CEIP PLURILINGÜE A LAXE

BOAS, FAMILIAS!

NESTA NOVA ENTRADA DO BLOGUE IDES PODER VER O QUE ACONTECEU NA AULA AO LONGO DAS DÚAS SEMANAS PASADAS.

COMEZAMOS A DERRADEIRA SEMANA DE ABRIL CON NOVAS PROPOSTAS. NA MESA SENSORIAL DISPOÑÍAN DE DÚAS CARAS EN CARTÓN CON PELOS PINCHOS E DE CORES, OS CALES TIÑAN QUE DECORAR CUNHAS CONTAS. PERO NON VALÍA FACELO DE CALQUERA MANEIRA!!! TIÑAN QUE COLOCAR CADA CONTA NO PELO DA MESMA COR. TRABALLAMOS ASÍ A CLASIFICACIÓN, COORDINACIÓN OLLO-MAN, MOTRICIDADE FINA, ATENCIÓN, DISCIMINCACIÓN VISUAL...

REALIZAMOS TAMÉN UNHA ACTIVIDADE DE LÓXICA-MATEMÁTICA INDIVIDUALMENTE. A PARTIR DA TIRADA DUNS DADOS, TIÑAN QUE VERBALIZAR A CANTIDADE TOTAL, IDENTIFICAR A GRAFÍA E COMPOÑER DITA CANTIDADE CON DEPRESORES. ADEMAIS, SE O NÚMERO ESTABA COMPOSTO POR DECENAS E UNIDADES, FACÍAMOS UN PEQUENO CAMBIO: CAMBIÁBAMOS 10 DEPRESORES POR OUTRO CUNXUNTO DE 10 RECOLLIDOS CUNHA GOMA ELÁSTICA, COMEZANDO ASÍ A INTRODUCIR O TERMO DECENA E O SIGNIFICADO DO MESMO.

OUTRA ACTIVIDADE DESTA ÁREA QUE LEVAMOS REALIZANDO XA VARIAS SEMANAS E QUE FORMA PARTE DA RUTINA DA PERSOA ENCARGADA DO DÍA, CONSISTE EN ESTIMAR UNHA CANTIDADE DE OBXECTOS CUN SIMPLE GOLPE DE VISTA. TODOS/AS VERBALIZAN CANTOS CREN QUE HAI E DESPOIS A PERSOA ENCARGADA RESOLVE A DÚBIDA. CADA DÍA FAN ESTIMACIÓNS MÁIS REAIS !!!! NESTE CASO, TOCOUNOS ESTIMAR BOTÓNS, ROTUS DE CORES...

INICIAMOS O PROXECTO DO 3º TRIMESTRE RELACIONADO COA ARTE, CON ARTISTAS E DISTINTAS FORMAS DE ARTE. TRAS EXPERIMENTAR COAS CORES ANTERIORMENTE, DEMOS COMEZO A ESTE PROXECTO CO ILUSTRADOR HERVÉ TULLET E O SEU LIBRO "LA COCINA DE DIBUJOS", QUE ESTÁ COMPOSTO POR DIVERSAS RECEITAS NAS QUE SE MESTURAN CORES, FIGURAS XEOMÉTRICAS, DIVERSOS TIPOS DE LIÑAS... DANDO COMO RESULTADO PRATOS EXQUISITOS!! NO NOSO CASO, SEGUIMOS A RECEITA DE "DELICIAS DE GARABATOS". 

ASÍ MESMO, TAMÉN IMOS CREAR UNHA FICHA DE REXISTRO DOS/AS ARTISTAS QUE TRABALLEMOS NA QUE CONSTARÁN: FOTO, NOME, PAÍS AO QUE PERTENCE, QUE TIPO DE ARTISTA E UNHA IMAXE DA OBRA ORIXINAL NA QUE NOS INSPIRAMOS. NESTES REXISTROS AS NENAS E NENOS TERÁN QUE ESCRIBIR O NOME DO PAÍS, SINALAR O TIPO DE ARTISTA QUE É E PICAR/RECORTAR E PEGAR A OBRA DE REFERENCIA. NESTE CASO, RECOLLIMOS ESTA INFORMACIÓN EMPREGANDO A ESTRUTURA COOPERATIVA DE LÁPIS AO CENTRO, DE XEITO QUE NOS EQUIPOS, AS NENAS E NENOS ÍAN COMPLETANDO ESTA IFNROMACIÓN TODAS/OS AO MESMO TEMPO RESPECTANDO AS QUENDAS ESTABLECIDAS.

OUTRO DÍA E APROVEITANDO QUE BELTRÁN TROUXERA UN XOGO DE EMPARELLAR DEPRESORES SEGUNDO O PATRÓN, BOTAMOS UNHA PARTIDA EN GRAN GRUPO.

ADEMAIS, REALIZAMOS TAMÉN EN PEQUENO GRUPO OUTRO XOGO PARA O QUE UTILIZAMOS UN TABOLEIRO CON CASIÑAS E UNHA META, DADOS E FIGURIÑAS DE ANIMAIS. POR QUENDAS, CADA NENO/A LANZABA O DADO E AVANZABA TANTAS CASIÑAS COMO ESTE INDICARA. O OBXECTIVO ERA QUE O SEU ANIMALIÑO CHEGARA Á META. ESTA FOI OUTRA FORMA MÁIS DE TRABALLAR O CONTEO E A HABILIDADE DE ASIGNARLLE A CADA PLABRA UN MOVEMENTO (AO TEMPO QUE DICIMOS "UN" AVANZAMOS UNHA CASIÑA, AO TEMPO QUE DICIMOS "DOUS" AVANZAMOS OUTRA MÁIS, ETC.).

ANTES DA PONTE, INDIVIDUALMENTE E SEN NINGÚN TIPO DE AXUDA POLA MIÑA PARTE, ESCRIBIRON LIBREMENTE NUN PAPELIÑO "CALCETINES", POIS ERA RESPONSABILIDADE DELAS/ES LEMBRARSE DE TRAELOS Á VOLTA. TIVEN ASÍ A OPORTUNIDADE DE OBSERVAR AS ETAPAS DA LECTOESCRITURA NA QUE SE ATOPAN. SON MARABILLOSOS OS AVANCES QUE EXPERIMENTARON CO PASO DO TEMPO.

