA "A PELOTA". ESTA CONSISTE EN QUE, COLOCADAS/OS EN CÍRUCLO E DE PÉ, UNHA NENA OU NENO SOSTÉN UNHA PELOTA NAS MANS E DESCRIBE CON PALABRAS ALGO QUE LLE GUSTE MOITO (QUE FACER NO SEU TEMPO LIBRE, A SÚA COR FAVORITA, O SEU XOGUETE E/OU XOGO PREFERIDO, A COMIDA QUE MÁIS SABROSA LLE RESULTA...). A CONTINUACIÓN, DEBE PASARLLE A PELOTA A OUTRA/O COMPI PARA CONTINUAR COA DINÁMICA, E ASÍ SUCESIVAMENTE ATA QUE TODAS AS PERSOAS PARTICIPEN. ISTO SERVIUNOS PARA CONTINUAR PROFUNDIZANDO NO COÑECEMENTO MUTUO, DARNOS CONTA DAS COUSAS QUE TEMOS EN COMÚN, GUSTOS, PREFERENCIAS DAS/OS DEMAIS... CONTINUAREMOS REALIZANDO ESTE TIPO DE ACTIVIDADES PARA SEGUIR FORXANDO O GRAN EQUIPO QUE, POUCO A POUCO, ESTAMOS CONSTRUINDO.Sorriso

UNHA VEZ REMATADA ESA PRIMEIRA SEMANA DE VOLTA DAS VACACIÓNS DE NADAL, DEMOS COMEZO A OUTRA CON NOVAS PROPOSTAS, RETOS E OPORTUNIDADES DE APRENDIZAXE. A CONTINUACIÓN DÉIXOVOS ALGUNHAS FOTIÑOS PARA QUE VEXADES O QUE OCORREU NA AULA ESTES DÍAS.

UNHA EXPERIENCIA QUE LLES ENCANTOU FOI A PROPOSTA QUE SE ATOPARON NA MESA SENSORIAL. HABÍA "NEVE", FEITA CON BICARBONATO E AUGA, XUNTO CON DIVERSOS MOLDES PARA TOCAR, XOGAR, CREAR, VIVENCIAR, COMPARTIR...

ADEMAIS, E COMO SABEN QUE A CLASE DEBE QUEDAR RECOLLIDA PARA PODER XOGAR O PRÓXIMO DÍA, HOUBO QUE RECOLLER A NEVE QUE CAERA AO CHAN PARA O QUE FIXERON USO DO RECOLLEDOR E ESCOBA QUE TEMOS NA AULA. COOPERACIÓN, RESPONSABILIDADE E AUTONOMÍA A TOPE!!!

COMEZAMOS A TRABALLAR COA TEMÁTICA DO INVERNO, POLO QUE NO RECANTO DE LETRAS, PARA ESTA OCASIÓN, CONTABAN COA SEGUINTE PROPOSTA: DEBÍAN SELECCIONAR 2-3 PALABRAS DE INVERNO E COMPOÑELAS EMPREGANDO AS LETRAS MÓBILES. PARA ISTO E TENDO EN CONTA OS DISTINTOS RITMOS, EU ESTABA PRESENTA PARA GUIAR O PROCESO OU SÓ PARA OBSERVALO. ADEMAIS, TRABALLAMOS TAMÉN A CONCIENCIA FONOLÓXICA A NIVEL DE SÍLABA DANDO TANTAS PALMADAS COMO SÍLABRAS TIÑA A PALABRA.

O XOGO NOS RECANTOS DA AULA CONTINÚA CADA VEZ DE XEITO MÁIS COLABORATIVO, COMPARTINDO CHARLAS Á VEZ QUE CONSTRÚEN. É UNHA MARABILLA ESCOITALAS/OS FALAR E VER COMO CHEGAN A ACORDOS.

OUTRA PROPOSTA RELACIONADA CO INVERNO FOI IDENTIFICAR EN DIERENTES IMAXES AS CORES PROTAGONISTAS EMPREGANDO, PARA ISO, A CAIXA DE CORES.

