CEIP PLURILINGÜE A LAXE

BOAS DE NOVO FAMILIAS!

Por aquí vos deixo algunhas fotiños das propostas que estivemos levando a cabo na aula estes últimos días. É marabilloso o rápido que aprenden estas nenas a estes nenos!

Continuamos traballando o nome propio, e unha das propostas foi atopar as letras que forman parte dos nomes de todas/os de entre unhas boliñas de xel. Desfrutaron moito experimentado con esta textura e buscando e rebuscando letras.

Outra proposta consistitu en reproducir diferentes trazos sobre sal tintada empregando un pincel ou o dedo.

Convertémonos en cociñeiras/os e prepraramos unha sopa de outono boísima! Para isto, tiramos o dado das cantidades e o dos ingredientes, e puxemos no prato tantos alimentos como nos indicou o dado.

Xa avanzamos moito no conteo, asi que esta proposta tampouco se nos resistiu. Consistía en lanzar un dado e colocar, empregando unha pinza, tantos pompóns como se nos indicaba. Estas manciñas xa van collendo forza!!!!

No día a día xogamos moito cos sons das letras e xa identificamos moitos deles. Nesta actividade continuamos practicando, pois consistía en identificar as palabras que comezaban co son que se indicaba e, unha vez localizadas, poñíamoslles unha pinza. Ademais, xa imos recoñecendo algunha que outra grafía.

Para ir rematando, amosámosvos como imos perfeccionando a escrita do nome. Como vedes, require de moitísima concentración!!!!

E xa por último, fixemos a nosa primeira toma de contacto co punzón na aula. A proposta consistiu en picar unha foto da nosa cariña para despois montala a modo de "puzzle" sobre unha cartolina. Isto supuxo moitísima coordinación ollo-man e moita precisión para picar por enriba das liñas (aínda que tamén quixemos probar a picar libremente ).

ATA A PRÓXIMA!

OLA FAMILIAS!

VOUVOS CONTAR UNHA HISTORIA. ONTE, MÉRCORES, COMEZAMOS O DÍA COA ASEMBLEA QUE SEMPRE REALIZAMOS A PRIMERA HORA DA MAÑÁ E NA QUE FALAMOS DE DIVERSOS TEMAS: COMO ESTAMOS, AS INQUEDANZAS QUE TEMOS, OS NOSOS INTERESES, O NOSO DÍA A DÍA... EN DEFINITIVA, CALQUERA COUSA QUE QUERAMOS COMPARTIR COAS COMPAÑEIRAS E COMPAÑEIROS.

FOI PRECISAMENTE NA ASEMBLEA ONDE NICO FALOU DA SÚA TARTARUGA ROBERTA. CONTOUNOS COMO CHEGOU Á SÚA CASA, DESDE CANDO A TIÑA, ONDE VIVÍA, O QUE LLE DA DE COMER... PERO HABÍA MOITAS DÚBIDAS SEN RESOLVER, POLO QUE LLE PROPUXEMOS TRAELA Á ESCOLA SE ESTABAN DE ACORDO EL E A SÚA NAI. ACEPTARON A PROPOSTA, POLO QUE HOXE...

RECIBIMOS A VISITA DA TARTARUGA ROBERTA!!!!!

PUIDÉMOLA VER BEN PRETO, INCLUSO ACARICIALA AMODIÑO E POLA CUNCHA.

POR SUPOSTO, CONVIDAMOS ÁS NENAS E NENOS DA CLASE DE 4 E 5 ANOS Á AULA, E NICO, COMO EXPERTO QUE É NO COIDADO DA TARTARUGA, SOLVENTOU TODAS AS DÚBIDAS: ONDE VIVE, QUE COME, CANTOS ANOS TEN, PARA QUE SERVE A PEDRA QUE TEN NO ACUARIO...

ADEMAIS, AMOUSOUNOS O QUE COME ROBERTA E CONTOUNOS QUE LLE GUSTAN, ESPECIALMENTE, OS PEIXIÑOS E GAMBAS.