Á VOLTA DA PONTE, UNHA DAS PROPOSTAS CONSISTIU, PRECISAMENTE, EN INICIARNOS NA APRENDIZAXE DE DOBLAR OS CALCETÍNS, ALGO QUE PARA NÓS COMO ADULTOS RESULTA SINXELO PERO QUE, EN REALIDADE, NON O É TANTO. PRIMEIRO IDENTIFICAMOS UNHA PARELLA, XUNTÁMOLOS DE XEITO QUE COINCIDA O TALÓN CO TALÓN E A PUNTEIRA COA PUNTEIRA, DOBLAMOS Á METADE... E AQUÍ É ONDE SE COMPLICA O ASUNTO. OS POLGARES XOGAN UN IMPORTATE PAPEL E OS DEMÁIS DEDOS TEÑEN A MISIÓN DE EMPURRAR CARA DENTRO. NADA DOADO!!!! PERO CUN POUQUIÑO DE AXUDA E CON MOOOOOITA PACIENCIA, FORON QUEN DE DOBLALOS. POR SUPOSTO, REXISTRAMOS QUEN FIXERA A  ACTIVIDADE PARA ASÍ PODER LEVAR UN CONTROL E ASEGURARNOS DE QUE TODAS/OS PARTICIPAN.

CONTINUAMOS EMPREGANDO O CALENDARIO DE FORMA INDIVIDUAL E A VERDADE É QUE XA O MANEXAN ÁS MIL MARABILLAS. IDENTIFICAMOS O DÍA NO QUE NOS ATOPAMOS, EU DÍGOLLES O NÚMERO E ELES/AS IDENTIFICAN A GRAFÍA PARA RODEALA (E INCLUSO HAI QUEN A DECORA).

E CO FIN DE MES E O INICIO DUN NOVO, TOCOUNOS REALIZAR O REXISTRO DO TEMPO. NESTA OCASIÓN, EMPREGAMOS UNHA VEZ MÁIS A DINÁMICA DE LÁPIS AO CENTRO, DE XEITO QUE UN MEMBRO FAI O RECONTO DUN DOS BOTES MENTRES OS DEMAIS ATENDEN E VERBALIZA A CANTIDADE PARA QUE, POSTERIORMENTE, TODOS/AS Á VEZ COLOQUEN ESA MESMA CANTIDADE DE GOMETS NA COLUMNA CORRESPONDENTE. UNHA VEZ POSTOS OS GOMETS DE TODAS AS COLUMNAS, É O MOMENTO DE ESCRIBIR AS GRAFÍAS, PARA O QUE SEGUINDO A ORDE DAS AGULLAS DO RELOXO, UN MEMBRO FAI O RECONTO DE GOMETS E VERBALIZA A GRAFÍA PARA, A CONTINUACIÓN, ESCRIBILA CADA NENO/A NO SEU PAPEL. FINALMENTE, É O MOMENTO DE ESCRIBIR O NOME DO MES QUE REXISTRAMOS TRBALLANDO ASÍ A CONCIENCIA FONOLÓXICA E LECTOESCRITURA: UN NENO/A VERBALIZA O PRIMEIRO FONEMA E SE TODOS/AS ESTAMOS DE ACORDO, ESCRIBIMOS A GRAFÍA CORRESPONDENTE, E CONTINUAMOS CON ESTA DINÁMICA ATA REMATAR A ESCRITA DA PALABRA. PERCIBO AQUÍ MOITÍSIMA DIFERENCIA RESPECTO ÁS OCASIÓNS DE INICIO E METADE DE CURSO NAS QUE REALÍZABAMOS ESTE TIPO DE ESTRUCTURAS. XA HAI BASTANTE AUTONOMÍA, COÑECEN COMO SE VAI DESENVOLVER A ACTIVIDADE, SON QUEN DE COLOCAR OS GOMETS CORRESPONDENTES E DE IDENTIFICAR SE FALTAN/SOBRAN, IDENTIFICAN AS GRAFÍAS AÍNDA QUE PRECISEN AXUDA PARA ESCRIBILAS, E IDENTIFICAN E ESCRIBEN A MAIOR PARTE DOS FONEMAS/LETRAS. ESTOU MOI ORGULLOSA DESTES/AS PEQUENIÑOS/AS!!!

POR ÚLTIMO, TAMÉN HOUBO MOMENTOS DE TRABALLO NON DIRIXIDO E ISTO QUE VEDES OCORRE MOI HABITUALMENTE...

FORMAN UN EQUIPO! SÉNTANSE, COMPARTEN, FALAN DO MESMO TEMA, CAMBIAN DE CONVERSA, AUTORREGÚLANSE... QUE VOS VOU DICIR? SON XENIAIS!

E ISTO FOI TODO!!! CONTINUAREI AMOSÁNDOVOS COUSIÑAS NA PRÓXIMA ENTRADA DO BLOGUE. ATA A PRÓXIMA!!

BOAS, FAMILIAS!

REMATADA XA UNHA NOVA SEMANA, AMÓSOVOS TODO O QUE ACONTECEU NA AULA (E TAMÉN FÓRA) ESTES DÍAS.

EN PRIMEIRO LUGAR E COMO A ASEMBLEA XA NOS RESULTA UN POUCO REPETITIVA, IMOS INTRODUCINDO NOVIDADES QUE FAN QUE AS NENAS E NENOS MANTEÑAN A ATENCIÓN. NESTA OCASIÓN, A PERSOA ENCARGADA DO DÍA, ADEMAIS DAS RUTINAS DIARIAS, TIÑA QUE COMPOÑER UN NÚMERO ESCOLLIDO POR ELA MESMA CON PALIÑOS DE MADEIRA TENDO EN CONTA QUE CADA 10 PALIÑOS DEBÍA CAMBIALOS POR UN CONXUNTO DELES (IDENTIFICADOS CUNHA GOMA) QUE REPRESENTABAN A DECENA. ATOPÁMONOS NO PROCESO DE COMPRENDER ESE TERMO, E DE XEITO MANIPULATIVO É MÁIS DOADO! ADAPTAMOS A ACTIVIDADE AOS DISTINTOS RITMOS: HAI QUEN IDENTIFICA O NÚMERO SEN NECESIDADE DE CONTAR, QUEN PRECISA CONAR PRIMEIRO NA RECTA PARA DESPOIS IDENTIFICAR A GRAFÍA, E SEGURO QUE TAMÉN HABERÁ QUEN PRIMEIRO PRECISE COMPOÑER O NÚMERO PARA DESPOIS ASIGNARLLE A GRAFÍA CORRESPONDENTE. O CASO É QUE TODOS/AS PARTICIPAN E APRENDEN E, POR SUPOSTO, EU SÍNTOME MOOOI ORGULLOSA DO QUE CONSEGUEN DIARIAMENTE ESTAS PEQUENIÑAS/OS.

