CEIP PLURILINGÜE A LAXE

OLA, OLA, FAMILIAS!

NESTA NOVA ENTRADA DO BLOGUE, CONTINÚO AMOSÁNDOVOS COMO VAN AVANZANDO ESTAS PEQUENAS E PEQUENOS. NON HAI QUE AS/OS PARE!

A SEMANA PASADA, A PESAR DE QUE FOI MOI CURTIÑA, CONTINUAMOS AVANZANDO NO PROXECTO DOS ANIMAIS DA SELVA. NESTE CASO, CENTRÁMONOS NO COÑECEMENTO DA HIENA, UN ANIMAL SALVAXE CO QUE APRENDEMOS O QUE SIGNIFICA O CONCEPTO "DEPREDADOR", ENTRE OUTRAS COUSAS. ADEMAIS, APROVEITAMOS PARA REALIZAR UNHA ACTIVIDADE QUE CONSISTIU EN ATOPAR AS 5 DIFERENZAS ENTRE DÚAS IMAXES DE HIENAS. A ENCARGADA REPARTIU A CADA NENA/O A SÚA FOLLA E FIXEMOS A ACTIVIDADE EN GRAN GRUPO, TODAS/OS AO MESMO TEMPO. ISTO SUPÓN UN AVANCE MOI GRANDE, XA QUE SIGNIFICA QUE SOMOS QUEN DE ESTAR ATENDENDO Á MESMA ACTIVIDADE, RESPCTAR QUENDAS, AXUDAR A QUEN O PRECISA, ESPERAR...

TAMÉN APROVEITAMOS PARA INICIAR UNHA NOVA ACTIVIDADE, DA CAL DESCOÑECEN O RESULTADO. INDIVIDUALMENTE TIÑAN QUE DEBUXAR A SILUETA DA SÚA MAN EN 4 FOLIOS DE CORES: LARANXA, VERDE, AZUL E AMARELO. PARA QUE EMPREGAREMOS ISTO? EN PRÓXIMAS ENTRADAS DO BLOGUE O DESCUBRIREDES.

REMATAMOS ESA SEMANA COA VISITA DA MAMÁ E DO PAPÁ DE PEPA PARA REALIZAR UNHA NOVA RECEITA. NESTE CASO, FOI UNA RECEITA SALADA... NACHOS CON GUACAMOLE! CONFÉSOVOS QUE A PRIMEIRA IMPRENSIÓN DAS NENAS E NENOS AO VER NA MESA OS AGUACATES E OS TOMATES NON FOI MOI BOA. ASÍ MESMO E CO DESENVOLVEMENTO DA RECEITA, ASEGÚROVOS QUE O ÉXITO FOI ROTUNDO.

COMEZAMOS MESTURANDO A FARIÑA DE MILLO CON AUGA, SAL E ACEITE.

A CONTINUACIÓN, FIXERON BOLIÑAS COA MASA PARA, POSTERIOMENTE, ESTIRALA CON AXUDA DUN RODILLO E, FINALMENTE, CORTALA EN TRIANGULIÑOS DÁNDOLLE FORMA AOS NACHOS QUE "LEVAMOS AO FORNO DO COLE".

POR OUTRA BANDA, CORTARON O AGUACATE E TOMATE E MACHACARON TODO CON AXUDA DOS GARFOS. ESTE PASO ENCANTOULLES!

POR ÚLTIMO, ENGADÍRONLLE UN POUCO DE ACEITE E SAL, E...

A DESFRUTAR!! ELAS/ES MESMAS/OS QUEDARON SORPRENDIDAS/OS DO RICO QUE ESTABA!!

REMATADA ESTA SEMANA, COMEZAMOS UNHA NOVA COA VISITA DUN CONTACONTOS COA TEMÁTICA DA CELIAQUÍA. O SEÑOR PANDOSO E O DOUTOR NEUTRONIO CONTÁRONOS A HISTORIA DE MARIÑA, UNHA NENA QUE TEN QUE ADAPTARSE A UNHA NOVA REALIDADE TRAS ATOPAR A ORIXE DOS SEUS PROBLEMAS ESTOMACAIS. E É QUE RESULTA QUE O QUE LLE ESTABA SENTADO MAL ERA O GLUTE!

CANTAMOS, BAILAMOS, RIMOS E APRENDEMOS. FOI UNHA SESIÓN DE CONTACONTOS MOI CHULA!

ESTA SEMANA TAMÉN A PROVEITAMOS PARA REALIZAR UNHA MANUALIDADE CON MATERIAL DE RECICLAXE ACHEGADA POR VÓS. NESTE CASO, EMPREGAMOS TUBOS DE CARTÓN PARA COMEZAR A REALIZAR UNS PRISMÁTICOS. EXPERIMENTARON COAS CORES, DESCUBRIRON QUE AO MISTURALAS APARECEN CORES NOVAS E CREARON LIBREMENTE. QUEDA MONTALOS E DESFRUTAR DELES!

ADEMAIS E COMO CAMBIAMOS DE MES, TOCOUNOS REALIZAR O REXISTRO DO TEMPO DO MES DE FEBREIRO. COMO SON UN GRUPO QUE XA ESTÁ BASTANTE COHESIONADO, APROVEITAMOS PARA FACELO EMPREGANDO UNHA ESTRUTURA COOPERATIVA CHAMADA "LAPIS AO CENTRO". EXPLÍCOVOS EN QUE CONSISTE: NA MESA DE TRABALLO DISPOÑEN DOS BOTES COS QUE FACEMOS O REXISTRO DO TEMPO DIARIO, UNHA FOLLA DO REXISTRO PARA CADA NENO/A, GOMETS DE CORES (CADA QUEN ELIXE UNHA COR) E O SEU LÁPIS. EN PRIMEIRO LUGAR, UN MEMBRO DO EQUIPO FAI O RECONTO DE BOLIÑAS QUE HAI NO BOTE DO SOL, POR EXEMPLO, MENTRES OS DEMAIS MEMBROS ESTÁN ATENTOS A QUE O CONTEO SEXA CORRECTO. 