REALIZAMOS UNHA ACTIVIDADE DE LÓXICA-MATEMÁTICA EN GRAN GRUPO EMPREGANDO OS BLOQUES LÓXICOS E A CAIXA DOS ATRIBUTOS. SENTADOS EN SEMICÍRUCLO E POÑENDO Á SÚA DISPOSICIÓN UNHA CAIXA COS  BLOQUES, EU DÁBALLES AS INSTRUCCIÓNS DO BLOQUE QUE DEBÍAN COLLER. POR EXEMPLO, E TAL E COMO VEDES NA FOTO, DEBÍAN COLLER UN CÍRCULO AMARELO, PEQUENO E QUE NON FOSE DE COR AMARELA.  TODAS/OS PARTICIPARON E FOI UNHA PROPOSTA NA QUE LLE DEMOS MOITAS VOLTAS Á CABECIÑA, RAZOAMOS, PROPUXEMOS ALTERNATIVAS E NOS AXUDAMOS.

 

COMO XA SABEREDES, UNHA DAS RUTINAS QUE REALIZA A PERSOA ENCARGADA DO DÍA CONSISTE EN DEBUXAR O SEU CORPO. A CONTA DISTO, FAI UNHAS SEMANAS, XURDIU NA CLASE O INTERSE POLOS ÓSOS DO CORPO HUMANO POLO QUE, Á VOLTA DAS VACACIÓNS, RETOMAMOS ESTE TEMA. ESTIVEMOS DOUS DÍAS INVERTINDO UNHA PARTE DA MAÑÁ A FALAR, OBSERVAR, CUESTIONARNOS E SOLVENTAR DÚBIDAS ACERCA DESTA TEMÁTICA. PARA ISTO, FIXEMOS VARIAS COUSAS. TRAS VERBALIZAR OS COÑECEMENTOS PREVIOS DOS QUE DISPOÑEN AS NENAS E NENOS DA AULA, VISUALIZAMOS ESTAS "FOTOS DE ÓSOS" QUE DESCUBRIMOS QUE SE CHAMAN "RADIOGRAFÍAS". VIMOS COMO É A NOSA MAN, OS DEDOS...

A COLUMNA, A CADEIRA...

ADEMAIS, E GRAZAS Á VOSA COLABORACIÓN, PROFUNDIZAMOS UN POUCO MÁIS NO TEMA VISUALIZANDO E LENDO DOUS LIBROS QUE TROUXERON Á AULA DOUS NENOS. 

POR ÚLTIMO, FIXEMOS MAXIA!!!!Guay PUXÉRONSE A CAMISETA "MAGIC T-SHIRT", TOMAMOS PRESTADA UNHA TABLET DA BIBLIOTECA, EMPREGAMOS A APP "BODY PLANET" MENTRES ESCANEAMOS A CAMISETA E.... VIMOS COMO É O NOSO CORPO POR DENTRO!! AS SÚAS CARAS FORON INDESCRIPTIBLES. ADEMAIS, IDENTIFICARON PERFECTAMENTE ÓRGANOS E ÓSOS QUE VIRAMOS ANTERIORMENTE NOS CONTOS COMA OS PULMÓNS, O CORAZÓN, OS INTESTINOS DELGADO E GROSO, AS COSTELAS...

ESTAS PEQUENAS E PEQUENOS NON DEIXAN DE APRENDER!! AGORA XA SABEN PORQUÉ O CORAZÓN BOMBEA, DE QUE ESTÁ COMPOSTA A CACA E O PIS, PORQUÉ PRECISAMOS COMER, QUE SON AS VEAS E CAL É A SÚA FUNCIÓN... SEN DÚBIDA FOI UNHA EXPERIENCIA MOI ENRIQUECEDORA.

PARA REMATAR A SEMANA, COMEZAMOS UNHA ACTIVIDADE QUE NOS LEVARÁ ALGUNHA SESIÓN MÁIS. ESTA CONSISTIU EN CREAR UN IGLÚ EMPRGANDO UNHA PEZA DE LEGO E TÉMPERA AZUL. PRECISIÓN, COORDINACIÓN OLLO-MAN, CONCENTRACIÓN... CADA VEZ SON MÁIS AUTÓNOMAS/OS E EU SÍNTOME MOI ORGULLOSA DOS SEUS AVANCES.Risa

ATA A PRÓXIMA!!!