NA ZONA DE EXPERIENCIAS PASÁRONO PIPA! ATOPÁRONSE CON TERRA DO HORTO, FLORES, MACETEIROS PEQUENIÑOS E DIVERSOS ÚTILES PARA PLANTAR. NADA QUE COMENTARVOS AQUÍ, O MELLOR É QUE VEXADES AS IMAXES. CONCENTRACIÓN E DIVERSIÓN A TOPE!! ASÍ MESMO INSÍSTOLLES EN QUE PARA QUE O/A PRÓXIMO COMPI PODA REALIZAR A ACTIVIDADE, DEBEN DEIXAR O ESPAZO DE TRABALLO TAL E COMO O ATOPARON: RECOLLIDO E ORDENADO. E ASÍ O FAN!!

ADEMAIS E TAL E COMO FIXEMOS A SEMANA PASADA, PUXEMOS EN PRÁCTICA NOVAMENTE O REXISTRO COS NOMES. AUTONOMÍA TOTAL PARA IR A ESTE RECANTO E REALIZAR A ACTIVIDADE.

XA QUE ESTAMOS MOI PRIMAVERAIS, TAMÉN REALIZARON UN EXERCICIO DE LÓXICA-MATEMÁTICA DE SERIACIÓNS CON DISTINTAS FLORES.¡: ORIENTACIÓN ESPACIAL, ATENCIÓN, DISCRIMINACIÓN VISUAL...MOITO TRABALLIÑO!

NESTE TRIMESTRE IMOS LEVAR A CABO UN RPOXECTO DE ARTE PARTINDO DA OBRAS DE DIVERSOS ARTISTAS QUE IREMOS COÑECENDO POUCO A POUCO. O PRIMEIRO PASO FOI EXPERIMENTAR E DESCUBRIR AS CORES. PARA ISTO, E PREVIAMENTE NARREILLES O CONTO "ROJO, AZUL Y AMARILLO", NO QUE SE EXPLICA DUN XEITO MOI SINXELO CALES SON AS CORES PRIMARIAS (VERMELLO, AZUL E AMARELO), COMO NACEN AS SECUNDARIAS (VERDE, LARANXA E VIOLETA), TAMÉN AS TERCIARIAS ASÍ COMO O BRANCO E O NEGRO. A CONTINUACIÓN, EN GRAN GRUPO, CON TÉMPERAS DE CORES E CON PAPEL CONTINUO DIANTE, RECORDAMOS PASO A PASO AS DISTINTAS MESTURAS E FORON XUNTANDO COAS MANCIÑAS AS DIVERSAS CORES. AS SÚAS CARAS DE SORPRESA XA AS VEDES, INDESCRIPTIBLES!! POR ÚLTIMO E CON TOTAL LIBERDADE EXPERIMENTARON COMO DESEXARON E DIVERTÍRONSE MOITO! (AGORA XA COÑECEDES PORQUÉ OS MANDILÓNS VAN TAN DECORADOS ESTA SEMANA).

APROVEITANDO O BO TEMPO DE INICIOS DE SEMANA, SAÍMOS MERENDAR AO PATIO E XOGAMOS MOITO!!!

ASÍ MESMO, TRABALLAMOS TANTO DENTRO COMO FÓRA  DA AULA CUNHA NOVA PROPOSTA DE LECTOESCRITURA E ARTE! A PARTIR DAS TARXETAS CON VOCABULARIO DE PRIMAVEIRA COAS QUE SE FAMILIARIZARON A SEMANA PASADA, EN PRIMEIRO LUGAR SELECCIONABAN AS CORES CORRESPONDENTES Á IMAXE; A CONTINUACIÓN COMPOÑÍAN A PALABRA COAS LETRIÑAS DE MADEIRA; E, FINALMENTE, A ESCRIBÍAN CUN ROTU. PERCIBÍN AQUÍ MOITOS AVANCES A NIVEL XERAL EN CANTO Á CONCIENCIA FONOLÓXICA, RECOÑECEMENTO E REPRESENTACIÓN DE GRAFÍAS E MOTRICIDADE FINA. 

OUTRO DÍA DESENVOLVIMOS TAMÉN NO EXTERIOR A ÚLTIMA PARTE DA DINÁMICA DA ENTREVISTA REALIZADA A SEMANA PASADA. FIXEMOS UNHA POSTA EN COMÚN DOS RESULTADOS E ASÍ TIVERON A OPORTUNIDADE DE DESCUBRIR GUSTOS E PREFERENCIAS SIMILARES CON OUTRAS/OS COMPIS DA CLASE.

ADEMAIS E APROVEITANDO QUE XA ESTABAMOS FÓRA, EMPREGARON UN BOTECIÑO TRANSPARENTE QUE NA PARTE SUPERIOR TEN UNHA LUPA DE AUMENTO E QUE SERVE PARA VER BICHIÑOS. CON COIDADO E DELICADEZA COLLERON ALGUNHA QUE OUTRA FORMIGA E ALGUNHA MARIQUIÑA PARA OBSERVALA. FINALMENTE AS DEVOLVERON AO CAMPO E RECOLLERON OS BÁRTULOS.

XA QUE NOS ATOPAMOS NA SEMANA DO LIBRO, REALIZAMOS UNHA ACTIVIDADE QUE DIVIDIMOS EN VARIAS PARTES. INICIALMENTE SAÍRON A RECOLLER FLORCIÑAS E  PUXÉMOLAS A SECAR NA AULA. A CONTINUACIÓN, COLOREARON UNS MARCAPÁXINAS CON ACUARELA QUE, UNHA VEZ REMATADOS, DEIXARON SECAR. TRAS ISTO E INDIVIDUALMENTE, PEGARON O MARCAPÁXINAS A UNHA FUNDA PARA PLASTIFICAR. CONTINUARON COLLENDO 3 FLORCIÑAS E AS COLOCARON SOBRE O MARCAPÁXINAS. POR ÚLTIMO, INTRODUCIRON ISTO NA MÁQUINA MÁXICA (PLASTIFICADORA PARA AS/OS ADULTOS), ESPERARON UNS SEGUNDOS E... TACHÁAAAAAAN!!! MARCAPÁXINAS CHULÍSIMOS FEITOS!