A CONTINUACIÓN, TODOS OS MEMBROS DEBEN COLOCAR NA COLUMNA DO SOL, POR EXEMPLO, TANTOS GOMETS COMO BOLIÑAS HABÍA. UNHA VEZ QUE REMATAN , É A QUENDA DE FACER O RECONTO DE BOLIÑAS DOUTRO BOTE AO SEGUINTE MEMBRO (PARA COÑECER A QUENDA SÉGUESE A ORDE DAS AGULLAS DO RELOXO). 

UNHA VEZ QUE REMATARON ESTA PRIMEIRA PARTE E XA ESTÁN TODOS OS GOMETS COLOCADOS, É O MOMENTO DE IDENTIFICAR GRAFÍAS E REPRESENTALAS NO CADRADIÑOS CORRESPONDENTE, POR EXEMPLO: SE NA COLUMNA DO SOL TIÑAMOS 10 GOMETS, TEÑEN QUE ESCRIBIR O NÚMERO 10. AQUÍ A ACTIVIDADE ADÁPTASE AOS DIFERENTRES RITMOS, POIS HAI QUEN PRECISA IDENTIFICAR PRIMEIRO A GRAFÍA NA RECTA NUMÉRICA E HAI QUEN NON, HAI QUEN PRECISA AXUDA PARA REPRESENTALA E OUTRAS/OS QUE XA A FAN SOAS/OS. É MOI IMPORTANTE AQUÍ CONTINUAR RESPECTANDO AS QUENDAS SEGUINDO A ORDE DAS AGULLAS DO RELOXO E IR TODAS/OS Á VEZ. 

POR ÚLTIMO, TIVERON QUE ESCRIBIR O NOME DO MES QUE ESTABAMOS REXISTRANDO (NESTE CASO "FEBREIRO"). UNHA VEZ MÁIS, ADAPTÁMONOS AOS DIVERSOS RITMOS: HAI QUEN XA ESCRIBE AUTÓNOMAMENTE, HAI QUEN PRECISA VARIOS INTENTOS PARA LEMBRAR OS SONS DAS LETRAS E HAI QUEN PRECISA AXUDA COA REPRESENTACIÓN ESCRITA. NON IMPORTA, O ÉXITO DESTE TIPO DE ACTIVIDADES É SER UN EQUIPO E RESOLVER A ACTIVIDADE CON OU SEN AXUDA E, UNHA VEZ MÁIS, DESMOSTRARON SER CAPACES DE TODO ISTO DE MOITO MÁIS. ESTOU MOI ORGULLOSA DO QUE ESTÁN CONSEGUINDO, POIS ASEGÚROVOS QUE NON É NADA DOADO!

CONTINUAMOS FACÉNDONOS EXPERTOS NA CONCIENTA FONOLÓXICA (NESTA OCASIÓN A NIVEL DE SÍLABA) POLO QUE INDTRODUCIMOS O CLÁSICO XOGO DE "PALABRAS ENCADEADAS". FIXÉMOLO EN EQUIPOS E CON AXUDA DE IMAXES. EU DICÍALLES A PRIMEIRA IMAXE QUE DEBÍAN COLOCAR, E ELES/AS CONTINUABAN ATA REMATAR O XOGO. POR EXEMPLO, XA QUE A PRIMEIRA PALABRA COA QUE COMEZABA O XOGO ERA "ONCE", DEBÍAN DESCOMPOÑELA EN PALMADAS (SÍLABAS) E EMPREGAR A DERRADEIRA PALMADA PARA COÑECER A SEGUINTE PALABRA (NESTE CASO, "CEREZA"); E ASÍ SUCESIVAMENTE ATA COLOCAR TODAS AS IMAXES. TODOS OS EQUIPOS RESOLVÉRONO XENIAL E ENTRARON NO XOGO. POR AQUÍ HAI MOITO NIVEL!!!

ESTE DÍA E DESPOIS DA LECTURA DO CONTO, APROVEITAMOS PARA XOGAR UN RATIÑO A UN XOGO QUE TROUXERA BELTRÁN. TRATÁBASE DO DOOBLE, UN XOGO DE MESA QUE CONSTA DE DIVERSAS CARTAS CON IMAXES E DAS CALES DE ENTRE CADA CARTA, TAN SÓ HAI UNHA IMAXE QUE SE REPITE, POLO QUE HAI QUE ESTAR MOI ATENTAS/OS PARA IDENTIFICALA. A PESAR DE SER UN XOGO BASTANTE COMPLEXO E CON VOCABULARIO DIFÍCIL (HAI UNHA VERSIÓN INFANTIL DO XOGO, PERO NESTE CASO TRATÁBASE DA VERSIÓN DE ADULTOS E APARECÍAN IMAXES COMO A CHAVE DE SOL, O SINAL DE "PROHIBIDO", ECT.) ENTENDÉRONO PERFECTAMENTE E DESFRUTAMOS XOGANDO TODAS/OS XUNTAS/OS.

XA A PIQUES DE REMATAR A SEMANA, FINALZAMOS UNHA ACTIVIADE QUE TIÑAMOS A MEDIAS. LEMBRADES O COPO DE NEVE QUE FIXÉRAMOS CON COLA E SAL? POIS TINTÁMOLO DE AZUL FACENDO USO DE TÉMPERA DILUÍDA EN AUGA E UN PINCEL. ENCANTOULLES O EFECTO QUE TEN ESA MISTURA AO IR TRASPASÁNDOSE POLO SAL. REQUERIU DE MOITA CONCENTRACIÓN, BOA MOTRICIDADE FINA E DELICADEZA PARA QUE A COR SÓ SE POUSASE NA SAL. QUEDARON CHULÍSIMOS. 