XA ESTAMOS DE VOLTA!!

Ola familias!

xa estamos de volta e con moita enerxía despois das vacacións de Nadal. 

Nada máis chegar á aula atopámonos cunha sorpresa: tiñamos uns agasallos de Papá Noel e dos Reis Magos. Eran uns xogos cos que podemos traballar a atención, a memoria, o conteo, a asociación de grafía- cantidade, as sumas e restas e a coordinación óculo- manual. Xa estivemos familiarizándonos con eles.

Tamén estamos empregando a nova pantalla da aula onde podemos debuxar e escribir.

Estes días tamén estivemos preparando uns agasallos e a decoración para a visita que imos recibir a vindeira semana dos nosos socios dentro do proxecto Erasmus+: Polonia, Suecia e Wales.

E o venres volvemos a poñernos os nosos delantais de cociñeiros para elaborar unha receita coa mamá e a tía de Duarte: un brownie de plátano e cacao con fresas. Que rico!! Aquí vos deixamos un vídeo resumo.

REMATAMOS O PRIMEIRO TRIMESTRE

Ola familias!

Estas semanas estivemos preparando todo o remate de trimestre, ademais de realizar as actividades do calendario de advento, sen esquecernos por suposto das sorpresas que nos tiña preparado Trastín, o elfo de Papá Noel que estivo co nós desde comezos de decembro ata o último día de clase.

Cada día atopábamos unha trastada nova, é máis pillo! Aquí vos deixamo algunha mostra.

Tamén preparamos as nosas bolsas para levar os traballos á casa. Nesta ocasión fixemos unhas coroas que pintamos con palliñas, decoramos cos nosos dedos e ás que lles puxemos uns lazos con purpurina, os cales previamente tivemos que picar.

Ademais elaboramos as portadas dos traballos facendo un boneco de neve estampando esponxas redondas e cos nosos dediños fixemos os copos. Só quedaba rematarlo cun gorriño e os demais elementos que o completan: ollos, boca, nariz, mans e botóns.

Dentro das tarefas do calendario de advento do cole tivemos que realizar unha manualidade e nós fixemos dúas: unha botella sensorial con purpurina, auga e colorante, e unhas boliñas para as nosas casas.

Tamén fixemos unha postal para felicitar o Nadal cunha árbore que elaboramos ordeando tiras de papel de cores segundo a súa lonxitude (desde a máis longa ata a máis curta).

Celebreamos o día das persoas con discapacidade (o 3 de decembro), vendo a curtametraxe de "Cuerdas" e poñéndonos unhas pulseiras como na curta.

Acudimos ao segundo andar do cole a ver a exposición de libros de Nadal que nos preparou a profe Andrea e tivemos unha sesión de contacontos na biblioteca.

Tamén recollimos elementos da natureza durante o recreo coas que elaboramos elementos de Nadal como está árbore feita con paus.

Aquí tedes as nosas boliñas de Nadal! Guiño

Outra das actividades era unha merenda de Nadal que nós fixemos con sandwiches saudables de queixo e xamón con formas navideñas: estrelas, gorros de Papá Noel, árbores... Como nos gusta desfrutar destes momentos xuntos!!

Tamén seguimos con actividade de Nadal, neste caso para afianzar a direccionalidade. 

Levamos a cabo o amigo invisible no que cada neno/a recibiu un agasallo reciclando xoguetes da casa ou facendo manualidades.

O mércores recibimos a visista do Apalpador que nos falou un pouco da súa historia. Grazas por vir!!!

E o último día recibimos a visita de Papá Noel que nos deu unha aperta moi forte e nos trouxo uns agasallos. Moitisimas grazas!!! Que ilusión!!! 