PARA REMATAR A SEMANA, A NIVEL CENTRO LEVAMOS A CABO APADRIÑAMENTOS LECTORES NA PISTA CUBERTA. TIVEMOS A GRAN SORTE DE QUE AS NENAS E NENOS MAIORES NOS LERON 1, 2, 3, 4... ATA 5 CONTOS!!!!! FIXEMOS DELAS/ES UN PANDEIRO E PASÁMOLO XENIAL!!!!

BOA FINDE FAMILIAS, ATA A PRÓXIMA!!

BOAS DE NOVO, FAMILIAS!

XA ANDAMOS DE VOLTA!!! NA AULA CONTINUAMOS CON ALGUNHAS DAS RUTINAS XA COÑECIDAS E, COMO NOVIDADE, INCORPORAMOS OUTRAS QUE VEREDES A CONTINUACIÓN. 

NESTE TRIMESTRE INICIÁMONOS NO EMPREGO DO CALENDARIO DE XEITO INDIVIDUAL, PARA O QUE CADA NENA/O ESCRIBIU O SEU NOME NEL E, ADEMAIS, PINTARON OS DÍAS DA SEMANA DE CORES DIFERENTES PARA ASÍ UBICARSE MELLOR NO PAPEL. É RESPONSABILIDADE DA PERSOA ENCARGADA DO DÍA REPARTIR OS CALENDARIOS PARA, A CONTINUACIÓN E ENTRE TODAS/OS, FALAR DO DÍA NO QUE NOS ATOPAMOS, IDENTIFICAR A GRAFÍA E, FINALMENTE, RODEALA NO CALENDARIO. POR SORTE E COMO FORMAN UN MOI BO EQUIPO, SE ALGUÉN ANDA DESPISTADO/A OU NON IDENTIFICA O NÚMERO, SEMPRE CONTAN CON ALGUÉN DO EQUIPO PARA RECIBIR A AXUDA PRECISA. CONFÉSOVOS QUE ME ENCANTA ESCOITAR ENTRE ELES/AS ISO DE "AXÚDASME, POR FAVOR?".

ADEMAIS E COMO XA ESTAMOS NO MES DE ABRIL, TOCOUNOS FACER O REXISTRO DO TEMPO DO MES PASADO E, UNHA VEZ MÁIS, REALIZÁMOLO EMPREGANDO UNHA ESTRUTURA COOPERATIVA. NESTE CASO FOI A DE "FOLIO XIRATORIO". PARA LEVALA A CABO E EN PRIMEIRO LUGAR, UN MEMBRO DO EQUIPO CONTABA AS CANICAS QUE HABÍA NUN DOS BOTES DO TEMPO E, SE OS DEMAIS MEMBROS ESTABAN DE ACORDO CO RECONTO, PEGABA TANTOS GOMETS COMO CANICAS HABÍA NA COLUMNA CORRESPONDENTE. SUCESIVAMENTE E SEGUINDO A ORDE DAS AGULLAS DO RELOXO, O FOLIO ROTABA POLAS MANS DE TODOS OS MEMBROS DO EQUIPO ATA COMPLETAR ESTA PRIMEIRA PARTE DA ACTIVIDADE. A CONTINUACIÓN, TIÑAN QUE ESCRIBIR A GRAFÍA DO NÚMERO QUE REPRESENTABA OS GOMETS QUE HABÍA EN CADA COLUMNA PARA O QUE INICIALMENTE A IDENTIFICABAN NA RECTA NUMÉRICA E, POSTERIORMENTE E SE TODOS/AS ESTABAN DE ACORDO, O NENO OU NENA A ESCRIBÍA NO RECADRO CORRESPONDENTE. TRAS REPRESENTAR TODAS AS GRAFÍAS, ERA O MOMENTO DE POÑER O NOME DO MES DE "MARZO" PARA O QUE EMOREGARON OS SELOS DE LETRAS. EN PRIMEIRO LUGAR, UN MEMBRO IDENTIFICADA O PRIMEIRO SON, SELECCIONABA O SELO CORRESPONDENTE E SE TODAS/OS ESTABAN DE ACORDO EN QUE ERA O CORRECTO, ESTAMPÁBAO. E, UNHA VEZ MÁIS, ASÍ SEGUIU A ACTIVIDADE NO SENTIDO DAS AGULLAS DO RELOXO ATA COMPLETAR A ESCRITA DA PALABRA. 

ESTE TIPO DE ESTRUTURAS RESÚLTANLLES CADA VEZ MÁIS DOADAS AO COÑECER O SEU FUNCIONAMENTO. ADEMAIS, DANLLES A OPORTUNIDADE DE REGULARSE ENTRE ELES/AS MESMOS/AS, DE AXUDARSE, APRENDER A RESPECTAR AS QUENDAS, OBSERVAR E APRENDER DAS COMPAÑEIRAS E COMPAÑEIROS. 

NO RECANTO DE EXPERIENCIAS PROPÚXENLLES UNHA ACTIVIDADE DA ÁREA DE VIDA PRÁCTICA DE MONTESSORI QUE, SEN DÚBIDA, LLES ENCANTOU. TIÑAN A GRAN RESPONSABILIDADE DE LAVAR A UN BONECO DA AULA QUE ESTABA MOI PERO QUE MOI SUCIO. PUXÉRONSE MANS Á OBRA RAPIDAMENTE!!

ADEMAIS, E COMO ERA UNHA ACTIVIDADE QUE ME INTERESABA QUE FIXERAN TODAS/OS, CREAMOS UNHA TÁBOA DE REXISTRO ONDE, INICIALMENTE, ESCRIBIRON OS SEUS NOMES E A MEDIDA QUE ÍAN REALIZANDO A ACTIVIDADE, POÑIAN UNHA CRUZ AO LADO DO SEU NOME PARA ASÍ SABER QUEN XA A COMPLETARA E QUEN AÍNDA NON.