A DERRADEIRA ACTIVIDADE DESTA SEMANA ESTIVO RELACIONADA CO PROXECTO. NESTA OCASIÓN, DESCUBRIMOS A PANTEIRA, UN ANIMAL CARNÍVORO DE PELO ESCURO E CON MANCHIÑAS. TRAS APRENDER ALGÚNS DATOS SOBRE ELA, FIXEMOS UNHA ACTIVIDADE NA QUE TIÑAMOS QUE AXUDALA A SAÍR DUN LABERINTO. CON ISTO TRABALLAMOS A LÓXICA, A VISIÓN ESPACIAL, PRENSIÓN, COORDINACIÓN ÓCULO-MANUAL, MEMORIA... UNHA VEZ MÁIS, ADAPTAMOS Á ACTIVIDADE AOS DIVERSOS RITMOS, POIS HOUBO QUEN PRECISOU VARIOS INTENTOS PARA DESCUBRIR O CAMIÑO CORRECTO, QUEN PRECISOU RACHAR OS CAMIÑOS QUE NON ERAN PARA DESCUBRIR O CORRECTO, E QUEN DESCIFROU O CAMIÑO Á PRIMEIRA. O IMPORTANTE, E COMO SEMPRE, RESPECTAR A CADA NENA/O E ACTUAR COMO GUÍA E APOIO NOS SEUS LOGROS. SATISFACCIÓN MÁXIMA AO CONSEGUILO!

PARA IR REMATANDO COA SEMANA E COMO XA SABEDES, SAÍMOS AO INVERNADOIRO A RECOLLER O QUE TIÑAMOS PLANTADO. AGARDO QUE DESFRUTÁRADES DESAS ESPINACAS.

POR ÚLTIMO E COMO CADA VENRES, FIXEMOS O PRÉSTAMOS DE LIBROS. A VERDADE É QUE EU AQUÍ XA POUCO TEÑO QUE FACER, SÓ COMPROBAR QUE NON REPITAN LIBRO. ELAS E ELES ADMINÍSTRANSE AUTÓNOMAMENTE E EU SON UNHA MERA ESPECTADORA.

ATA A PRÓXIMA!!

OLA, OLA!!

NESTE NOVO ARTIGO DO BLOGUE PODEREDES VER ALGUNHAS FOTIÑOS DA SEMANA PASADA.

COMEZAMOS CUMPRINDOS CON MANDATOS DA NOSA MECA...

TAMÉN APROVEITAMOS PARA REMATAR ALGUNHA ACTIVIDADE QUE INICIARON A SEMANA PASADA, CONCRETAMENTE A RELACIONADA CO GORILA. AS NENAS E NENOS, DESPOIS DE COÑECER UN POUCO MÁIS SOBRE ESTE ANIMAL, TIÑAN QUE PEGARLLE O SEU PELO CON ALGODÓNS. ADEMAIS, E COMO XA SABEMOS QUE A COR DESTE É ESCURA, PROCEDERON A TINTARLLO FACENDO USO DE TÉMPERA NEGRA DILUÍDA EN AUGA E UNHA PIPETA. POR SUPOSTO, APROVEITAMOS PARA CONTINUAR AVANZANDO NA LECTROECRITRA DUN XEITO CONTEXTUALIZADO ESCRIBINDO O NOME DO ANIMAL. POR AQUÍ HAI CADA VEZ MÁIS AUTONOMÍA.

POR OUTRA BANDA, O MARTES CELEBRAMOS O DÍA DO AMOR CUNHA PROPOSTA COMPARTIDA POR TODAS AS NENAS E NENOS DA INFANTIL.

DECORARON UN SOBRE AO QUE LLE PUXERON INDIVIDUALMENTE O SEU NOME...;

A CONTINUACIÓN, FIXERON UN DEBUXO PARA ALGUNHA/ALGÚN COMPI DA/O QUE DESCOÑECÍAN O NOME (POLO MOMENTO)...;

DESPOIS DE TER TODOS OS SOBRES DECORADOS E OS DEBUXOS FEITOS, INDIVIDUALMENTE SAÍRON AO CORREDOR PARA COLLER UN NOME AO AZAR, METER O DEBUXO REALIZADO NO SOBRE DA NENA OU NENO QUE LLES TOCOU E, FINALMENTE, INTRODUCIR O SOBRE CO DEBUXO NO BUZÓN. AQUÍ FOI MOI IMPORTANTE MANTER EN SEGREDO ATA O FINAL DO DÍA A PERSOA DESTINATARIA DO DEBUXO.

POR ÚLTIMO, REUNÍMONOS TODAS/OS NA AULA E PROCEDIMOS Á ENTREGA DE SOBRES. AS SÚAS CARAS DE FELICIDADE  E ILUSIÓN AO RECIBIR O AGASALLO FORON ESPECTACULARES.

O XOVES RECIBIMOS UNHA VISITA MOI ESPECIAL E DIVERTIDA. PAKO PAKOLAS VEU AO COLE A DARNOS UN CONCERTO! BAILAMOS, DESFRUTAMOS, CANTAMOS, RIMOS... PASÁMOLO PIPA!

PARA REMATAR A SEMANA, RASCARON UNS ANTIFACES DE ENTROIDO QUE LLES QUEDARON CHULÍSIMOS E, FINALMENTE, DISFRAZÁMONOS E DESFRUTAMOS DO PRIMEIRO ENTROIDO NO COLE!!!

AGARDO QUE PASÁRADES UN BO ENTROIDO E QUE GOZÁRADES DO FESTIVAL!

BICOS FAMILIAS, ATA A PRÓXIMA!

OLA, OLA!

UNHA VEZ MÁIS, ÍMOSVOS AMOSAR TODO O QUE ARGALLAMOS NA AULA DURANTE ESTAS DÚAS ÚLTIMAS SEMANAS.