DÍXONOS QUE A SÚA COMIDA ULÍA UN POUCO FORTE E QUIXEMOS COMPROBALO, POLO QUE ISO FIXEMOS.

E A VERDADE É QUE RAZÓN NON LLE FALTABA! ESTA FOI A NOSA REACCIÓN:

A CONTINUACIÓN, DEMOSTROUNOS COMO EL LLE DA DE COMER CADA DÍA...

E PREGUNTOUNOS SE QUERIAMOS PROBAR NÓS. ADIVIÑADES A RESPOSTA? FOI UN SÍÍÍ ROTUNDO, POLO QUE COA SÚA AXUDA, ASÍ O FIXEMOS.

ASÍ MESMO, AÍNDA TIÑAMOS GANAS DE VELA EN ACCIÓN, CAMIÑANDO POLO CHAN TAL E COMO FAI NA CASA DE NICO. POLO QUE O NOSO EXPERTO PEDIU AXUDA PARA REMANGARSE E...

PODER ASÍ COLLER A ROBERTA SEN MOLLARSE!

TRAS UNS BREVES PASEOS POLA AULA, DEVOLVEU A ROBERTA AO SEU SITIO E AMOSOUNOS UNHAS FOTOS QUE PREPAROU COA SÚA NAI CON MOITO AGARIMO, E NAS QUE PUIDEMOS OBSERVAR O ACUARIO NO QUE VIVE ROBERTA NA CASA DE NICO, UNS PRIMEIROS PLANOS DA TARTARUGA, COMO NICO A LIMPA EMPREGANDO UN CEPILLO DE DENTES...

FINALMENTE, TRAS MOITO FALAR DE ROBERTA, OBSERVALA, IDENTIFICAR AS PARTES DO SEU CORPO (CUNCHA, PESCOZO, CABEZA, OLLOS, PATAS...) E REFLEXIONAR SOBRE AS CORES QUE TIÑA (VERDE, MARRÓN, NEGRO, AMARELO), PUXÉMONOS MANS Á OBRA A DEBUXALA. ESTES SON ALGÚNS RESULTADOS:

GRAZAS NICO POLA TÚA XENEROSIDADE E POR SOLVENTAR TODAS AS DÚBIDAS QUE TIÑAMOS!

FOI UNHA MAÑÁ XENIAL E CHEA DE APRENDIZAXES! AGARDAMOS QUE TI E ROBERTA DESFRUTARADES TANTO COMA NÓS!

OLA DE NOVO!

NA CLASE D@S MÁIS PEQUENIÑ@ DO CEIP A LAXE ESTIVEMOS REALIZANDO ALGUNHAS PROPOSTAS DE SAMAÍN DURANTE TODA A SEMANA PASADA.

AMOSÁMOSVOLAS A CONTINUACIÓN:

CAPTURAMOS BECHOS DE SAMAÍN QUE GARDAMOS NAS CESTIÑAS DE CABAZA...;

XOGAMOS CON PLASTILINA COLOCÁNDOA SOBRE PLANTILLAS COA TEMÁTICA DE SAMAÍN...;

INICIÁMONOS NO GRAFISMO CREATIVO TIRANDO UN DADO E RECHEANDO A CABAZA CO GRAFISMO QUE NOS INDICABA...;

CONTINUAMOS XOGANDO COAS LETRAS COMPOÑENDO PALABRAS RELACIONADAS CON ESTA FESTIVIDADE...;

E ESFORZÁMONOS MOITO AO PINTAR O FONDO DO PHOTOCALL QUE DECORAMOS COA AXUDA D@S COMPIS DA CLASE DE ROCÍO.

MIRADE CHULO QUEDOU!!

ATA A PRÓXIMA!!!

OLA FAMILIAS!

NA AULA DAS/OS MÁIS PEQUES DO CEIP A LAXE, LEVAMOS UNS CANTOS DÍAS FACENDO ALGUNHAS ACTIVIDADES E XOGANDO CO NOME PROPIO. COMO VEREDES, XA O TEÑEN CASE DOMINADO .