NO RECANTO DE LETRAS E CON MOTIVO DO INICIO DA PRIMAVEIRA, CONTABAN DON DISTINTAS TARXETAS CON VOCABULARIO RELACIONADA CON ESTA ÉPOCA DO ANO E CON LETRAS MÓBILES PARA COMPOÑELAS. ENCÁNTAME CANDO POR DECISIÓN PROPIA ACODEN A ESTE RECANTO A REALIZAR A ACTIVIDADE PROPOSTA OU SIMPLEMENTE A EXPERIEMENTAR COAS LETRAS E OS SEUS SONS.

OUTRA ACTIVIDADE DESTA SEMANA CONSISTIU EN REALIZAR A DINÁMICA "A ENTREVISTA", A CAL FORMA PARTE DO PROGRAMA DE APRENDIZAXE COOPERATIVA E QUE TEN POR FINALIDADE AFONDAR NO COÑECEMENTO DAS COMPAÑEIRAS E COMPAÑEIROS E ASÍ TAMÉN DESCUBRIR ASPECTOS QUE TEMOS EN COMÚN CON ELAS E ELES. PARA LEVALA A CABO, EN PRIMEIRO LUGAR FIXEMOS UN SORTEO PARA FORMAR PARELLAS, DE XEITO QUE PREVIAMENTE ESCRIBÍN EN PAPELIÑOS NÚMEROS DO 1 AO 5. POSTERIORMENTE, CADA NENO/A SELECCIONOU UN DOS PAPEIS E DESCUBRIMOS ASÍ AS PARELLAS PARA REALIZAR A DINÁMICA. 

A CONTINUACIÓN FUN CHAMANDO ÁS DISTINTAS PARELLAS E PRESENTEILLES A FOLLA A CUBRIR. INICIALMENTE, TIÑAN QUE ESCRIBIR NA PARTE SUPERIOR O NOME DA PERSOA Á QUE ÍAN ENTREVISTAR (TODO UN RETO, XA QUE ATA AGORA SÓ TRABALLARAN A ESCRITA DO PROPIO NOME). FEITO ISTO, COMEZABA A ENTREVISTA: A FOLLA CONTABA CON FOTOGRAFÍAS DE DIVERSAS COUSAS (UNHA LARANXA, COLOREAR, UN PARQUE, UN GATO) E CADA MEMBRO DA PARELLA TIÑA QUE PREGUNTARLLE Á OUTRA PERSOA SE ESAS COUSAS LLE GUSTABAN OU NON E ANOTALO NA COLUMNA CORRESPONDENTE. COMPLETADA ESTA FOLLA DE REXISTRO, CADA PERSOA VEBALIZABA AS COUSAS QUE LLE GUSTABAN E AS QUE NON DA SÚA PARELLA PARA VERIFICAR SE A INFORMACIÓN ERA CORRECTA. ADIÁNTOVOS QUE NA PRÓXIMA SESIÓN FAREMOS UNHA POSTA EN COMÚN EN GRAN GRUPO DOS RESULTADOS DESTAS ENTREVISTAS PARA QUE ASÍ A INFORMACIÓN NON QUEDE SÓ ENTRE AS PARELLAS, SENÓN QUE SEXA COÑECIDA POR TODOS OS NENOS E NENAS DA CLASE E PODAN IDENTIFICAR OS GUSTOS DOS/AS DEMAIS COMPIS, VER SE COINCIDEN OU NON COS SEUS... EN DEFINITIVA, COÑECERSE MELLOR. AS SÚAS CARIÑAS AS VER AS COINCIDENCIAS FORON ESPECTACULARES!!!

O XOVES, XA A PIQUES DE REMATAR A SEMANA, TIVEMOS UN CONTACONTOS NA BIBLIOTECA. VIÑERON VISITARNOS GEMA E ROCÍO, ESCRITURA E ILUSTRADORA RESPECTIVAMENTE DO CONTO "A PANTASMA COLORIDA". TRAS A NARRACIÓN DO MESMO, REALIZARON UNHA ACTIVIDADE MOI CHULA DE CREAR A SÚA PROPIA PANTASMA, A CAL DECORARON CON ROTUS E SELOS DE CORES.

FINALMENTE, O VENRES VISITOUNOS A MAMÁ DE RAFA PARA FACER UNHA NOVA RECEITA. NESTA OCASIÓN A PROTAGONISTA FOI A FROITA E ASEGÚROVOS QUE NON SOBROU NADA!!! CON FRESAS, PLÁTANO E PEPIÑAS DE CHOCOLATE HOUBO QUEN FIXO UNHA SERPE E QUEN FIXO UNHA FLOR DAS QUE, POR SUPOSTO, NON QUEDOU NIN RASTRO DELAS!!!

ATA A PRÓXIMA, FAMILIAS!

BOAAAAAAAAAAS!!!!

TRAS UNS DÍAS DE DESCANSO, AMÓSOVOS TOOOODO O QUE ACONTECEU NAS DÚAS SEMANAS ANTERIORES ÁS VACACIÓNS.

FORON DÍAS MOI DIVERTIDOS, INTENSOS... DÍAS DE XOGAR, COMPARTIR, XOGAR, TRABALLAR E, O QUE MÁIS ME GUSTA: DÍAS DE FACER EQUIPO TANTO COAS/OS COMPIS DA AULA COMO COAS/OS DA AULA DE 4 E 5 ANOS.

ARRANCAMOS A PENÚLTIMA SEMANA CON DIVERSAS PROPOSTAS NOS RECANTOS, COMA SEMPRE. NO DE EXPERIENCIAS, AS NENAS E NENOS TIÑAS UNHA IMPORTANTÍSIMA MISIÓN: SALVAR OS ANIMAIS DA SELVA QUE QUEDARON ATRAPADOS!!! FOI UNHA ACTIVIDADE QUE REQUERIU DE MOITA CONCENTRACIÓN, PRECISIÓN, PRENSIÓN... E QUE, ADEMAIS, OFERTOULLES MOITAS POSIBILIDADES DE XOGO UNHA VEZ QUE FORON QUEN DE LIBERAR OS ANIMAIS.