A SEMANA PASADA CONTINUAMOS COA ACTIVIDADE DO IGLÚ QUE XA TIÑAMOS INICIADA. PARA ISO E TOMANDO COMO BASE UN OSO POLAR, FIXEMOS DIFERENTES GRAFISMOS EN TODO O SEU CORPO.  XA QUEDA POUQUIÑO PARA REMATAR ESTA ACTIVIDADE COA QUE CONTINUAREMOS EN PRÓXIMAS SESIÓNS, POIS FÁLTANOS PICAR O OSO E PEGALO NO SEU IGLÚ.

ADEMAIS E COMO XA SE ACHEGABA O DÍA DA PAZ, ADIANTAMOS TRABALLO COMEZANDO A PINTAR AS GOTAS QUE COLGAMOS NA ENTRADA DO COLE. AS PEQUENIÑAS PINTÁMOLAS CON CERAS DE CORES E AS GRANDES CON TÉMPERA AZUL E PINCEL. ADEMAIS, E TRAS REFLEXIONAR SOBRE O QUE SIGNIFICA A PALABRA "PAZ" E DE FACER UHA CHUVIA DE IDEAS, SELECCIONAMOS ALGUNHAS DAS PALABRAS QUE NOS EVOCABAN PAZ E ESCRIBÍMOLAS DENTRO DAS GOTAS GRANDES. NESTA CONVERSA AS NENAS E NENOS APORTARON IDEAS COMO "SÍNTOME EN PAZ CANDO ME DAN UN ABRAZO OU UN BICO", "A PAZ TAMÉN É AXUDAR AOS DEMAIS", "TAMÉN É COMPARTIR OS XOGUETES E XOGAR XUNTOS"... ESTAS PEQUENAS E PEQUENOS SON MOI GRANDES! 

ADEMAIS, A SEMANA PASADA TAMÉN REALIZAMOS A NOSA PRIMEIRA SAÍDA DO CENTRO E FOI, NADA MÁIS E NADA MENOS, QUE AO AQUARIUM FINISTERRAE. FOI UNHA MAÑÁ DIFERENTE DE VIAXES, CONVERSAS DE BUS, DE DESCUBRIR, EXPLORAR...CHEÍÑA DE APRENDIZAXES!

FINALIZADA ESA SEMANA, DEMOS COMEZO A OUTRA CON NOVAS PROPOSTAS E NOVAS OPORTUNIDADES DE APRENDIZAXE.

NA MESA SENSORIAL PASÁRONO PIPA! ATOPÁRONSE CON AGUA CON PATIÑOS E DIVERSOS ÚLTILES PARA REALIZAR TRASVASES.

NO RECANTO DAS LETRAS, DISPOÑÍAN DUNHA PIZARRA PEQUENIÑA, XIZ, BORRADOR E OS NOMES DAS NENAS E NENOS DA AULA PARA CONTINUAR FAMILIARIZÁNDOSE COA ESCRITA DOS MESMOS.

O XOGO NOS DEMAIS RECANTOS CONTINÚA TAMÉN E CADA VEZ DUN XEITO MÁIS AUTÓNOMO. ELES/AS CONSENSÚAN AS REGRAS, CHEGAN A ACORDOS, SOLUCIONAN PROBLEMAS, FALAN, CREAN, DIVÉRTENSE...

COMO XA SABEREDES, ESTA SEMANA COMEZAMOS A FALAR, INVESTIGAR E APRENDER SOBRE ALGÚNS ANIMAIS DA SELVA. COMEZAMOS CO LEÓN. EN GRAN GRUPO COMENTAMOS OS COÑECEMENTOS PREVIOS DAS NENAS E NENOS E EU ENGADÍN ALGÚN DATO A MAIORES. APRENDIMOS NOVO VOCABULARIO COMO "MAMÍFERO", "CARNÍVORO", "CUADRÚPEDO"... E TAMÉN QUE OS LEÓNS DURMEN MOITAS HORAS!! A COTNINUACIÓN REALIZAMOS UNHA ACTIVIADE QUE REQUERIU DE MOITA CONCENTRACIÓN, PRECISIÓN, COORDINACIÓN OLLO-MAN... TIÑAMOS QUE CORTARLLE A MELENA AO LEÓN! FIXÉRONO XENIAL.

O SEGUINTE ANIMAL FOI O ELEFANTE. REPETIMOS A MESMA DINÁMICA QUE ANTERIORMENTE. NESTE CASO, APRENDIMOS QUE ESTES ANIMAIS SON HERBÍVOROS E TAMÉN MAMÍFEROS, QUE A SÚA TROMPA TEN UN MONTÓN DE FUNCIÓNS, QUE TEÑEN MALA VISIÓN PORQUE OS SEUS OLLOS ESTÁN UBICADOS AOS LADOS DA CABEZA E QUE TEÑEN MOI BOA MEMORIA.

A PROPOSTA RELACIONADA CON ESTE ANIMAL CONSISTIU EN DECORARLLE A TROMPA CON CONTAS DE CORES SEGUINDO AS MIÑAS INTRUCIÓNS ORAIS E REPETINDO O PATRÓN DADO, POLO QUE PUXEMOS A PROBA A NOSA MEMORIA DE ELEFANTE! PRECISIÓN, COORDINACIÓN, ATENCIÓN, MEMORIA, MOTRICIDADE FINA, LÓXICA...

OUTRO DÍA DEDICÁMOLO A REALIZAR UNHA ACTIVIDADE DIFERENTE. IMOS PARTICIPAR NUN  CONCURSO CHAMADO "POESÍA E IMAXE" POLO QUE, DE XEITO PREVIO, AS MESTRAS DE INFANTIL SELECCIONAMOS UNHA POESÍA. A CONTINUACIÓN, PRESENTÁMOSLLA ÁS NENAS E NENOS E COMENTÁMOLA. FINALMENTE, TIÑAN QUE FACER UN DEBUXO QUE REPRESENTARA DITA POESÍA.