Ademais xogamos cos nosos compañeiros/as de 3 anos e a profe Iria a un bingo de Nadal no que tamén obtivemos un agasallo: adornos de Nadal.Sorriso

A merenda nesta oacasión foi chocolate con churros. Que ricos!!!

E para rematar as celebracións tivo lugar o Festival de Nadal no que participamos realizando un baile que saiu perfecto e sobre todo co que disfrutamos moito compartindo esta experiencia cos nosos compañeiros/as e 3 anos e coas nosas familias!!!

Vémonos á volta!!!

FELICES FESTAS!!!!!!

PROPOSTAS DE NADAL

BOAS DE NOVO, FAMILIAS!

NESTA DERRADEIRA ENTRADA DO 1º TRIMESTRE NO BLOGUE, PODEREDES VER TOOOOOODO O QUE OCORREU NA AULA NOS ÚLTIMOS DÍAS.

COMO BEN SABEREDES, COMEZAMOS DECEMBRO CUNHA VISITA MOI ESPECIAL. CHEGAMOS Á AULA O DÍA 1 E ATOPÁMONOS CON ESTE PANORAMASorprendido:

UN ELFO ENRIBA DE TODAS AS CADEIRAS!!

POR SORTE, TROUXERA UNHA CARTA ONDE NOS EXPLICABA QUEN ERA E CAL ERA A SÚA MISIÓN NO COLE DE VALÓN.

ADEMAIS, NOS SEGUINTES DÍAS FIXO ALGUNHA QUE OUTRA TRASTADA QUE NOS TOCOU REMENDAR...

POR OUTRA BANDA, ESTIVEMOS TRABALLANDO EN DISTINTAS PROPOSTAS COA TEMÁTICA DO NADAL COAS QUE DESFRUTARON MOITO. FORON AS SEGUINTES:

A PRIMEIRA DELAS LEVÁMOLA A CABO EN VARIAS SESIÓNS. COMEZAMOS FACENDO A SILUETA DUNHA ÁRBORE DA NADAL EMPREGANDO PINZAS CON POMPÓNS E TÉMPERAS DE CORES. ESTE TRABALLIÑO REQUERIU DE MOITA CONCENTRACIÓN, ORIENTACIÓN ESPACIAL, COORDINACIÓN OLLO-MAN E MOTRICIDADE FINA.

E REMATAMOS FACENDO GRAFISMOS CON RAIAS HORIZONTAIS PARA ASÍ CONTINUAR TRABALLANDO PRERREQUISITOS DA ESCRITURA.

OUTRA DAS PROPOSTAS COA QUE GOZARON CONSISTIU EN INTRODUCIR ESAS CONTAS DE CORES POLOS LIMPAPIPAS EN FORMA DE COPO DE NEVE. FIXÉRONO SÚPER BEN!!!

TAMÉN FORON QUEN DE COLOCAR PEDRIÑAS DE CORES ENRIBA DE DIVERSAS SILUETAS COA TEMÁTICA DE NADAL. CON TODO ISTO TRABALLARON A ATENCIÓN, COORDINACIÓN, PINZA... ADEMAIS DE CONTINUAR FAMILIARIZÁNDOSE CO DÍA A DÍA DO COLE (TEMPO DE TRABALLO-TEMPO DE XOGO). OS AVANCES RESPECTO AOS PRIMEIROS DÍAS NESTE ASPECTO SON MÁIS QUE EVIDENTES!!

CONTINUAMOS CUNHA PROPOSTA DE LECTOESCRITURA. COÑECIMOS NOVO VOABULARIO RELACIONADO CO NADAL E PUXÉMONOS MANS Á OBRA A BUSCAR, REBUSCAR, IDENTIFICAR, COLOCAR E ORDENAR LETRAS PARA FORMAR AS PALABRAS DO EXEMPLO.