NO RECANTO DE LETRAS COMEZARON A FAMILIARIZARSE COA ESCRITA DOS NOMES DA AULA. XA SON EXPERTAS/OS NA ESCRITA DO PROPIO, POLO QUE NESTA OCASIÓN PROPÚXENLLES INICIARSE NA DOS DEMAIS COMPIS. 

PARA CONTINUAR AVANZANDO NO CONTEO E XA QUE DEMANDABAN MOVEMENTO, XOGAMOS ÁS ESTATUAS CON MÚSICA, RITMO E DIVERSIÓN. ADEMAIS E UNHA VEZ QUE PARABA A MÚSICA, TIÑAN QUE AGRUPARSE SEGUNDO A MIÑA ORDE: EN PARELLAS, DE 3 EN 3, DE 4 EN 4... PASÁRONO PIPA!

ESA SEMANA TAMÉN APROVEITAMOS PARA SAÍR A PLANTAR. DESTA VEZ TOCOUNOS PEMENTOS!!!

TAMÉN APROVEITAMOS ALGUNHAS SESIÓNS PARA REMATAR TRABALLIÑOS PENDENTES. COMEZAMOS COA ACTIVIDADE RELACIONADA CO TUCÁN PARA A QUE, INICIALMENTE, ESTAMPARON FOLLAS DE COR VERDE NA CARTOLINA BRANCA. A CONTINUACIÓN COLOREARON O TUCÁN CON CERAS BRANDAS, DIFUMINARON EMPREGANDO UN BASTONCIÑO, E PEGÁRONO NO FONDO QUE REALIZARAN ANTERIORMENTE.

TAMEN EN RELACIÓN CO PROXECTO, REMATAMOS OS TABOLEIROS FACENDO USO DUNHA DINÁMICA DA APRENDIZAXE COOPERATIVA. A CADA EQUIPO EXPLIQUEILLES QUE HABÍA UNHAS CASIÑAS QUE TIÑAN QUE PINTAR DE COLOR AMARELO, OUTRAS VERDE E AS RESTANTES EN AZUL E ISO FIXERON EMPREGANDO A ESTRUTURA DE "CERAS AO CENTRO". PARA LEVALA A CABO, TODOS OS MEMBROS DO EQUIPO TIÑAN QUE SINALAR NO SEU TABOLEIRO A CASIÑA DO NÚMERO QUE EU LLES DICÍA (O 7, POR EXEMPLO) E, UNHA VEZ QUE TODOS/AS A LOCALIZABAN, DEBÍAN COLOREALA DE AMARELO TODAS/OS AO MESMO TEMPO. UNHA VEZ QUE REMATABAN, DICÍALLES A SEGUINTE CASIÑA A COLOREAR E ASÍ SUCESIVAMENTE ATA ENCHER DE COLOR TODAS AS CASIÑAS DO TABOLEIRO. ESTE TIPO DE ESTRUTURAS REQUIREN QUE TODOS OS MEMBROS DO EQUIPO ESTEAN ATENTOS E PENDENTES OS UNS DOS OUTROS, ASÍ PRACTICAMOS A ESPERA, A ATENCIÓN, A AXUDA ENTRE IGUAIS... CADA DÍA O FAN MELLOR!!!

NESTA SEMANA TAMÉN FIXEMOS EN GRAN GRUPO UN XOGO DE CONCIENCIA FONOLÓXICA A PARTIR DE IMAXES COAS QUE TRABALLAMOS AS RIMAS. EN PRIMEIRO LUGAR, EN GRAN GRUPO FUN AMOSÁNDOLLES AS DIFERENTES IMAXES PARA ASEGURARME QUE TODAS/OS DISPOÑÍAN DO VOCABULARIO CO QUE ÍAMOS XOGAR. A CONTINUACIÓN E EN ORDE, CADA NENO/A ÍA VERBALIZANDO A PARELLA DE IMAXES QUE CONSIDERABAN QUE RIMABAN, COLLÍA AS CARTAS E QUEDÁBASE CON ELAS SE A RIMA ERA CORRECTA (POR EXEMPLO: BOTÓN-LEÓN). CADA DÍA DEMOSTRAN MÁIS PROGRESOS RESPECTO Á CONCIENCIA FONOLÓXICA E EU SÍNTOME MOI ORUGLLOSA.

ESA SEMANA INTRODUCIMOS UNHA NOVA RUTINA NA ASEMBLEA QUE CONSTA DE DÚAS PARTES. NUN PRIMEIRO MOMENTO FACEMOS UNHA ACTIVIDADE DE ESTIMACIÓN EN GRAN GRUPO: AMÓSOLLES UN CONXUNTO DE OBXECTOS (PEDRAS, POR EXEMPLO) DURANTE UN PAR DE SEGUNDOS E, A CONTINUACIÓN, INDIVIDUALMENTE VERBALIZAN A CANTIDADE QUE CREN QUE HAI. PSTERIORMENTE, A PERSOA ENCARGADA FAI UN RECONTO E FALAMOS DE QUEN FOI A PERSOA QUE ACERTOU, QUEN DIXO UNHA CANTIDADE MOI APROXIMADA E PORQUÉ, QUEN QUEDOU MÁIS LONXE E PORQUÉ... FINALMENTE, A/O ENCARGADA/O FAI UN REPARTO MANIPULATIVO E EQUITATIVO (DE MOMENTO) DESES OBXECTOS EN 2 PRATOS. DESCUBRIMOS ASÍ O QUE OCORRE AO REPARTIR (DIVIDIR) UNHA CANTIDADE, E O QUE SUCEDEC CANDO VOLVEMOS A XUNTAR (SUMAR) ESAS DÚAS PARTES.

NA DERRADEIRA SEMANA DO TRIMESTRE DESFRUTARON CON NOVAS PROPOSTAS NOS RECANTOS... LÓXICA, LECTO...

INICIAMOS TAMÉN A DECORACIÓN DAS BOLSIÑAS NAS QUE LEVAORN OS TRABALLIÑOS DESTE TRIMESTRE DEBUXANDO O PROPIO CORPO E ESCRIBINDO O NOME PROPIO. SEGUEN AVANZANDO E EU NON PODO ESAR MÁIS CONTENTA!