NA ASAMBLEA DECATÁMONOS DE QUE REMATARA O MES DE XANEIRO, POLO QUE NOS ESTREAMOS FACENDO O REXISTRO DO TEMPO SOBRE PAPEL. EN PRIMEIRO LUGAR, CONTAMOS CANTAS CANICAS TIÑA CADA BOTE. A CONTINUACIÓN, COLOCAMOS TANTOS GOMETS COMO CANICAS HABÍA ENRIBA DA RAIA DO TEMPO CORRESPONDENTE. FINALMENTE E CON AXUDA DA RECTA NUMÉRICA ESCRIBIMOS A GRAFÍA NO RECADRO ADECUADO. POR SUPOSTO, TAMÉN ESCRIBIMOS O NOME DO MES QUE ESTABAMOS REXISTRANDO. FOI UNHA ACTIVIDADE MOI COMPLETA NA QUE COMBINAMOS, SOBRE TODO, LECTOESCRITURA E LÓXICO-MATEMÁTICA.

POR ÚLTIMO, HOXE VENRES, LEVAMOS A CABO OUTRA PROPOSTA DE INVERNO. NESTA OCASIÓN, CADA NENA/O TIÑA UN COPO DE NEVE IMPRESO EN CARTOLINA AO QUE TIÑA QUE BOTARLLE, EN PRIMEIRO LUGAR, COLA BLANCA E, POSTERIORMENTE, SAL. ASEGÚROVOS QUE ESAS MANCIÑAS TRABALLARON MOITO APRETANDO O BOTE E TAMÉN BOTANDO O SAL. HAI QUEN DECIDIU EMPREGAR AS CUCHARIÑAS E QUEN PREFERIU BOTALA COA MAN. O RESULTADO FOI O MESMO: MOTRICIDADE FINA E PRECISIÓN A TOPE!! AGORA TOCA ESPERAR A QUE SEQUE PARA ASÍ PODER REMATAR ESTA ACTIVIDADE NOUTRA SESIÓN. XA VOS AMOSAREMOS O RESULTADO

AGORA TOCA RECARGAR PILAS ESTA FINDE PARA VOLTAR CON MÁIS FORZA!

DESCANSADE E DESFRUTADE. ATA A PRÓXIMA!!

BOAS DE NOVO, FAMILIAS!

NESTA NOVA ENTRADA DO BLOGUE, VEREDES COMO FOI A VOLTA DAS VACACIÓNS DE NADAL.

AS NENAS DE NENOS CHEGARON Á AULA O DÍA LUNS 9 DE XANEIRO E, PARA A SÚA SORPRESA, HABÍA DOUS AGASALLOS!! POR SUPOSTO, O PRIMEIRO QUE FIXERON FOI POÑERSE MÁNS Á OBRA PARA ABRILOS.

TRATÁBASE DUNHAS CONSTRUCIÓN MAGNÉTICAS E UNHA BARALLA DE CARTAS DE ANIMAIS. ENCANTÁRONLLES!!

AO LONGO DESA PRIMEIRA SEMANA, FIXEMOS ALGUNHA QUE OUTRA COUSIÑA, AÍNDA QUE NON VOS IMOS MENTIR... O QUE MÁIS FIXEMOS FOI FALAR, POÑERNOS AO DÍA, COMPARTIR EXPERIENCIAS, EMOCIÓNS, VIVENVIAS... VIÑERON CARGADIÑ@S DE NOVAS HISTORIAS QUE QUERÍAN COMPARTIR COAS COMPAÑEIRAS, COMPAÑEIROS E TAMÉN CONMIGO.

DESPOIS DE MOITO PARLOTEAR, COMEZAMOS A PREPARAR UNHA DECORACIÓN PARA RECIBIR, O SEGUINTE LUNS, AO ALUMNADO E PROFESORADO DO ERASMUS+, PROCEDENTE DE DIVERSOS PAÍSES COMO SUECIA, POLONIA E GALES. A NÓS TOCOUNOS FACER XABRÓNS E UNHAS GUIRNALDAS CON BANDEIRAS, POLO QUE ADICAMOS ALGUNHAS SESIÓNS A DARLLES COR. QUEDARON XENIAIS!!

OUTRA DAS ACTIVIDADES QUE REALIZAMOS ESA PRIMEIRA SEMANA FOI NUNHA DINÁMICA DE COHESIÓN DO GRUPO CHAMADA "A PELOTA". ESTA CONSISTE EN QUE, COLOCADAS/OS EN CÍRUCLO E DE PÉ, UNHA NENA OU NENO SOSTÉN UNHA PELOTA NAS MANS E DESCRIBE CON PALABRAS ALGO QUE LLE GUSTE MOITO (QUE FACER NO SEU TEMPO LIBRE, A SÚA COR FAVORITA, O SEU XOGUETE E/OU XOGO PREFERIDO, A COMIDA QUE MÁIS SABROSA LLE RESULTA...). A CONTINUACIÓN, DEBE PASARLLE A PELOTA A OUTRA/O COMPI PARA CONTINUAR COA DINÁMICA, E ASÍ SUCESIVAMENTE ATA QUE TODAS AS PERSOAS PARTICIPEN. ISTO SERVIUNOS PARA CONTINUAR PROFUNDIZANDO NO COÑECEMENTO MUTUO, DARNOS CONTA DAS COUSAS QUE TEMOS EN COMÚN, GUSTOS, PREFERENCIAS DAS/OS DEMAIS... CONTINUAREMOS REALIZANDO ESTE TIPO DE ACTIVIDADES PARA SEGUIR FORXANDO O GRAN EQUIPO QUE, POUCO A POUCO, ESTAMOS CONSTRUINDO.

UNHA VEZ REMATADA ESA PRIMEIRA SEMANA DE VOLTA DAS VACACIÓNS DE NADAL, DEMOS COMEZO A OUTRA CON NOVAS PROPOSTAS, RETOS E OPORTUNIDADES DE APRENDIZAXE. A CONTINUACIÓN DÉIXOVOS ALGUNHAS FOTIÑOS PARA QUE VEXADES O QUE OCORREU NA AULA ESTES DÍAS.

