APLICACIÓN "abalarMóbil":
O medio de comunicación coas familias.
"abalarMóbil" é unha aplicación que permite ás familias consultar a información académica de calquera dos seus fillos/as a través do teléfono móbil.
Entre outras funcións, dende a aplicación poderán:
Pedir cita co profesorado.
Recibir e, se é o caso, contestar a mensaxes do centro.
Recibir e xustificar as faltas de asistencia do alumnado.
Consultar as cualificacións do alumnado.
Trátase dunha aplicación móbil para os sistemas operativos : iOS e Android.
A descarga desta aplicación no teléfono móbil faise dende Apple Store (se o sistema operativo é iOS) ou dende Play Store (se o sistema operativo é Android).
Para descargar a guía da aplicación premer na imaxe:
Accedendo a esta guía pódense obter os códigos QR para descargar a aplicación.
As familias que non dispoñen da aplicación "abalarMóbil" tamén poden acceder aos mesmos datos mediante un ordenador, identificándose en https://edu.xunta.es/espazoabalar/ empregando un certificado dixital/DNIe ou Chave365.
Para máis información premer na imaxe:
CALENDARIO ESCOLAR CURSO 23/24
AS CLASES COMEZARÁN O 11 DE SETEMBRO
Os días non lectivos este curso son:
13 de outubro de 2023 e 19 de marzo de 2024
Preme na imaxe e accede ao Preme e accede á
noso calendario para o curso 23/24 Orde de Calendario publicada no DOG
Na ORDE do 10 de maio de 2023 regúlase a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2023/24.
BENEFICIARIAS
Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:
a) Fondo solidario de libros de texto do alumnado matriculado en 3º, 4º, 5º e 6º de educación primaria (EP), e en 1º, 2º, 3º e 4º de ensinanza secundaria obrigatoria (ESO). No noso centro non entraría o alumnado de 5º e 6º por traballar na plataforma DIXGAL con libros electrónicos.
b) Axudas para adquirir libros de texto destinadas ao alumnado matriculado en 1º e 2º de EP, e en educación especial (EE), así como as axudas que pode recibir o alumnado incluído na disposición adicional primeira da orde.
c) Axudas para material escolar destinadas ao alumnado matriculado en E.Primaria, ESO e EE.
PRESENTACION DAS SOLICITUDES
- De xeito telemático: Enlace á web
- De xeito presencial: Entregar na secretaría do centro
PRAZO DE PRESENTACION DAS SOLICITUDES
Iniciarase o día seguinte ao da publicación desta orde no Diario Oficial de Galicia e rematará o día 21 de xuño de 2023.
PUBLICACIÓN DAS LISTAS PROVISIONAIS
As listas provisionais publicaranse o día 5 de xullo no taboleiro do centro.
PRAZO DE RECLAMACIÓN ÁS LISTAS PROVISIONAIS
O prazo de reclamación ás listas provisionais será de dous días hábiles a partir da publicación, é dicir, os días 6 e 7 de xullo.
PUBLICACIÓN DAS LISTAS DEFINITIVAS
As listaxes definitivas das axudas de libros de texto, material escolar e do fondo de libros publicaranse no taboleiro de anuncios do centro o día 11 de xullo.
RECOLLIDA DOS VALES
As familias poderán recoller os vales de axudas de libros de texto e material escolar na conserxería do centro.
Os libros adxudicados do fondo (3º e 4º Primaria) SERÁN ENTREGADOS AO ALUMNADO ao comezo das clases.