SEN DÚBIDA, UNHA DAS PROPOSTAS QUE MÁIS ÉXITO TIVO FOI A SEGUINTE: NA MESA SENSORIAL HABÍA FABAS QUE ESCONDÍAN UNHAS IMAXES MOI PEQUENIÑAS CO VOCABULARIO DA ACTIVIDADE ANTERIOR. AS NENAS E NENOS TIÑAN, ADEMAIS, UNHA FOLLA CON ALGUNHAS DESAS IMAXES, AS CALES DEBÍAN ATOPAR. PARA ISO, FACÍAN USO DUNHA LUPA E, UNHA VEZ IDENTIFICADA E ATOPADA A IMAXE, POÑÍANLLE UN GOMET VERDE PARA SINALAR NA FOLLA QUE XA A ATOPARAN.

CONTINUAMOS PRACTICANDO COAS TESOIRAS RECORTÁNDOLLE A BARBA AO MESMÍSIMO PAPÁ NOEL!!! VAISE NOTANDO O PROGRESOGuay.

SEGUIMOS TRABALLANDO O CONTEO E A SERIE NUMÉRICA CON ESTA PROPOSTA. ATENDENDO AOS RITMOS DE CADA NENA/O, LANZABAN O DADO, CONTABAN NA RECTA PARA IDENTIFICAR A GRAFÍA CORRESPONDENTE, COLLÍAN O NÚMERO DE MADEIRA E POÑÍAN TANTOS POMPÓNS COMO SE LLES INDICABA; OU BEN LANZABAN O DADO E DIRECTAMENTE COLLÍAN O NÚMERO DE MADEIRA QUE REPRESENTABA A CANTIDADE; OU DIRECTAMENTE COLLÍAN O NÚMERO DE MADEIRA PARA, POSTERIORMENTE, COLOCAR OS POMPÓNS NA ÁRBORE. TAMÉN AVANZAMOS MOITO NESTE ASPECTO, A SERIE NUMÉRICA NON SE NON RESISTIUSorriso.


POR OUTRA BANDA, COMEZAMOS A ELABORAR E DECORAR AS BOLSAS NAS QUE SE LEVARON TODO OS TRABALLIÑOS DESTE PRIMEIRO TRIMESTRE (UNHA DE TANTAS IDEAS DA PROFE ROCÍOGuiño). PARA COMEZAR, ESTAMPARON UNHA COROA EMPREGANDO UNHA PALLIÑA CORTADA E TÉMPERA VERDE.

A CONTINUACIÓN, DECORARON A COROA ESTAMPANDO PEGADAS DE CORES CO SEU DEDO ÍNDICE (SÍNTOO, FORON TAN VELOCES QUE NON ME DEU TEMPO A SACAR FOTO Canso).

FINALMENTE, PICARON CON MOOOOITA PACIENCIA UNS LAZOS QUE, POSTERIORMENTE E COA AXUDA DA PROFE BEGOÑA, DECORARON CON PURPURINA DE CORES.

OS RESULTADOS XA OS VISTES HOXE EN VIVO E EN DIRECTO. A QUE QUEDARON CHULÍSIMAS?

TAMÉN ELABORAMOS AS PORTADAS DOS TRABALLOS CREANDO, NESTA OCASIÓN, UN BONECO DE NEVE, PARA O QUE EMPREGAMOS UNHA ESPONXA REDONDA E TÉMPERA BLANCA.

FINALMENTE, O DECORAMOS CUN SOMBREIRO QUE... COMO PENSADES QUE FIXEMOS? PICANDO!!! CON MOITA PACIENCIÑA E MOI BOA MAN Risa.

DECEMBRO FOI, SEN DÚBIDA, O MES DAS MANUALIDADES. ESTA VEZ TOCOUNOS COLLER O PINCEL  PARA PINTAR UNHAS BOLIÑAS DE ADORNO DE NADAL. PINTAMOS POR UNHA CARA, DEIXAMOS SECAR E PINTAMOS POLA OUTRA.

POR ÚLTIMO, AS MESTRAS ESCRIBIMOS A INICIAL DE CADA NENA/O CON COLA E ELAS/ES FORON AS/OS ENCARGADAS/OS DE ESCOLLER E BOTARLLE PURPURINA DE CORES. AS SÚAS CARIÑAS DE SORPRESA AO SACUDIR A PURPURINA SOBRANTE E DESCUBRIR QUE O QUE QUEDABA ERA A SÚA INICIAL FORON UN ESPECÁTCULO!