UNHA EXPERIENCIA QUE LLES ENCANTOU FOI A PROPOSTA QUE SE ATOPARON NA MESA SENSORIAL. HABÍA "NEVE", FEITA CON BICARBONATO E AUGA, XUNTO CON DIVERSOS MOLDES PARA TOCAR, XOGAR, CREAR, VIVENCIAR, COMPARTIR...

ADEMAIS, E COMO SABEN QUE A CLASE DEBE QUEDAR RECOLLIDA PARA PODER XOGAR O PRÓXIMO DÍA, HOUBO QUE RECOLLER A NEVE QUE CAERA AO CHAN PARA O QUE FIXERON USO DO RECOLLEDOR E ESCOBA QUE TEMOS NA AULA. COOPERACIÓN, RESPONSABILIDADE E AUTONOMÍA A TOPE!!!

COMEZAMOS A TRABALLAR COA TEMÁTICA DO INVERNO, POLO QUE NO RECANTO DE LETRAS, PARA ESTA OCASIÓN, CONTABAN COA SEGUINTE PROPOSTA: DEBÍAN SELECCIONAR 2-3 PALABRAS DE INVERNO E COMPOÑELAS EMPREGANDO AS LETRAS MÓBILES. PARA ISTO E TENDO EN CONTA OS DISTINTOS RITMOS, EU ESTABA PRESENTA PARA GUIAR O PROCESO OU SÓ PARA OBSERVALO. ADEMAIS, TRABALLAMOS TAMÉN A CONCIENCIA FONOLÓXICA A NIVEL DE SÍLABA DANDO TANTAS PALMADAS COMO SÍLABRAS TIÑA A PALABRA.

O XOGO NOS RECANTOS DA AULA CONTINÚA CADA VEZ DE XEITO MÁIS COLABORATIVO, COMPARTINDO CHARLAS Á VEZ QUE CONSTRÚEN. É UNHA MARABILLA ESCOITALAS/OS FALAR E VER COMO CHEGAN A ACORDOS.

OUTRA PROPOSTA RELACIONADA CO INVERNO FOI IDENTIFICAR EN DIERENTES IMAXES AS CORES PROTAGONISTAS EMPREGANDO, PARA ISO, A CAIXA DE CORES.

REALIZAMOS UNHA ACTIVIDADE DE LÓXICA-MATEMÁTICA EN GRAN GRUPO EMPREGANDO OS BLOQUES LÓXICOS E A CAIXA DOS ATRIBUTOS. SENTADOS EN SEMICÍRUCLO E POÑENDO Á SÚA DISPOSICIÓN UNHA CAIXA COS  BLOQUES, EU DÁBALLES AS INSTRUCCIÓNS DO BLOQUE QUE DEBÍAN COLLER. POR EXEMPLO, E TAL E COMO VEDES NA FOTO, DEBÍAN COLLER UN CÍRCULO AMARELO, PEQUENO E QUE NON FOSE DE COR AMARELA.  TODAS/OS PARTICIPARON E FOI UNHA PROPOSTA NA QUE LLE DEMOS MOITAS VOLTAS Á CABECIÑA, RAZOAMOS, PROPUXEMOS ALTERNATIVAS E NOS AXUDAMOS.

COMO XA SABEREDES, UNHA DAS RUTINAS QUE REALIZA A PERSOA ENCARGADA DO DÍA CONSISTE EN DEBUXAR O SEU CORPO. A CONTA DISTO, FAI UNHAS SEMANAS, XURDIU NA CLASE O INTERSE POLOS ÓSOS DO CORPO HUMANO POLO QUE, Á VOLTA DAS VACACIÓNS, RETOMAMOS ESTE TEMA. ESTIVEMOS DOUS DÍAS INVERTINDO UNHA PARTE DA MAÑÁ A FALAR, OBSERVAR, CUESTIONARNOS E SOLVENTAR DÚBIDAS ACERCA DESTA TEMÁTICA. PARA ISTO, FIXEMOS VARIAS COUSAS. TRAS VERBALIZAR OS COÑECEMENTOS PREVIOS DOS QUE DISPOÑEN AS NENAS E NENOS DA AULA, VISUALIZAMOS ESTAS "FOTOS DE ÓSOS" QUE DESCUBRIMOS QUE SE CHAMAN "RADIOGRAFÍAS". VIMOS COMO É A NOSA MAN, OS DEDOS...

A COLUMNA, A CADEIRA...

ADEMAIS, E GRAZAS Á VOSA COLABORACIÓN, PROFUNDIZAMOS UN POUCO MÁIS NO TEMA VISUALIZANDO E LENDO DOUS LIBROS QUE TROUXERON Á AULA DOUS NENOS. 

POR ÚLTIMO, FIXEMOS MAXIA!!!! PUXÉRONSE A CAMISETA "MAGIC T-SHIRT", TOMAMOS PRESTADA UNHA TABLET DA BIBLIOTECA, EMPREGAMOS A APP "BODY PLANET" MENTRES ESCANEAMOS A CAMISETA E.... VIMOS COMO É O NOSO CORPO POR DENTRO!! AS SÚAS CARAS FORON INDESCRIPTIBLES. ADEMAIS, IDENTIFICARON PERFECTAMENTE ÓRGANOS E ÓSOS QUE VIRAMOS ANTERIORMENTE NOS CONTOS COMA OS PULMÓNS, O CORAZÓN, OS INTESTINOS DELGADO E GROSO, AS COSTELAS...

ESTAS PEQUENAS E PEQUENOS NON DEIXAN DE APRENDER!! AGORA XA SABEN PORQUÉ O CORAZÓN BOMBEA, DE QUE ESTÁ COMPOSTA A CACA E O PIS, PORQUÉ PRECISAMOS COMER, QUE SON AS VEAS E CAL É A SÚA FUNCIÓN... SEN DÚBIDA FOI UNHA EXPERIENCIA MOI ENRIQUECEDORA.