ADEMAIS, TAMÉN FIXERON A PORTADA DOS TRABALLOS EMPREGANDO, UNHA VEZ MÁIS, UNHA DINÁMICA DE APRENDIZAXE COOPERATIVA. NESTA OCASIÓN FOI A DE "ROTULADOR XIRATORIO" QUE CONSISTIU NO SEGUINTE: TRAS EXPLICARLLES QUE ÍAN DECORAR UNHA COMETA EMPREGANDO 4 GRAFISMOS DIFERENTES E CON 4 CORES DISTINTAS, O PRIMEIRO PASO CONSISTIU EN CHEGAR A UN ACORDO SOBRE QUÉ 4 CORES ÍAN EMPREGAR, POIS DEBÍAN SER AS MESMAS PARA O EQUIPO. TRAS ISTO, QUE SUPUXO FALAR, CONSENSUAR, RESPECTAR OPINIÓNS, CEDER... UN MEMBRO DO EQUIPO COMEZABA SINALANDO NO PROPIO FOLIO O LUGAR EXACTO ONDE TIÑA QUE REALIZAR O 1º GRAFISMO MENTRES OS DEMAIS COMPIS OBSERVABAN. UNHA VEZ LOCALIZADO O LUGAR E TODOS/AS DE ACORDO, A NENA/O REALIZABA O GRAFISMO. UNHA VEZ REMATADO E SEGUINDO A ORDE DAS AGULLAS DO RELOXO, PASOULLE O ROTU AO SEGUINTE COMPI PARA QUE REALIZARA EXACTAMENTE O MESMO GRAFISMO, COA MESMA COR E NO MESMO LUGAR. E ASÍ E SUCESIVAMENTE CONTINUOU O EXERCICIO ATA QUE TODOS/AS REALIZARON OS GRAFISMOS NA SÚA COMETA. UNHA VEZ MÁIS PUXERON EN PRÁCRICA A PACIENCIA, RESPECTO POLOS TEMPOS DE ESPERA, CONCENTRACIÓN, ATENCIÓN, MOTRICIDADE, COORDINACIÓN ÓCULO-MANUAL, PRECISIÓN E, SOBRE TODO, COMPAÑEIRISIMO E EQUIPO.

APROVEITANDO O BO TEMPO E QUE TIÑAMOS O COLE PARA NÓS, SAÍMOS AO PATIO E NON VOLVIMOS ENTRAR. LIMOS O CONTO FÓRA E, MENTRES HABÍA NENAS/OS QUE XOGABAN, OUTRAS/OS TRABALLABAN. NESTA OCASIÓN, PINTARON AS 3 FIGURIÑAS QUE FORMAN PARTE DO XOGO DE MESA DA SELVA CON PINCEL E TÉMPERA. PINTAR MOLA, PERO PINTAR NO PATIO E NAS MESAS DE FÓRA AÍNDA MOLA MÁIS!! XA VEDES AS SÚAS CARAS DE CONCENTRACIÓN.

A DERRADEIRA ACTIVIDADE QUE REALIZAMOS EN GRUPO AULA PARA POÑERLLE PUNTO E FINAL AO TRIMESTRE E AO PROXECTO LEVADO A CABO, FOI COMPLETAR A COLUMNA DA RUTINA DE PENSAMENTO "KWL" (O QUE SEI, O QUE QUERO SABER E O QUE APRENDEMOS) CON TODOS OS COÑECEMENTOS QUE ADQUIRIMOS AO LONGO DESTES MESES RESPECTO AOS ANIMAIS DA SELVA. FIXÉMOLO EN GRAN GRUPO DE XEITO QUE CADA NENO/A ÍA REALIZANDO AS APORTACIÓNS QUE CONSIDERABA MENTRES EU ÍA ANOTÁNDOAS NA COLUMNA DA CARTOLINA QUE NOS QUEDABA POR COMPLETAR (A CORRESPONDENTE A "O QUE APRENDEMOS"). COMO VEDES, FIXERON MOITAS APORTACIÓNS COMO QUE AS CEBRAS CORREN EN ZIG-ZAG E QUE SON NEGRAS CON RAIAS BRANCAS, OS ELEFANTES TEÑEN MOI BOA MEMORIA, OS LÉONS SON DEPREDADORES E CARNÍVOROS, AS CRÍAS DAS XIRAFAS CAMIÑAN AO NACER, OS CAMALEÓNS CAMÚFLANSE...

POR ÚLTIMO, DESFRUTAMOS DO ÚLTIMO DÍA CUNHA SÚPER FESTA DE PIXAMAS ORGANIZADA POLAS NENAS/OS E POLA PROFE ROCÍO!!! MOITÍSIMAS GRACIAS, FOI UNHA XORNADA XENIAL!!!!! HOUBO XOGOS COMPARTIDOS, CONTO, PELÍCULA, MERENDOLA, PIÑATA... E MOITA, MOITÍSIMA DIVERSIÓN!!!.

AGARDO QUE ESTEADES DESFRUTANDO DESTES DÍAS. VÉMONOS Á VOLTA!!!

OLA, OLA!

POR AQUÍ ANDAMOS DE NOVO PARA QUE VEXADES AS DIVERSAS PROPOSTAS NAS QUE ESTIVERON TRABALLANDO AS NENAS E NENOS NESTAS DÚAS ÚLTIMAS SEMANAS.

NA MESA SENSORIAL ATOPÁRONSE CON FOLLAS SECAS (QUE RECOLLERON XA FAI UN TEMPO) E TESOIRAS. ESTA ACTIVIDADE ERA LIBRE E A INTENCIÓN ERA QUE MANIPULARAN AS TESOIRAS LIBREMENTE PARA CONTINUAR AFIANZANDO O SEU EMPREGO.

NO RECANTO DE LÓXICA E CONSTRUCIÓNS, ADEMAIS DOS MATERIAIS QUE HAI SEMPRE, XOGARON COAS REGRETAS DE CUISENAIRE, UN MATERIAL QUE NOS OFRECE MÚLTIPLES POSIBILIDADES EN CANTO Á LÓXICA-MATEMÁTICA SE REFIRE E QUE EMPREGAREMOS MÁIS ADIANTE DUN XEITO MÁIS CONCRETO E DIRIXIDO. ESTE FOI UN PRIMEIRO ACHEGAMENTO E, POR SUPOSTO, ESTE MATERIAL DEULLES PÉ A FACER DISTINTAS CONSTRUCIÓNS.