CON MOTIVO DO CALENDARIO DE ADVENTO DO COLE, TIVEMOS ALGÚNS RETOS QUE SUPERAR. UN DELES CONSISTIU EN ELABORAR UNHA BOTELLA SENSORIAL CON FORMA DE PAPÁ NOEL EMPREGANDO MATERIAL DE RECICLAXE (NESTE CASO, AS BOTELLAS).

PARA ISTO CONTAMOS COA AXUDA DA PROFE TERE. EN PRIMEIRO LUGAR, BOTAMOS AUGA TIBIA. A CONTINUACIÓN, ENGADIMOS UN POUCO DE COLA CON PURPURINA VERMELLA, PERO COMO NON QUEDABA MOI TINTADA A AUGA, BOTÁMOSLLE COLORANTE VERMELLO E, POR SUPOSTO, MOITA MÁIS PURPURINA.

XA CASE PARA REMATAR, AXITAMOS MOITO MOITO MOITO PARA QUE TODOS OS INGREDIENTES SE MISTURASEN.

TRAS POÑERLLE AS CARAS DE PAPÁ NOEL QUE ELAS/ES PINTARON E UNS CANTOS ADORNOS QUE PREPARAMOS AS MESTRAS, ESTE FOI O RESULTADO FINAL.

GRAZAS AO CALENDARIO DE ADVENTO TAMÉN TIVEMOS A SORTE DE QUE A PROFE ROCÍO NOS CONTARAN UN CONTO DE NADAL, PARA O QUE APROVEITAMOS E SUBIMOS Á BIBLIOTECA DO COLE.

OUTRO DÍA CREAMOS UNHAS POSTAIS DE NADAL PARA O QUE PREVIAMENTE TIVERON QUE ORDENAR DE MÁIS LONGA A MÁIS CURTA UNHAS TIRAS DE PAPEL (TRABALLANDO ASÍ A LÓXICA-MATEMÁTICA), AS CALES PEGARON POSTERIORMENTE SOBRE CARTOLINA.

COMO XA SABEDES, HOUBO UN DÍA NO QUE NOS TOCOU TOMAR UNHA MERENDA NAVIDEÑA. PARA ISTO, CONVERTÉRONSE EN COCIÑEIRAS/OS E MONTARON UNS SÁNDWICHES BOÍSIMOS CON FORMAS DE NADAL: RENOS, ÁRBORES... PRIMEIRO COLLERON UNHA REBANADA DE PAN, DESPOIS PUXERON UNHA LONCHA DE QUEIXO, OUTRA DE XAMÓN, MÁIS PAN E, POR ÚLTIMO, O CORTARON COA FORMA QUE ELIXIRON.

COMERON TODO! HOUBO QUEN REPETIU... INCLUSO TRIPITIU!!Sorprendido

POR ÚLTIMO, CELEBRAMOS O AMIGO INVISIBLE. EXITAZO GRAZAS Á VOSA IMPLICACIÓN! MIL GRAZAS, AS SÚAS CARAS DE ILUSIÓN AO ABRIR AGASALLOS E, SOBRE TODO, AO ENTREGAR O SEU, NON SE PODEN DESCRIBIR CON PALABRAS. GRAZAS, GRAZAS E GRAZAS!Risa

SEN DÚBIDA, ESTAS PEQUENIÑAS E PEQUENIÑOS TRABALLARON MOITO DURANTE ESTES MESES! E O MÁIS IMPORTANTE: DESFRUTARON, XOGARON, RIRON (TAMÉN CHORARONCanso), APRENDERON...XUNTAS E XUNTOS!! SON UN EQUIPAZO E ESTOU MOI ORGULLOSA DE CADA UNHA/UN DELAS/ES. A AVENTURA CONTINUARÁ DESPOIS DAS VACACIÓNS...MÁIS E MELLORSorriso.

UNHA APERTA ENORME E FELICES FESTAS!!

Distribuir contido