PARA REMATAR A SEMANA, COMEZAMOS UNHA ACTIVIDADE QUE NOS LEVARÁ ALGUNHA SESIÓN MÁIS. ESTA CONSISTIU EN CREAR UN IGLÚ EMPRGANDO UNHA PEZA DE LEGO E TÉMPERA AZUL. PRECISIÓN, COORDINACIÓN OLLO-MAN, CONCENTRACIÓN... CADA VEZ SON MÁIS AUTÓNOMAS/OS E EU SÍNTOME MOI ORGULLOSA DOS SEUS AVANCES.

ATA A PRÓXIMA!!!

BOAS DE NOVO, FAMILIAS!

NESTA DERRADEIRA ENTRADA DO 1º TRIMESTRE NO BLOGUE, PODEREDES VER TOOOOOODO O QUE OCORREU NA AULA NOS ÚLTIMOS DÍAS.

COMO BEN SABEREDES, COMEZAMOS DECEMBRO CUNHA VISITA MOI ESPECIAL. CHEGAMOS Á AULA O DÍA 1 E ATOPÁMONOS CON ESTE PANORAMA:

UN ELFO ENRIBA DE TODAS AS CADEIRAS!!

POR SORTE, TROUXERA UNHA CARTA ONDE NOS EXPLICABA QUEN ERA E CAL ERA A SÚA MISIÓN NO COLE DE VALÓN.

ADEMAIS, NOS SEGUINTES DÍAS FIXO ALGUNHA QUE OUTRA TRASTADA QUE NOS TOCOU REMENDAR...

POR OUTRA BANDA, ESTIVEMOS TRABALLANDO EN DISTINTAS PROPOSTAS COA TEMÁTICA DO NADAL COAS QUE DESFRUTARON MOITO. FORON AS SEGUINTES:

A PRIMEIRA DELAS LEVÁMOLA A CABO EN VARIAS SESIÓNS. COMEZAMOS FACENDO A SILUETA DUNHA ÁRBORE DA NADAL EMPREGANDO PINZAS CON POMPÓNS E TÉMPERAS DE CORES. ESTE TRABALLIÑO REQUERIU DE MOITA CONCENTRACIÓN, ORIENTACIÓN ESPACIAL, COORDINACIÓN OLLO-MAN E MOTRICIDADE FINA.

E REMATAMOS FACENDO GRAFISMOS CON RAIAS HORIZONTAIS PARA ASÍ CONTINUAR TRABALLANDO PRERREQUISITOS DA ESCRITURA.

OUTRA DAS PROPOSTAS COA QUE GOZARON CONSISTIU EN INTRODUCIR ESAS CONTAS DE CORES POLOS LIMPAPIPAS EN FORMA DE COPO DE NEVE. FIXÉRONO SÚPER BEN!!!

TAMÉN FORON QUEN DE COLOCAR PEDRIÑAS DE CORES ENRIBA DE DIVERSAS SILUETAS COA TEMÁTICA DE NADAL. CON TODO ISTO TRABALLARON A ATENCIÓN, COORDINACIÓN, PINZA... ADEMAIS DE CONTINUAR FAMILIARIZÁNDOSE CO DÍA A DÍA DO COLE (TEMPO DE TRABALLO-TEMPO DE XOGO). OS AVANCES RESPECTO AOS PRIMEIROS DÍAS NESTE ASPECTO SON MÁIS QUE EVIDENTES!!

CONTINUAMOS CUNHA PROPOSTA DE LECTOESCRITURA. COÑECIMOS NOVO VOABULARIO RELACIONADO CO NADAL E PUXÉMONOS MANS Á OBRA A BUSCAR, REBUSCAR, IDENTIFICAR, COLOCAR E ORDENAR LETRAS PARA FORMAR AS PALABRAS DO EXEMPLO.

SEN DÚBIDA, UNHA DAS PROPOSTAS QUE MÁIS ÉXITO TIVO FOI A SEGUINTE: NA MESA SENSORIAL HABÍA FABAS QUE ESCONDÍAN UNHAS IMAXES MOI PEQUENIÑAS CO VOCABULARIO DA ACTIVIDADE ANTERIOR. AS NENAS E NENOS TIÑAN, ADEMAIS, UNHA FOLLA CON ALGUNHAS DESAS IMAXES, AS CALES DEBÍAN ATOPAR. PARA ISO, FACÍAN USO DUNHA LUPA E, UNHA VEZ IDENTIFICADA E ATOPADA A IMAXE, POÑÍANLLE UN GOMET VERDE PARA SINALAR NA FOLLA QUE XA A ATOPARAN.

CONTINUAMOS PRACTICANDO COAS TESOIRAS RECORTÁNDOLLE A BARBA AO MESMÍSIMO PAPÁ NOEL!!! VAISE NOTANDO O PROGRESO.

SEGUIMOS TRABALLANDO O CONTEO E A SERIE NUMÉRICA CON ESTA PROPOSTA. ATENDENDO AOS RITMOS DE CADA NENA/O, LANZABAN O DADO, CONTABAN NA RECTA PARA IDENTIFICAR A GRAFÍA CORRESPONDENTE, COLLÍAN O NÚMERO DE MADEIRA E POÑÍAN TANTOS POMPÓNS COMO SE LLES INDICABA; OU BEN LANZABAN O DADO E DIRECTAMENTE COLLÍAN O NÚMERO DE MADEIRA QUE REPRESENTABA A CANTIDADE; OU DIRECTAMENTE COLLÍAN O NÚMERO DE MADEIRA PARA, POSTERIORMENTE, COLOCAR OS POMPÓNS NA ÁRBORE. TAMÉN AVANZAMOS MOITO NESTE ASPECTO, A SERIE NUMÉRICA NON SE NON RESISTIU.

POR OUTRA BANDA, COMEZAMOS A ELABORAR E DECORAR AS BOLSAS NAS QUE SE LEVARON TODO OS TRABALLIÑOS DESTE PRIMEIRO TRIMESTRE (UNHA DE TANTAS IDEAS DA PROFE ROCÍO). PARA COMEZAR, ESTAMPARON UNHA COROA EMPREGANDO UNHA PALLIÑA CORTADA E TÉMPERA VERDE.