CON MOTIVO DA CONMEMORACIÓN DO 8M, CREAMOS UN RECANTO NA AULA COAS FOTOS QUE LLES FACILITÁCHEDES DAS MULLERES DAS SÚAS VIDAS. FOI UNHA ACTIVIDADE MOI BONITA E EMOTIVA, POIS CADA UNHA/UN AMOSABA AS SÚAS FOTOS MENTRES EXPLICABA QUEN ERA A PERSONA QUE NELAS APARECÍA E PORQUÉ ERA IMPORTANTE NA SÚA VIDA. AS SÚAS CARIÑAS DE EMOCIÓN AO FALAR DE VÓS FORON MARABILLOSAS. QUEDOUNOS UN RECANTO MOI CHULO!

CONTINUAMOS TAMÉN AVANZANDO NO PROXECTO DESTE 2º TRIMESTRE E COÑECIMOS  2 ANIMAIS NOVOS: A CEBRA E O HIPOPÓTAMO.

RESPECTO Á CEBRA, DESCUBRIMOS QUE É NEGRA CON RAIAS BRANCAS, NON Á INVERSA COMO PENSÁBAMOS!! ISTO CHAMOUNOS MOITO A ATENCIÓN. FIXEMOS UNHA ACTIVIDADE DE GRAFISMO QUE CONSISTIU EN PINTAR A CEBRA DE NEGRO CON CERAS E, POSTERIORMENTE, FACERLLE AS RAIS BRANCAS CON PINCEL E TÉMPERA.

EN CANTO AO HIPOPÓTAMO, DESCUBRIMOS QUE TEÑEN UNHA BOCA ENOOOOOORME E QUE SON ANIMAIS MOI PESADOS!! ADEMAIS DE QUE PODEN AGUANTAR DEBAIXO DA AUGA ATA 5 MINUTOS.

GRAZAS Á PROFE ROCÍO, QUE NOS DEIXOU O XOGO DO TRAGABOLAS, PASAMOS UN BO RATO RINDO E XOGANDO.

INICIAMOS TAMÉN A ESCRITA DOS NÚMEROS DO TABOLEIRO QUE FORMARÁ PARTE DO XOGO DE MESA QUE AS NENAS E NENOS SE LEVERÁN PARA AS CASAS AO REMATAR ESTE 2º TRIMESTRE. CADA DÍA IDENTIFICAMOS MÁIS GRAFÍAS E ATA AVENTURÁMONOS NA ESCRITA DAS MESMAS.

PARA REMATAR ESA SEMANA, FIXEMOS UN XOGO DE DISCRIMINACIÓN AUDITIVA CUNS BLOQUES CON SONS DISTINTOS. O OBXECTIVO ERA ATOPAR AS PARELLAS DE CUBOS QUE SONABAN IGUAL.

O VENRES TIVEMOS UNHA VISITA MOI ESPEIAL. VEU A MAMÁ DE ROQUE A PREPARAR CON NÓS PETIT SUISSE DE FRESA!!! CORTAMOS AS FRESAS E OS PLÁTANOS, MESTURAMOS CON QUEIXO DE UNTAR, BATEMOS A NATA, MEZCLAMOS TODO E A COMER!!!

POR ÚLTIMO, DESPEDÍMONOS DA XORNADA PINTANDO LIBREMENTE CON XEO CON COLORANTE ALIMENTICIO SOBRE PAPEL CONTINUO. SEGUIMOS ASÍ SUMANDO MOMENTOS DE COMPARTIR, FALAR, VIVENCIAR...

PASADA A FIN DE SEMANA, DEMOS COMEZO A OUTRA CON NOVAS PROPOSTAS.

NA MESA SENSORIAL TIÑAN Á SÚA DISPOSICIÓN DIVERSAS FERRAMENTAS COMO CULLERES, PINZAS... PARA COLLER OS POMPÓNS DE CORES E CLASIFICALOS SEGUNDO A SÚA COR NOS DIFERENTES VASIÑOS.

NO RECANTO DAS LETRAS, ATOPÁRONSE COAS RODAS FONOLÓXICAS E PINZAS, COA FINALIDADE DE QUE SINALARAN CUNHA PINZA AS PALABRAS QUE COMEZABAN CO SON REPRESENTADO NO MEDIO DA RODA. CONTINUAMOS ASÍ AVANZANDO NA DISCRIMINACIÓN DE SONS E NA CONCIENCIA FONOLÓXICA.

NO RELACIONADO CO PROXECTO, DESCUBRIMOS POR FIN PARA QUE DEBUXAMOS FAI UNS DÍAS AS NOSAS MANS EN FOLIOS DE CORES. FIXÉMOLO PARA COLOCARLLE AS PLUMAS AO LORO!!!

ESA SEMANA DESCUBRIMOS TAMÉN O CAMALEÓN. UN ANIMAL QUE TEN UNHA LINGUA MOOOOOI LONGA COA QUE ATRAPA, ENTRE OUTRAS COUSAS, OS BECHIÑOS QUE COME. ADEMAIS TEN A CAPACIDADE DE CAMUFLARSE, POLO QUE CADA QUEN SELECCIONOU A ACUARELA DA COR QUE PREFERIU. É SORPRENDENTE COMO AVANZARON NA SÚA PRECISIÓN TANTO AO COLLER O PINCEL COMO AO COLOREAR.

O OUTRO ANIMAL SOBRE O QUE APRENDIMOS A SEMANA PASADA FOI O RINOCERONTE, HERBÍVORO QUE TEN VARIOS CORNOS DUNHA SUBSTANCIA CHAMADA "QUERATINA", A CAL FORMA PARTE DA COMPOSICIÓN DO NOSO PELO E DAS UNLLAS. ADEMAIS, ENCÁNTANLLES OS BAÑOS DE BARRO.

NESTA COASIÓN, TIVERON QUE MONTAR UN QUEBRACABEZAS NADA SINXELO PERO QUE RESOLVERON MOI BEN!!

POR ÚLTIMO, RECIBIMOS Á NAI DE NICO PARA FACER UNHA RECEITA MEXICANA. ELABORAMOS BURRITOS DE XAMÓN E QUEIXO BOÍSIMOS AOS QUE, QUEN QUIXERA, PODÍA ENGADIRLLES CENORIA, LEITUGA E TOMATE. ESTABAN RIQUÍSIMOS!!!!

ATA A PRÓXIMA!!!