A CONTINUACIÓN, DECORARON A COROA ESTAMPANDO PEGADAS DE CORES CO SEU DEDO ÍNDICE (SÍNTOO, FORON TAN VELOCES QUE NON ME DEU TEMPO A SACAR FOTO ).

FINALMENTE, PICARON CON MOOOOITA PACIENCIA UNS LAZOS QUE, POSTERIORMENTE E COA AXUDA DA PROFE BEGOÑA, DECORARON CON PURPURINA DE CORES.

OS RESULTADOS XA OS VISTES HOXE EN VIVO E EN DIRECTO. A QUE QUEDARON CHULÍSIMAS?

TAMÉN ELABORAMOS AS PORTADAS DOS TRABALLOS CREANDO, NESTA OCASIÓN, UN BONECO DE NEVE, PARA O QUE EMPREGAMOS UNHA ESPONXA REDONDA E TÉMPERA BLANCA.

FINALMENTE, O DECORAMOS CUN SOMBREIRO QUE... COMO PENSADES QUE FIXEMOS? PICANDO!!! CON MOITA PACIENCIÑA E MOI BOA MAN .

DECEMBRO FOI, SEN DÚBIDA, O MES DAS MANUALIDADES. ESTA VEZ TOCOUNOS COLLER O PINCEL  PARA PINTAR UNHAS BOLIÑAS DE ADORNO DE NADAL. PINTAMOS POR UNHA CARA, DEIXAMOS SECAR E PINTAMOS POLA OUTRA.

POR ÚLTIMO, AS MESTRAS ESCRIBIMOS A INICIAL DE CADA NENA/O CON COLA E ELAS/ES FORON AS/OS ENCARGADAS/OS DE ESCOLLER E BOTARLLE PURPURINA DE CORES. AS SÚAS CARIÑAS DE SORPRESA AO SACUDIR A PURPURINA SOBRANTE E DESCUBRIR QUE O QUE QUEDABA ERA A SÚA INICIAL FORON UN ESPECÁTCULO!

CON MOTIVO DO CALENDARIO DE ADVENTO DO COLE, TIVEMOS ALGÚNS RETOS QUE SUPERAR. UN DELES CONSISTIU EN ELABORAR UNHA BOTELLA SENSORIAL CON FORMA DE PAPÁ NOEL EMPREGANDO MATERIAL DE RECICLAXE (NESTE CASO, AS BOTELLAS).

PARA ISTO CONTAMOS COA AXUDA DA PROFE TERE. EN PRIMEIRO LUGAR, BOTAMOS AUGA TIBIA. A CONTINUACIÓN, ENGADIMOS UN POUCO DE COLA CON PURPURINA VERMELLA, PERO COMO NON QUEDABA MOI TINTADA A AUGA, BOTÁMOSLLE COLORANTE VERMELLO E, POR SUPOSTO, MOITA MÁIS PURPURINA.

XA CASE PARA REMATAR, AXITAMOS MOITO MOITO MOITO PARA QUE TODOS OS INGREDIENTES SE MISTURASEN.

TRAS POÑERLLE AS CARAS DE PAPÁ NOEL QUE ELAS/ES PINTARON E UNS CANTOS ADORNOS QUE PREPARAMOS AS MESTRAS, ESTE FOI O RESULTADO FINAL.

GRAZAS AO CALENDARIO DE ADVENTO TAMÉN TIVEMOS A SORTE DE QUE A PROFE ROCÍO NOS CONTARAN UN CONTO DE NADAL, PARA O QUE APROVEITAMOS E SUBIMOS Á BIBLIOTECA DO COLE.

OUTRO DÍA CREAMOS UNHAS POSTAIS DE NADAL PARA O QUE PREVIAMENTE TIVERON QUE ORDENAR DE MÁIS LONGA A MÁIS CURTA UNHAS TIRAS DE PAPEL (TRABALLANDO ASÍ A LÓXICA-MATEMÁTICA), AS CALES PEGARON POSTERIORMENTE SOBRE CARTOLINA.

COMO XA SABEDES, HOUBO UN DÍA NO QUE NOS TOCOU TOMAR UNHA MERENDA NAVIDEÑA. PARA ISTO, CONVERTÉRONSE EN COCIÑEIRAS/OS E MONTARON UNS SÁNDWICHES BOÍSIMOS CON FORMAS DE NADAL: RENOS, ÁRBORES... PRIMEIRO COLLERON UNHA REBANADA DE PAN, DESPOIS PUXERON UNHA LONCHA DE QUEIXO, OUTRA DE XAMÓN, MÁIS PAN E, POR ÚLTIMO, O CORTARON COA FORMA QUE ELIXIRON.

COMERON TODO! HOUBO QUEN REPETIU... INCLUSO TRIPITIU!!

POR ÚLTIMO, CELEBRAMOS O AMIGO INVISIBLE. EXITAZO GRAZAS Á VOSA IMPLICACIÓN! MIL GRAZAS, AS SÚAS CARAS DE ILUSIÓN AO ABRIR AGASALLOS E, SOBRE TODO, AO ENTREGAR O SEU, NON SE PODEN DESCRIBIR CON PALABRAS. GRAZAS, GRAZAS E GRAZAS!

SEN DÚBIDA, ESTAS PEQUENIÑAS E PEQUENIÑOS TRABALLARON MOITO DURANTE ESTES MESES! E O MÁIS IMPORTANTE: DESFRUTARON, XOGARON, RIRON (TAMÉN CHORARON), APRENDERON...XUNTAS E XUNTOS!! SON UN EQUIPAZO E ESTOU MOI ORGULLOSA DE CADA UNHA/UN DELAS/ES. A AVENTURA CONTINUARÁ DESPOIS DAS VACACIÓNS...MÁIS E MELLOR.

UNHA APERTA ENORME E FELICES FESTAS!!